Anglia

Anglia esas un ek la landi qui kompozas l'Unionita Rejio, kun Skotia, Wals e Nord-Irlando.

Bazala fakti pri Anglia.

Historio

Stonehenge2007 07 30
Stonehenge.

Homi ja habitis la regiono cirkume 780,000 yari ante nun. La maxim anciena osti homala trovita en la regiono datizas de 500,000 yari ante nun.[1] Cirkume 2,500 yari aK dum neolitiko l'arkeologiala monumento di Stonehenge konstruktesis, da un populo qua komence developis ceramika kalici en formo di klosho e, pose, developis la metalurgio di bronzo.

Kelti arivis en la regiono dum fera epoko. Pose, Romani konquestis la regiono depos 43 dum l'imperio di Tiberius Claudius Cogidubnus. Kun la dekado di Romana imperio dum la 5ma yarcento, Angli, Saxoni e Jutlandani invadis la regiono. Mikra rejii aparis en la regiono e, dum la 9ma yarcento Vikingi konquestis omni ma Alfred di Wessex vinkis li, e pose riunigis la lando.

Normandi konquestis Anglia en 1066.

Referi

  1. 500,000 BC – Boxgrove (en Angla). Current Archaeology. Current Publishing. URL vidita ye la 20ma di decembro 2010.
 
Unionita Rejio
Flago di Unionita Rejio
Landi: Flago di Anglia Anglia | Flago di Skotia Skotia | Flago di Nord-Irlando Nord-Irlando | Flago di Wals Wals
Dependadi de la krono: Flag of Guernsey.svg Guernsey | Flag of Jersey.svg Jersey | Flag of the Isle of Mann.svg Insulo Man
England
Flag of England Royal Arms of England
Chef-urbo London
England in the UK and Europe
Surfaco 130 279 km²
Habitanti
Denseso di habitantaro
54 316 600 (2014)
406.9 hab./km²
Guberniestro Elizabeth la 2ma
Horala zono UTC+0
11ma yarcento

La 11ma yarcento inkluzas la yari inter 1001 e 1100. Ol esas l'unesma yarcento de la duesma yarmilo.

En la historio di Europa ta yarcento esas parto de Mezepoko.

Dum ta epoko eventis subita dekado dil Bizancana imperio, e samatempe la kresko di Normanda dominaco en Europa.

Angla linguo

L'Angla (English, pronuncata /ˈɪŋɡlɪʃ/) esas Anglo-Saxona linguo qua originis en Anglia. L'Angla esas oficala en 73 landi, ed esas un ek la maxim parolata lingui del mondo.

Esas multe uzata kom internaciona linguo por komercal aferi inter nacioni, por komunikaji, por aviacado, en l'Interreto, ed en multa internaciona organizuri.

Historiale, l'Angla originis de la fuziono di lingui e dialekti nune nomizita Anciena Angla linguo, qua adportesis al estala rivo di Britania dal Germana koloniigeri dum la 5ma yarcento. Granda nombro di vorti konstruktesis sur latina radiki, pro ol esis la linguo di katolik eklezio e di intelektal Europana vivo dum yarcenti. l'Angla linguo anke influesis dal antiqua Nordala linguo pro la Vikinga invadi di Britania dum la 8ma e 9ma yarcenti.

Normanda konquesto di Anglia dum la 11ma yarcento adportis multa vorti de la Normanda linguo e la chanji en vortaro donacis latinida mieno a lo qua lore esis Mez-Angla. La displaso dil vokali, qua komencis en la sudo di Anglia dum la 15ma yarcento, esis la komenco di la moderna Angla.

Archibald Vivian Hill

Archibald Vivian Hill (n. en 1886 til 1977) esis Britaniana fiziologiisto qua kunpremiizesis per la Nobel-premio pri fiziologio o medicino en 1922 kun Otto Fritz Meyerhof, pro lua klarigo di la produkto di kaloro e mekanikala laboro en muskuli.

Gregoriala kalendario

Gregoriala kalendario esas kalendario kun origino en Europa, nun oficale adoptita en la tota mondo. Ol recevis la nomo Gregoriala honore a la papo Gregorius la 13ma, qua iniciis ol.

Industrio

Industrio (de la Latina industrius, "diligenta, laborema") esas ensemblo di procedi por transformar prima materiari en vari konsumebla, sive por personi, sive por altra industrii. Segun altra defino, industrio esas la manufakturo di vari o servadi aden ula kategorio. En ekonomio la vorto uzesas kom sinonimo di sekundara sektoro, t.e., l'ekonomial agadi kontenata en la transformo de prima materiari en vari e produkturi.

Pos ke la homo aparis en la Tero, lu bezonis transformar la kozi existanta en la naturo en produkturi utila a lu. Do, strictu sensu, l'industrio esas milyara agado. Tamen, nur dum la fino dil 18ma yarcento til la fino dil 19ma yarcento l'industriala procedi modifikesis intense, dum la surnomizita "industriala revoluciono". L'industrio esis la maxim importanta ekonomial agado del mondo de la duesma duimo dil 19ma yarcento til la fino di la Duesma mondomilito. Pos la yari 1950ma, kun la granda adopto di automatigo e la kresko di la produktiveso, l'industrio superiresis dal sektoro di servadi kom maxim importanta ekonomial agado.

Granda kresko dil industrial agado komencis en Anglia dum la 18ma yarcento kun l'invento e developo di vaporomashino, unesme uzata por produktar texuri ed explotar karbono en mineyi. La granda kresko di produktiveso efektigis rapida modifiko en la sociala ed ekonomiala strukturi di multa landi, ed originis la transformi konocata kom industriala revoluciono.

Jack William Szostak

Jack William Szostak (n. en 1952) esas Kanadan-Usana biologiisto qua recevis la Nobel-premio pri fiziologio o medicino en 2009.

Naskinta en London, Anglia il kreskis en Montréal ed Ottawa, Kanada. Il sudiis en McGill e pos en Cornell universitati. Il specaligis su en genetiko.

London

Por altra loki nomizita London, videz London (homonimo).

London esas la chef-urbo di Unionita Rejio ed anke di Anglia. Ol havis 8 615 246 habitanti en lua metropolala regiono en 2013. La tota surfaco di lua metropolala regiono esas 1.579 km² (la nomizita City havas 2,6 km² ed 8.600 habitanti).

London esas blokala urbo ed esas, kune New York en Usa, un ek la precipua financala centri de la mondo. L'urbo havas vigoroza influo en la politiko, financi, eduko, ciencala inquesto, jurnalaro, arti e modo di tota mondo. Ol esas la sideyo por plu kam 50 ek la 100 maxim grand kompanii dil Unionita Rejio.

London okupas la du rivi dil fluvio Thames. Ol havas la maxim extensa metroo dil mondo, kun plu kam 400 km di subtera ferovoyi.

L'aeroportuo Heathrow, jacanta en Hillingdon, distrikto weste dil urbo, servas London. L'aeroportuo recevis plu kam 68 milion veheri en 2007. Altra important aeroportuo servas London: Gatwick, jacanta 5 km de la centro dil urbo.

Massachusetts

Massachusetts esas Usana stato en la regiono Nova Anglia. Lu havas kom vicini Vermont e Nova-Hampshire norde, Nova-York weste, e Rhode Island e Connecticut sude. Este jacas l'Oceano Atlantiko.

Bazala fakti pri Massachussetts.

Unionita Rejio

Unionita Rejio esas lando en nord-westal Europa en Atlantiko este de Irlando. Ol konsistas ek Britania (Anglia, Skotia e Wals) e Nord-Irlando.

Chef-urbo: London.

Unionita Rejio anke administras la regioni di:

Gibraltar

St Helena

Bermuda

Falklandi

Insuli Kaiman

Insuli Turks e Kaikos

Montserrat

Anguila

Britaniana Teritorio dil Indiana Oceano

Pitkern.La regioni infre konsideresas dependanti de Britaniana Krono:

Jersey

Guernsey

Insulo di ManBazala fakti pri Unionita Rejio.

Urbestro

Urbestro esas la titulo dil administranto di ul urbo. En multa politikala sistemi, l'urbestri esas elektita politikisti qui verkas kom chefi di exekutiva povo e/o kom ceremoniala funcioneri en multa municipi. En tota mondo, la funcioni e povi de l'urbestri varias segun la legi de singla landi.

En antiqua Hispania, urbestro (kun la titulo alkalde, "alkaldo") anke verkis kom lokala judiciisto en municipi o komoni.

En Anglia l'urbestri recevas la titulo Mayor (kun origino en latina vorto māior, qua signifikas "maxim granda"). L'urbestri en Anglia esas la moderna "decendanti" de la feudala baroni. Li elektesas dal populo depos la regno di John, dum la 13ma yarcento.

Wals

Wals esas ne-suverena stato qua esas parto dil Unionita Rejio e di Britania. Lu havas kom vicini Anglia este, la maro di Irlando norde e weste, e la kanalo di Bristol sude. Lua chef-urbo esas Cardiff.

Bazala fakti pri Wals.

Altra lingui

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.