Elizabeth la 2ma di Unionita Rejio

Elisabeth II (naskinta Elizabeth Alexandra Mary ye la 21ma di aprilo 1926 en London) esas la nuna rejino di Unionita Rejio. El anke esas rejino di 15 altra landi, de la Commonwealth: Kanada, Australia, Nova-Zelando, Jamaika, Barbados, Bahama, Grenada, Papua-Nova-Guinea, l'Insuli Salomon, Tuvalu, Santa Lucia, Santa Vincent e Grenadini, Antigua e Barbuda, Belize, e Santa Kitts e Nevis. El divenis rejino ye la 6ma di februaro 1952 kande elua patro, George la 6ma di Unionita Rejio, mortis. Pos la 9ma di septembro 2015 elua regno divenis la maxim longa de la historio di Unionita Rejio.[1]

El amoras robi kun vivaca kolori e hundi de raso corgi.

Elizabeth 2ma
Queen Elizabeth II March 2015
Rejino di Flag of the United Kingdom.svg Unionita Rejio
Guvernisteso: de la 6ma di februaro 1952 til nun
Precedanto: George la 6ma
Personal informi
Naskodato: 21 di aprilo 1926
Naskoloko: Mayfair, London, Anglia
Spozo: Princo Philip, Duko di Edinburgh

Referi

  1. (6ma di septembro 2014) Elizabeth Set To Beat Victoria's Record As Longest Reigning Monarch In British History. The Huffington Post. URL vidita ye la 28ma di septembro 2014.
20ma yarcento

La 20ma yarcento komencis ye la 1ma di januaro 1901 e finis ye la 31ma di decembro 2000. Dum ta yarcento eventis la falio di Otomana, Germana e Austriana-Hungariana imperii, ed anke l'Unesma e la Duesma mondomiliti.

De la fino dil duesma mondomilito til 1991 restis du superpovi en la mondo: Usa e Sovietia. La tensi inter la du kreskis, ed originis kolda milito. Du importanta militi esis konsequaji de ta tensi: milito di Korea e milito en Vietnam. En 1991 Sovietia krulis, ed Usa divenis l'unika superpovo del mondo.

Gradope pos la duesma mondomilito komencis la deskoloniigo di Afrika ed Azia. Indiana subkontinento dividesis en du nedependanta stati en 1947: India e Pakistan. En Azia la deskoloniigo-proceso en Indochinia efektigis l'Unesma milito en Indochinia, qua duris de 1946 til 1954. En Afrika deskoloniigo-procedo di Aljeria efektigis la milito di Aljeria, qua duris de 1954 til 1962.

Malgre ke dum la duesma yardeko aparis la nomizita Hispana influenzo (1918-1920) qua mortigis de 50 til 100 milion personi en tota mondo, dum la yarcento eventis granda progreso pri medicino, kun uzo di nova teknologii e medikamenti. Yen kelka exempli: l'uzo di X-radiaco, deskovrita da Wilhelm Conrad Röntgen, qua permisis kuracar frakturi, lokizar stranja objekti en la korpi ante kirurgii, e detektar kelka morbi plu precize; la kordiala transplantaco; la deskovro di la penicilino ed altra antibiotiki; la deskovro ed uzo di sulfonamido; l'invento di tomografio; la deskovro dil DNA; e l'invento di medikamenti kontre gravidesko. La habitantaro di la Tero kreskis tro rapida, e superiris 6 miliardi ante la fino dil yarcento. Granda epidemii kontrolesis per vacini, exemple l'extirpo di la variolo, e per nova medikamenti e tekniki. Tamen, dum la yari 1980ma l'epidemio di AIDS aparis ed expansis.

Eventis revoluciono en la telekomuniko ed expanso di la konoco tra la developo di komputeri* ed interreto. Transporto anke subisis revoluciono, kun l'expanso dil uzo di vehili kun motori di interna kombusto (automobili, kamioni, avioni...). L'aviono, inventita dum la komenco dil yarcento, evolucionis til permisar trans-kontinentala voyaji en poka hori. Ol anke evolucionis kom armo por militi, ed uzeesis intense dum la duesma mondomilito.

La developo di fuzei dum e pos la duesma mondomilito permisis lansar l'unesma artificala satelito en 1957 e sendar l'unesma homo a la Luno en 1969, ed anke sendar kosmoprobili ad altra planeti. L'artificala sateliti permisis expansar la komuniki de l'un kontinento a l'altru, expansar la vetera predico e trovar minerala richesi en la subtero.

Multa socii diferesis e diversa politikala idei vinkis e falis kun stati.

21ma di aprilo

Videz quo ligesas adhike (che utensili). - A pagino di yaro.

La 21ma di aprilo esas 111ma dio di la yaro (112ma en bisextila yari) segun la Gregoriala kalendario. Restas 254 dii til la fino di la yaro.

2ma di junio

Videz quo ligesas adhike (che utensili). - A pagino di yaro.

La 2ma di junio esas la 153ma dio di la yaro (154ma en bisextila yari) segun la Gregoriala kalendario. Restas 212 dii til la fino di la yaro.

6ma di mayo

Videz quo ligesas adhike (che utensili). - A pagino di yaro.

La 6ma di mayo esas la 126ma dio di la yaro (127ma en bisextila yari) segun la Gregoriala kalendario. Restas 239 dii til la fino di la yaro.

Bahama

Bahama esas insul-grupo konsistanta ek 700 insuli en Nord-Amerika, 80 km este del insulo Bimini, en Florida, Usa.

Bazala fakti pri Bahama

Barbados

Barbados esas mikra-insulala lando che Karibiana Maro. Ol distas 402 km nord-weste de Venezuelana litoro ed esas la maxim estal insulo di Antili. Lua denseso di habitantaro esas un ek la maxim granda del mondo.Bazala fakti pri Barbados.

Chefo di stato

Chefo di stato o statestro esas la persono qua reprezentas publike un monarkio, republiko, federuro, kunfederuro o kelka altra tipi di stato. Lu exercas povi ed ofici establisita en la konstituco.

Kande Charles de Gaulle skribis la moderna konstituco di Francia, ilu deskriptis roli, quin ilu konsideris importanta por la Franca prezidanto, exemple "enkorpigar la karaktero di la naciono" por la naciono ipsa e por la mondo: une certe idée de la France ("certena ideo pri Francia"). Nune, multa landi expektas ke lua chefi di stato personigez nacionala valori en simila maniero.

Chefo di stato di un lando anke povas esar chefo di un komitato, exemple en Suisia, od un diktatoro, quale eventis en nacional-socialista Germania sub sua Führer Adolf Hitler. En oligarkala republiko, exemple la Republiko di Venezia o Romana Republiko, la chefo di stato esis la precipua lokala judiciisto, qua recevis la titulo "dojo" en Republiko di Venezia, o "konsulo" en la Romana Republiko.

La chefo di stato povas anke akumular povi di chefo di guvernerio, quale en la prezidantala republiki, exemple Brazilia, Arjentinia ed Usa, od en absoluta monarkii. En parlamentala rejimi, la chefo di guvernerio esas chefministro.

Falklandi

Falklandi o Malvini esas arkipelago en sud-Atlantiko apartenante ad Unionita Rejio. Port Stanley esas lua chef-urbo.

Bazala fakti pri Falklandi.

Grenada

Grenada esas mikra lando en Karibiana Maro, konsistanta ek l'insulo Grenada, e parto del insuleti nomizita Grenadini.

Bazala fakti pri Grenada

Historio di Barbados

L'unesma habitanti di Barbados esis indijeni Arawaki e Karib-i, qui arivis al insulo de Sud-Amerika cirkume 350 til 400 aK. Portugalani vizitis l'insulo en 1536 ma ne koloniigis ol. Hispani anke vizitis l'insulo ma ne okupis ol. Kelk indijeni Arawak de Britaniana Guyana enmigris a l'insulo dum la yari 1800ma, e duras vivar ibe.

Unesma Angliani arivis en la navo Olive Blossom, e desembarkis en la regiono di nuna Holetown en 1625. Li okupis l'insulo en nomo dil rejulo James la 1ma, e komencis kultivar sukrokano en 1640 e transportis Afrikana sklavi por kultivar ol.

En 1780 forta uragano mortigis 4.000 personi. En 1854 un epidemio di kolero mortigis plu kam 20.000 personi.Barbados sempre havis granda autonomio: unesma lokala asemblajo instalesis en 1639. En 1807, Britaniani abolisis la komerco di sklavi, ma ne la sklaveso. En 1816 eventis granda revolto di sklavi, en qua 20.000 sklavi partoprenis. La revolto faliis, e 120 sklavi mortigesis en kombati od mortigesis nemediate. Altra 144 judiciesis ed mortigesis pose. Sklaveso fine abolisesis en 1833. La nombro di sklavi ta yaro esis 83.000.

En 1884 la membri de la societo dil agrokultivisti di Barbados skribis letro a Francis Hincks, Kanadana politikistulo, e demandis l'admiso di Barbados en Kanadana Kunfederuro. Tamen, proprietanti di plantaceri e Britanian-decendanta komercisti formacis la majoritato di la personi kun yuro por votar, e ne aceptis ta ideo. Plu kam 70% de la habitantaro, note mulieri, ne havis yuro por votar.

Nur dum la yari 1930ma la decendanti di sklavi komencis revendikar politikal yuri. Un ek la chefi de ta movado, Grantley Adams, fondis la partiso Barbados Labour Party en 1938.

En 1952 la jurnalo Barbados Advocate konsultis diversa Barbadana politikisti, advokati ed entraprezisti e deskovris ke li esis favorebla ad federuro kun altra Karibian insuli. De 1958 til 1962 Barbados esis membro di la Federuro di Westal Indii.

Fine, la lando divenis nedependanta de Unionita Rejio ye la 30ma di novembro 1966 kom monarkio, kun Elizabeth la 2ma di Unionita Rejio kom rejino e J.M.G.M. Adams, filiulo di Grantley Adams, kom chefministro. De 1946 til 1980 la procento-kresko dil habitantaro diminutis 1/3 por enmigro vers l'Unionita Rejio.En 1983 Barbados ed altra Karibiana landi unionis kun Usa por invadar Grenada ed ekpulsar marxista rejimo. En 1985 J.M.G.M. Adams mortis, e Bernard Saint John divenis chefministro.

Historio di Ghana

La litoro di la nuna Ghana habitabas de adminime la Bronz-epoko, to esas, 2.000 yari aK. Doplande, la centro e la nordo di la lando habitabas de adminime 3.000 o 4.000 yari aK. L'anciena imperio di Ghana od "rejio di Ghana" existis de c. la yaro 300 til cirkume la yaro 1200 norde de la nuna Ghana, en teritorio nune apartenanta a Mauritania e Mali. Segun la historiisto Berbera Al Yaqubi, l'imperio Ghana esis un ek la tri maxim bone organizita rejii de la regiono adweste de Sudan, l'altra du esante l'imperio Gao e l'imperio Kanem. La rejio di Ghana pro l'ataki de lua vicini, ma lua famo duris. En 1957, kande la chefi de lore kolonio Ora Rivo serchis nomo por la lando nedependanta, li selektis "Ghana" homaje a la rejio, quankam la disto inter la du teritorii.

Portugalani arivis en la regiono en 1470. Li nomizis ol Ora Rivo pro trovir komerco di oro en la regiono. En 1598 arivis la Nederlandani. Dum la 16ma e 17ma yarcenti, populi Akan, qui posible migris de regioni nune kovrata dal dezerto Sahara e de Sahel establisis su en la regiono e formacis l'imperio Ashanti. Li kaptis sklavi en la vicina regioni por vendar li unesme a la Portugalani e pose a la Nederlandani e la Britaniani. Britaniani okupis bastioni en la regiono depos 1821, ma konfrontis rezisto di la populo ashanti til 1900.

Britaniani introduktis ed expansis kultivi di kafeo e kakao e konstruktis ferovoyi en la regiono, lore konocita kom Ora Rivo. La kolonio exportacis precipue ligno ed oro. La revenui del exportacajo di naturala moyeni permisis krear sistemo di eduko plu bona kam la sistemi de altra regioni di Westal Afrika. L'Afrikana elito qui studiis en ta sistemo ganis la moyeni e la deziro por luktar pri nedependo. Cirkume la yaro 1940, 91.000 pueri studiis en skoli di Ora Rivo.

Ghana divenis nedependanta de Unionita Rejio ye la 6ma di marto 1957. Elizabeth la 2ma di Unionita Rejio esis l'unesma statestro pos la nedependo. Ye la 1ma di julio 1960, chefo di libereso-movemento Kwame Nkrumah asumis prezidanteso. Nkrumah kreis la movimento Pan-Afrikanismo e helpis fondar l'OUA. Desfortunoze, Kwame Nkrumah ne esis respektita kom chefo en lua lando, ed ye februaro 1966 kande ilu voyajis exterlande, ilu revokesis per stato-stroko. Generalo Joseph Arthur Ankrah asumis povo til 1969.

En 1981 lietnanto Jerry Rawlings asumis povo, e guvernis kom diktatoro til 1993. En 1992 il permisis riorganizo di politikala partisi, fondis National Democratic Congress e ganis prezidantala elekto ta yaro. Il asumis kom elektita prezidanto ye la 7ma di januaro 1993 ed rielektesis en 1997. Ye la 7ma di januaro 2001 John Agyekum Kufuor sucedis ilu. Dum lua guvernisteso, ilu stimulis la developo e modernigo dil agrokultivo, dil entraprezi, di sociala protektado e di la substrukturo.

Kufuor guvernis til la 7ma di januaro 2009, kande l'elektita prezidanto John Atta Mills asumis la povo. Atta Mills guvernis til lua morto ye la 24ma di julio 2012, kande la viceprezidanto John Dramani Mahama asumis la povo. Dramani Mahama vinkis la prezidantal elekto en decembro sam yaro e guvernis til la 7ma di januaro 2017, kande lua opozanto, Nana Akufo-Addo, asumis pos vinkar l'elekti di decembro 2016.

Historio di Malta

Malta ja habitesis dum neolitiko, de cirkume 5200 aK. Lua habitanti kultivis cereali ed edukis domestika brutaro. Feniciani koloniigis l'insuli aproxime 1000 aK.

Cirkume 700 aK, Greki habitis l'insuli. Kartagani okupis Malta en 440 aK. Li kultivis olivo, karubi e produktis stofi.

Romani anke okupis l'insuli en 218 aK. En 117 aK Romani transformis Malta en Municipium. En 60, Paulus de Tarsus arivis en l'insuli e komencis dissemar kristanismo. L'insulo esis parto de Bizancana Imperio de 395 til 870.

L'arabi okupis l'insuli en 870. En 1091, Normandi komandita da Roger la 1ma di Sicilia konquestis ol. En 1530 Hispania donacis l'insuli a Templala Kavalieri. En 1798 Napoléon la 1ma okupis la teritorio. En 1814, pos la kontrato di Paris, l'insuli divenis parto dil Britanian imperio.

Dum la duesma mondomilito, l'arkipelago esis importanta militala bazo por Unionita Rejio, e rezistis ataki de Italiani e Germani. Por lua braveso, ye la 16ma di aprilo 1942 lor rejulo George la 6ma donis al insulo la honora medalio "Kruco di George" (George Cross).

Pos intensa negocii, Malta nedependanteskis erste ye la 21ma di septembro 1964, kun Giorgio Borg Olivier kom chefministro, ed Elizabeth la 2ma di Unionita Rejio kom rejino. En 1971 Laborala partiso, komandita da Dom Mintoff, ganis elekti, e transformis Malta en republiko ye la 13ma di decembro 1974. Tamen, la lando duris esar membro di Britaniana komunitato.

Malta deklaris su neutra lando en 1980. En 1989 la lando gastigis renkontro inter Ronald Reagan e Mihail Gorbachov. En 1990, lora chefministro Guido de Marco aplikis por enirar Europana Ekonomiala Komunitato. Malta divenis membro dil Europana Uniono erste ye la 1ma di mayo 2004.

Jomo Kenyatta

Jomo Kenyatta, naskinta Kamau wa Ngengi (1892 til 1978) politikisto, esis unesma prezidanto di Kenia, e guvernis de 12 di decembro 1964 til lua morto, ye la 22ma di agosto 1978. Ilu anke esis chefministro di lando, de la 1ma di junio 1963 til la 12ma di decembro 1964.

Kanada

Kanada esas lando jacanta en Nord-Amerika e konsistanta ek 10 provinci e 3 teritorii. Ol havas kom vicini Usa sude, Alaska (Usana stato) weste, Grenlando e Santa Pierre e Mikelon este. Norde jacas l'Arktika oceano. En 2018 la lando havis cirkume 37 milioni habitanti.

Kanada esas la duesma maxim vasta lando de la mondo, e lua komuna frontiero kun Usa esas la maxim longa terala frontiero de la mondo.

Bazala fakti pri Kanada.

Listo pri prezidanti di Kenia

Yen la listo di la chefi di stato di Kenia pos la nedependo di lando, ye la 12ma di decembro 1963.

Santa Kitts e Nevis

Santa Kitts e Nevis esas mikra lando jacanta an Karibia. La plena nomo dil arkipelago esas Santa Christopher e Nevis. Kit es Angla familiara nomo por Christopher.

Bazala fakti pri Santa Kitts e Nevis.

Unionita Rejio

Unionita Rejio esas lando en nord-westal Europa en Atlantiko este de Irlando. Ol konsistas ek Britania (Anglia, Skotia e Wals) e Nord-Irlando.

Chef-urbo: London.

Unionita Rejio anke administras la regioni di:

Gibraltar

St Helena

Bermuda

Falklandi

Insuli Kaiman

Insuli Turks e Kaikos

Montserrat

Anguila

Britaniana Teritorio dil Indiana Oceano

Pitkern.La regioni infre konsideresas dependanti de Britaniana Krono:

Jersey

Guernsey

Insulo di ManBazala fakti pri Unionita Rejio.

Altra lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.