Kolcha

Kolcha, frah Latn: cultura, lit. "koltivieshan") a kansep bies pah wah toerm fos yuuz ina klasikal antikuiti bai di Ruoman arita Cicero: "cultura animi" (koltivieshan a di suol). Dis nan-agrikolcharal yuus a di toerm "kolcha" riapier ina madoern Yuurop ina di 17t senchri ani refa tu di betament ar rifainment a indivijual smadi, espeshal chuu edikieshan. Juurin di 18t ah 19t senchri ikom fi refa muotaim tu di kaman refrans paint a wuola piipldem, ah diskoshan a di toerm eh noftaim kanek tu nashinal aspirieshan ar aidiil. Som sayantis laka Edward Tylor yuuz di toerm "kolcha" fi refa tu wah yuunivoersal yuuman kiapasiti.

Bibliografi

Buk
  • Barker, C. (2004). The Sage dictionary of cultural studies. Sage.
  • Terrence Deacon (1997). The Symbolic Species: The Co-evolution of Language and the Brain. New York and London: W. W. Norton.
  • Ralph L. Holloway Jr. (1969). "Culture: A Human domain". Current Anthropology 10 (4). Template:Citation error.
  • Dell Hymes (1969). Reinventing Anthropology.
  • James, Paul; Szeman, Imre (2010). Globalization and Culture, Vol. 3: Global-Local Consumption. London: Sage Publications. http://www.academia.edu/4501557/Globalization_and_Culture_Vol._3_Global-Local_Consumption_editor_with_Imre_Szeman_Sage_Publications_London_2010.
  • Michael Tomasello (1999). "The Human Adaptation for Culture". Annual Review of Anthropology 28: 509–529. Template:Citation error.
  • Whorf, Benjamin Lee (1941). "The relation of habitual thought and behavior to language". Language, Culture, and Personality: Essays in Honor of Edward Sapir (Menasha, WI: Sapir Memorial Publication Fund).
  • Walter Taylor (1948). A Study of Archeology. Memoir 69, American Anthropological Association. Carbondale IL: Southern Illinois University Press.
  • "Adolf Bastian", Encyclopædia Britannica Online, January 27, 2009
  • Ankerl, Guy (2000) [2000]. Global communication without universal civilization, vol.1: Coexisting contemporary civilizations: Arabo-Muslim, Bharati, Chinese, and Western. INU societal research. Geneva: INU Press. ISBN 2-88155-004-5.
  • Arnold, Matthew. 1869. Culture and Anarchy. New York: Macmillan. Third edition, 1882, available online. Retrieved: 2006-06-28.
  • Bakhtin, M. M. (1981) The Dialogic Imagination: Four Essays. Ed. Michael Holquist. Trans. Caryl Press. ISBN 978-0-252-06445-6.
  • Barzilai, Gad. 2003. Communities and Law: Politics and Cultures of Legal Identities University of Michigan Press. ISBN 0-472-11315-1
  • Benedict, Ruth (1934). Patterns of Culture. Boston: Houghton Mifflin Company
  • Bourdieu, Pierre. 1977. Outline of a Theory of Practice. Cambridge University Press. ISBN 978-0-521-29164-4
  • Cohen, Anthony P. 1985. The Symbolic Construction of Community. Routledge: New York,
  • Dawkins, R. 1982. The Extended Phenotype: The Long Reach of the Gene. Paperback ed., 1999. Oxford Paperbacks. ISBN 978-0-19-288051-2
  • Findley & Rothney. Twentieth-Century World (Houghton Mifflin, 1986)
  • Geertz, Clifford. 1973. The Interpretation of Cultures: Selected Essays. New York. ISBN 978-0-465-09719-7.
  • 1957. "Ritual and Social Change: A Javanese Example", American Anthropologist, Vol. 59, No. 1. Template:Doi
  • Goodall, J. 1986. The Chimpanzees of Gombe: Patterns of Behavior. Cambridge, MA: Belknap Press of Harvard University Press. ISBN 978-0-674-11649-8
  • Hoult, T. F., ed. 1969. Dictionary of Modern Sociology. Totowa, New Jersey, United States: Littlefield, Adams & Co.
  • Jary, D. and J. Jary. 1991. The HarperCollins Dictionary of Sociology. New York: HarperCollins. ISBN 0-06-271543-7
  • Keiser, R. Lincoln 1969. The Vice Lords: Warriors of the Streets. Holt, Rinehart, and Winston. ISBN 978-0-03-080361-1.
  • Kroeber, A. L. and C. Kluckhohn, 1952. Culture: A Critical Review of Concepts and Definitions. Cambridge, MA: Peabody Museum
  • Kim, Uichol (2001). "Culture, science and indigenous psychologies: An integrated analysis." In D. Matsumoto (Ed.), Handbook of culture and psychology. Oxford: Oxford University Press
  • McClenon, James. "Tylor, Edward B(urnett)". Encyclopedia of Religion and Society. Ed. William Swatos and Peter Kivisto. Walnut Creek: AltaMira, 1998. 528-29.
  • Middleton, R. 1990. Studying Popular Music. Philadelphia: Open University Press. ISBN 978-0-335-15275-9.
  • O'Neil, D. 2006. Cultural Anthropology Tutorials, Behavioral Sciences Department, Palomar College, San Marco, California. Retrieved: 2006-07-10.
  • Reagan, Ronald. "Final Radio Address to the Nation", January 14, 1989. Retrieved June 3, 2006.
  • Reese, W.L. 1980. Dictionary of Philosophy and Religion: Eastern and Western Thought. New Jersey U.S., Sussex, U.K: Humanities Press.
  • Tylor, E.B. (1974). Primitive culture: researches into the development of mythology, philosophy, religion, art, and custom. New York: Gordon Press. ISBN 978-0-87968-091-6.
  • UNESCO. 2002. Universal Declaration on Cultural Diversity, issued on International Mother Language Day, February 21, 2002. Retrieved: 2006-06-23.
  • White, L. 1949. The Science of Culture: A study of man and civilization. New York: Farrar, Straus and Giroux.
  • Wilson, Edward O. (1998). Consilience: The Unity of Knowledge. Vintage: New York. ISBN 978-0-679-76867-8.
  • Wolfram, Stephen. 2002 A New Kind of Science. Wolfram Media, Inc. ISBN 978-1-57955-008-0
Aatikl
Aachitecha

Aachitecha (Latn architectura, frah di Griik ἀρχιτέκτων arkhitekton "aachitek", frah ἀρχι- "chiif" ah τέκτων "bilda") a buot di pruoses ah di prodok a planin, dizainin, ah kanschrokin bildin ah ada fizikal chokcha.

Arawak

Di Arawak Nietiv Piipl ar jos Arawak a weh wan a di indijinos piipldem ina Sout Amoerka ah di Kiaribiyan. Jinarali, di wandem frah Sout Amoerka weh-niem Lokono, ah di wandem frah di Kiaribiyan weh-niem Taino.

Itali

Itali (Italian Ripoblik, Italian: Repubblica Italiana) a wah nieshan we de pan di Italian peninsiula ina Sout Yuurop ah di tuu laajis ailan ina di Meditarienian Sii, Sisili ah Saadinia. Itali ab wah Alpain baada wi Frans, Suitsalan, Aschria, ah Sloviinia. San Mariino ah di Vatikan Siti de ina Itali, ah Kampioni d'Itali (Italian: Campione d'Italia) de ina Suitsalan.

Di lan we niem Itali tide, ena di kriegl a wuoliip a Yuropian kolcha ah piipl; muos nuo a di Ruomandem, ah lieta, Itali ena di boertplies a di Yuniversiti a Renesans we taat ina Toskani ah pred aal uoba Yuurop. Itali kiapital, Ruom, ena di senta a Westan Siblizieshan.

Nou, Itali a dimkratik ripoblik, wah divelop nieshan, ah di 8t ayis kualiti a laif index rietin ina di wol. Ia aalso wan a di nieshan we faam di Yuropiyan Yuunian, ah NATO. Itali a wan a di G8 nieshan, wid di 7t laajis GDP ina di wol, memba a di Aaganizieshan fi Ikanamik Kaaparieshan ah Divelopment, WTO, Wes Yuurop Yuunian, ah Sentral Yuropiyan Inishitiv.

Jumieka

Jumieka (vierieshan Jamieka ah Jomieka askaadn tu spiich rejista ar axent) a wah ailan nieshan we a paat a di Grieta hAntiliiz, bout 234 kilamiita (145 mail) lang ah bout 80 kilamiita (50 mail) waid. Ide ina di Kiaribiyan Sii, bout 145 kilamiita (90 mail) sout a Kyuuba, ah 190 kilamiita (120 mail) wes a di ailan we niem Ispanyuola, we mekop frah Ieti ah di Daminikan Ripoblik.

Di fos piipl dem we eh lib ina Jumieka, wena di Taino we eh-taak Arawak. Deh eh-niem di ailant Xaymaca (pronouns laka zai-ma-ka), we miin iida di "Lan a ud ah waata", ar "Lan a Spring". Spien ena di fos Yuropiyan konchri fi kliem Jumieka ah deh eh niemi Santiaago. Lieta Britn eh teki frah dem ah toni ina British Wes Indiz Kroun Kalani we niem Jumieka. Iget Indipendans frah Britn ina 1962 bot stil tan ina di Kamanwelt a Nieshan wid Kwiin Ilizibet II az di ed a stiet. Di kiapital a Kinston.

Jumieka ab di tod nofis piipl we chat Ingglish ina Naat Amoerka, afta Moerka ah Kianada ina da siem aada. Jumieka ab bout 5 milian sitizn wid likl anda aaf a dem a-lib ina wah nex konchri. Muos a di maigrantdem de a Moerka, Kianada ah Britn bot di dayaspora pred uoba di wuol wol. Di bigis indoschri a baxait ah tuurizam. Soh ada indoschri a kaafi, koko, shuga, rom, sichros ah banaana.

Jumieka piipl dem taak wah Ingglish-bies kriyuol Languij we deh kaal Patwa, ar jos Jumiekan. Ibies muosli pah 17t senchri Ingglish we deh tiich di Afrikan slievdem mix wid som a deh uona Wes Afrikan languij, ah likl bit a lef-bak Panish ah Puotigiis. Som a di languij koh frah di kolchadem we mekop Jumieka kolcha tu. Alduo di Jumiekan lexikan a muosli Ingglish, di grama a mienli Wes Afrikan; yu kiah fain soh similariti ina Naijiirian Pijin Ingglish.

Iibn duo a wah liili konchri, Jumieka gi di wol wuoliip ina myuuzik, spuots, rilijan ah wid Maakos Gyaavi elp, Blak Nashinalizim.

Jumiekan Ingglish

Jumiekan Ingglish, we ingkluud Jumiekan Tandad Ingglish, a wah varayati a Ingglish we deh piik ina Jumieka. Laka Kianiedian Ingglish (azwel paat a di braad Naat Amoerkan Ingglish klasifikieshan), irizembl soh paat a buot British Ingglish ah Amoerkan Ingglish dayalek, bot iyuniik wid nof aspek a Airish intonieshan. Itipikal fi yuuz di siem pelin wa fain ina British Ingglish. Alduo di distingshan bitwiin di tuu kiah diskraib bes az wah kantinyuom reda dah wah salid lain, ino fi kanfyuuz wid Jumiekan Patwa, adawaiz nuo az Jumiekan ar Jumiekan Kriyol.

Jumiekan Kryuol

Jumiekan Patwa a di nashinal langwij a di konchri a Jumieka. Alduo hIngglish a di hofishal langwij a Jumieka, ahn dehn aal av wa dehn kaal Jumiekan Ingglish, a muosli bakra ahn tapanaaris yu ie wid i ina hofishal sorkl, anles smadi a chrai piiki-puoki fi himpres piipl. Noftaim, Jumiekan piipl muuv bitwiin di braad Patwa ahn Jumiekan Ingglish wen dem de taak, aal iina di siem sentens.

Jumiekan kolcha

Jumiekan kolcha a di rilijan, naam, valiu ah laifstail we difain di piipl a Jumieka. Di kolcha mix, sens iab etnikali daivoers sasayati we stem frah di ischri a di fos inabitantdem, di abarijinal Taino piipl. Di Taino piipl eh-insliev bai di Panish, uu den get uobachuo bai di British, uu kyaa Afrikan kom a Jumieka fi ton sliev ah wok pah plantieshan. So komz blak slievdem ena di daminant kolcharal fuos az deh sofa ah rizis di aash kandishan a fuos lieba. Afta di abalishan a slievri, Chaini ah Indian maigrant eh-chanspuot tu di ailan az indencha woka, ah bring wid dem deh aidie frah di Faar Iis. Demaya kanchibyuushan rizolt ina daivoersiti we afek di languij, myuuzik, daans, rilijan ah suoshal naam ah praktis a di Jumiekan piipl.

Mexiko

Di Yuunaitid Stiet a Mexiko adawaiz nuo az Mexiko (Panish: México) a wah fedaral kanstityuushanal ripoblik we de ina Naat Amoerka. Iab wah baada wid di Yunaitid Stiet; pah di soutiis kuos a Guatimaala, Biliiz, ah di Kiaribiyan Sii; ah pah di iis bai di Golf a Mexiko. Ia di fif laajis konchri ina di Amoerkaz bai tuotal ieria ah di 14t laajis indipendant nieshan ina di wol. Mexiko ab 109 milian smadi we lib de ah rangk 11t az konchri wid di muos smadidem. Ia wah fedarieshan we ab 31 stiet an wahn Fedaral Distrik, di kiapital, Mexiko Siti.

Ina prii-Kolombian Mexiko, wuoliip a indijinos kolcha eh-de bout (Olmek, Toltek, Tiotihuakan, Maya, ah Aztek). Ina 1521 Spien tek di lan we Mexiko de tide, an eh-kaali Nyuu Spien, bot Mexiko gien indipendans ina 1821. Afta Mexiko indipendans uoliip a ikanamik prablem ampa dem ah deh luuz uoliip a deh terichri tu.

Mexiko a wah riijanal powa, di onggl Latn Amoerkan nieshan we de paat a di Aaganizieshan fi Ikanamik Kaaparieshan ah Divelopment, sens 1994, ah a wah migl-ingkom konchri. Mexiko a nyuuli indoschrialaiz nieshan ah ab di 11t laajis ikanami ina di wol bai GDP. Mexiko ikanami ab chrang lingk wid NAFTA. Ousomeba, di laaj ingkom distribyuushan ah di wuoliip a jrog vailens a ishiu a kansoern.

Myuuzik a Jumieka

Di myuuzik a Jumieka ingkluud Jumiekan fuok myuuzik ah nof papila jahra, laka mento, skia, rakstedi, rege, dob myuuzik, daansaal, skia jaz, rege fyuujan ah rilietid stail. Jumieka myuuzik kolcha a wah fyuujan a eliment frah niebarin Kiaribiyan ailan laka Chrinidad ah Tubiego (kalipso ah suoka).

Rege espeshal papila chuu di intanashinal fiem a Bab Maali. Jumiekan myuuzik influens pah myuuzik stail ina ada konchri ingkluud di praktis a tuosin, we weh kyaa gaa Nyuu Yaak Siti ah ivalv ina rapin. British jahra laka Lovaz rak, jonggl myuuzik ah graim aalso influens bai Jumiekan myuuzik.

Poblik alidie ina Jumieka

Poblik alidie ina Jumieka ingkluud Kristian alidie ah sekiula alidie.

Prii-Kolombian Jumieka

Arong 650 KE, Jumieka eh-kalanaiz bai di piipl a di Ostionaid kolcha (ansista a di Taíno), uu laikli eh-kom frah Sout Amoerka. Aligeta Pan ina Manchesta Parish ah Likl Riva ina Sint An Parish a tuu a di oerlies sait wa nuo bout fi dis Ostionaid kolcha, adawaiz nuo az di Redwier kolcha. Demya piipl eh-lib nier di kuos ah extensivli ont toerkl ah fish.

Arong 950 KE, di piipl a di Meyakan kolcha sekl pah buot di kuos ah di hintiiria a Jumieka, aida abzaab deh abzaab di Redwier kolcha ar deh kuo-inabit di ailan wid dem.

Di Taíno kolcha divelop a Jumieka arong 1200 KE. Deh kyaa kom frah Sout Amoerka deh sistim niem konuko fi riez yuka (Manihot esculenta) we wi nuo as kasaada. Fi had nuchrient tu di sail, di Taíno bon luokal bush ah chrii ah iipop di ashiz ina bufo-bufo moun-moun, ah ina dat deh plaah di yuka kotinz.

Puotigal

Puotigal de ina di Aibiirian Peninsiula ina di soutwes a Yuurop. Di kiapital a Puotigal niem Lizban. Ide di muos wes dah di wuola di mienlan konchridem ina Yuurop ah ab baada pah di Atlantik Uoshan a di wes ah sout, ah Spien a di naat ah iis. Di Atlantik aachipelago a di Iezuorz ah Madiera a paat a Puotigal tu.

Di lan, we tide niem Puotigal, eh-sekl uoliip sens di prii-istarik taim. Frah prii-istarik kolcha, kantak wid di Finiishandem, di Ruomandem, di Joermanik inviejandem, di pachiz a di Vandal ah Alandem, di Muzlim Muorish inviejan a Ispania, di 8t senchri wid di kangka a di Kristian-Joermanik kindomdem, an deh enop a akiupai muos a di Aibiirian Peninsiula. Ina di 1100z, wen di Kristian "Reconquista" ena-gwaan, Puotigal eh-komiin laka se a wah indipendant konchri. Lieta, ina 1249, Puotigal tek aalmuos di wuola di baada we dem ab tide wen deh kangka i frah di Muordem. Ina di 15t ah 16t senchri, fi Puotigal gluobal empaya eh-ingkluud terichri ina Afrika, Ieja, ah Sout Amoerka. Puotigal eh wan a di wol mieja, ikanamik, palitikal, ah milichri powa. Ina di 17t senchri di Puotigiis Restarieshan Waar wid Spien, hen fidem "Aibiirian Yuunian" (1580-1640). Di 1755 Lizban oertkwiek, ina di 19t senchri, kanflik wid di French ah Panishdem, ah di laas a deh bes terichri, Brazil, eh-kaaz uoliip a prablem fi Puotigal. Foerdamuo, Puotigal eh-giwe fideh laas terichri, we niem Makau (Puotigiis: Macau), tu di Chainidem ina 1999.

Puotigal a wah divelop nieshan wid wah ai Yuuman Divelopment Index ah a di 14t muos piisful, di 13t muos gluobalaiz nieshan, an a di 19t ayis kualiti a laif ina di wol. I aalso ab di luoys GDP ina di Wes a Yuurop. Puotigal a memba a di Yuropiyan Yuunian, foundin memba a di Latn Yuunian, di Aaganizieshan a Ibero-Amoerkan Stiets, di Aaganizieshan fi Ikanamik Kaaparieshan ah Divelopment, Naat Atlantik Chriiti, Komiuniti a Konchri we Chat Puotigiis (Puotigiis: Comunidade dos Países de Língua Portuguesa), ah Yuurozuon.

Rastafarai

Rastafarai a wah Iebriamik biliif we divelop ina Jumieka ina di 1930z, fala baka di karanieshan a Aili Silasi I az Empara a Iityuopia ina 1930. Di adierentdem woship im siem wie laka Jiizas ina ih Sekan Advent, ar az Gad di Son. Memba a di Rastafarai wie a laif nuo as Rastafarai, Rasta, Rastafaarian, ar jos Ras. Ef deh lax, deh kiah kaal dem Nati Jred ar jos Nati. Rastafarai aalso nuo bai deh ofishal choch taikl, laka Elda ar Ai Priis. Deh wie a laif sohtaim refa tu az "Rastafaarianizim", bot dis toerm kansida ofensiv bai muos Rastafarai, sens deh kritikal a "izim skizim" (we deh si az tipikal a "Babilan" kolcha), so deh rijek di liebl a "izim" fi dehself.

Sayans

Sayans (frah Latn scientia, wa miin "nalij") a sistimatik entapraiz we bil ah aaganaiz nalij ina di faam a tesebl explinieshan ah pridikshan bout di yunivoers. Wah uola miinin rilietid kluos-kluos a "sayans" azwel refa tu di badi a nalij iself, di taip we kiah explien rashanal ah aplai rilayabl. Practishana a sayans nuo az sayantis.

Ina Jumiekan kantex, sayans azwel refa tu obia, mayal ah deh kaina praktis.

Kantempareri sayans tipikali sobdivaidop ina nachral sayans, we todi di matiirial wol; suoshal sayans, we todi piipl ah sasayati; ah faamal sayans, laka matimatix. Faamal sayans noftaim exkluud az deh no dipen pah no impirikal abzavieshan.[4] Disiplin we yuuz sayans laka injinierin ah medisn maita kiah aalso kansida az aplai sayans.[5]

Juurin di Migl Iejiz ina di Migl Iis, fongdieshan fi di sayantifik metod eh-lie bai Alhazen ina ih Buk a Aptix (Book of Optics).[6][7][8] Frah klasikal antikuiti chuu di 19t senchri, sayans az a taip a nalij eh muo kluosli lingk tu filasafi dah nou ah, az a mata a fak, ina di Westan wol, di toerm "nachral filasafi" eh-ingkompas fiil a todi we tide asosiet wid sayans, laka aschranami, medisn, ah fizix.[9][nb 3] Wails di klasifikieshan a di matiirial wol bai di ienshent Indian ah Griikdem ina ier, oert, faya ah waata weh muo filasafikal, midiival Migl Iistan sayantis eh-yuuz praktikal, experimental abzavieshan fi klasifai matiirial.[10]

Ina di 17t ah 18t senchri, sayantis ingkriisinli ena-siik fi faamiuliet nalij ina toermz a niecha laa. Uoba di kuos a di 19t senchri, di wod "sayans" eh-bikom ingkriisinli asosiet wid di sayantifik metod iself, az a disiplin wie fi todi di nachral wol. A weh ina di 19t senchri wen sayantifik disiplin laka bailoji, kimischri, ah fizix riich deh madan shiep. Di siem taim piiriad eh aalso ingkluud di arijin a di toerm "sayantis" ah "sayantifik komiuniti," di foundin a sayantifik instityuushan, ah ingkriisin signifikans a di intarakshan wid sasayati ah ada aspek a kolcha.[11][12]

Spien

Spien (Ingglish: Spain; Panish: España) a wah konchri we de ina di soutwes a Yuurop ina di Aibirian Peninsiula. Di kiapital a Spien, we niem Majrid, de ina di senta a di konchri. Di mienlan ab wah sout ah hiis baada wid di Meditarienian Sii exep fi wah sumaal bongjri a lan wid Jibralta; a di naat we Frans, Anduora, ah di Bie a Biskie de; ah a di naatwes ah wes we di Atlantik Uoshan ah Puotigal de. Di Panish terichridem a: Di Balierik Ailanz ina di Meditarienian, di Kianieri Ailanz ina di Atlantik aafa di Afrikan kuos, ah di tuu sitidem we de ina Naat Afrika, Meliya (Panish: Melilla) ah Siuta (Panish: Ceuta) we baada Marako. Wid wan ieria a 504,030 km², Spien a di sekan laajis konchri we de ina Wes Yuurop ah di Yuropian Yuunian afta Frans.

Kaaz a we Spien de, iget nof influens frah ada kolchadem. Siem wie Spien eh-influens uoliip a kolcha ina di Madan Era wen iton gluobal empaya we lef legisi fi uoba 400 milian smadi we chat Panish tide.

Spien a wah dimakrasi we aaganaiz ina di faam a paalimenchri gobament anda kanstityuushanal manaaki. Ia divelop konchri wid di sixt laajis ikanami bai naminal GDP. Spien a memba a di Yunaitid Nieshanz, Yuropian Yuunian, NATO, OECD, ah WTO.

Spuots ina Jumieka

Spuot ina Jumieka a signifikant paat a Jumiekan kolcha. Di muos papiula spuot a atletix an asosieshan futbaal; adaels papiula spuot ingkluud krikit, baaskitbaal ah netbaal (yuujali fi uman).

Outa aal di tap faib spuots, baasketbaal a di ailan faasis gruoyn spuots.

Ada spuots laka rogbi liig ah rogbi yuunian aalso kansida az gruoyn spuots.

Vijual aat

Vijual aat a aat faam laka seramix, jraayn, pientin, skolpcha, printmekin, dizain, kraaf, fotografi, vidio, flimmekin ah aachitecha. Nof aatistik disiplin (pofaamin aat, kansepchual aat, textail aat) invalv aspek a vijual aat azwel aat a adaels taip. Ingkluud azwel ina vijual aats a di aplai aat laka indoschrial dizain, grafik dizain, fashan dizain, intiiria dizain ah dekarietiv aat.

Yunaitid Kindom

Di Yunaitid Kindom, ofishali di Yunaitid Kindom a Griet Britn ah Nadan Airilan, a savrin konchri we de aafa di naatwes kuos a kantinental Yuurop. A wah ailant nieshan, we mekop a Griet Britn, di naatiis paat a Airilan, ah nof ada likl ailant. Apaat frah di lan baada we Nadan Airilan ab wid di Ripoblik a Airilan, di nieshan sorong bai di Atlantik Uoshan, di Naat Sii, di Ingglish Chanil, ah di Airish Sii. Di bigis ailant, Griet Britn, kanek wid Frans bai di Chanil Tonil adawaiz nuo az di Chonil.

Di Yunaitid Kindom a yuuniteri stiet we mekop a fuo konchri: Ingglan, Nadan Airilan, Skatlan, ah Wielz. Igoban bai wah paalimenchri sistim, ah di siit a gobament de ina Landan, bot deh ab chrii ada nashinal adminischrieshan ina Belfaas, Kaadif, ah Edinboerg. Di Yunaitid Kindom a kanstityuushanal manaaki, wid Kwiin Ilizibet II az di ed a stiet. Di nieshan ab fuotiin uobasii terichri, we lefbak ina 1992 frah di British Empaya, we weh kanchuol aalmuos kwaata a di lan soerfis a di wol, - di bigis empaya ina ischri. British influens kiah fain ina di languij, kolcha, ah liigal sistim a nof a di faama kalani. Kwiin Elizabeth a stil di ed a di Kamanwelt a Nieshan, an di ed a stiet fi di wuola di Kamanwelt konchridem.

Di Yunaitid Kindom a divelop konchri, wid di fif (naminal GDP) ar sixt (PPP) bigis ikanami ina di wol. Iwena di fos konchri fi indoschrialaiz, ah yuus fi ron di wol az di muos powaful konchri ina di 19t ah 20t senchri. Anfaachinetli, kaaz a tuu wol waar, ah di diklain a di empaya ina di sekan aaf a di 20t senchri di ruol we iyuus fi plie ina gluobal afier jraadong. Stil, di Yunaitid Kindom a chrang powa wid chrang-chrang ikanamik, kolchral, milichri ah politikal influens ah a wah mieja nyuuklier powa, wid di sekan ar tod ayis difens bojit ina di wol. Di konchri a memba a di Yuropiyan Yuunian, ab poermanent siit pah di Yunaitid Nieshan Sikyuoriti Kongsl, ah memba a di G8, NATO, OECD, WTO, ah di Kamanwelt a Nieshan.

Yunaitid Stiet

Di Yunaitid Stiet a Amoerka (kamanli refa tu az di Yunaitid Stiet, di U.S., di USA, ar Moerka) a wah fedaral kanstitiushanal ripoblik kampraiz a fifti stiet, wahn fedaral dischrik ahn 16 terichries. Di konchri sitiet muosli ina senchral Naat Amoerka, we i faati-iet kantigyuos stiet ahn Washintan D.C. di kiapital distrik, de bitwiin di Pasifik ahn hAtlantik Uoshan, buoda bai Kianada tu di naat ahn Mexiko tu di sout. Di stiet a hAlaska de ina di naatwes a di kantinent, wid Kianada tui hiis ahn Rosha tu di wes kraas di Bierin Schriet. Di stiet a Awayi a wahn haachipelago ina di migl-Pasifik. Di konchri haalso pozes sebral teritori, ar insiula yeria, kyata-kyata roun di Kyaribiyan ahn Pasifik. Di U.S. a di toerd-laajis konchri baka Rosha ah Kianada wid a ieria a 9,826,675 skwier kilamita, ah av di toerd aies papilieshan ina di woerl. Dem a wahn a di muos rieshali, etnikali ahn kolchrali daivers konchri dem ina di woerl kaazn seh uol iip a piipl maigriet frah difran-difran konchri go liv de. Di jaagrafi ah klaimit a di Yunaitid Stiet wel-daivers tu so di konchri av nof-nof viraiati a wail-laif.

Di Pielo-Indian dem weh maigriet frah Yuurieja tu di mienlan Yunaitid Stiet rong 15,000 yier nong ah Yuropian kolonaizieshan staat ina di 16t senchri. Di Yunaitid Stiet staat out wid 13 British koloni pah di iis kuos. Deh weh av soh ranglinz wid di British ahn a dat weh caaz di Amoerkan Rivaluushan. Pah Julai 4, 1776, wen di koloni deh weh a fait ina di Amoerkan Rivaluushineri Waar, di deliget deh frah di 13 koloni dem yuunanimosli adap di deklarieshan a indipendens. Di waar weh don ina 1783 ah di British dem rekagnaiz di indipendens a di Yunaitid Stiet, di fos soksesful waar fi indipendens gens wah Yuuropian koluonial empaya. Di Yunaitid Stiet adap di kanstitiushan pah Setemba 7, 1787 ah di stiet deh ratifai ih ina 1788. Di fos ten amenment dem, nuon tugeda az di Bil a Raits, weh ratifai ina 1791 ah weh dizain fi gyarantii nof a di fondamental sivl raits ah libati dem.

Di Yunaitid Stiet weh biliiv ina di dakchrin a Manifes Destini, wah biliif se di sekla dem weh destin fi pred-out aal uova Naat Amoerka, so ina di 19t senchri deh shub-out nof-nof a di Amoerkan Indian chraib dem so deh kuda kliem nyuu terichri ah tek iin nyuu stiet. Bai 1948 deh weh pred-out aal uova di kantinent. Rung di sekan aaf a di 19t senchri, di Amoerkan Sivl Waar caaz slievri fi don ina di konchri ah bai di 19t senchri fi don, deh weh pred-out az faar az di Pasifik Uoshan. Deh taim ya di ikanami weh a gwaan gud mienli bikaaz a di Indoschrial Rivaluushan. Di Panish-Amoerkan Waar ah Woerl Waar I put di Yunaitid Stiet pah tap az wa gluobal militeri powa ah afta Woerl Waar II di wuol woerl rakagnaiz dem az a suupapowa. Dis a weh caaz deh weh a di ongl konchri fi divilop nyuklier wepan ah yuuz dem fi fait war, ah deh weh a poermanent memba a di Yunaitid Nieshan Sikioriti Kounsl. Wen di Kuol Waar weh don ah di Suoviet Yunian weh mash-op ina 1991, di Yunaitid Stiet kum out az di ongl suupapowa ina di woerl.

Di Yunaitid Stiet a we deh kaal divelop konchri so dat miin tu se dem a wa ai hinkom konchri. Dem av di laajis nashinal ikanami ina di woerl bies aafa naminal ah riil GDP - 23% a woerl GDP. Disya diraiv frah di wol iip a nachral risuos we deh gat, ah deh ai lieba prodoktiviti. Iivn duo deh kansida az puos-indoschrial, deh stil du nof-nof manifakcharin ahn a wan a di laajis manifakchara ina di woerl. Dem alsuo a di laajis militeri powa ina di woerl, siin az deh akount fi wola 34% a gluobal militeri spending. So, deh av di biges militeri ah ikanami, deh lob pred deh palitix aal bout, deh kolcha laaj aal uova di woerl, ah deh elp divelop nof-nof sayantifik ah teknalajikal inavieshan.

Ina ada langwij

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.