Diocezo

Diocezo esas (katolikismo) distrikto di qua la judicialeso religiala resortisas ad episkopo od arkiepiskopo.

Alet-les-Bains

Alet-les-Bains (Alet en Ocitaniana, olima ortografio Aleth) esas komono en la departmento Aude en la regiono Occitanie en sudala Francia.

Alet-les-Bains situesas proxim termo en Aude en sudala Francia. La vilajo distas cirkume un e duima hori del maro, ed un horo de vintro-sporto-centro. Ambalatere dil vilajo, la monti atingas alteso de 750 metri super maro-nivelo. Aceso al fervoyo SNCF esas trovebla che la staciono Alet-les-Bains.

L'origino dil abadeyo di Alet-les-Bains esas nesavata, ecepte prioreyo en la okesma yarcento. Ol probable fondesis da Béra, viskomto di Razés. En la dekeduesma yarcento, ol havis granda influo e multa pilgrimanti. En 1318, l'abadeyo divenis episkopio por durar la lukto kontre la Katari; tale ol restis til la Franca Revoluciono. La diocezo havis okadek parokii e kovris areo de Formiguères til Saint-Paul-de-Fenouillet. Muro, kun quar pordegi, konstruktita en la dekeduesma yarcento por protektar l'abadeyo, esas ankore videbla hodie.

En la dekesisesma yarcento, dum la religio-militi, la Hugenoti brulis e destruktis l'abadeyo. En la dekesepesma yarcento, Nicolas Pavillon, episkopo di Alet qua defiis la guvernerio di Rejo Louis XIV, povabus trovar la moyeni reparar l'abadeyo, ma sentis ke, donite la povreso dil homi en sua diocezo, lo esabus neaceptebla. Il ya tamen konstruktis ponto trans Aude en 1662 e provizis plubonigita irigaco-sistemo.

Vidindaji

Abadeyo e katedralo del dekesepesma yarcento

Mezepokala, fortifikita kastelo

Hoteli de la dekeduesma e dekequaresma yarcenti

Fonto de termale varmigita aquo, deskovrita dal Romani plu kam duamil yari ante nun

TermoL'aquo di Alet-les-Bains esas un ek la maxim anciena vendata mineral-aqui en Francia, unesme enboteligita plu kam 120 yari ante nun, ol esas un ek la maxim granda fonti en Francia. La vilajo esas tre vivaca e posedas kazino, termo, plura hoteli, e plura butiketi. Esas un generala butiko.

Ciné Sans Filet esas festivalo pri kurta filmi qua eventas omnayare dum la duesma semanfino di agosto; ol inkluzas cent-e-kinadek kurta filmi dum tri dii.

Dum la 21ma yarcento multa britaniani translojis ad Alet-les-Bains.

Badajoz

Badajoz esas la chefurbo di la provinco Badajoz en la autonoma komuneso Extremadura, Hispania.

Ol situesas proxim la frontiero kun Portugal, an la sinistra rivo di la rivero Guadiana. La habitantaro en 2011 esis 151.565.

Konquestita dal islamani en la 8ma yarcento, Badajoz divenis islamana rejio, la Taifa di Badajoz. Pos la reconquista, l'areo disputesis inter Hispania e Portugal dum plura yarcenti, to quo rezultis en plura militi, inkluzanta la Hispana Sucedo-Milito (1705), la Peninsulala Milito (1808–1811), la Siejo di Badajoz (1812), e la Hispana Interna Milito (1936). Hispana historio reflektesas en la urbo.

Badajoz esas la sideyo dil Katolika Arkidiocezo Mérida-Badajoz. Ante la kombino di la Diocezo Mérida e Diocezo Badajoz, Badajoz esis la sideyo dil Diocezo Badajoz de la komenco dil episkopio en 1255. La urbo esas kelke eminenta, "kronizita" da la ruinuri di islamana kastelo, e superregardanta la rivero Guadiana, qua fluas inter la kastelo-kolino e la potente armizita fuorto San Cristobal.

L'arkitekturo di Badajoz indikas olua tempestoza historio; mem Badajoz-Katedralo, konstruktita en 1238, similesas fortreso, pro sua enorma muri. Badajoz esas hemo di la futbalo-klubi CD Badajoz ed AD Cerro de Reyes, e la basketbal-klubo AB Pacense. Ol servesas da Fervoyo-Staciono Badajoz e Badajoz-Aeroportuo.

Drenthe

Drenthe (pr. c. drenta) esas provinco di Nederlando, situita en la nordesto di ta lando.

Ol havas frontieri kun Overijssel sude, Frizia weste, Groningen norde, e Germania (distrikti Emsland e Bentheim, landeto Niedersachsen) este. En januaro 2017, ol havis habitantaro 491.867 e tota areo 2683 km².

Drenthe esas habitata depos 150.000 yari. La regiono esis dum ta tempo parto dil Episkopio di Utrecht, Habsburgana Nederlando, Nederlandana Republiko, Bataviana Republiko, Rejio di Holando, e Nederlando. Drenthe esas oficale provinco depos 1796.

La chefurbo e sideyo di la provincala guvernerio esas Assen. La Laboro-Partiso (PvdA) esas la maxim granda partiso en la States-Provincial, dop qua esas la Volkspartij voor Vrijheid en Democratie (VVD) e Christen-Democratisch Appel (CDA).

Drenthe esas skarse habitata rural areo, nequale multa altra parti di Nederlando. Ecepte ula industrio en Assen ed Emmen, la tero en Drenthe precipue uzesas por agrokultivo.

Episkopo

Episkopo esas alt-oficiero di eklezio Kristana, chefo o pastoro di diocezo; anke en shako.

Katolik eklezio

Katolik eklezio esas la plu granda kristana eklezio en la mondo. Ol konsistas ek 23 apartayura eklezii, qui omna agnoskas l'episkopo di Roma, la papo, quale posteulo di santa Petro e chefo di l'omna katolik episkoparo. Inter ti apartayura eklezii, unu, la maxim granda, nominita la latina, esas ocidentala; l'altra esas orientala. La membraro lojas precipue en Europa, Amerika e Central Afrika.

Ludwig van Beethoven

Ludwig van Beethoven (1770 til 1827) esis importanta klasik-kompozisto de Germania ed Austria.

Makau

Makau (Chiniane:澳門; 澳门), oficale la Specala Regiono Administrala di Makao esas autonoma regiono de la Populala Republiko di Chinia ed anciena kolonio di Portugal. Jacanta an la delto dil Fluvio di la Perli, ol konsistas sole ek la urbo Makau.

Makau administresis da Portugal de la duimo di la 16ma yarcento til la fino di 1999, ed esis la lasta Europana kolonio en Azia.

Bazala fakti pri Makau

Numidia

Numidia esis anciena berbera rejio qua okupis la nordo di la nuna Aljeria e Tunizia, an la nordo di Afrika apud Mediteraneo. La rejio existis de 202 aK til 46 aK kande Romani anexis ol.

Historiisto Polybius mencionis la nomo Numidia por por indikar la teritorio weste de Kartago. Kande Romani okupis ol, li dividis la rejio en du provinci. Dum la rejio di Konstantinus la Granda, ilu riunigis la du provinci e transferis lua chef-urbo a Cirta, rinomizita Constantina (nune Constantine, Aljeria) en lua honoro. La regiono esis un ek la sep provinci dil diocezo di Afrika til Vandali invadis ol en 428. L'invado efektigis ekonomiala e politikala dekado, qua koincidis kun la dezertigo di la regiono.

Salisbury

Salisbury (pr. c. Solzbri o Soolzbri) esas katedral-urbo en la komtio Wiltshire, Anglia.

Ol esas la triesma maxim granda habiteyo en ta komtio, dop Swindon e Chippenham, kun habitantaro 40.302.

La urbo situesas en la sudesto di Wiltshire, proxim la bordo di Salisbury-Planajo. La katedralo olim situesis norde en Old Sarum; pos olua rilokizo, habiteyo kreskis cirkum ol, atraktinta rezidanti de Old Sarum e Wilton. La nova urbo recevis sua urbo-charto en 1227 sub la nomo New Sarum, ankore la oficala nomo til 2009, kande Salisbury City Council (la urbo-konsilistaro) establisesis.

Ol jacas ye la kunflueyo di kin riveri: Nadder, Ebble, Wylye e Bourne enfluas la Hampshire-Avon, qua fluas a la suda marbordo ed aden la maro en Christchurch, Dorset. Salisbury-fervoyo-staciono servas la urbo ed esas regional interchanjeyo, inter la West of England Main Line e la Wessex Main Line.

Stonehenge, Mondala Heredajo-Situo di UNESCO, esas c. 13 km nordweste de Salisbury ed enorme helpas la lokala ekonomio. La urbo ipsa, Old Sarum, la nuna katedralo e la ruinuri dil olima katedralo anke atraktas vizitanti.

Seminario

Seminario esas domo religiala ube onu preparas, en singla diocezo (katolika) la kleriki aprentisa, qui aspiras a nominesor kleriki.

Sinodo

Sinodo esas :

asemblitaro de membri di la klerikaro.

asemblitaro de la klerikaro di diocezo, konvokita da l'episkopo.

asemblitaro da la pastori protestantista.

Tituliera sideyo

Tituliera sideyo episkopal od arkiepiskopal esas, en la eklezii naskinta del Romana katolika eklezio e del ortodoxa kanonika eklezii, titulo grantata a certena prelati qui, sen havar judiciala resortiso super la nuna diocezi, exekutas funcioni en la guvernado di sua eklezii, por qui li investesas kom episkopi. La nomino di «tituliera» episkopi od arkiepiskopi strikte resortisas al Santa Sideyo, en la kazo dil Romana katolika eklezio, ed al patriarki (precipue ad olta di Konstantinoplo) en la kazo dil ortodoxa eklezii.

En la Romana katolika eklezio, ti a qui ica titulo grantesas, olim nomizita episkopi in partibus infidelium («en la landi dil nefideli»), per refero ad anciena diocezi dume desaparinta, nomesas ‘tituliera episkopi’ de papo Leo la 13ma (1882). Singla episkopo, mem se koaktata a demisiono, restas «episkopo di partikulara loko»; lore grantesas a lu la titulo di tituliera sideyo.

Malgre la importanta nombro de tituliera episkopi en la katolika Latina eklezio, la teologial konveno di ca episkopi sen reala pastoral ofico produktas debati. Oportas ya savar ka la granto di eklezio sen reala existo konstitucas kazo di absoluta ordinaco, t.e., sen pastoral determino, kondamnita de pos 1ma koncilo di Nicea (325).

En la ortodoxa eklezii, precipue en olta di Grekia, la tituliera sideyi korespondas al anciena episkopi od arkiepiskopi dil Bizancana imperio qui restis sen fideli pro la transiro dil habitanti di ca territorii ad Islamo e pro la ekpulso dil kristani dum la yarcenti (precipue lor la Traktato di Lausanne en 1923.

Zagreb

Zagreb esas la chef-urbo e la maxim grand urbo di Kroatia. Ol jacas nord-weste di la lando, an rivero Sava, an la sudala taludi di monto Medvednica. Segun demografiala kontado en 2011 ol havis 792 875 habitanti. Lua metropolala regiono havas 1.110.517 habitanti. Ol administresas separite de la samnoma komtio, e subdividesas en 17 urbala distrikti.

L'urbo existas de la Romana epoko. Zagreb konocesas pro sua diversa-brancha ekonomio, alta vivo-qualeso e granda quanto de muzei e sportal ed amuzal eventi. L'urbo esas importanta centro por internaciona komerco ed aferi, e loko ube importanta chosei Europana interligesas. Ol koncentras anke importanta industrii, ed institucuri ciencala ed inquestala. Preske omna granda firmi Kroatiana havas sua sideyo en Zagreb.

Altra lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.