Iraco

Iraco esas violenta emoco preske furio produktita per to ke iritas o kontre-agas.

Emoco

En psikologio esas centrala problemo, quale on definas emoco. Granda parto de teoriisti e serchisti che psikologio aprobas sequanta defino: Emoco esas komplexa proceso, a qua apartenas neurofiziologiala, neuromuskulara e fenomenologiala aspekto.

En neurofiziologiala nivelo on definas emoco kom elektro-kemiala aktiveso di nevrala sistemo.

En neuromuskulara nivelo emoco signifikas aktivesko di la faciala muskuli, altre dicante mieni di fizionomo, ma anke pozi di la korpo, gesturi ed altreski en la voco.

En fenomenologiala nivelo emoco esas subjektiva experienco, altre dicante on “sentas” joyo od odio. En ca nivelo emoco esas experienco motiviganta od experienco havanta mediata signifiko a homo.Kande on experiencas reala emoco, omna niveli aktiveskas. Do reala emoco esas tre totala e blokala reakto. Ofte emoco esas anke trans omna kontrolo psikala. Quankam on esforcas regular e celar emoci, li “likas” per ula moyeno ek ni.

Emoco esas psikologiala experienco

subjektala ed interna,

di individuo o grupo,

objektala biologiala reaktioni (adrenalino)

eventinta en respondo a certena situi

opozeso o ne kun koncianta deziro.Ulo traduktas su generale lore per respondo qua povas esar

afektala

aceptago

amo - amoro

astoneso

chagreno

decepto

enoyo

envidio

espero

kulpozeso

iraco

jaluzeso

joyo

odio

pavoro

remorso

repugneso

sufro

fiziologiala (chanji en interna korpala funcionado, altri kompreneble qua to facinta parto di kozi dil emoco,

konocala (situ-interpreto - videz cerebro-lavado)

konduktala.

Finlando kom gubernio en Suedia

Finlando esis gubernio en Suedia til yaro 1808. On parolas, ke Finlando esis inter l’ ocidento e l’ oriento e ofte divenis kombato-feldo di Suedia e Rusia.

Jedi

La Jedi (pronuncata Jedai) esas monakala ordeno di kavalieri en la fiktiva Star Wars (stelala militi) universo. Le Jedi esas quale kavalieri en altra mitologii ma li uzas the force (la forco), povo misterioza qua donas a li granda povo. On dicas ke la filmifisto George Lucas facis la vorto Jedi de la Japona Jidaigeki (時代劇, filmi pri Samurai ed altri en la anciena periodo, specale Edo).

La forco havas du aspekti segun le Jedi: la lumoza e la tenebroza lateri. Le Jedi uzas la lumoza latero ma existas anke le Sith, ti qui uzas la ombro por ganar plu multa povo. Rezistar la tento di la tenebroza latero esas ofte vibebla temo en la filmi di Star Wars.

Juracho

Juracho esas termo o breva expreso, plu o min grosiera, qua uzesas por donar partikulara intenseso ad diskurso, sive por expresar to qua ulo sentas kontre donita situo, sive por manifestar sua iraco, sua indigno o sua surprizo (en la lasta kazo facas ofico d'interjeciono od ankore por donar talamaniere plura intenseso a la parolado.

Juracho povas eventuale esar interpretita kom insulto segun la cirkonstanci en qua esas enuncita. Tamen, en multa kazi juracho esas reakto kontre situo e ne vizas partikulare ula destinario.

Kristanismo

Kristanismo esas monoteista kredo qua predikas ke Iesu esas la mesio. La vorto enkorpigas la religiala sistemi, dogmati e praktiki de la Kristani. Kristani kredas ke Iesu, Juda voyajanta predikero konsiderata la Mesio (to esas, la redemtero), esas la filiulo di Deo sendita a la Tero por salvar la homaro de la peko. Kristanismo kreskis dum l'unesma yarcento ek la Judaismo. Kristani konsideras la Biblo, inkluzante l'Anciena Testamento e la Nova Testamento, kom sua santa texto. Importanta rituali esas bapto ed eukaristio, ma anke esas altra ritui, kun diferi inter la Kristana subdividuri.

Quale Islamo e Judaismo, Kristanismo esas klasifikata kom "Abrahamana religio". La 3 religii konsideras Abraham l'unesma profeto. Existas inter altri diferi inter la kredi pri la rolo di Iesu e la naturo di Deo. Kristanismo esas kredo universalista, qua aceptas kredanti de omna populi, kulturi e sexui ed aktive konvertas homi a sua kredaji. Ol anke emfazas kredaji ed opinioni plu multe kam altra religii ed observado di religiala regli esas relative min importanta. Do ol ofte judikesas kom ortodoxa religio. Teologio relative importantesas inter Kristani.

Dum la komenco dil 21ma yarcento Kristanismo havis de 1,5 til 2,1 miliard adepti, qui reprezentas de 1/4 til 1/3 de mondala habitantaro. Ca numero inkluzas "nominala" kredanti. Kun ica numero, Kristanismo esas la religio qua havas la maxim granda numero di adherenti. Ol anke esas l'oficala religio di multa landi. La adherantaro deskreskis en diversa landi de la 19ma yarcento.

La subdividuro kun la maxim granda numero di kredanti esas katolikismo, e la Katolik Eklezio esas anke la maxim granda eklezio. Protestantismo, qua esas tre diversa, esas la duesma maxim granda subdividuro ed Orientala ortodoxismo esas la triesma. Anke existas ancien ortodoxa tradicioni, qui ne apartenas al Orientala ortodoxismo.

Delonge existas Kristana komunitati en Azia, Nord Afrika ed Europa, ma nune Kristanismo judikesas kom precipue religio del Westala mondo.

Pavoro

Pavoro esas la voyo irante a la Tenebroza Latero. Fear duktas a iraco, iraco duktas ad odio, odio duktas a doloro. ~ Yoda en Star Wars Episode I: The Phantom Menace.

Pavoro esas emoco pro danjero-impreso. Pavoro esas un dil bazala emoci ed ofte aparas pri kozo partikulara: pavoro pri tenebrozo, pavoro pri fantomi, e.c.

Solanja

Solanja esis belega ruranino vivinta dum la 9ma yarcento e volis divenar monakino por donar su a Deo. Ma pro elua beleso la yuna duko di Aquitania amoreskis el e volis spozigar elu. El refuzis ica mariajo e rezistis lua deziri omnamaniere. Pro iraco il ocidis elu e tranchis ad el la kapo.

Altra lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.