Barok

Barok ya iku salah sawijiné gaya ing babagan seni.[1] Ora mung ing seni rupa, nanging uga ana ing seni musik.[1] Wektu saka kira-kira taun 1600-1750 ing jero sajarah musik ya iku salah siji epoche kang wutuh kang sinebut Barok utawa jaman basso continuo utawa jaman stilo concertante.[1] Istilah Barok kang sapisan dienggo dadi jeneng gaya kesenian ing buku Encyclopédie karangan Denis Diderot ing taun 1750 lan diartèkna miturut tembung Portugis barucco utawa barocco dadi bulat miring utawa lonjong, kira-kita wujudké mutiara.[1]

Bach
Bach. Komponis

Wates wektu

Lumrahe, Barok dibedakna dadi 3 tahap:[1]
Barok awal : Kira-kira 1580-1630[1]
Barok tengah : kira-kira 1630-1680[1]
Barok akir : kira-kira 1680-1750[1]

Rasa lan pikiran wong barok

Pangrasa lan pikiran wong Barok ora namung ngeti awaké dhéwé saka citra Tuhan, kang dadi pedoman lan ukuran kaéndahan.[2] Dhèwèké uga miwiti merhatèkna pangrasané lan imajinasiné.[2] Wong Barok ngusahani nambah kesan mewah lan luwih-luwih, dhèwèké ora rasa-rasa kanggo ngeluasna wates realita urip karo kayalan-kayalan kang fantastis.[2]

Prosès kreasi

Para seniman Barok ora namung nirokaké alam kaya para seniman Renaissance, nanging dhèwèké makarya kanthi kreatif.[3] Prosès iki, kadang kaya-kaya nglawan alam.[3] Tuladhané, yèn ing alam kaya utan lan rawa dibangun pura karo kebon kang disusun kanthi geometris-matematis.[3] Mangkono uga para sastrawan nyiptaaké karya sastra kang teratur lan buku kang duwé ngèlmu dhuwur.[3] Para pemusik nganggep awaké dhéwé musicus poetius utawa komponis kang nyipatakna karya (opus) kanggo nama.[3]

Dhasar kesenian barok

Gaya Barok éntuk titik pangkal ing Italia, taun 1568 ing Roma dibangun gréja II Gesu.[4] Musik Barok kaya ta Suita, Variasi, Passacaglia, Fuga, lsp nyerminaké sikap dhasar kaya iki : musik cukup urip, duwé pola variasi, nanging ora pinuju ing siji titk tujuan, kaya ing wujud sonata klasik[4] Ing musik Barok ora dilukisna pangrasa kang dilakoni dhéwé.[4] Pangrasa lan émosi uga ditingkataké ing gaya kang ora jarang duwé sipat kaku.[4]

Musik akasa lan klasifikasi musik

Musik akasa

Ing jaman Barok, bali jinunjung dhuwur téyori Pythagoras ngenani musik akasa.[5] Ing Abad pertengahan bayangna antik ngenani musik akasa iki wis didhuwurna dadi musica coelestis (pujian alam raya marang Gusti) sarta musica angelica (pujian marang Gusti saka para malaékat ing swarga).[5]

Klasifikasi musik

Ing jaman Barok isih migunakna istilah klasifikasi musik kang diajar déning Boethius:[5]

  • Musica mundana[5]
  • Musica human[5]
  • Musica instrumentalis[5]
  • Musica plana[5]
  • Musica mensurabilis[5]

Cathetan suku

  1. a b c d e f g h Prier, Karl-Edmund. 1993. Sajarah Musik Jilid 1. Jogjakarta: Pusat Musik Liturgi. Hal : 7.
  2. a b c Prier, Karl-Edmund. 1993. Sajarah Musik Jilid 1. Jogjakarta: Pusat Musik Liturgi. Hal : 8.
  3. a b c d e Prier, Karl-Edmund. 1993. Sajarah Musik Jilid 1. Jogjakarta: Pusat Musik Liturgi. Hal : 9.
  4. a b c d Prier, Karl-Edmund. 1993. Sajarah Musik Jilid 1. Jogjakarta: Pusat Musik Liturgi. Hal : 10.
  5. a b c d e f g h Prier, Karl-Edmund. 1993. Sajarah Musik Jilid 1. Jogjakarta: Pusat Musik Liturgi. Hal : 11.
4 Maret

4 Maret punika dinten ingkang kaping 63 utawi 64 ing taun wuntu miturut Kalèndher Grégorius.

Belvedere, Vienna

Belvedere iku kumpulan yasan kang nagndut sajarah ing Wina, Austria, kapengkar déning loro wangun pura Barok Belvedere Ndhuwur lan Ngisor, Orangery,uga Stables Pura. Wangunan-yasan ditata déning lanskap taman Baroque ing distrik ka-3 kutha, Kidul-Wétan pusat. Minangka dikukuhaké déning gradien uga kagolong banyu muncrat (air mancur) kanthi ornamen dekoratif lan cascades, patung Baroque, uga pager wesi kang apik.Pura Baroque sakiteré di bangun kanggo pangonan utawa omah ing mangsa panas déning Pangeran Eugene saka Savoy. Belvedere diyasa wiwit mangsa konstruksi kang jembar ing Wina, minangka wektu iku kutha krajan kekaisan lan omah kuasai déning kang kuasa.

Berliner Stadtschloss

Berliner Stadtschloss (pocapané ing basa Jerman [bɛʁˈliːnɐ ˈʃtatʃlɔs]), yèn dipertal ing cara Jawa dadi Puri Kutha Berlin utawa Kastil Kutha Berlin (Inggris Berlin City Palace), iku sawijining yasan gedhé dominan sing tau ana ing tengahé Kutha Berlin. Kastil iki ya iku puri dalemé Wangsa Hohenzollern lan wiwité diyasa ing taun 1442 déning dhawuhé Adipati lan Raja Pamilih (Kurfürst) saka Brandenburg ing Pulo Spree ing Cölln lawas, sing saiki dunungé ana ing tlatah Berlin-Mitte. Kastil iki wiwit taun 1702 diwènèhi paésan barok lan dadi dalem kedhaton Raja Prusia lan wiwit taun 1871 Kaisar Jerman. Déné dinding muka lan ruangan jero sing didésain déning Andreas Schlüter, kastil iki dadi karya utama barok Jerman lor. Wiwit jaman Republik Weimar, kastil iki dienggo museum Kunstgewerbemuseum Berlin lan lembaga liyané. Ing pakarangan jero sing diarani Schlüterhof, kerep dianakaké konsèr.

Nalika Perang Donya II, kastil iki rusak kena bom lan ing taun 1950, Partai Sosialis Manunggal Jerman (SED) nalika Konggrès III mutusaké nggempur kastil iki kanggo nggawé lapangan Marx-Engels-Platz. Sawisé iku, punjul 20 taun, diyasa gedhong Palast der Republik ("Kedhaton Republik") ing taun 1973, dunungé parlemèn Jerman Wétan. Gedhong Palast der Republik ndarbèbi gagrag modèrnis. Pérangan-péranganing sawijining gapura utawa portal Kastil Kutha Berlin banjur ditrapaké kanggo lawang gedhong Rad Nagara (Staatsratgebäude).

Sawisé pamaréntah kuminis lèngsèr ing taun 1989-1990 lan Jerman Kulon saha Wétan manunggal malih, pamaréntah sing anyar mutusaké nggempur gedhong Palast der Republik lan prakara iki linaksanan ing taun 2006. Sawisé iku wiwit taun 2013, Kastil Kutha Berlin diyasa manèh.

Mawa rekonstruksi dinding muka lan pérangan-pérangan gedhong Berliner Stadtschloss iki, sawijining gedhong anyar diyasa, kalebu volume isiné. Olèhé yasa ana ing papan sing padha wiwit 12 Juni 2013. Pambangunan ulang iki mawa dhuwit sumbangan. Sawisé Berliner Stadtschloss diyasa ulang, gedhong iki karepé ing tembé bakal dadi situs panggonané Humboldtforum (diarepaké ing Fèbruari 2019). Olèhé diresmèkaké direncanakaké ing tanggal 14 September 2019. Kastil Kutha Berlin iki bakal dadi papané pamèran kolèksi njaba Éropah lan sapanjuré saha papan event-event sing dianakaké Berliner Museumsinsel. Ing 12 Juni 2015 acara pengatapan nalika atep gedhong wis rampung, dianakaké. Humboldt-Box sing sauntara iki ana ing ngarepé gedhong, dadi punjer informasi proyèk pambangunan ulang Berliner Stadtschloss.

Caravaggio

Michelangelo Merisi da Caravaggio (28 September 1571 – 18 Juli 1610) iku sawijining seniman Italia. Dhèwèké makarya ana Roma, Napoli, Malta lan Sisilia ing antarané taun 1593 lan 1610. Dhèwèké sawijining pelukis sing nganggo gagrag Barok. Dhèwèké iku minangka pelukis pratama sing bisa nglukis nganggo gagrag Barok kanthi apik banget.

Nalika Caravaggio isih urip, dhèwèké kerep dadi guneman. Sawenèh wong péngin ngerti apa sing ditindakaké dhèwèké, kaya apa kauripané, lan dhèwèké uga dianggep wong sing ngremenaké. Nanging uga ana sawenèh wong sing nganggep yèn dhèwèké wong sing anèh lan ora apik. Caravaggio wiwit dadi pelukis sing misuwur ing Roma ing taun 1600. Akèh wong sing wènèh dhuwit marang dhèwèké saperlu digawèkaké lukisan, nanging dhuwité kabèh dientèkaké lan dhèwèké uga kadang-kadang kena prakara. Ing taun 1604 ana sing nulis cathethan ngenani dhèwèké sing nyritakaké yèn dhèwèké wong sing gendhila lan ora apik. Cathetan iki nyritakaké dhèwèké nalika isih urip, ing 1601:

Ing taun 1606 dhèwèké matèni wong nalika lagi kerahan. Dhèwèké nuli minggat saka Roma amarga wong-wong sing kasil nyekel dhèwèké bakal diwènèhi dhuwit. Ing Malta ing taun 1608 dhèwèké gelut manèh. Ing Napoli, ing taun 1609, dhèwèké uga gelut manèh nanging gelut sing iki ayaké diwiwiti karo wong-wong sing ora seneng dhèwèké lan njajal merjaya dhèwèké. Sawisé dhèwèké nglukis nganti pirang-pirang taun, dhèwèké nemahi patiné ing taun 1610.

Gréja-gréja anyar sing gedhem lan uga astana ing Roma lagi diyasa ing pungkasaning taun 1500-an lan wiwitaning taun 1600-an. Gréja-gréja iki mbutuhaké lukisan-lukisan kanggo dicanthèlaké ing témbok. Reformasi Katulik saka gréja Katulik nduwé pepénginan kanggo nggolék pelukis sing bisa nglukis lukisan sing éndah bab Gusti, supaya bisa narik kawigatèné wong-wong. Wong-wong kuwi bakal mikir yèn Protestanisme iku ora éndah lan mboseni. Saéngga gréja Katulik mbutuhaké gagrag seni anyar, amarga Manerisme uwis dadi gargar seni sing paling misuwur sasuwéné 100 taun, lan saiki dadi mboseni. Lukisan-lukisané Caravaggio anyar lan bedaa saka Manerisme. Dhèwèké nglukis nganggo gagrag sing diarani naturalisme, ya iku nglukis samubarang kaya apa anané. Dhèwèké nglukis lukisan potrèké wong-wong saéngga citrané katon kaya kasunyatan. Caravaggio uga nggawé lukisané katon ngrangsangi kanthi nglukis bayangan-bayangan peteng sing akèh lan diwènèhi sinar sing banget padhangé (lumrahé diarani chiaroscuro).

Nalika dhèwèké isih urip lan kondhang, akèh seniman sing péngin bisa nglukis kaya dhèwèké. Nanging sawisé dhèwèké tinggal donya, dhèwèké bebarengan karo lukisan-lukisané dilalèkaké. Mataun-taun sawisé, ing taun 1900-an, wong-wong wiwit nggatèkaké karyané dhèwèké manèh lan sadhar yèn Caravaggio minangka wong sing gatèn. Wong-wong ngerti yèn akèh seniman sing njajal nglukis kaya dhèwèké, lan amarga akèh seniman sing uwis weruh karya-karyané, para seniman iki uga nglukis nganggo gagrag Barok. Gagrag Barok nuli dadi misuwur nganti atusan taun.

Andre Berne-Joffroy, sékertarisé Paul Valéry, mratèlaké yèn: "Apa sing kawitan ana ing karyané Caravaggio iku, wantahé, lukisan moderen."

Elizabeth saking Rusia

Yelizaveta (Yelisavet) Petrovna (Basa Rusia: Елизаве́та (Елисаве́т) Петро́вна) (29 Dhésèmber 1709 – 5 Januari 1762), utawi Elizabeth saking Rusia, punika ratu Rusia (1741 – 1762) ingkang ngasta negarinipun wonten ing salebeting Perang Pewaris Austria (1740 – 1748) lan Perang Pitung Taun (1756 – 1763). Pulitik lebet-negarinipun ngidinaken para bangsawan dados dominan ing pamaréntahan lokal kanthi nyendhakaken mangsa pelayanan dhumateng nagari. Panjenenganipun nyurung madegipun Universitas Moskwa déning Mikhail Lomonosov lan madegipun Akademi Seni Imperial déning Ivan Shuvalov ing St. Petersburg. Panjenenganipun ugi nelasaken artos kathah kanggé proyèk agung barok saking arsitek favoritipun, Bartolomeo Rastrelli, mliginipun ing Peterhof lan Tsarskoye Selo. Kedhaton Mangsa Asrep lan Katedral Smolny minangka patilasan utami saking mangsa pamaréntahanipun ing St. Petersburg. Ratu Elizabeth minangka salah satunggilipun monarki Rusia ingkang paling dipuntresnani déning rakyatipun amargi boten ngidinaken tiyang Jerman mengku jabatan wonten ing salebeting pamaréntahan lan boten wonten satunggal kémawon tiyang ingkang dipunpatrapi ukum pati ing mangsa kakuwasanipun.

Gdańsk

Gdańsk (Jerman Danzig) iku kutha ing Polen. Kutha iki kang ndunungi 459.072 jiwa, sarta kalebu kutha gedhé dhéwé kaping papat ing Polen. Kutha iki palabuhan utama Polen lan uga kutha krajan Provinsi Pomerania. Kutha iki cedhak karo manten wates antara budaya Jermanik Kulon lan Slavik. Gdańsk kala-kala dadi kutha Polen saha Jerman. Malahan kutha iki naté dadi kutha bébas. Wiwit taun 1945, kutha iki dadi péranganing nagara Polen.

Kutha iki papané ana ing sisih kidul Lempongan Gdańsk (saka Segara Baltik), ing sawijining konurbasi mawa kutha palèrèhan Sopot, Gdynia lan komunitas satelit liyané kang diarani 'kutha telu' (Trójmiasto), mawa kang ndunungi punjul 800.000 jiwa. Gdańsk dhéwé kang ndunungi ana 455.830 jiwa (Juni 2009), mulané kutha iki kang gedhé dhéwé ing tlata Pomerania ing Polen lor.

Gréja Blendhuk

Gréja Blendhuk iku salah sijiné gréja kang duwé gaya arsitèk yasan neo-klasik. Gréja iki kalebu tetengeré Kota Lama Semarang. Lokasiné frontal ing dalan Suari kang mbiyén karan dalan Basa Walanda:Kerk Straat (dalan gréja). Gréja iki wujud Gréja Kristen tuwa dhéwé ing Jawa Tengah kang dibangun déning masarakat Walanda kang manggon ing Semarang ing taun 1753, kanthi wangun hèksagonal (pesagi wolu). Gréja iki sajatiné duwé jeneng Gréja Immanuel, kang dumunung ing Dl. Letjend. Suprapto 32. Kubahé gedhé, dilapisi prunggu, lan ing sajeroné ana sawijining orgel Barok. Arsitèktur ing jero digawé dhedhasar wujud salib Yunani. Gréja iki dirénovasi taun 1894 déning W. Westmaas lan H.P.A. de Wilde, kang nambahaké loro menara ing sisih ngarep gedhong gréja iki. Jeneng Blendhuk iku jejuluk saka masarakat saenggon kang tegesé wangun kubah kang mblendhuk. Gréja iki nganti saiki isih dipigunakaké ngibadah saben dina Minggu. Ing saubengé gréja iki uga ana sawatara yasan liya saka jaman kolonial Walanda.

Génré musik

Genre musik utawa ilèn musik, iku panglompokan musik miturut kamèmperan siji lan sijiné. Musik uga bisa diklompokaké miturut kriteria liya, upamané miturut géografi. Sawijining génré bisa didhefinisèkaké déning tèhnik musik, gaya, kontèks, lan téma musik.

Hiroshima Peace Memorial

Monumen Bedhamèn Hiroshima utawi ingkang misuwur minangka Genbaku Dome (原爆ドーム, Genbaku Dome?) (Atomic Bomb Dome) inggih punika minangka yasan monumen ingkang dumunung ing pusat kutha Hiroshima, Prefektur Hiroshima, Jepang. Monumen ingkang awujud sapérangan gedung ingkang kasisa akibat jeblugan bom atom minangka salah satunggaling Situs Warisan Donya UNESCO wiwit taun 1996. Monumen minangka simbol pangareping umat manungsa saperlu perdamaian ing donya lan ngilangaken senjata nuklir.

Kadhaton Windsor

Kadhaton Windsor punika astana abad tengahan lan dalemipun Karajan Britania Raya kanthi resmi ingkang mapan wonten ing Windsor, Berkshire, Inggris. Astana punika kawéntar awit saking asosiasi jangka dangu kaliyan kulawarga karajan Inggris lan ugi awit saking arsitèktur ingkang megah. Astana ingkang asli dipunyasa sasampunipun invansi Norman déning William Sang Penakluk. Nalika masa pamaréntahan Henry I, pura punika dipun-ginakaken kanggé dalem kulawarga Karajan Inggris lan dados pura paling dangu ingkang dipunnggèni ing Éropah.

Arsitèktur kastil ingkang megah punika dipungambaraken déning sejarawan seni Hugh Roberts minangka Arsitektur luar biyasa ingkang boten ketandingan ing Eopa . Wangunan astana kalebet Kapel St George ingkang dipunyasa nalika abad kaping 15. Langkung saking gangsal atus tiyang ingkang mapan lan nyambut damel ing Windsor saéngga ndadosaken astana kuna ingkang dinggèni paling ageng ing donya.

Ing wiwitanipun, astana punika karancang kanggé nglindungi dominasi Norman saking sakiwa-tengené pinggiraning kutha London. Kajawi punika kanggé ngawasi pérangan strategis ingkang wigati ing Kali Thames. Kanthi bertahap struktur yasan banjur dipun-gantos kanthi bètèng watu. Bèntèng punika tahan nalika pangepungan ingkang dangu nalika Perang Baron I ing wiwitan abad kaping 13. Henry III banjur yasa astana ingkang mewah ing dalem kastil nalika abad tengahan. Edward III ugi ngembangaken astana dados langkung megah, ingkang pembanungan kala punika dipunwastani dados proyek yasan ingkang paling awis ing Abad Tengahan ing Inggris. Nalika ing periode Tudor, Henry VIII lan Elizabeth I ningkataken pangginaan kastil minangka astana resmi karajan lan pusating hiburan diplomatik.

Astana Windsor saged slamet saking periodé ingkang kebak kaliyan gejolak nalika Perang Saudara Inggris. Bèntèng punika kaginakaken minangka markas militèr kanggé wadyabala Parlemen lan kunjara kanggé Charles I. Nalika ing era Restorasi, Charles II nata malih Astana Windsor kanthi pambiyantu saking arsitek Hugh May, nyipta satunggal kompleks yasan megah lan interior Barok ingkang taksih jumeneng dumugi sapunika.

Ing abad kaping 18, George III lan George IV ngrenovasi lan yasa malih yasan astana Charles II kanthi béaya ingkang ageng. Asilipun desain ingkang sapunika dados apartemen nagara kanthi Gaya Rococo, Gotik, lan Barok. Ratu Victoria damel éwah-éwahan alit ing astana kanthi ndadosaken pusat hiburan karajan nalika masa pamaréntahanipun. Astana Windsor kaginakaken kanggé papan berlindung kanggé kulawarga karajan nalika wonten pangeboman Jerman Nazi dhateng London ing Perang Dunia II lan slamet saking kobongan ageng taun 1992. Sapunika astana punika dados atraksi wisata ingkang kawentar ing Inggris, papan kanggé njamu kunjungan kanagaran, lan papan kanggé liburan ingkang dipunremeni déning Ratu.

Kutha Semarang

Kanggo artikel ngenani Kabupatèn Semarang, pirsani Kabupatèn SemarangKutha Semarang (Jawa: ꦑꦸꦛꦯꦼꦩꦫꦁ) iku kutha krajan Provinsi Jawa Tengah uga kutha gedhé dhéwé ing provinsi iki. Ing Indonésia Kutha Semarang dadi kutha nomer lima kanthi Padunung kang wis tekan 2.067.254 cacah jiwa, mung kalah karo Jakarta, Surabaya, Bandung, lan Medan. Kutha iki dumunung watara 466 km sisih wétan Jakarta, utawa 312 km sisih kuloné Surabaya lan 624 km sisih kidul-kuloné kutha Banjarmasin (via udara). Semarang wewatesan ing sisih lor karo Segara Jawa, ing sisih wétan karo Kabupatèn Demak, ing sisih kidul karo Kabupatèn Semarang lan ing sisih kulon karo Kabupatèn Kendhal.

Las Meninas

Las Meninas (diucapkan [laz meˈninas]; basa Sepanyol ateges Para Wanita Sing Lagi Ngentèni) ya iku lukisan taun 1656 sing ditontonaké ing Museo del Prado ing Madrid. Lukisan iki karyané Diego Velázquez, seniman sing misuwur nalika Jaman Emas Sepanyol. Ciptaning lukisané sing njlimet tur mbingungi njalari tuwuhing pamikir bab kasunyatan lan ilusi, lan njalari tuwuhing rasa nggayut sing ora temtu antara pamiarsa lukisan lan wong-wong sing digambaraké. Jalaran iku, Las Meninas dadi salah siji lukisan sing paling kerep ditlitèni ngenani seni lukis Kulonan.

Lukisan kuwi nggambaraké sawijining ruang sing jembar ing Royal Alcazar ing Madrid nalika jumenengé Ratu Philip IV saka Spanyol, lan ngonjukaké sawenèh citra, sing paling bisa dititèni lan kagambar ing lukisan kuwi ya iku saka praja Spanyol, sing miturut sawenèh juru tanggep, kuwi sawijining kaanan kusus kaya ing potrèk. Saweneh paraga sajeroning lukisan kuwi nyawang sanjabané kanvas, déné sing liyané padha guneman. Paraga Margaret Theresa saka Spanyol diubengi karo sakelompok maids of honour, chaperone, anggaraksa, wong cebol cacah loro, lan asu. Ing mburiné, Velázquez nggambaraké dhèwèké lagi nglukis ana ing kanvas sing jembar. Velázquez nyawang metu, marang pamiarsa. Ing latar mburi awak pérangan ndhuwuré ratu lan praméswariné kawayang ing kaca pangilon. Dhèwèké kétok kaya ana ing sajabané lukisan kuwi kaya-kaya nunggal panggon karo pamiarsa, masiya sawenèh sujana nduwé pamikiran yèn gegambaran kuwi minangka wewayangan saka lukisan sing lagi digawé Velásquez.

Las Meninas uwis kawéntar minangka salah sijiné lukisan sing paling wigati ing gagrag lukis Kulonan. Sawijining citrakara gagrag Barok, Luca Giordano mratélaké yèn lukisan kuwi nglambangaké "teologining lukisan" lan ing 1827, presidhening Akademi Seni Radya, Sir Thomas Lawrence, nggambaraké lukisan kuwi ing layang kanggoné panggantiné dhèwèké, David Wilkie minangka "filosofining seni". Sing paling akir-akir, lukisan iku uga digambaraké minangka "Panggayuhé Velázquez sing paling mrabawani, ya iku demonstrasining lukisan sing ngrumangsani, lan patut diecami. Uga bokmenawa tanggepan tumrap karyané minangka sing paling digoleki ing jagading lukisan kanvas".

Musiyum Fatahillah

Musiyum Fatahillah uga dikenal minangka Musiyum Sajarah Jakarta utawa Musiyum Batavia iku musiyum kang ana ing Dalan Taman Fatahillah No. 2, Jakarta Kulon kanthi wiyar punjul 1.300 mèter pasagi.

Pangeran Eugene saking Savoia

Pangeran Eugene saking Savoia (François Eugène; 18 Oktober 1663 – 21 April 1736), minangka salah sijining komandan militèr kang paling suksès ing sajarah Éropah modern, kang munggah ing tingkat paling dhuwur nagara ing pura kraton Wina. Lair ing Paris saka kulawarga aristokrat Wangsa Savoia, Eugene urip ing kiwa-tengené pura Raja Prancis Louis XIV saking Prancis. Adedasar fisik lan sikape kang ringkih, Pangeran wiwité disiapaké kanggo makarya ing njero gréja, nanging ing umur 19 taun panjenengané mutusaké kanggo makaryo ing babagan militèr. Ditolak déning Louis XIV kanggo kerja ing wadyabala Prancis, Eugene pindah ing Austria lan pindah loyalitas menyang Wangsa Habsburg.

Ana enem dekade, Eugene nglayani 3 Kaisar Romawi Suci: Leopold I, Joseph I, lan Charles VI. Panjenengané kang kapisan ndeleng aksi nglawan Turki ing Perang Wina nalika taun 1683 lan salanjuté Perang Turki Agung, sadurungé makarya ing Perang Sangang Taun, mèlu perang bareng karo seduluré, Adipati Savoia.

Nanging, ketenaran Pangeran diamanaké kanthi kamenangan wigati nglawan Turki ing medan Perang Zenta nalika taun 1697, kang ngasilaké ketenaran ing kab Éropah. Eugene majukaké karire sasuwéné Perang Suksesi Spanyol lan panjenengané gabung karo Adipati Marlborough ngamanaké kamenangan nglawan Prancis ing medan Perang Blenheim (1704), Perang Oudenarde (1708), lan Perang Malplaquet (1709); panjenengané ngentukaké jenjang kasuksesané luwih lanjut ing perang minangka Komandan Karajan ing Italia lor, luwih-luwih ing Perang Turin (1706). nggawé rasa anyel nglawan Turki ing Perang Austro-Turki taun lan nggawé konsolidasi kanggo reputasiné kanthi kamenangan-kamenangan ing medan Perang Petrovaradin (1716), lan Pengepungan Belgrade (1717) ing Belgrade (1717).

Sasuwéné pungkasaning taun 1720 prabawa lan kauletan diplomasi Eugene wes kasil ngamanake kakuasaan Kaisar ing masalah dinastiné karo kakuasaan Bourbon; nanging ringkihe fisik lan mentalé nalika mangsa tuané nggawé panjenengané dadi kurang suksès minangka kepala komandan wadyabala ing mangsa konflik kang pungkasan, ya iku Perang Suksesi Polen. Nanging ing Austria reputasi Eugene tetep ora bisa ditandingi. Sanadyan pirang-pirang opini bedha, nanging kanggo karakter ora ana pradul masalah prestasi kang gedhé: panjenenané nulung kanggo nylametaké Karajan Habsburg saka Prancis; panjenengané mecahaké kulon lan nyurung Turki, mbebasaké Éropah Tengah sawisé seabad setengah penjajahané Turki; lan panjenengané minangka salah sijining pelindung seni paling élok kang warisan bangunané bisa dideleng tekan dina iki ing Wina. Eugene tilar donya nalika turu ing griyané tanggal 21 April 1736, yuswa 72 taun.

Pura Schönbrunn

Pura Schönbrunn (Jerman: Schloss Schönbrunn, pangucap cara Jerman: [ʃøːnˈbʁʊn]) iku tilas dalem sentana sing dienggoni nalika katiga, kapernah ing Wina, Ostenrik. Pura barok sing isiné ana 1.441 kamer iki minangka salah siji monumèn sujarah, budaya, lan arsitèktur sing ingaran wigati banget mungguh ing nagara iku. Kawit madyané dasawarsa 1950-an, yasan iki dadi papan dhemenané wisatawan. Sujarahé pura iki lan patamanané sing jembar lawasé ngancik 300 taun, minangka kaca benggala tumrap owah-gingsiring rasa, suka, lan ciptané ratu-ratuné Habsburg sing lumintu jumenengé.

Pura Topkapı

Pura Topkapı (Basa Turki: Topkapı Sarayı)

iku pura ing Istanbul, Turki, kang dadi panggonan resmi lan utama ing kutha kanggo Sultan Ottoman, wiwit taun 1465 nganti 1853. Pura iki saiki minangka panggonan acara-acara nagara lan dadi obyèk turisme. Jeneng pura iki kanthi harfiah tegesé Pura Kori Mriyem amarga pernahé cedhak gerbang mau.

Olèhé yasa wiwit ing taun 1459, saka printahé Sultan Mehmed II, kang nundhukaké lan nguwasani Byzantine Konstantinopel. Pura iki awujud komplèk dumadi saka papat lapangan utama lan yasan cilik-cilik. Ing jaman keemasan minangka panggonané Sultan, pura iki dipanggoni déning 4,000 jiwa, ing tlatah kang amba banget kanthi pasisir kang dawa. Komplèks iki wis dijembaraké kanthi rénovasi amarga anané lindhu ing taun 1509 lan kobongan ing taun 1665.

Rokoko

Rokoko (uga ditulis ing basa-basa Éropah rococo lan roccoco; éjaan Inggris: [rəˈkoʊkoʊ]) kang ngandut arti Barok Pungkasan ("Late Baroque") ya iku salah sijiné gaya kang ana ing abad 18 lan misuwur wiwit panjenengané seniman Barok ninggal gaya simetris lan miwiwiti ngambar kembang, tuwuhan uga dolanan liyané .Wangun rokoko digagas lan dirancang kanggo duwé mupangat ing donya kagunan rupa kanthi piranti kulawarga kang mewah lan ana motifé kembang, tuwuhanlan patung-patung cilik, lan kaca pengilon kang akèh ornamené, uga permadani kanggo memapi wujud arsitèktur, relief, lan cat témbok kang wujud warna . Gaya punika akèh digantikan déning gaya Neoklasik.Taun 1835 padha Dictionary of the French Academy wiwit nulisaké tembung Rococo " kang biyasa tumuju ing jinising ornamen, gaya lan désain kang ana gayutané déning pamarétahan Louis XV lan wiwitan saka Louis XVI". Kagolong uga sajeroning karya kagunan kang digawé ing partengahan abad 18 ing tlatah Prancis.

Ing basa liyané

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.