West

West es un del quatro puncto cardinal del rosa del ventos. Su adjectivo es occidental.

West
CompassRose16 W
Anglaterra

Anglaterra o Anglia (England) es un del tres paises del Grande Britannia, e dunque face parte del Regno Unite. Illo avicina Galles al west e Scotia al nord. Su plus grande citate es London, que es etiam su capital; alteres include Birmingham, Leeds, Sheffield, Manchester, Liverpool e Bristol.

Le lingua anglese nasceva in Anglaterra.

Australia

Australia es un grande pais in le sud-west del Oceano Pacific in Oceania. Su capital es Canberra con 323 645 habitantes in 2004. Grande urbes es Sydney, Melbourne, Adelaide, Perth e Brisbane.

Australia es le continente le plus parve, solmente 3 700 kilometros del nord al sud e 4 000 kilometros del est al west. Illo anque es le continente de plus sic; circa un tertie es designate deserto.

Australia es dividite per le Great Dividing Range (Rango Grande Dividente), un catena de montes in le Est que traversa inter le peninsula Cape York in Queensland e Melbourne in Victoria. In ille catena Monte Kosciusko es le plus alte monte del pais a 2 229 metros. Al west del rango le terrano es primarimente platte con un poco de rangos basse tal que le rangos Flinders in Australia del Sud e le rangos MacDonnell vicin a Alice Springs.

Circa 80% del population de Australia vive in le est e al costas del continente, perque le centro es primarimente deserto. In Australia del Sud es lacos salin massive. Frequentemente, istos es sec pro longe periodos. Un grande systema de rivieras porta aqua pro centos de kilometros a plenir iste lacos. In 1994, le plus grande del lacos, Lake Eyre, esseva plenite pro le prime vice in plus que un decennio.

California

California es un stato in le West del Statos Unite. Illo ha frontieras con le statos de Oregon, Nevada, e Arizona, e etiam con le stato Mexican Baja California. California es le stato lo plus populose. Su quatro citates magne es Los Angeles, San Diego, San Jose, e San Francisco. Illo es reputate pro su clima e geographia varietate e su population diverse.

Le area cognate como Alta California esseva colonisate per le Imperio Espaniol comentiante in le siclo 17. Ille e le resto de Mexico deveneva un republica independent in 1821. In 1846 California separava de Mexico, e despost del Guerra Mexican-American, Mexico cedeva California al Statos Unite. California deveneva le 31te del Statos Unite.

Le capital de California es Sacramento. Altere citates include (in le nord): Eureka, Chico, Oakland e Berkeley; (in le centro e west): Fresno, Monterey, Santa Cruz e Pismo Beach; e (in le sud): Anaheim, Irvine e Riverside.

Canada

Canada es le pais le plus septentrional de America del Nord e le secunde le plus grande

pais del mundo in terminos de area territorial, sed illo ha un inferior densitate de population, con circa

31 milliones de habitantes (canadianos). Le citate capital es Ottawa. Canada es un pais moderne e technologicamente progressate;

illo es independente in energia e es sovente prendite in error pro esser un del poc paises disveloppate

que ha un economia fortemente dependente del abundantia de su ressources natural.

Su limites es:

a sud le Statos Unite de America (le plus longe frontiera non defendite in le mundo),

a west le Oceano Pacific,

a nord-west le Alaska,

a est le Oceano Atlantic e

a nord le Oceano Arctic (le pretension territorial de Canada se extende al Polo Nord).Le insula de Groenlandia es solmente al nord-est del plus septentrional insulas de Canada,

e le possession francese de Saint-Pierre e Miquelon es solmente apud le costa.

Su population actual supera le 31 milliones de habitantes, del quales:

66% es de descendentia europee,

26% es de fundo mixte e

6% es unicamente de descendentia non europee, principalmente de Asia.Solmente 2% del population total es constituite per le population indigena.

Le duo linguas official de Canada es le anglese e le francese.

Le francese es principalmente parlate in Québec, Ontario e Nove Brunswick.

Le religion le plus diffundite es le christian, con 42% de catholicos e

38% de protestantes.

Francia

Francia, o le Republica francese (République française in francese) es un pais de Europa que ha frontieras al sud con Espania, Andorra, Monaco e le Mar Mediterranee, al nord e le west con le Oceano Atlantic, al est con Belgica, Luxemburg, Germania, Switza e Italia.

Depost le tractato de Roma (1957), Francia es un membro del Union Europee. Illo es etiam un membro permanente del Consilio de Securitate del Nationes Unite. Le presidente actual es Emmanuel Macron.

Gabon

Le Republica Gabonese, o Gabon, es un pais in le west de Africa Central.

Irak

Irak es un pais in Asia del sud-west. Su capital es Bagdad.

Latio

Latio es un region del Italia Central de 5 521 874 habitantes (2007). Su capital es Roma. Illo confina al nord-west con Toscana, al nord con Umbria, al nord-est con Marche, al est con Abruzzo e con Molise, e al sud-est con Campania. Al sud-west es le costa del Mar Tyrrhen. Intra Latio es le enclave del Citate Vatican. Latio esseva habitate post le secunde millennio aEC per le Latinos qui lo conquireva post le domination etrusc.

Liguria

Liguria es un region de Italia del nord-west, con 1.607.466 habitantes. Su capital es Genua. Illo confina con Francia al west, Pedemonte al nord, e Toscana e Emilia-Romagna al est. Al sud es le costa del Mar Ligure.

Lingua portugese

Le portugese es un lingua romanic parlate in Portugal, Brasil e alcun paises african e asiatic. Illo es un lingua indoeuropee de base greco-latin, con alcun elementos del lingua arabe, in consequentia de que le arabes populava le integre Peninsula Iberica e durante longe annos habitava le parte sud de Portugal, appellate Algarve (in arabe Al-Gharb, que significa le West). In Brasil, le portugese anque ha elementos del lingua tupi, perque esseva le lingua official de Brasil usque le seculo XVII, quando le lingua tupi esseva prohibite.

Oriente Medie

Le Oriente Medie o traditionalmente nominate Oriente Proxime es un region que incorpora le sud-west de Asia, le nord-est de Africa, e le sud-est de Europa. Le historia del Oriente Proxime data de eras ancian, e per tote su historia le Oriente Proxime ha essite un centro importante de affaires mundial.

Le climate del Oriente Proxime es generalmente aride e calide, sed con plure fluvios principal que face possibile le irrigation e le agricultura, e le juxtaposition de plure mares, como le Mar Rubie, le Mediterraneo, e le Mar Caspie. In plus, le paises proxime al Golfo Persic ha grande depositos de oleo.

Le Oriente Proxime es un region geographic fundamento de tres religiones abrahamic - Judaismo, Christianismo, e Islam. Iste facto ha causate problemas per le importantia cultural religiose, sed illo etiam ha meliorate le ricchessa del region.

Regno Unite

Le Regno Unite, o in forma longe Regno Unite de Grande Britannia e Irlanda del Nord (United Kingdom of Great Britain and Northern Ireland in anglese) es un pais in nord-west Europa que forma parte del Union Europee. Le insula de Grande Britannia (Anglaterra, Scotia e Galles) es situate al nord-west del continente, separate de Francia per le Manica. Irlanda del Nord es encontrate al west, occupante le nord-est del insula de Irlanda, con le Republica de Irlanda al sud e west. Geographicamente, le Regno Unite e le Republica de Irlanda insimul forma le Insulas Britannic.

Republica Chec

Le Republica Chec (in interlingua etiam nominate Chechia) es un pais situate in Europa central. Illo ha frontieras con Polonia al nord, Germania al nord-west e west, Austria al sud e Slovachia al sud-est e est. Illo esseva, con Slovachia, un parte de Checoslovachia. Illo es un membro del Union Europee desde 1 de maio 2004.

Sahara Occidental

Le Sahara Occidental es un territorio situate in Africa del Nord, comprenente un parte del Sahara proxime al Oceano Atlantic. Illo esseva un vece un colonia espaniol. Ora, su soveranitate es disputate per le Republica Arabe Sahrawi Democratic (RASD) e Marocco. Marocco occupa le plus grande parte del territorio, includente le capital, El-Aaiún. Le RASD e su fortias armate, le Frente Polisario, occupa un zona in le nord-est e est e controla equalmente campos de refugiatos sahrawi in Algeria. Le stato del Sahara Occidental divide governamentos african e islamic; Algeria appoia su independentia, durante que Marocco e Francia defende le occupation e annexion maroccan. Le RASD es recognite per 81 governamentos e le Union African como soveran in iste territorio. In mesme tempore, multe statos del Liga Arabe accepta le position maroccan. Le ONU ha approbate le derecto del sahrawis a determinar lor soveranitate per un referendum, ma isto non ha habite loco.

Statos Unite de America

Le Statos Unite de America (SUA) es un republica constitutional federal componite de cinquanta statos e un districto federal, Washington, D.C.. Le majoritate del nation es situate in America del Nord, con un extension total de 9 529 063 km²; il etiam ha plure territorios pacific e caribe.

Le population statounitese conta tres centos milliones habitantes. Ethnicitates minoritari include representantes de cata nation in le mundo, gratias al rolo importante del immigration in le economia e historia del nation; e le americanos indigena. Le lingua le plus parlate es le anglese, etiam le espaniol es multo usate

(con plus de 30 milliones parlantes, 11%) assi como le linguas asiatic e indigena.

Su frontieras es al nord (Canada, Oceano Arctic), sud (Mexico, Golfo de Mexico),

est (Oceano Atlantic) e west (Oceano Pacific).

In le seculo XIX, le Statos Unite acquireva territorios de Francia, Espania, Regno Unite, Mexico e Russia, ultra annexar le Republica de Texas e le Republica de Hawai. In le decennio de 1860, le disputas inter le sud agrari e le nord industrial re le derectos del statos e le abolition del sclavitude provocava le Guerra de Succession. Le victoria del nord evitava un division permanente del pais e conduceva al fin del sclavitude legal. Durante le decennio de 1870, le economia national esseva le plus grande del mundo e le guerra hispano-statounitese e le Prime Guerra Mundial confirmava le status del pais como un potentia militar. Post le Secunde Guerra Mundial, le pais surgeva como le prime pais con armas nuclear e un membro permanente del Consilio de Securitate del Nationes Unite. Le fin del Guerra Frigide e le dissolution del Union Sovietic lassava le Statos Unite como le unic superpoter economic, politic, militar e cultural.

Sudan

Sudan (السودان as-Sūdān) es un pais in Africa del nord-est. Ante le 9 de julio 2011, illo esseva le pais le plus grande in Africa e in le mundo arabe (un rango occupate depois per Algeria), e le decime plus grande in le mundo per superficie. Illo avicina Egypto al nord, le Mar Rubie al nord-est, Eritrea e Ethiopia al est, Sudan del Sud al sud, le RCA al sud-west, Tchad al west e Libya al nord-west. Le fluvio le plus longe del mundo, le Nilo, divide le pais in duo partes, est e west.Un stato membro del ONU, Sudan es equalmente un membro del Union African, Liga Arabe, Organisation del Conferentia Islamic e Movimento Non Alineate e un observator al OMC. Su capital es Khartum, que servi como le centro political, cultural e commercial del nation, ben que Omdurman (al altere ripa del Nilo ab Khartum) es le maxime urbe. Inter le 42 milliones de personas qui habita Sudan, Islam sunnita es le religion le plus diffuse e official; le arabe e anglese son le linguas official.Un referendo in 2011 ha confirmate que le populo del Sud del pais – usque alora autonome – optarea pro devenir un stato separate. Sudan del Sud declarava su indepedentia le 9 de julio, e Sudan esseva le prime pais a recognoscer lo como independente.

Svedia

Svedia (plus official le Regno de Svedia) es un pais in Scandinavia in Europa que se limita con Norvegia in le west e le nord e Finlandia in le est. Illo ha alsi un frontiera maritime con Danmark in le sud-west. Svedia ha costas al Mar Baltic in le est e le sud e al Skagerrak (un parte del Mar del Nord) in le west. Svedia ha 9 milliones de habitantes. Su capital es Stockholm. Altere grande citates es Göteborg, Malmö e Uppsala.

Svedia es un monarchia democratic. Illo ha 21 contatos (län) qui es subdividite in 290 municipalitates (kommuner).

Desde le 1 de julio 2009 le lingua svedese es lingua official in Svedia. Desde le anno 2000 il ha existite cinque linguas minoritari official: romani chib, meänkieli, sami, yiddish e finnese.

Virginia del West

Virginia Occidental es un stato del Statos Unite de America.

West Sussex

West Sussex es un contato de Anglaterra.

In altere linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.