Konstruksi

Konstruksi iku kagiyatan yasa sarana utawa prasarana. Sajeroning babagan arsitèktur utawa tèhnik sipil, siji konstruksi uga misuwur minangka yasan utawa ékan infrastruktur ing sawiji aréa utawa lahan.

Sanajan kagiyatan konstruksi misuwur minangka siji pagawéan, nanging nyatané konstruksi iku wujud ékan kagiyatan kang dumadi saka sawatara pagawéan liya kang béda-béda.

Lumrahé kagiyatan konstruksi diawasi déning manajer proyèk, insinyur disain, utawa arsitèk proyèk. Wong-wong iki nyambutgawé ing kantor, déné pangawasan lapangan lumrahé dipasrahaké marang para mandhor proyèk kang ngawasi buruh yasan, tukang kayu, lan ahli yasan liyané kanggo ngrampungaké kanthi fisik siji konstruksi.

Sajeroning prosès konstruksi lumrahé dianakaké perencanaan terpadu. Bab iki kagandhèng karo métodhe nemtokaké gedhéné béya kang diperlokaké, rancang-bangun, lan èfèk liya kang bakal kadadéan wektu pagawéan konstruksi. Sawijinig jadwal perencanaan kang apik bakal nemtokaké sukses orané sawiji pangyasa kagandhèng marang pendanaan, dampak lingkungan, kaamanan lingkungan konstruksi, kacumawisan material yasan, logistik, gangguan publik kanthi anané pagawéan konstruksi, persiapan dhokumèn dan tender, lan sapanunggalané.

Sky scraper construction
Sawijining konstruksi gedhong pencakar langit

Tipe-jinis proyèk konstruksi

Prefabricated house construction
Konstruksi omah préfab (prefabricated home)

Lumrahé, ana telung jinis konstruksi, ya iku:

  1. Konstruksi yasan
  2. Konstruksi sipil/abot (Heavy / civil construction)
  3. Konstruksi Industrial

Saben jinis proyèk konstruksi mbutuhaké tim kang unik kanggo gawé rencana, design, yasa lan miara proyèk.

Konstruksi yasan

Konstruksi yasan iku prosès panambahan struktur marang lahan (real property) kang ana. Akèh-akèhé proyèk konstruksi yasan awujud rénovasi cilik-cilikan, kaya panambahan kamar, utawa rénovasi padusan. Sajeroning proyèk cilik-cilikan kaya iki, kang duwé properti (owner) tumindak minangka tukang, juru bayar, lan tim désain kanggo proyèké dhéwé. Sanajan mangkono, kabèh proyèk konstruksi yasan kudu ana èlemèn umum-désain, finansial, estimasi lan tetimbangan ukum. Konstruksi yasan komersial diprosès kanthi migunakaké warna-warna tatacara, kalebu èstimasi béya, palélangan, negosiasi rega, manajemen kontrak,manajemen konstruksi lan résiko, rancang bangun lan design-build bridging.

Konstruksi indhustrial

Konstruksi indhustrial, senadyanmung sébagéyan cilik saka indhustri konstruksi, minangka komponèn kang wigati. Owner saka proyèk-proyèk iki lumrahé korporasi indhustri gedhé.

Anggana, Kutai Kartanegara

Anggana iku Kacamatan ing Kabupatèn Kutai Kartanagara, Kalimantan Wétan, Indonésia. Kacamatan iki duwé asil bumi wujud: pari, kopi, mrica, karèt, sarta asil peternakan pitik lan urang. Sawetara sarana indhustri sing ana antarané: Colstorage: PT. Samarinda Cendana, Ekspor Urang: PT. Syam Surya Mandiri, Minyak Sawit Mentah: PT. Rea Kaltim, Batu Bara: PT. Kertanagara, PT. Bara Kumala, PT. Sinar Kumala Naga, Dok Kapal: PT. Area Kaltim, CV. Karya Pasifik, Konstruksi: PT. Punj Lioyd, Piber : PT. Buran Nusa Respati, Migas: PT. Medco, PT. Total Indonésia, Stok Fail: PT. Lana Harita, PT. Citra Harita Mineral

Arsitèk

Wiswakarma utawa arsitèk ya iku jinis panggawéyan kang nekuni babagan désain. Arsitèk minangka pawongan kang ahli ing bababagan ngèlmu arsitèktur, ahli rancang bangun utawa ahli lingkungan binaan.

Istilah arsitèk kerep dianggep kanthi cethèk mung minangka perancang yasan, ya iku wong kang ngurusi perencanaan, ngrancang, lan ngawasi konstruksi yasan, kang duwé peran mandhu kaputusan kang mrebawani marang aspèk yasan mau saka sisih èstètika, budaya, utawa masalah sosial. Dhéfinisi mau kurang tepat amarga lingkup pagawéan arsitèk jembar banget, wiwit saka lingkup interior ruwangan, lingkup yasan, lingkup komplèks yasan, nganti lingkup kutha lan regional. Amarga saka iku, luwih trep migunakaké dhéfinisi arsitèk minangka ahli ing babagan ngèlmu arsitèktur, ahli rancang bangun utawa lingkungan binaan.

Beton

Ing babagan konstruksi, beton iku sawijining bahan wangunan komposit / campuran kang kagawé saka kombinasi agrégat lan pengikat semèn. Wangun paling umum saka beton ya iku beton semèn Portland, kang dumadi saka bahan kasar / agrégat (biasané krikil lan pasir), semèn lan banyu.

Lumrahe dipercaya yèn beton dadi garing sawisé pencampuran lan pamasangan. Sabeneré, beton ora dadi padhet amarga banyuné nguap, nanging semèn ngalami hidrasi, ngelèm komponèn liyané lan wusanané mbentuk material kaya watu. Beton dipigunakaké kanggo gawé nguwataké dalan, struktur wangunan, pondhasi, dalan, kreteg panyabrangan, struktur parkiran, dhasar kanggo pager/gerbang, lan semèn jroning bata utawa témbok blok. Jeneng lawas beton ya iku watu cuwèr. Jroning perkembangané akèh ditemokaké beton anyar asil modhifikasi, kaya ta beton ènthèng, beton semprot (eng: shotcrete), beton fiber, beton kakuwatan dhuwur, beton kakuwatan dhuwur banget, beton madhet dhéwé (eng: self compacted concrete) dll.

Gandhéwa

Gandhéwa utawa gendhéwa ya iku wilahan kayu utawa pring mawa sendheng dianggo nglepasake panah/jemparing, nganggo kakuwatan elastisitas saka gandhéwa iku dhéwé. Lumrahé piranti iki digunakaké kanggo bebedhag lan ana ing jaman biyèn uga dipigunakaké kanggo perang. Saliyané iku piranti iki uga minangka sarana ulah raga panahan. Desain ssaka panah kadayan déning kabudayan lan jaman nalika abrak iku digawé. Desain panah kang paling umum kang digunakaké déning bangsa bangsa ana ing jaman dhisik ya iku kayu (racaké digunakaké déning Bangsa Inggris Kuna) lan kombinasi kayu-balung (racaké digunakaké déning Bangsa Asia Kuna). Ing jaman saiki bahan kanggo gawé gandhéwa ya iku modifikasi saka bahan plastik, karbon, material sintetik utawa bahan campuran. Wong kang nganggo panah dijenengi pemanah.

Masjid Sultan Suriansyah

Masjid Sultan Suriansyah utawi Masjid Kuin inggih punika masjid bersejarah ingkang kalebet masjid paling sepuh wonten ing Kalimantan Kidul. Masjid punika dipunyasa ing mangsa pamaréntahan Sultan Suriansyah (1526-1550), raja Banjar kapisan ingkang ngrasuk agama Islam.

Masjid Kuin punika kalebet salah satunggalipun saking tiga masjid paling sepuh ingkang wonten ing Banjarmasin ing mangsa pamaréntahan Mufti Jamaluddin (Mufti Banjarmasin), masjid ingkang sanèsipun inggih punika Masjid Gedhé (Masjid Jami) lan Masjid Basirih.

Wujud arsitekturipun kados konstruksi panggung lan dhuwuré tumpang, ingkang kalebet masjid ingkang wujudipun tradhisional Banjar. Masjid ingkang wujud tradhisional Banjar punika wonten ing pérangan mihrab gadhah atap piyambak lan pisah kaliyan yasan induk. Masjid punika dipundamel wonten ing pinggir lepen Lepen Kuin.

Papan Anggegana Internasional Kertajati

Papan Anggegana Internasional Kertajati utawa misuwur minangka Papan Anggegana Internasional Jawa Kulon ya iku papan anggegana kang dibangun ing Kabupatèn Majalengka, Jawa Kulon, Indonésia kang ambané 5000 ha ning ing wektu pisanan mung digunakaké 646 ha.Papan anggegana iki béda karo Papan anggegana internasional Ketapang, Karawang, kang arep dibangun taun 2015 minangka panjangkep Papan Anggegana Soekarno-Hatta. Papan anggegana Majalengka mapan ing Kabupatèn Majalengka, kurang luwih 100 kilomèter ing sisih wétan Bandung. Papan anggegana iki dibangun kanggo ngganteni Papan anggegana Husein Sastranagara ing Bandung, nanging uga nglayani saka Cirebon.

Proyek iki ngentèkaké Rp 25,4 triliun. Per Fèbruari 2011, konstruksi durung diwiwiti, nanging wis nyawisake 1.800 hektar kanggo bangun papan anggegana, lan 500 hektar wis cumepak kanggo yasa papan anggegana. Dalan tol kang dadi dalan kang tumuju papan anggegana uga wiwit dibangun.

Politeknik Negeri Malang

Politèknik Negeri Malang (dicekak Polinema), iku pawiyatan luhur (perguruan tinggi) vokasi kang dumunung ing kutha Malang, Jawa Wétan. Polinema iku institusi pendhidhikan kang nawakaké manéka program studi ing babagan rekayasa lan jasa. Wektu iki Polinema duwé 6 jurusan lan 17 program studi kanthi program diploma 3 lan diploma 4. Politèknik Negeri Malang, wiwitané wujud Program Pendhidhikan Diploma Babagan Tèknik, Universitas Brawijaya, dibukak dhedhasar Layang Kaputusan Dirjen DIKTI, MENDIKBUD No. 03/DJ/Kep/1979, diadegaké déning Pamaréntah Indonésia liwat dana Bank Donya kanthi Tenaga Ahli saka Swiss. Ing taun 1982, Susunan Organisasiné ditata liwat Kaputusan Présidhèn Républik Indonésia No. 59 Taun 1982, kanthi jeneng Fakultas Non Gelar Tèknologi, Universitas Brawijaya lan wiwit nampa mahasiswa angkatan I ing 4 (patang) jurusan, ya iku Jurusan Tèknik Èlèktronika, Jurusan Tèknik Listrik, Jurusan Tèknik Mesin, lan Jurusan Tèknik Sipil.

Ing taun 1986 dibukak Jurusan Tèknik Télékomunikasi, Jurusan Akuntansi, lan Jurusan Administrasi Niaga. Jurusan Akuntansi lan Jurusan Administrasi Niaga olèh bantuan saka The Australian Project kanthi Tenaga Ahli saka Australia. Sabanjuré ing taun 1987 dibukak Jurusan Teknik Kimia.

Liwat Layang Kaputusan MENDIKBUD No. 0313/O/1991 bab Panatan Politeknik sajeroning lingkungan Universitas lan Institut Negeri, Politèknik Malang dikukuhaké minangka institusi kang ana ing lingkungan Universitas Brawijaya lan nganggo jeneng Politèknik Universitas Brawijaya kang nyelenggarakaké program pendhidhikan Diploma III (D-III) kanthi 6 (enem) Jurusan:

Jurusan Teknik Sipil, Program Studi Konstruksi Gedung lan Program Studi Konstruksi Sipil;

Jurusan Teknik Mesin, Program Studi Teknik Mesin;

Jurusan Teknik Elektro, Program Studi Teknik Listrik, Program Studi Teknik Elektronika, lan Program Studi Teknik Telekomunikasi;

Jurusan Teknik Kimia, Program Studi Teknik Kimia;

Jurusan Akuntansi, Program Studi Akuntansi;

Jurusan Administrasi Niaga, Program Studi Kesekretariatan lan Administrasi Perkantoran.Sabanjuré miturut Layang Kaputusan MENDIKNAS No. 147/O/2004, Politeknik Universitas Brawijaya wis olèh status kemandirian kanthi jeneng Politèknik Negeri Malang (POLINEMA).

Politeknik Perkapalan Negeri Surabaya

Politeknik Perkapalan Negeri Surabaya, iku paguron dhuwur nagari sing dumunung ing Kutha Surabaya, Provinsi Jawa Wétan, Indonésia. Wiwit madeg ing taun 1987, PPNS ITS minangka siji-sijiné politèknik nagari ing babagan pendhidhikan vokasional perkapalan lan orientasi marang manufaktur bahari.

Politèknik Negri Jakarta

Politèknik Negri Jakarta, iku pendhidhikan dhuwur nagari kang dumunung ing Dhépok, Jawa Kulon, Indonésia. Politèknik Negri Jakarta (PNJ) minangka lembaga pendhidhikan dhuwur Diploma III kang diadegaké kanggo ngebaki kabutuhan SDM profèsional ing indhustri, wujud indhustri jasa lan indhustri manufaktur.

Politèknik Negri Manado

Politèknik Negri Manado iku paguron dhuwur negri sing dumunung ing Kutha Manado, Sulawesi Lor, Indonésia.

Program studi ana 14 (empat belas) program studi ya iku :

Jurusan Teknik Sipil :Teknik Sipil (D3), Konstruksi Wangunan (D4)

Jurusan Teknik Elektro : Teknik Informatika (D4), Teknik Komputer (D3), Teknik Listrik (D3 & D4)

Jurusan Teknik Mesin : Teknik Mesin (D3)

Jurusan Akuntansi : Perpajakan (D4), Akuntansi (D3)

Jurusan Administrasi Bisnis : Administrasi Bisnis (D3), Manajemen Bisnis (D4)

Jurusan Pariwisata : Perhotèlan (D3),Usaha Perjalanan Wisata (D3), Ekowisata Bawah Laut (D3)

Politèknik Negri Semarang

Politeknik Negeri Semarang (Basa Inggris: Semarang State Polytechnic),ya iku parguruan dhuwur nagari kang dumunung ana ing tlatah kutha Semarang, Provinsi Jawa Tengah, Indonésia.

Rabat

Rabat, populasi 1,2 yuta jiwa (taun 2005), iku kutha krajan Maroko. Kutha iki dumunung ing Samodra Atlantik ing sungapan Kali Bou Regreg ing koordinat 34°02' LU 6°51' BB.

Endepan blethok wis njalari peranan kutha iki minangka pelabuhan tansaya suda. Sanadyan mangkono, Rabat lan kutha ing sacedhaké Salé isih duwé indhustri-indhustri tèkstil, pemrosesan panganan lan konstruksi kang isih cukup wigati.

Saliyané iku, pariwisata lan anané kadhutaan besar ing Maroko nggawé kutha ini paling wigati kaloro sawisé Casablanca.

Robotika

Robotika ya iku cawang teknologi kang gegayutan karo désain, konstruksi, operasi, disposisi struktural, prodhuksi, lan aplikasi saka robot. Robotika kakait karo ngèlmu kawruh babagan elektronika, mesin, mekanika, lan perangkat lunak komputer.

Stadion Mbombela

Stadion Mbombela iku stadion mawa kapasitas 45.000 kursi sing dibangun minangka salah siji saka sepuluh venue kanggo Piala Donya FIFA 2010. Stadion iki dumunung nenem kilomèter sakuloné kutha Nelspruit. Konstruksi diwiwiti Fèbruari 2007 lan rampung tengahan taun 2009. Stadion iki dijuluki Stadion Jerapah.

Tokyo

Tokyo (東京; Tōkyō, harafiah: ibukitha wétan) punika ibukitha Jepang sisan tlatah ingkang paling padhet ing Jepang, sarta laladan metropolitan paling ageng ing donya dipuntingal saking cacah padunungipun (33.750.000 ing kitha lan tlatah saubengipun).

Watawis 12 yuta kang ndunungi manggèn ing Tokyo lan atusan èwon sanèsipun wongsal-wangsul saben dinten saking tlatah saubengipun kanggé nyambut damel utawi dagang ing Tokyo. Tokyo punika punjer pulitik, ékonomi, budaya lan akademis ing Jepang sarta panggénan pura kaisar Jepang lan kursi pamaréntahan nagari, sisan minangka punjer bisnis lan finansial utami tlatah Asia Wétan.

Tokyo gadhah sakedhik gedhong pencakar langit tinimbang kitha sanès ingkang saukuran, amargi wontenipun tatacara konstruksi lindhu. Wangunan di Tokyo kathahipun wujud apartemen tingkat andhap (6 ngantos 10 lantai) lan griya kulawarga ingkang alit. Tokyo ugi minangka lokasi sistem transportasi massal ingkang paling kompleks sadonya, lan misuwur déning jam-jam sibukipun ingkang padhet.

Tokyo kanthi harafiah tegesipun "ibukitha wétan" wonten ing basa Jepang, kosok balèn kaliyan ibukitha lami ingkang wonten ing kilèn, Kyoto, ingkang dipunnamikaken "saikyo", utawi "ibukitha kilèn" ing abad ke-19. Ngantos taun 1870-an, Tokyo dipunwastani "Edo". Nalika punjer kamaharajan pindhah saking Kyoto dhateng Edo, naminipun lajeng dipun-gantos.

Tèknik sipil

Tèknik sipil iku salah siji cabang ngèlmu tèhnik sing nyinaoni cara ngrancang, yasa, rénovasi ora mung gedhong lan infrastruktur, nanging uga nyakup lingkungan kanggo kamaslahatan urip manungsa.

Tèknik sipil duwé ruwang lingkup sing jembar, ing jeroné ana kawruh matématika, fisika, kimia, biologi, géologi, lingkungan nganti komputer. Tèknik sipil dikembangaké sairing karo tingkat kabutuhan manungsa lan solahbawané, saéngga bisa diarani yèn ngèlmu iki bisa ngowahi siji alas dadi kutha gedhé.

Waja

Waja inggih punika logam campuran wesi lan karbon. Bahan ingkang kanggé damel baja inggih punika wiji wesi. Bahanipun waja meh sadaya sami homogenitasipunhomogenitasipun, saking unsur Fe ingkang wujudipun kristal lan unsur C.

Wewangunan

Wewangunan utawa yasan lumrahé wujud omah, gedhong utawa sarana, prasarana utawa infrastruktur sajeroning kabudayan utawa kauripan manungsa kaya déné kreteg lan konstruksi sarta rancangané, dalan, utawa sarana telekomunikasi.

Éropah Wétan

Éropah Wétan kanthi géografis ya iku tlatah ing pérangan wétan bawana Éropah. Lumrahé kawasan iki dumunung antarané pagunungan Ural lan Kaukasus sarta tapel wates Ruslan kulon, utawa kanthi alternatif uga nyakup nagara-nagara kang cedhak karo tapel wates Ruslan kulon. Kayadéné bawana, siji wewengkon mung wujud konstruksi sosial saéngga aja dipadhakaké karo aspèk fisik kang dhedhasar kriteria abstrak lan nétral.

Bidhang utama tèknologi
Bidhang
Komponen
Skala
Sejarah
Teori lan konsep
Lainnya

Ing basa liyané

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.