Krono

Krono esas :

  • ornivo di kapo en cirklatra formo, en precoza materio ed artala desegno, simbolo di povo, di respektindeso en monarkii.
  • diademo
  • premio simbolizita per cirklo di flori pozita sur la kapo
  • rejala povo
  • kapsulo kovranta domajita dento
Homonimo
Ica pagino esas por trovar la korekta pagino inter la homonima vorti.
Se tu venis en ca pagino tra ligilo, la ligilo devus esar chanjita a la maxim exakta por duktar tu direte a la korekta pagino.
Anglia

Anglia esas un ek la landi qui kompozas l'Unionita Rejio, kun Skotia, Wals e Nord-Irlando.

Bazala fakti pri Anglia.

Aragonana linguo

Aragonana linguo esas Latinida linguo parolata en nordal Aragon.

Dum la Reconquista, la linguo expansis sude. L'uniono dil Rejio di Aragon kun la Komtio di Barcelona por formacir la Krono di Aragon, havis granda influo inter Aragona ed Hispana.

Austria-Hungaria

Austria-Hungaria esis antiqua monarkio qua existis en Europa. Anke konocesis kom Austriana-Hungara imperio.

Bazala fakti pri Austria-Hungaria.

Brazilia

Brazilia (Portugalane: Brasil, Angle ed anciena Portugalane: Brazil) esas lando jacanta este de Sud-Amerika. Ol esas la 5ma maxim vasta e la 6ma maxim populoza lando del mondo, kun plu kam 8,5 milion km² e plu kam 200 milioni habitanti. Ol esas la maxim vasta e populoza lando de Sud-Amerika.

Ol esas l'unika lando en Amerika e la maxim granda lando del mondo ube la Portugalana linguo esas oficala. Lu havas kom vicini Franca Guyana, Surinam, Guyana e Venezuela norde, Kolumbia nord-weste, Peru e Bolivia weste, Arjentinia e Paraguay sud-weste, ed Uruguay sude. Este e nord-este jacas Atlantiko. Nur du Sud-Amerikana landi ne havas frontieri kun Brazilia: Equador e Chili.

Brazilia anke posedas insulala teritorii en Atlantiko: l'arkipelago Fernando de Noronha, l'arkipelago Santa Petrus e Santa Paulus (ilhas de São Pedro e São Paulo), l'atolo Rocas, e l'insuli Trindade e Martim Vaz. Lua litoro, kun richa biodiverseso e kun importanta jaceyi di petrolo proxim la stato Rio de Janeiro, esa longa de 7 491 kilometri.Bazala fakti pri Brazilia

Euro

Euro esas l'oficala valuto di 19 landi del Europan Uniono. Lua simbolo esas €. Olu divizesas en 100 centimi. Ol emisesas da l'Europana Centrala Banko.

Kande la valuto lansesis ye la 1ma di januaro 2002, l'unesma landi qui adoptis ol esis Austria, Belgia, Finlando, Francia, Germania, Grekia, Hispania, Irlando, Italia, Luxemburgia, Nederlando e Portugal. Slovenia adoptis euro ye la 1ma di januaro 2007. Malta e Chipro adoptis ol ye la 1ma di januaro 2008. Slovakia adoptis ol en la 1ma di januaro 2009. Estonia adoptis ol ye la 1ma di januaro 2011. Latvia adoptis ol ye la 1ma di januaro 2014. Lituania adoptis ol ye la 1ma di januaro 2015.

Guernsey

Guernsey esas insulo che l'Angla kanalo, esante teritorio di la Britaniana krono. La nomizita "balifio di Guernsey" ank enkorpigas l'insuli Alderney, Sark, Jethou ed altra vicina insuleti.

Bazala fakti pri Guernsey.

Historio di Bangladesh

Bangladesh esas l'anciena Estala Pakistan, qua apartenis a Pakistan de 1947 til 1971, ma l'okupeso en la regiono esas anciena. Fosili trovita en la distrikto Chittagong montras l'existo di kolonieti en la regiono di Bengal dum la 3ma yarmilo aK. Dum l'antiqueso Bengal koloniigesis da populi Austroneziana, Dravidiana, Indo-Aryana e Tibeto-Burmana. La delto dil fluvio Ganga konocesis kom Gangaridai dal Greki e Romani. La ruini di Wari-Bateshwar esas la maxim anciena konocata qui montras la komercala relati inter la regiono, Romana imperio, e Sud-Estal Azia.

Araba komercisti introduktis islamo en la regiono dum la 12ma yarcento. Bakhtiar Khilji, Turka generalo, vinkis lora rejulo Lakshman Sen e konquestis granda parto di Bengal en 1204. Cirkume la 16ma yarcento l'imperio Mughal dominacis la regiono.

L'unesma Europani en la regiono esis Portugalana komercisti de Malacca e Goa, qui komencis arivar pos 1517. En 1528 li ja povis instalar fabrikerii e dogani en Chittagong, qua kreskis til divenar la kolonieto Porto Grande de Bengala. Altra Europani - Franci, Angli, Nederlandani - komencis arivar dum la fino dil 16ma yarcento.

Angla Est-India kompanio prenis kontrolo di la regiono en 1757, pos la batalio di Plassey. Pos sangoza rebeleso en 1857 konocata kom "Sedicio di Sepoy" Britaniana krono decidis administrar direte la teritorio tra vicerejo Britaniana. Dum Britaniana dominaco famino eventis en diversa periodi, exemple en 1943, kande 3 milion personi mortis.En 1937 eventis l'unesma demokratial elekti en la regiono, e A. K. Fazlul Huq, de la partiso Krishak Praja divenis chefa ministro. En 1942 la nomizita "rezolvo di Lahore" stipulis la kreado di nedependanta stati en nord-est e nord-west Britaniana India.

Kande India e Pakistan divenis nedependanta en 1947, Bangladesh divenis parto di Pakistan, kun la nomo Estala Pakistan, havanta Dhaka kom chef-urbo. Pos sangoza interna milito en Pakistan, Bangladesh divenis nedependanta ye la 16ma di decembro 1971.

Pos la nedependantesko Sheikh Mujibur Rahman asumis provizore la prezidanteso, ed imperis la provizora parlamento skribar nova konstituco. Bangladesh divenis sekulara demokratiala republiko e deklaris la bazala yuri dil civitani. Ol adoptesis ye la 16ma di decembro 1972, un yaro pos la vinko en la milito pri nedependo.

Quankam Sheikh Mujibur havis granda populareso, ilu havis desfacileso pri transformar lua populala suporto en politikala povo por guvernar kom chefo di stato. Ye la 15ma di agosto 1975 Mujibur ed altra membri de lua familio asasinesis.

Historio di Sierra Leone

Hominidi habitis Sierra Leone mili di yari ante nun. Posible la maxim anciena esis la Homo ergaster, pose arivis Homo erectus, e fine Homo sapiens, del etnii Bulom (Sherbro), Temne e Limba. Posible dum l'Antiqueso, l'anciena Greki vizitis la litoro di la regiono.

L'unesma moderna Europano qua arivis en la regiono esis Portugalano Álvaro Fernandes, en 1447. Portugalani komencis komercar sklavi dum la 15ma yarcento.

Dum la 17ma yarcento Britaniani okupis la teritorio. Li komencis sendar multa liberigita sklavi de Usa a la regiono dum la fino di la 18ma yarcento, dum la milito por la nedependo Usana. La Krono Britaniana sendis 400 negri e 60 blanki por fondar la kolonieto Granville Town. La grupo inkluzis ex-sklavi de Usa e de Westal Indii qui sendesis a London. La maxim multa mortis poka tempo pose, pro morbi e pro ataki da lokala populi.

Pos finir la milito en Usa, 3.000 ex-sklavi loyala a la Britaniana Krono sendesis de Nova Skotia a la regiono, tra la privata kompanio Sierra Leone Company. En 1787 la kompanio fondis Freetown. La kolonigiisti konstruktis l'urbo segun la stilo dil urbi de la sudo di Usa, e duris praktikar la religio Metodista. Dum la 19ma yarcento Britaniani duris sendar ex-sklavi a la regiono, note pos finir la komerco di sklavi kun la Britaniana kolonii en 1807. La liberigita sklavi formacis l'elito di la teritorio, ma konfliktis kun lokala populi, de etnio tenne.

Ye la 1ma di januaro 1808, Thomas Ludlam suspensis la funcionado di Sierra Leone Company, e Freetown divenis la chef-urbo di la kolonii Britaniana en la regiono, e resideyo dil koloniala guberniestro. Pos la Konfero di Berlin, de 1884 til 1885, Unionita Rejio decidis okupar plu efikive la regiono, e kreis la protektorato di Sierra Leone. Britaniani kreis imposti a la domicili en 1898, e demandis ke lokala chefi uzis la habitantaro di lia regioni por mantenar la chosei. La habitantaro revoltis kontre l'imposto, e prenis kontrolo di kela regioni dum kurta tempo, ma ante finir 1898 la revolto supresesis.

De 1914 til 1916, Sierra-Leonana trupi sendesis por kombatar koloniala trupi Germana en Togo. En 1924, Sierra Leone dividesis en kolonio e protektorato, kun diferanta administrala sistemi por singla ek li. Domestika sklaveso duris esar praktikata da lokala eliti til lua aboliso en 1928.

Sierra Leone nedependanteskis del Unionita Rejio ye la 27ma di aprilo 1961, kom monarkio che la Britaniana komunitato. Sioro Milton Margai esis lua unesma chefministro. La lando divenis republiko en 1971. Christopher Okoro Cole esis lua unesma prezidanto, ma guvernis nur dum tri dii, de la 19ma til la 21ma di aprilo 1971. Ye la 21ma di aprilo, Siaka Stevens asumis la prezidanteso, e guvernis til 1985. Dum lua guvernisteso multa opozanti asasinesis ed eventis multa denunci pri korupto.

Ye la 23ma di marto 1991 komencis interna milito qua duris til la 18ma di januaro 2002 e produktis cirkume 75 000 morti e 2 milioni desplasizita. Ahmad Tejan Kabbah, qua elektabis prezidanto en 1998, negociis paco-pakti direte kun la rebeli, inkluzite la pafo-ceso di 1999, signatita en Lome. Pos finir la milito ilu sucese rielektesis en mayo 2002, e guvernis til 2007. Ca yaro, Ernest Bai Koroma, kandidato dil opozanta partiso APC, vinkis l'elekto, e sucesis rielektesar en novembro 2012.

En 2014 komencis epidemio di Ebola-viruso, qua dissemis tra la lando e koaktis la deklaro di urjanteso-stando. L'epidemio produktis plu kam 11 mil morti til 2016.

Insulo Man

'Man esas insulo jacanta en Europa, inter Britania ed Irlando. Lua politikala stando esas dependado de Britaniana Krono.

Bazala fakti pri Man.

Islando

Islando esas lando jacanta an nordal Europa. Ol konsistas ek la samnoma insulo plu altra mikra vicina insuleti, inter la kontinento Europana e Grenlando.

Manxana linguo

Manxana linguo esas Kelta linguo parolata en Man-Insulo, mikra insulo en la Maro di Irlando qua esas dependenso auto-governata dil Britaniana Krono qua no apartenas a Unionita Rejio.

Polonia-Lituania

La Komunitato Polona-Lituana, formale la Krono dil Rejio di Polonia e di la Granda-Dukio di Lituania o simple Polonia-Lituania esis duala stato o kunfederuro inter la Rejio di Polonia e la Granda-Dukio di Lituania. Ol esis un ek la maxim vasta, maxim populoza e maxim povoza stati inter la 16ma e 17ma yarcenti.

La komunitato estabilisesis per pakto signatita en Lublin ye la 1ma di julio 1569, malgre ke fakte l'uniono inter la du kroni existis de 1386, kande lora rejino Jadwiga de Polonia mariajis kun la granda-duko Jogaila la 2ma de Lituania.

La habitantaro di la komunitato esis etniale diversa, ed existis kelka libereso religiala grantita dal legalajo pri la kunfederuro, promulgita en Warszawa en 1573.

Pos multa yari di prospereso, komencis epoko di dekado ekonomiala, politikala e militala. To rezultis lua partigo inter lua vicini Austria, Prusia e Rusa, qua kompleteskis en 1795.

Skotia

Skotia esas autonoma lando qua kompozas l'Unionita Rejio, jacante an la nordo dil insulo Britania.

Bazala fakti pri Skotia.

Unionita Rejio

Unionita Rejio esas lando en nord-westal Europa en Atlantiko este de Irlando. Ol konsistas ek Britania (Anglia, Skotia e Wals) e Nord-Irlando.

Chef-urbo: London.

Unionita Rejio anke administras la regioni di:

Gibraltar

St Helena

Bermuda

Falklandi

Insuli Kaiman

Insuli Turks e Kaikos

Montserrat

Anguila

Britaniana Teritorio dil Indiana Oceano

Pitkern.La regioni infre konsideresas dependanti de Britaniana Krono:

Jersey

Guernsey

Insulo di ManBazala fakti pri Unionita Rejio.

Wals

Wals esas ne-suverena stato qua esas parto dil Unionita Rejio e di Britania. Lu havas kom vicini Anglia este, la maro di Irlando norde e weste, e la kanalo di Bristol sude. Lua chef-urbo esas Cardiff.

Bazala fakti pri Wals.

Altra lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.