Brazil

Brazil (Puotigiis: Brasil), a di laajis konchri ina Sout Amoerka ah a di onggl nieshan we chat Puotigiis ina di Amoerkaz. Brazil a wah fedarieshan wid tuenti-six stiet, wah fedaral dischrik ah myuunisipalitidem. Brazilia a di kiapital fi Brazil.

Brazil ena kalani a Puotigal frah Pejro Alvares Kabral (Pedro Álvares Cabral) riich de, frah 1500 tu 1815, ah a den iton yunaitid kindom wid Puotigal. Ina 1822 di konchri ton indipendant az wah Brazilian Empaya, bot den bikom ripoblik sens 1889, duo di Kanggres bakdiet di ratifikieshan tu di fos kanstityuushan frah 1824.

Brazil a wan a di foundin nieshan a di Yunaitid Nieshan, di G20, Mercosul, an di Yuunian a Sout Amoerkan Nieshan, ah a wan a di BRIC a BRICS konchridem. Brazil aalso ab uoliip a hanimal, nachral invairament, ah nachral rizuos.

Brazil
Brasil
Flag of Brazil Coat of arms of Brazil
Hino Nacional Brasileiro
Brazil (orthographic projection)
Jinaral Infamieshan
Kiapital: Brazilia
Ofishal langwij: Puotigiis
Adminischrieshan
Govament:
• Prezident: Jair Bolsonaro
• Vais Prezident: Hamilton Mourão
Ieria: 8 514 877 km²
Papilieshan: 204 450 649
Densiti: 24,01
Adaels sitn
Koransi:
Kaalin kuod: +55
ISO 3166 kuod: 076 / BRA / BR
Intanet TLD: .br
BRIC

Brazil, Rosha, hIndia ahn di Piiplz Ripoblik a Chaina

BRICS

Brazil, Rosha, hIndia, Piiplz Ripoblik a Chaina ahn di Sout Afrika

Bolivia

Bolivia (Panish: Bolivia; Quechua: Buliwya; Aymara: Wuliwya; Guarani: Volívia), ofishali nuo az di Pluurinashinal Stiet a Bolivia (Panish: Estado Plurinacional de Bolivia), a wah lanlak konchri lokiet ina wes-senchral Sout Amoerka. Ibaada tu di naat ah iis bai Brazil, tu di soutiis bai Paragwai, tu di sout bai Aajentiina, tu di soutwes bai Chili, ah tu di naatwes bai Peruu. Di Andian mountn rienj mekop wan-toerd a di konchri, wid di bigis siti ah mien ikanamik senta lokiet ina di Altiplano.

Brazilia

Kwaadinet: 15°48′0"S 47°51′50"W

Brazilia a di kyapital fi Brazil.

Di Konchri a di Wol

This article or section is being translated at the moment.

French Gayana

French Gayana (French: Guyane française), ofishali kaal Giyan (French: Guyane), a wah uobasiiz dipaatment ah riijan a Frans, pah di naat Atlantik kuos a Sout Amoerka. Ibaada Brazil tu di iis ah sout, ah Surinam tu di wes. Fii 83,534 km2 ieria ab luo-luo papilieshan densiti a onggl 3 inabitant po km2, wid aaf a di 250,109 inabitant ina 2013 a-lib ina di mechropalitan ieria a Kayen (Cayenne), di kiapital. Bai lan ieria, iwena di laajis riijan a Frans optel di riijan rifaam we tek ifek pah 1s Janiweri 2016.

Gayana

Gayana, ofishali di Kwaapritiv Ripoblik a Gayana (Co-operative Republic of Guyana), a savrin stiet pah di nadan mienlan a Sout Amoerka. Ibaada wid di Atlantik Uoshan tu di naat, Brazil tu di sout ah soutwes, Surinam tu di iis ah Venizuela tu di wes.

Jumieka

Jumieka (vierieshan Jamieka ah Jomieka askaadn tu spiich rejista ar axent) a wah ailan nieshan we a paat a di Grieta hAntiliiz, bout 234 kilamiita (145 mail) lang ah bout 80 kilamiita (50 mail) waid. Ide ina di Kiaribiyan Sii, bout 145 kilamiita (90 mail) sout a Kyuuba, ah 190 kilamiita (120 mail) wes a di ailan we niem Ispanyuola, we mekop frah Ieti ah di Daminikan Ripoblik.

Di fos piipl dem we eh lib ina Jumieka, wena di Taino we eh-taak Arawak. Deh eh-niem di ailant Xaymaca (pronouns laka zai-ma-ka), we miin iida di "Lan a ud ah waata", ar "Lan a Spring". Spien ena di fos Yuropiyan konchri fi kliem Jumieka ah deh eh niemi Santiaago. Lieta Britn eh teki frah dem ah toni ina British Wes Indiz Kroun Kalani we niem Jumieka. Iget Indipendans frah Britn ina 1962 bot stil tan ina di Kamanwelt a Nieshan wid Kwiin Ilizibet II az di ed a stiet. Di kiapital a Kinston.

Jumieka ab di tod nofis piipl we chat Ingglish ina Naat Amoerka, afta Moerka ah Kianada ina da siem aada. Jumieka ab bout 5 milian sitizn wid likl anda aaf a dem a-lib ina wah nex konchri. Muos a di maigrantdem de a Moerka, Kianada ah Britn bot di dayaspora pred uoba di wuol wol. Di bigis indoschri a baxait ah tuurizam. Soh ada indoschri a kaafi, koko, shuga, rom, sichros ah banaana.

Jumieka piipl dem taak wah Ingglish-bies kriyuol Languij we deh kaal Patwa, ar jos Jumiekan. Ibies muosli pah 17t senchri Ingglish we deh tiich di Afrikan slievdem mix wid som a deh uona Wes Afrikan languij, ah likl bit a lef-bak Panish ah Puotigiis. Som a di languij koh frah di kolchadem we mekop Jumieka kolcha tu. Alduo di Jumiekan lexikan a muosli Ingglish, di grama a mienli Wes Afrikan; yu kiah fain soh similariti ina Naijiirian Pijin Ingglish.

Iibn duo a wah liili konchri, Jumieka gi di wol wuoliip ina myuuzik, spuots, rilijan ah wid Maakos Gyaavi elp, Blak Nashinalizim.

Panish

Panish (Panish: español/castellano) a wah romans languij we kombout ina nadan Spien, ah den likl bai likl ivalv ina di mien languij ina gobament ah chried. Afta dat, bitwiin di fiftiint ah di naintiint senchri, juurin koluonial expanshan, ipred gaa Afrika, di Amoerkaz, Ieja ah di Pasifik.

Tide, eniwe frah 322 tu 400 milian piipl taak Panish az dem fos languij. Dis meki aida di sekan ar tod languij we piipl taak di muos az deh fos languij ina di wol, dipen pan di suos we yu riid.

Panish a-pred laka faya az sekan ar tod languij kaaza lajistix, ikanamix, ah tuoris inchres tuwaadz di wuoliip a konchridem wepaat Panish a di fos languij. Yu muosli nuotis dis ina konchri laka Brazil, di Yunaitid Stiet, Itali, Puotigal, Frans, ah muos a di hIngglish taakin konchridem.

Paragwai

Paragwai (Panish: Paraguay; Guarani: Paraguái), ofishali di Ripoblik a Paragwai (Panish: República del Paraguay, Guarani: Tetã Paraguái), a wah lanlak konchri ina senchral Sout Amoerka, baada bai Aajentiina tu di sout ah soutwes, Brazil tu di iis ah naatiis, ah Bolivia tu di naatwes. Paragwai de pah tuu saida bangkin a di Paragwai Riva, we ron chuu di senta a di konchri frah naat tu sout. Juu tui senchral lokieshan ina Sout Amoerka, sohtaim deh refa tui az Corazón de Sudamérica ("Aat a Sout Amoerka").

Peruu

Peruu (Panish: Perú; Kechua: Piruw; Aymara: Piruw; ofishali República del Perú), a wah konchri ina westan Sout Amoerka. Iab baadalain wid Ekuaduor ah Kolombia tu di naat, wid Brazil tu di iis, wid Bolivia tu di soutiis, wid Chili tu di sout, ah wid di Pasifik Uoshan tu di wes. Peruu a konchri wid nof bayodaivoersiti wid abitat we rienj frah di jrai pliendem a di Pasifik kuostal riijan ina di wes tu di piikdem a di Andiiz Mountn ah chrech voertikali frah di naat tu di soutiis a di konchri tu di chrapikal Amazan Biesn rien faris ina di iis wid di Amazan riva.

Puotigal

Puotigal de ina di Aibiirian Peninsiula ina di soutwes a Yuurop. Di kiapital a Puotigal niem Lizban. Ide di muos wes dah di wuola di mienlan konchridem ina Yuurop ah ab baada pah di Atlantik Uoshan a di wes ah sout, ah Spien a di naat ah iis. Di Atlantik aachipelago a di Iezuorz ah Madiera a paat a Puotigal tu.

Di lan, we tide niem Puotigal, eh-sekl uoliip sens di prii-istarik taim. Frah prii-istarik kolcha, kantak wid di Finiishandem, di Ruomandem, di Joermanik inviejandem, di pachiz a di Vandal ah Alandem, di Muzlim Muorish inviejan a Ispania, di 8t senchri wid di kangka a di Kristian-Joermanik kindomdem, an deh enop a akiupai muos a di Aibiirian Peninsiula. Ina di 1100z, wen di Kristian "Reconquista" ena-gwaan, Puotigal eh-komiin laka se a wah indipendant konchri. Lieta, ina 1249, Puotigal tek aalmuos di wuola di baada we dem ab tide wen deh kangka i frah di Muordem. Ina di 15t ah 16t senchri, fi Puotigal gluobal empaya eh-ingkluud terichri ina Afrika, Ieja, ah Sout Amoerka. Puotigal eh wan a di wol mieja, ikanamik, palitikal, ah milichri powa. Ina di 17t senchri di Puotigiis Restarieshan Waar wid Spien, hen fidem "Aibiirian Yuunian" (1580-1640). Di 1755 Lizban oertkwiek, ina di 19t senchri, kanflik wid di French ah Panishdem, ah di laas a deh bes terichri, Brazil, eh-kaaz uoliip a prablem fi Puotigal. Foerdamuo, Puotigal eh-giwe fideh laas terichri, we niem Makau (Puotigiis: Macau), tu di Chainidem ina 1999.

Puotigal a wah divelop nieshan wid wah ai Yuuman Divelopment Index ah a di 14t muos piisful, di 13t muos gluobalaiz nieshan, an a di 19t ayis kualiti a laif ina di wol. I aalso ab di luoys GDP ina di Wes a Yuurop. Puotigal a memba a di Yuropiyan Yuunian, foundin memba a di Latn Yuunian, di Aaganizieshan a Ibero-Amoerkan Stiets, di Aaganizieshan fi Ikanamik Kaaparieshan ah Divelopment, Naat Atlantik Chriiti, Komiuniti a Konchri we Chat Puotigiis (Puotigiis: Comunidade dos Países de Língua Portuguesa), ah Yuurozuon.

Puotigiis

Puotigiis (Puotigiis: Português) a wah Romans languij dat orijiniet ina waa nou Gialisia ah nadan Puotigal. Idiraiv frah di Latn wa piik bai di ruomanaiz Prii-Ruoman piipl a di Aibiirian Peninsiula (niemli di Gialiesi, di Luusitanian, di Keltik ah di Kanyi) roun 2000 ier ago. Ipred wolwaid ina di 15t ah 16t senchri az Puotigal extablish wah koluonial ah komoershal empaya (1415–1999) we span frah Brazil ina di Amoerkaz tu Goa ah ada paat a India ah Makau ina Chaina. Iweh yuuz az di hexkluusiv lingua franca pah di ailan a Sri Langka fi liklmuos 350 ier. Juurin dat taim, nof kryuol languij bies pah Puotigiis apier azwel rong di wol, espeshal ina Afrika, Ieja, ah di Kiaribiyan.

Sou Paalo

Kwaadinet: 23°32′52"S 46°38′9"W

Sou Paalo a di bigis siti ina Brazil.

Sout Amoerka

Sout Amoerka a di sodan kantinent a di Amoerkaz. Di wuola it de ina di westan emisfier an muosli ina di sodan emisfier. Di ieria a di kantinent a 17,840,00 sk km, ar almuos 3.5 posent a di soerfis a di oert. Di papilieshan a bout 371,090,000. Sout Amoerka a di fuot bigis kantinent ina ieria ah di fif bigis ina papilieshan.

Suoshal muuvment

Suoshal muuvment a wah taip a gruup akshan. Dem a laaj, sohtaim infaamal, gruupin a indivijal ar aaganizieshan we fuokos pah spisifik palitikal ar suoshal ishu. Ina ada wod, deh kiari out, rizis, ar andu suoshal chienj.

Madan Westan suoshal muuvment eh-bikom pasebl chuu edikieshan (di waida diseminieshan a lichicha) ah ingkriis mobiliti a lieba juu tu di indoschrializieshan ah oerbanizieshan a 19t senchri sasayati. Deh sohtaim aagiu se di friidam a expreshan, edikieshan ah relitiv ikanamik indipendans privalent ina di madan Westan kolcha rispans fi di anprisident nomba ah skuop a vierios kantempareri suoshal muuvment. Ousomeba, adawandem paint out se nof a di suoshal muuvment a di laas onjrid ier gruo op, laka di Mau Mau ina Kenia, fi opuoz Westan koluonializim. Aida wie, suoshal muuvment eh kluosli kanek ah kantiniu siem wie wid dimokratik palitikal sistim. Okiejanali, suoshal muuvment eh-invalv ina dimokrataizin nieshan, bot muotaim deh florish afta dimokratizieshan. Uoba di paas 200 ier, deh eh-bikom paat a papila ah gluobal expreshan a disent.Madan muuvment noftaim yuutilaiz teknalaji ah di intanet fi muobilaiz piipl gluobali. Kaman tiim a fi adap tu komiunikieshan chren mongx soksesful muuvment. Risaach a-bigin fi expluor ou advokesi aaganizieshan lingk tu suoshal muuvment ina di Yunaitid Stiet ah Kianada yuuz suoshal miidia fi fasilitiet sivik ingiejment ah kalektiv akshan. Di sistimatik lichicha rivyuu a Buettner & Buettner analaiz di ruol a Tuita juurin a waid rienj a suoshal muuvment (2007 WikiLiik, 2009 Molduova, 2009 Aschrian schuudent pruotes, 2009 Izrel-Gaaza, 2009 Iran griin revaluushan, 2009 Taranto G20, 2010 Venizuela, 2010 Joermani Stutgaat21, 2011 Iijip, 2011 Ingglan, 2011 US Akiupai muuvment, 2011 Spien Indignados, 2011 Griis Aganaktismenoi muuvment, 2011 Itali, 2011 Wiskansn lieba pruotes, 2012 Izrel Hamas, 2013 Brazil Viniga, 2013 Toerki).Palitikal sayans ah suosialaji eh-divelop a varayati a tiori ah impirikal risaach pah suoshal muuvment. Fi egzampl, som risaach ina palitikal sayans ailait di rilieshan bitwiin papila muuvment ah di faamieshan a nyuu palitikal paati azwel fi diskos di fongshan a suoshal muuvment ina rilieshan tu ajenda setn ah influens pah palitix.

Venizuela

Venizuela, ofishali di Bolivaarian Ripoblik a Venizuela (Panish: República Bolivariana de Venezuela), a wah fedaral ripoblik lokiet pah di naadan kuos a Sout Amoerka. Ibaada bai Kolombia pah di wes, Brazil pah di sout, Gayana pah di iis, ah di ailandem a Chrinidad ah Tubiego tu di naat-wes. Venizuela terichri predout bout 916,445 km2 wid estimiet papilieshan arong 31,775,371. Venizuela rangk az stiet wid ai-ai bayodaivoersiti (korant rangk a 7t ina di wol lis a nieshan wid di nofis nomba a spiishiz), wid abitat wa rienj frah di Andiiz Mountn ina di wes tu di Amazan Biesn rien-faris ina di sout, vaya hextensiv yaanos plien ah Kiaribiyan kuos ina di senta ah di Uorinuoko Riva Delta ina di iis.

Yurugwai

Yurugwai, ofishali di Iistan Ripoblik a Yurugwai (Panish: República Oriental del Uruguay), a wah konchri ina di soutiis riijan a Sout Amoerka. Ibaada bai Aajentiina tui wes ah Brazil tui naat ah iis, wid di Atlantik Uoshan tu di sout ah southiis. Yurugwai ab 3.3 milian piipl, outa dem 1.8 milian lib ina di mechropalitan ieria a di kiapital ah bigis siti, Mantevideyo. Wid ieria bout 176,000 skwier kilamita, Yurugwai jaagrafikali a di sekan-sumaalis nieshan ina Sout Amoerka afta Surinam.

Konchri ah Terichri a di Amoerkaz
Naat Amoerka‎KianadaMexikoYunaitid Stiet‎Americas (orthographic projection)
Senchral Amoerka Andyuuras‎‎BiliizEl SalvaduorGuatimaalaKasta RiikaNikaraguaPanamaa
Kiaribiyan AnggilaAntiiga ah BaabyuudaAruubaBa’aamazBaabiedozBritish Voerjin AilanzChrinidad ah TubiegoDaminiikaDaminikan RipoblikGriniedaGuadiluupIetiJumiekaKieman AilanzKyuubaMaatiniikMansaratNedalan AntiliizPuoto RiikoSah BaatelmiSah MahtahSin Kits ah NiivisSin LuushaSin MaatnSin Vinsn ah di GrenidiinzToerx ah KiekosYunaitid Stiet Voerjin Ailanz
Sout Amoerka‎‎ AajentiinaBolivia • Brazil • ChiliEkuaduorFrench GayanaGayanaKolombiaParagwaiPeruuSurinamVenizuelaYurugwai

Ina ada langwij

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.