Austria-Hungaria

Austria-Hungaria esis antiqua monarkio qua existis en Europa. Anke konocesis kom Austriana-Hungara imperio.

Bazala fakti pri Austria-Hungaria.

Strukturo e nomo

La kompleta nomo dil imperio esis La rejii e teritorii reprezentita en l'Imperiala Konsilantaro e la teritorii dil Hungara Santa Krono di Santa Stefanus. En Germana: Die im Reichsrat vertretenen Königreiche und Länder und die Länder der Heiligen Ungarischen Stephanskrone. En Hungara: A Birodalmi Tanácsban képviselt királyságok és országok és a Magyar Szent Korona országai.

Historio

Austria-Hungaria kreesis da kompromiso signatita en 1867 da Austriana imperiestro Franz Josef la 1ma kun Hungariana delegitaro komandita da Ferenc Deák. Per ica kompromiso, la du regioni dil imperio, Austria e Hungaria divenis administrita per separita parlamenti e Chefa ministri. La rejulo, l'armeo e kelka ministri esus la sama en la du teritorii. Hungara parlamento aceptis ed aprobis la kompromiso ye la 30ma di marto 1867.

Pos 1878 Bosnia e Herzegovina divenis sub Austrian-Hungarian militala e civila administrado, ed anexesis komplete en 1908. To efektigis politikala krizo kun altra povi. Parto di la sanjak (Otomana provinco) Novi Panzar okupesis da Austria-Hungaria, ma Austrian-Hungariani abandonis ol, kambie l'okupeso di Bosnia.

Austrian-Hungarian imperio esis un ek la Centrala Povi, kun Germana imperio ed Otoman imperio. Ol desaparis en 1918 kande Austria-Hungaria perdis l'Unesma mondomilito ed obligesis aceptar la kontrato di Saint-Germain-en-Laye, qua stipulis la separo di la du landi e la perdo di multa teritorii qui divenis parto di altra stati - exemple Trieste, qua divenis parto di Italia -, o nedependanta stati - exemple Chekoslovakia.

Politiko

Otevření mostu 14. 6. 1904
Imperiestro Franz Josef la 1ma vizitas Praha en 1904.

Hungaria ed Austria havis separita parlamenti ma un singla monarko. L'administrado dil imperio dividesis en tri parti:

  1. la komuna administrado (exterala, militala e financala) kontrolesis dal monarko
  2. la Hungara guvernerio
  3. l'Austriana guvernerio.

Austria e Hungaria mantenis separita parlamenti, singla kun sua Chefa ministri. La monarko koordinis l'administro di la du parlamenti. La monarko indikis la du Chefa ministri e l'altra ministri. Hungara parlamento havis plua autonomio kam Austriana, exemple pri l'internal aferi. Tamen en Austria l'imperiestro havis povo por indikar e por revokar ministri.

Pro la manko di komuna legi inter Austria e Hungaria, por havar identa legala texti la du parlamenti elektis 60 ek lia membri por fomacar delegitaro qua diskutis la propozi separita de la du parlamenti, e verkis por obtenar interkonsenti.

La ministro pri exteral aferi konduktis l'exterala politiko di la duala monarkio, e negociis kontrati. La duala monarkio kreesis pos l'Austrian imperio perdar milito kontre Italia e Prusia en 1866. Por rikonstruktar la prestijo di Habsburg-monarkio e por venjo kontre Prusia, komto Friedrich Ferdinand Graf von Beus divenis sekretario pri exteral aferi. Von Beus odiis Prusiana diplomacisto Otto von Bismarck, e probis negociar kun Francia ed Italia pri asocio kontre Prusia, ma kande Prusiani vinkis Franca-Prusiana milito l'ideo pri venjo dekadis e Von Beus retretis.

Demografio

Segun la demografiala kontado di 1910, che l'imperio di Austria, 36.8% ek oma habitanti dil imperio parolis la Germana kom matrala linguo, e plua kam 71% parolis kelka Germana. Che la rejio di Hungaria, 54.4% ek omna habitanti parolis Hungara kom matrala linguo.

Austria-Hungaria
Die im Reichsrat vertretenen Königreiche und Länder und die Länder der heiligen ungarischen Stephanskrone
A birodalmi tanácsban képviselt királyságok és országok és a magyar Szent Korona országai
1867 til 1918
Flag of Austria-Hungary (1869-1918) Austria-Hungaria transparency
Austro-Hungarian Monarchy (1914)
Urbi
Chefurbo: Wien e Budapest
Lingui
Oficala lingui: Germana e Hungara
Guvernerio
Tipi: Monarkio
· Imperiestro: Franz Josef la 1ma
Karl la 1ma
Surfaco
· Entote: 676 615 km² (1914)
Valuto: Gulden (til 1892)
Krone (1892-1918)
Religii: kristanismo
Kauzo di la fino: Trianon-kontrato e Saint-Germain-en-Laye-kontrato, pos la vinkeso di lando en l'Unesma mondomilito

Altra lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.