Volt

Volt esas unajo pri l'interdifero di la potenciali elektrala = 108 elektromagnetala C.G.S. - volt internaciona : tensiono elektrala qua, aplikate a konduktivo di qua la rezistiveso egalesas un ohm internaciona, genitas fluo de un ampère internaciona.

Rock

Rock esas muzikala jenro qua originis sub la nomo rock and roll en Usa dum la yari 1950ma, e developis en multa subjenri dum la yari 1960ma e pose. Ol originis forte de la jenri blues e folk, e mixis kun altra jenri por formacar blues rock, folk rock, jazz-rock fusion, "psikodelik-rock" ed altri.

Muzikale, rock centrigesas en l'elektrala gitaro, freque akompanita per elektrala kontrabaso e perkut-ensemblo kompozita per tamburi e metala pladi. Simile a pop-muziko, lua liriki povas parolar pri romantik amo, ma anke pri mult altra temi, inkluzite sociala o politikala.

Dum la yari 1970ma aparis, inter altri, la subjenri "progresema rock" (progressive rock), glam rock, heavy metal, punk-rock e New Wave.

Soul

Soul esas muzikala jenro qua originis en Usa e kombinas elementi de rhythm and blues e gospel-muziko. Segun afirmas la Rock and Roll Hall of Fame, soul esas "tipo di muziko qua originis de l'experienci di negra komuneso en Usa per la modifiko di la muziko gospel e dil rhythm and blues en sekulara funky-deklaro".Soul en Angla signifikas "anmo", do soul music signifikas "muziko di la anmo". Soul-muziko emfazas la forte emocala vocala ed instrumentala soli, e la muziki povas esar lenta - exemple When a Man Loves a Woman da Percy Sledge -, o rapida - exemple Respect, kompozita da Otis Redding e kantita da Aretha Franklin.

Kelka soul-artisti, exemple James Brown, developis la muzikala jenro funk. Altri developis muziki kun politikala letri, inkluzite kritiko a la milito di Vietnam en What's Going On da Marvin Gaye, lansita en 1970.

Altra lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.