1916

Ti 1916 ket maysa a bisiesto a tawen a nangrugi iti aldaw ti Sabado iti kalendario a Gregoriano.

Naipasngay

Pimmusay

Camilo José Cela

Ni Camilo José Cela y Trulock, ket isu ti Umuna a Markes iti Iria Flavia (Panangibalikas nga Espaniol: [kaˈmilo xoˈse ˈθela]; 11 Mayo 1916 – 17 Enero 2002) ket maysa idi a Kastila a nobelista ken mannurat ti ababa a sarita a naikumaduaan ti Kaputotan iti '36 a tignay.

Nagunggunaan isuna ti 1989 Premio Nobel iti Literatura "para ti narang-ay ken napeksa nga insurat a saan a daniw, nga addan iti natengngel a kompasion nga agporma ti panagsuppiat a panagkita iti pannakadanar ti tao".

Dagiti lehislatibo a distrito iti Ambos Camarines

Dagiti lehislatibo a distrito iti Ambos Camarines, ket isu dagiti umuna, maikadua ken maikatlo a distrito, ket isu idi dagiti pannakabagi ti Probinsia ti Ambos Camarines iti Asemblia ti Filipinas manipud idi 1907 aginggana idi 1919, idi ti Camarines Norte ken Camarines Sur — dagidi probinsia a nakabingbingayanda idi Marso 3, 1919 — ket naikkan ti bukodda a pannakabagi.

Dagiti lehislatibo a distrito iti Bohol

Dagiti Lehislatibo a Distrito iti Bohol, ket dagiti umuna, maikadua a distrito, ken maikadua a distrito ket isu dagitoy ti agdama a pannakabagi iti probinsia iti Bohol iti Kamara dagiti Pannakabagi ti Filipinas. Ti Bohol ket nabingbingayen kadagiti tallo a kongresional a distrito manipud idi 1907, ngem dagiti konpigurasion ti distrito ket nabalbaliwan iti pannakaisubli ti Kamara dagiti Pannakabagi idi 1987. Daytoy ket paset idi ti pannakabagi ti Rehion VII manipud idi 1978 aginggana idi 1984, ken manipud idi 1984 aginggana idi 1986 ket nagbutos kadagiti tallo a sapasap a pannakabagi.

Dagiti lehislatibo a distrito iti Cebu

Dagiti Lehislatibo a Distrito iti Cebu, ket isu dagiti umuna, maikadua, maikatlo, maikapat, maikalima ken maikanem a distrito, ken isu dagitoy ti pannakabagi ti Probinsia ti Cebu ken ti nawaya a siudad ti Mandaue iti Kamara dagiti Pannakabagi ti Filipinas. Manipud idi 1907 aginggana idi 1972, ti Probinsia ti Cebu ket nabingbingay idi kadagiti pito a kongresional a distrito ken Siudad ti Cebu ket paset idi ti bukodna a pannakabagi. Manipud idi 1978 aginggana idi 1984, daytoy ket paset idi ti pannakabagi ti Rehion VII, ken manipud idi 1984 aginggana idi 1986, nagbutos daytoy kadagiti 6 a sapasap a pannakabagi.

Ti pannakabagi ti probisia a napabassit kadagiti innem a kongresional a distrito kalpasan ti pannakaisubli ti Kamara dagiti Pannakabagi ti Filipinas idi 1987 kalpasan idi naikkan ti Siudad ti Cebu ti bukodna a pannakabagi iti Kongreso.

Ti pannakaipasa ti Republika Tignay 9726 ket nangisina ti urbano unay a siudad ti Lapu-Lapu manipud ti maikanem a distrito tapno mangporma ti bukodna a kongresional a distrito a nangrugi kadagiti panagbutos idi 2010.

Dagiti lehislatibo a distrito iti Iloilo

Dagiti Lehislatibo a Distrito iti Iloilo, ket isu dagiti umuna, maikadua, maikatlo, maikapat ken maikalima a distrito, ken isu dagitoy ti pannakabagi ti Probinsia ti Iloilo iti Kamara dagiti Pannakabagi ti Filipinas. Ti probinsia ket nabingbingay idin kadagiti lima a kongresional a distrito manipud idi 1907. Adda dagiti bassit a pannakabalbaliw ti maikatlo a distrito, maikapat, ken ti maikalima a distrito idi 1922 babaen ti Tignay Blng. 3036, ken ti adu a pannaka-urnos ti pakabuklan ti amin a distrito ti probinsia, malaksid ti umuna, ket naaramid idi naipasubli ti Kamara dagiti Pannakabagi ti Filipinas idi 1987. Manipud idi 1978 aginggana idi 1984, daytoy ket paset idi ti pannakabagi ti Rehion VI ken manipud idi 1984 aginggana idi 1986, nagbutos daytoy kadagiti 5 a sapasap a pannakabagi.

Ti Siudad ti Iloilo ket naudi idi a nairepresenta a kas paset ti probinsia idi 1986, a nagbutos ti bukodna a pannakabagi iti akin-baba a kamara a nanagrugi idi 1987. Ti sub probinsia ti Guimaras ket naudi idi a nairepresenta a kas paset ti maikadua a distrito idi 1995, kalpasan idi daytoy ket nagbutos ti bukodna a pannakabagi a kas maysa a nawaya a probinsia.

Dagiti lehislatibo a distrito iti Mindanao ken Sulu

Dagiti Lehislatibo a Distrito iti Mindanao ken Sulu, ket isu idi dagiti umunat, maikadua, maikatlo, maikapat ken maikalima a distrito ken isu dagidi pannakabagi ti Departamento ti Mindanao ken Sulu iti Asemblia iti Filipinas manipud idi 1916 aginggana idi 1935, idi dagiti probinsia a nakaramidan ti—Agusan (itan ket ti Agusan del Norte ken ti del Sur), Bukidnon, Cotabato, Davao, Lanao, Zamboanga ken Sulu—ket naikkan idi ti bukodda a pannakabagi.

Dagiti lehislatibo a distrito iti Misamis

Dagiti Lehislatibo a Distrito iti Misamis, ket isu idi dagiti umuna ken maikadua a distrito, ken isu idi dagiti pannakabagi ti Probinsia ti Misamis iti Lehislatura ti Filipinas manipud idi 1907 aginggana idi 1931, idi ti Misamis Occidental ken ti Misamis Oriental — dagiti probinsia a nakabingayanda idi Nobiembre 2, 1929 — ken naikkan idi ti bukodda a pannakabagi.

Dagiti lehislatibo a distrito iti Negros Occidental

Dagiti Lehislatibo a Distrito iti Negros Occidental, ket isu dagiti umuna, maikadua, maikatlo, maikapat, maikalima ken maikanem a distrito, ken isu dagiti pannakabagi ti Probinsia ti Negros Occidental iti Kamara dagiti Pannakabagi ti Filipinas. Ti Negros Occidental ket nabingbingay idi kadagiti tallo a lehislatibo a distrito manipud idi 1907 aginggana idi 1972, daytoy ket naidistrito manen idi kadagiti innem a [[Kamara dagiti Pannakabagi ti Filipinas#Pannakabagi a distrito|lehislatibo a distrito] idi 1986. Daytoy ket paset idi ti pannakabagi ti Rehion VI manipud idi 1978 aginggana idi 1984, ken manipud idi 1984 aginggana idi 1986 idi nagbutos kadagiti 7 a sapasap a pannakabagi. Aginggana idi 1986, ti Siudad ti Bacolod ket paset idi ti daytoy a pannakabagi.

Dagiti lehislatibo a distrito iti Pangasinan

Dagiti Lehislatibo a Distrito iti Pangasinan, ket dagiti umuna, maikadua, maikatlo, maikapat, maikalima ken maikanem a distrito, ket isu dagitoy ti agdama a pannakabagi iti probinsia iti Pangasinan ken ti nawaya a siudad iti Dagupan iti Kamara dagiti Pannakabagi ti Filipinas. Ti Pangasinan ket nabingbingay idi kadagiti lima lehislatibo a distrito manipud idi 1907 aginggana idi 1972, napagbalin nga innem a lehislatibo a distrito idi 1986. Paset daytoy idi ti pannakabagi iti Rehion I manipud idi 1978 aginggan idi 1984, ken manipud idi 1984 aginggana idi 1986 a nagbutos kadagit innem a sapasap a makigimong.

Enero 14

Ti Enero 14 ti maika-14 nga aldaw ti tawen iti kalendario a Gregoriano. Adda pay 351 nga al-aldaw ti nabati aginggana intono maungpot ti tawen (352 kadagiti bisiesto a tawen).

Henryk Sienkiewicz

Ni Henryk Adam Aleksander Pius Sienkiewicz (Polako: [ˈxɛnrɨk ˈadam alɛˈksandɛr ˈpʲus ɕɛŋˈkʲevʲit͡ʂ]; naamammuan pay iti parbo a nagan iti "Litwos" [ˈlitfɔs]; 5 Mayo 1846 – 15 Nobiembre 1916) ket maysa idi a Polako nga agiwarwarnak, nnagabak ti Premio Nobel a nobelista, ken pilantropo. Isu ket kaaduan a nailaglagipan para kadagiti bukodna a naipakasaritaan a nobela.

José Echegaray

Ni José Echegaray y Eizaguirre (Abril 19, 1832 – Septiembre 4, 1916) ket maysa nga inheniero, matematiko, ken dramaturgo iti Madrid, Espania.

Lehislatibo a distrito iti Basilan

Ti Lehislatibo a Distrito iti Basilan ket isu ti pannakabagi ti Probinsia ti Basilan iti Kamara dagiti Pannakabagi ti Filipinas. Ti Basilan ket paset idi ti pannakabagi ti Departamento ti Mindanao ken Sulu manipud idi 1916 aginggana idi 1935, Ti Probinsia ti Zamboanga manipud idi 1935 aginggana idi 1953, ti Zamboanga del Sur manipud idi 1953 aginggana idi 1973 aginggana idi napartuat a probinsia ti Basilan. Iti daytoy a panawen, narakrak ti Kongreso ti Filipinas ken ti Basilan ket nairugrugi a nairepresenta idi nagbalin a paset ti pannakabagi ti Rehion IX idi las-ud ti Interim Batasang Pambansa manipud idi 1978 aginggana idi 1984. Immuna daytoy a nagbutos ti bukodna apannakabagi idi 1984.

Lehislatibo a distrito iti Ifugao

Ti Lehislatibo a Distrito iti Ifugao ket isu ti agdama a pannakabagi ti probinsia ti Ifugao iti Kamara dagiti Pannakabagi ti Filipinas. Ti probinsia ket inrepresenta idi a kas paset ti saan a nabingbingay a Mountain Province manipud idi 1916 aginggana idi 1969, idi daytoy ket naidatonan ti bukodna a pannakabagi a kas maysa a nawaya probinsia. Manipud idi 1978 aginggana idi 1984 daytoy ket paset idi ti pannakabagi ti Rehion II, ken manipud idi 1984 daytoy ket nagtagikuan ti bukodna a pannakabagi.

Lehislatibo a distrito iti Kalinga-Apayao

Ti Lehislatibo a Distrito iti Kalinga-Apayao ket isu idi ti pannakabagi ti Probinsia ti Kalinga-Apayao iti Kamara dagiti Pannakabagi ti Filipinas manipud idi 1969 aginggana idi 1972, ti Kadawyan a Batasang Pambansa manipud idi 1984 aginggana idi 1986, ken idi manen iti Kamara dagiti Pannakabagi ti Filipinas manipud idi 1987 aginggana idil 1998, idi ti Apayao ken ti Kalinga—dagiti probinsia a nakabingayanda idi Pebrero 14 1995—ket naikkan ti bukodda a pannakabagi. Ti Kalinga-Apayao ket nairepresenta idi ti Mountain Province manipud idi 1916 aginggana idi 1969, ken ti Rehion II iti Interim Batasang Pambansa.

Lehislatibo a distrito iti Mindoro

Ti Lehislatibo a Distrito iti Mindoro ket isu idi ti pannakabagi ti Probinsia ti Mindoro, iti Asemblia ti Filipinas manipud idi 1907 aginggana idi 1916, ti Kamara dagiti Pannakabagi ti Filipinas manipud idi 1916 aginggana idi1935, ti Nailian nga Asemblia ti Filipinas manipud idi 1935 aginggana idi 1941 ken manen iti Kamara dagiti Pannakabagi ti Filipinas manipud 1941 aginggana idi 1949, idi ti Occidental Mindoro ken Oriental Mindoro—dagiti probinsia a nakabingayanda idi Hunio 13, 1950—ket naikkan ti bukodda a pannakabagi.

Lehislatibo a distrito iti Mountain Province

Ti Lehislatibo a Distrito iti Mountain Province ket isu ti agdama a pannakabagi ti Mountain Province iti Kamara dagiti Pannakabagi ti Filipinas.

Dagiti agdama nga aldaw a probinsia ti Apayao, Benguet, Ifugao ken Kalinga ken ti pay nawaya a siudad ti Baguio ket nangporma idi ti saan a nabingbingay a pannakabagi ti probinsia aginggana idi 1969. Ti dati a Mountain Province ket nairepresenta babae dagiti tallo a delegado manipud idi 1916 aginggana ti pannakabingbingayna kadagiti naisinsina nga uppat a probinsia idi 1969, malaksid ti panawen ti gubat a esponsor ti Hapon a Nailian nga Asemblia manipud idi 1943 aginggana idi 1944, idi ti probinsia ken ti siudad ti Baguio ket nairepresentada iti tunggal maysa a delegado. Manipud idi 1916 aginggana idi 1935, ti dati a Mountain Province ket nairepresenta idi babaen dagiti tallo a delegado a naidutok babaen ti Gobernador-Heneral, urayno sadinoman ti nagtaenganda. Babaen ti Tignay Blng. 4203 ti Lehislatura ti Filipinas a nairugi idi Hulio 23, 1935 ket naaramid ida nga elektibo, ken ti probinsia ket nabingbingay kadagiti tallo a distrito nga adda ti nalawag a pakabuklan ti teritorio.

Manipud idi nabingbingayen ti daan a Mountain Province kadagiti uppat a probinsia idi Hunio 18, 1966 babaen ti Republika Tignay Blng. 4695, daytoy ket napabassiten iti agmaymaysa a kongresional a distrito a nangrugi idi 1969, a naipan laeng ikadagiti patingga ti dati a sub probinsia ti Bontoc, a nagtaginayon ti nagan a "Mountain Province". Daytoy nga agdama nga aldaw a Mountain Province ket nairepresenta idi a kas paset ti Rehion I manipud idi 1978 aginggana idi 1984, ken nagbutos ti maysa apannakabagi iti Kadawyan a Batasang Pambansa idi 1984. Daytoy ket nagtaginayon ti bulodna nga agmaymaysa a kongresional a distrito babaen ti baro a Batay-linteg a nangrugi idi Pebrero 7, 1987, ken nagbutos ti kamengna iti naipasublia a Kamara dagiti Pannakabagi a nangrugi iti isu met laeng a tawen.

Lehislatibo a distrito iti Nueva Vizcaya

Ti maymaysa a Lehislatibo a Distrito iti Nueva Vizcaya ket isu ti pannakabagi ti Probinsia tif Nueva Vizcaya iti Kamara dagiti Pannakabagi ti Filipinas. Ti Nueva Vizcaya ket immuna idi a nairepresenta iti Asemblia iti Filipinas idi 1916, a nkairamanan ti agdama nga aldaw a Probinsia ti Quirino idi 1972. Manipud idi 1978 aginggana idi 1984 daytoy ket paset idi ti pannakabagi ti Rehion II, ken bukoden a nairepresenta manipud idi 1984.

Oras a panagin-inut ti lawag

T oras a panagin-inut ti lawag (iti Ingles ket Daylight saving time wenno naipangyababaan iti DST) ket isu ti panagsanay iti panangiyuna kadagiti pagorasan iti las-ud dagiti nalawag a bulan tapno ti rabii ket addaan ti ad-adu a lawag ken addaan ti basbassit kadagiti bigat. Kadawyan a dagiti pagurasan ket mabaliwan a maipayuna iti maysa nga oras iti asideg ti primabera ken maisublinto met laeng iti otonio.

Ti moderno a kapanunotan ti oras a panagin-inut ti lawag ket immuna a naisingasing idi 1895 babaen ni George Vernon Hudson ken immuna daytoy a naikeddeng babaen idiay Alemania ken ti Austria-Hungaria ken nairugi daytoy idi 30 Abril 1916. Manipud idin adu kadagiti pagilian a nagus-usar kadagiti nadumaduma a panawen. Kaaduan iti Estados Unidos ket agus-usarda ti DST idi tawtawen ti 1950 ken iti tawtawen ti 1960, ket ti panag-usar ti DST ket naipaadu kalpasan ti didigra ti enerhia idi tawtawen ti 1970 ken manipud idin ket adun a naus-usar idiay Amianan nga Amerika ken Europa.

Ti panagsanay daytoy ket adu kadagiti dumaydayaw ken nagdildillaw. Ti panaginayon ti lawag kadagiti rabii ket mangited ti pagimbagan kadagiti aglaklako, ay-ayam, ken dagiti dadduma pay a tignay a makatulong iti lawag ti init kalpasan kadagiti oras ti panagtrabtrabaho, ngem daytoy ket mabalin met a gapuanan kadagiti parikut para kadagiti panagpalpaliwa iti rabii ken dagiti dadduma a trabaho a mainaig iti init. Urayno ti nasapa a gandat ti DST ket ti mangpabassit ti rabii a panagusar ti silaw a bumbilia (dati a kangrunaan nga agus-usar ti elektrisidad), ti panagusar ti moderno a panagpapudot ken panagpalamis ket adu ti paggiddiatanna, ken ti panagsukimat a maipanggep no kasano a ti DST ket maka-apektar ti panagusar ti enerhia ket limitado ken maisuppiatan.

Peter Finch

Ni Frederick George Peter Ingle Finch (28 Septiembre 1916 – 14 Enero 1977) ket naiyanak nga Ingles nga Australiano nga aktor. Isu ket kaaduan a malaglagip para iti papelna a kas ni Howard Beale iti pelikula ti Network, ket isu daytoy ti nangabakanna ti kalpasan idi natay iti Kalaingan nga Aktor, ti maikalima a Kalaingan nga Aktor a gungunana manipud iti BAFTA, ken ti Kalaingan nga Aktor agunguna manipud iti Golden Globes. Isu idi ti immuna nga aktor a nagungunaan ti Gunguna ti Akademia idi natayen iti kategoria ti panagarte.

Dagiti pagsasao

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.