Lingue

Lingue es sistema de signes por li comunication. It servi quam instrument de comunication inter membres de un comunité. Lingue es un unitá de regules e signes.

Lingues existe ne solmen inter homes ma anc hay linguistic comunication inter animales e lingues por computatores.

Li scientie quel ocupa se pri li lingue es li linguistica.

On estima que hay hodie sur li munde ancor 6000 e 7000 singul lingues. On distinte inter natural lingues quel ha developat se durant millenes de annus in homan societés e artificial lingues e planlingues. Interlingue apartene al categorie de planlingues quam international auxiliari lingue.

On anc distinte natural lingues inter lingues e dialectes. Dialectes es solmen un regional variante de un lingue. Natural lingues ne es fix. Ili changea e developa se. Per li scrition de un lingue on posse plu bon conservar e trandar un lingue.

Lena Adelsohn Liljeroth kulturminister Sverige (3)
Lingue
Anglesi

Anglesi angles es un tre important lingue in Europa e li munde. It es un germanic lingue e apartene al branche del west-germanic lingues. Anglesi ha adoptet mult paroles ex li francesi pro li contacte con li francesi desde 1066.

Anglesi ha devenit in li 20-im secul al lingue franca e international duesim lingue por mult landes.

Circa 340 milliones homes parla hodie anglesi quam lingue matrin. Li númere de persones qui usa anglesi quam duesim lingue es estimat inter 200 milliones e un milliarde.

Anglia

Anglia es li central parte e max grand land del Reyatu Unit in Europa. Li cité capital es London. Anglia have 50 431 700 (2005) habitantes.

On usa li nómine Anglia anc quam synonym por li tot Reyatu Unit. Anglia ne have in contrari al altri partes del Reyatu Unit quam Scotia, Gallia e Nord-Irland su propri institutiones political.

Li lingue oficial is Angles.

Reyesa: Elisabeth II desde 1952

Prim-Ministre: Theresa May desde 2016.

Berlin

Berlin es li capital cité e li side del guvernament de Germania. Quam cité-state it es un propri land e forma li centre del metropol-region Berlin/Brandenburg. Con 3,44 milliones de habitantes Berlin es li cité con li max alt population e max grand area de Germania. Secun li númere de inhabitantes it es li secund max grand cité del EU e secun su area li quinesim max grand.

Durant su historie Berlin devenit pluri vez li capitale de german states, p. ex. del margraviatu e poy del duc-electoratu Brandenburg, del reyatu Prussia, del German Imperie e de GDR (solmen li oriental parte del cité). Desde li reunification in li annu 1990 Berlin es capitale del tot Germania.

Brasil

Brasil or Brazil es un land situat in America del Sud.

Brasil have 199.150.196 habitantes. Li oficial lingue de Brasil es portugalesi.

Li cité capital de Brasil es Brasilia, ma li max grand cité es São Paulo e un altri tre important cité es Rio de Janeiro.

Presidente: Jair Bolsonaro desde 2019.

Burundi

Burundi es un land in Africa.

Burundi have 11.178.921 habitantes (2015).

Li capital cité es Bujumbura. Li oficial lingue del land es kirundi e francesi e anglesi.

Burundi esset un colonia de Belgia. It devenit índependent in li annu 1962.

Presidente: Pierre Nkurunziza

Croatia

Croatia (Lingue croates; Hrvatska) es un land in Europa. Croatia es un independent state depos 1991. Li cité capital es Zagreb. Croatia have mult insules e 4,44 milliones habitantes. Croatia es un populari destination por vacancies. Li turisme es tre important por li economie del land. 2 337 rusynes vive in Croatia.

Li himne national de Croatia es li cante Lijepa naša domovino" (Nor bell patria).

Desde april 2009 Croatia es un membre del NATO e li 1im de julí 2013 un membre del Europan Union.

Presidente: Kolinda Grabar-Kitarović desde 2015

Prim-Ministre: Andrej Plenković desde li 192-esim de octobre 2016

Esperanto

Esperanto es un lingue artificial, creat per Ludwik Lejzer Zamenhof in 1887, havent li intention de facilitar li comprension inter persones de distinct culturas.

Esperanto have hodie li max grand númere de adherentes de omni planlingues.

Li Universala Esperanto-Asocio es li international organisation de Esperanto.

Finland

Finland es un land in li nord de Europa. Li cité capital de Finland es Helsinki. Li land es famos por su mult lagos e por li sauna.

Finland have 5.429.894 (2013) habitantes e un area de 338.432 quadrat-kilometres.

Li ofiicial lingues del land es finlandesi e svedesi. 5,5 percentes del population del land parla svedesi quam lingue matrin.

Desde 1995 Finland es un membre de Europan Union. Finland have li Euro quam valuta.

Presidente: Sauli Niinistö (1/2012-)

Prim-Ministre: Antti Rinne (6/2019-)

German

Li lingue german es un lingue important in Europa e un lingue majori in li munde. Li lingue german es format de mult dialects e pro to li lingue oficial es li alt-german (ger. Hochdeutsch) quel esset creat quam lingue comun del sudic area germanofonic. On posse delimitar it del lingues bass-german (ger. Plattdeutsch o Niederdeutsch).

German ha quar casus, es tre flectiv e ha un vocabularium relativ grand. It es tre parent con li lingues holandes, angles e con li yiddic.

Germania

Germania es un land in li centre de Europa.

Li nómine official del state es Federal Republica de Germania Li cité capital de Germania es Berlin. Li official lingue es german.

Ghana

Ghana es un land in li west de Africa.

Li cité capital de Ghana es Accra.

Ghana have 23 832 495 habitantes e it have un area de 238.537 quadrat-kilometres.

It es un membre del Commonwealth. Li oficial lingue de Ghana es anglesi.

Hamburg

Hamburg es cité e state federal de Germania.

Hamburg have 1.766.456 inhabitantes. Li cité have un grand portu.

Li fluvie Elbe flue tra li cité.

Hamburg es li duesim max grand cité del Germania.

Borgomastro: Olaf Scholz

Interlingue

Interlingue o Occidental es un lingue international creat de Edgar de Wahl in 1922. It es immediatmen comprensibil a mult homes occidental, pro to usabil por mult relationes anc con poc studie anterior. Anuncias e reclames e scientic articules in Occidental es comprensibil a milliones de europanes e americanes. Un del grand avantages de Interlingue es que on posse derivar regularmen milles de paroles international.

In 1949 on selectet li nómine Interlingue. Hodie ambi nómines es usat.

Latin

Li latin lingue (lat. lingua latina) es un indo-europan linge, quel originarimen ha esset parlat del Latines, li habitantes de Latium con Rome quam centre. Li max tost attestas veni ex li 5m o 6m secul ante Christ. Desde li 3m secul a. C. existe plu long textus. Su plen form quam classic latin, li lingue ha attin’et in li unesim secul a. C.

Latin ha esset li official lingue del Roman Imperia e evoluet al dominant vehiculari lingue in li west del mediterraneic region. Ex li parlat vernaculari lingue, li vulgari latin, crescet li romanic lingues. Ma li latin del roman autores restat till li modern epocha li guidant lingue in litteratura, scientie, politica e ecclesie. Erudites quam Thomas de Aquin, Petrarca, Erasmus de Rotterdam, Luther, Copernic, Descartes o Isaac Newton scrit ovres in latin. Till li 19m secul li letiones in li tot europa ha esset fat in latin. In Polonia, Hungaria e in li Sacri Roman Imperia latin esset li official lingue. In millenes de pruntat paroles latin es present anc in non-romanic lingues quam german o anglés. Por li formation de nov termines on ancor hodie usa latin.

Pro su enorm significantie por li lingual e cultural evolution de europa, latin es instructet in mult scoles e universitates. Por quelc cursus es postulat un conossentie de latin.

Liberia

Liberia es un land in Africa.

Li cité capital de Liberia es Monrovia.

Liberia have circa 4.092.310 (2014) habitantes e un area de 97.079 quadrat-kilometres.

Presidente e chef del guvernament: Ellen Johnson SirleafLi land es un stat índependent depos 1847.

Li lingue oficial de Liberia es angles.

Liechtenstein

Liechtenstein es un micri land in Europa inter Svissia e Austria. Li area de Liechtenstein es solmen 160 quadrat-kilometres.

Liechtenstein have solmen 35000 habitantes.

Li cité capital es Vaduz. Li oficial lingue del país es german.

Liechtenstein es un principatu.

Chef del state: Prince Hans-Adam II

Prim-ministre: Adrian Hasler

Mauritius

Mauritius es un land in Africa. Mauritius es un insul ost de Madagascar.

It have 1 284 264 habitantes.

Li cité capital de Mauritius es Port Louis.

Li lingue oficial de Mauritius es angles.

Mauritius esset un colonia del Reyatu Unit e devenit un state índependent in li annu 1968.

Pakistan

Pakistan es un land situat in Asia.

Li cité capital de Pakistan es Islamabad, ma li max grand cité del país es Karachi

Li state have 167 806 831 milliones habitantes.

Pakistan esset un colonia del Reyatu Unit e devenit un índependent state in li annu 1947.

Li lingues oficial de Pakistan es angles e li national lingue urdu, linguisticmen li sam lingue quam li hindi parlat in India ma scrit con un modificat forme del arabic alfabete.

Presidente: Arif Alvi

Prim-ministre: Imran Khan

Svedia

Svedia ({Sverige) es un state in li nord de Europa. Li land have 9,34 milliones habitantes. Li cité capital es Stockholm.

Svedia es un reyatu. Li rey desde 1973 es Carl XVI Gustaf. Svedia es un membre del Europan Union desde 1995.

Rey: Carl XVI Gustaf (desde 1973).

Prim-Ministre: Stefan Löfven (desde 2014).

Altri lingues

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.