Kaulo

Kaulo esas planto supala ek la familio "kruciferi".

Sabeliko esas varietato di kaulo, di qua la folii esas tre frizita.

Kalorala regulado

Kalorala regulado esas la kapableso por organismo mantenar lua korpala temperaturo inter certa extremaji malgre ke l'extera temperaturo esas tre diferanta. Ta procedo esas konocita kom konstanta termostato : dinamikala stabileso-stando inter interna kondiciono di animalo e lua extera cirkumajo.

Se la korpo ne esas kapabla mantenar normala temperaturo ed augmentas signifikante supra normala, stando konocita kom hipertermio eventas. L'opozita kondiciono, kande la korpala temperatuo diminutas sub normala niveli, esas konocita kom hipotermio.

Existas organismi qui kontrolas lia korpala temperaturo en certa limiti, dum ke termokonformo chanjas lia korpala temperaturo kun chanji di temperaturo exter lua korpo.

Ne esas til l'endukto di termometro ke kelka exakta donaji pri la temperaturo di animali povas esar obtenita. Esas fondita lor ke lokala diferi esas prezenta, pro ke varmegeso e perdo di varmeso varias grande en diversa parti di korpo, quankam la cirkulado di sango tendencas adportar plu baza temperaturo en l'interna parti. La temperaturo di interna organi esas maxim proxim to di rektumo o en femino di vagino.

Kimchi

Kimchi (Hangule: 김치, Koreana pronuncado: [kimtɕʰi]), o gimchi esas tradicionala Koreana fermentacala disheto facita ek legumi e diversa aromati. Tradicionale, olu preparesis en bokali e konservesis kolde sub la tero dum la somero-monati e diskonjelesis dum la vintro-monati. Olu existas centi diferanta recepti kun kaulo, rafaneto, shaloto e kukombro.

Legumo

Legumo esas parto di kultivo-planto, koliata por uzesar kom nutrajo.

Surkruto

Surkruto esas blanka kaulo groseria raspita pose fermentacinta da Lactobacillus bakterio en sal-aquo. Note en Alzacia kun porko-karnajo esas la tradicionala disho. Ol anke esas tradicionala en tota Germania, Kroatia, Slovakia ed altra landi en Centr-Europa.

Surkruto havas duopla vitamino C do esis maxim utila olim per maristi kontre skorbuto.

Vertumnus (pikturo)

Vertumnus esas pikturo dal manierista piktisto Giuseppe Arcimboldo produktita en Milano c. 1590–1591.

La pikturo esas lua maxim famoza verko ed esas portreto di la Santa Romana Imperiestro Rudolf II ri-imaginita kom Vertumnus, la Romana deo di metamorfosi en naturo e vivo; la frukti e legumi simbolizas la abundo dil Ora Epoko dum la regno dil Imperiestro.

De fore, la kapricoza pikturi da Arcimboldo forsan aspektas quale portreti, ma li kompozesas uzante legumi, libri, planti, koquo-utensili, olei, frukti, mar-animali, animali ed arboro-radiki, singla objekto selektita por krear impresiono dil anatomiala traiti di homala vizajo. La portreto dil imperiestro esas kreita ek planti - flori e frukti di omna sezoni: gurdi, piri, pomi, cerizi, vitberi, frumento, artichoki, pizosheli, maizo, onyoni, kaulo-folii, kastani, figi, morusi, pruni, grenadi, diversa kukurbiti ed olivi.

La portreto di Rudolf esas kompozita ek frukto, legumi e flori por simbolizar la perfekta equilibro e harmonio kun naturo reprezentita da lua regno. Ica portreti esis expreso dil facineso dil Renesanco-mento pri enigmati e lo bizara. La tradicionala religiala temi da Arcimboldo pose obliviesis, ma lua portreti di homala kapi kompozita ek objekti grande admiresis tatempe. La pikturo Vertumnus apartenas la kolekturo che Kastelo Skokloster en Suedia.

Altra lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.