Peninsula Iberic

Le Peninsula Iberic es un peninsula al sud-west de Europa. Su isthmo de union al continente es le Cordillera del Pyreneos. Geologicamente illo ha como characteristica special que le major parte de su superficie continental ha un configuration quasi completemente plan a un altitude de 600 metros super le nivello del mar, su litoral nord, nord-est, e west es roccose e con precipitios, essente le litoral est, sud-est, e sud plus suave, con continue plagias.

Politicamente illo es occupate per le Principato de Andorra, Espania, e Portugal, assi como un colonia britannic, Gibraltar, in le stricto que lo separa del continente de Africa.

Peninsula Iberic
instantia de: peninsula
coordinatas: 40°14'24"N, 4°14'21"W
España y Portugal
continente: Europa
paises: Espania, Portugal, Andorra, Gibraltar
Iberia (orthographic projection)
ID VIAF: [238991012]

Vide etiam

Andalusia

Andalusia es le comunitate autonome plus populate in Espania. Per le superficie su location es secundo.

Andalusia is le region plus meridional in le Espania continental. Su historia ha site remarcate per su proximitate al cultura arabic de Africa septentrional. Le ethymologia del nome Andalusia es de arabic Al-Andalus. Le arabic invadavan le pais in le anno 711 pro su lider Tariq. Secondo a illo, ha site nominate le citate de Gibraltar, situate in Andalucía, e significa "Monte de Tariq". Le domination arabic esseva terminate in Andalusia in 1492 pro les regios catholic, qui conquistava Granada alora. Un recordo de la epocha muslim es le castello de Alhambra in Granada.

Le cultura andalusian es importante per tote Espania. Le musica flamenco nasciva illac. Capital de Andalucía es Sevilla, e altere citates importante es Málaga, Jaén, Córdoba, Granada, Almería, Huelva e Cádiz.

Aragon

Aragon (Aragón in espaniol e aragonese, Aragó in catalano) es un communitate autonome espaniol situate al nord del peninsula iberic.

Cantabria

Cantabria es un communitate autonome espaniol uniprovincial definite como communitate historic in su Statuto de autonomia. Illo es situate al nord del peninsula iberic e es circumferite per le Castilia e Leon al sud, le Principato de Asturias al west, le Pais Basc al est e per le Mar Cantabric al nord. Le citate de Santander es su capital e localitate plus populose. Il ha un forte ligamine con le Ducato de Cantabria, Asturias de Santillana, le Fraternitate del Quatro Villas e le provincia del Novem Valles.

Cantabria tene actualmente 588 656 habitantes (2014) in un total de 102 municipalitates del que 4 superpassa le 20.000 habitantes. Le 50% de la población cantabra vive hac, in iste ciutates. Duo tertios del poblation vive in le Region Metropolitana de Santander-Torrelavega.

Le ethymologia del nomine Cantabria es de origine celtic: Kant (petra) e Abr (populo). Poterea significar "habitantes del montanias".

Castilia-La Mancha

Castilia-La Mancha es un communitate autonome espaniol constituite in 1982. Su territorio es situate in le parte central del peninsula iberic.

Castilia e León

Castilia e León es un communitate autonome espaniol constituite in 1983. Su territorio es situate in le parte nord del plateau del peninsula iberic. Illo se compone del provincias de Avila, Burgos, León, Palencia, Salamanca, Segovia, Soria, Valladolid e Zamora. Es le plus grande communitate autonome de Espania e le tertie region le plus extense de Europa. Como le Statuto de Autonomia de Castilia e León declara in su preambulo (2007):

La Comunidad Autónoma de Castilla y León surge de la moderna unión de los territorios históricos que componían y dieron nombre a las antiguas coronas de León y Castilla.

Catalonia

Catalonia (in catalano Catalunya, in espaniol Cataluña e in occitano Catalonha) es un communitate autonome espaniol situate al nord-est del peninsula iberic. Illo es circumvallate al sud con le Communitate Valencian, al west con le Aragon, al nord con Francia e Andorra, e al est con le Mar Mediterranee e le Insulas Balear.

Catalonia tene actualmente 7 518 903 habitantes in un total de 948 municipalitates del que 52 superpassa le 20.000 habitantes (70% del population catalan vive hac, in iste citates). 2/3 del population vive in le Region Metropolitan de Barcelona.

Le institution autonome que dirige Catalonia se appella le Generalitat de Catalunya (Generalitate de Catalonia), un termino que include le presidente, le governamento e le parlamento.

Espania

Le Regno de Espania es un stato soveran con monarchia parlamentari. Illo occupa sex septimos del Peninsula Iberic e es parte integrante del Union Europee (UE), con altere vinti-septe statos soveran de Europa. Le territorio espaniol contine anque duo archipelagos, le Baleares in le Mediterraneo, e le Canarias in le Atlantico, e anque duo enclaves in le nord del continente african, le citates autonome de Ceuta e Melilla, e le exclave de Llivia in le Pyreneos francese.

Su territorio peninsular ha frontieras terrestre con Francia e con le Principato de Andorra al nord, con Portugal al west e con le colonia britannic de Gibraltar al sud. Su territorios african ha frontieras terrestre e maritime con Marocco.

De plus, Espania ha altere districtos e possessiones minor non continental, como le insulas Chafarinas, le Peñón de Vélez de le Gomera e le insulas del Peñón de Alhucemas, totes ante le costa de Marocco, e reclama le soveranitate del insula Perejil, actualmente disputate con Marocco. Le insula de Alborán, le insulas Columbretes e un serie de insulas e insulettas ante su costas completa su territorios.

Espania mantene etiam su revindication pro le soveranitate del colonia britannic de Gibraltar, durante que certe parve circulos politic in Portugal non recognosce le soveranitate espaniol super le urbe Olivenza. A su vice Marocco reclama como sue le territorios de Ceuta e Melilla, unic territorios del Union Europee in le continente african, sin considerar le regiones ultraperipheric.

Gallecia

Gallecia es un communitate autonome espaniol, site al nord-west del Peninsula Iberic. Como territorio, ben que non con le limites administrative actual, Gallecia existe desde le Imperio Roman e usque al seculo XII le regno gallecian includeva le nord del actual Portugal. De facto, le adjectivo "gallecian" es ancora applicate al habitantes del nord de Portugal, appellate per alicun historicos "Galleco-portugese".

Le Gallecia actual limita geographicamente al nord con le mar Cantabric, al sud con Portugal, al west con le oceano Atlantic e al est con le Principato de Asturia e con Leon (provincias de Zamora e Leon). In Gallecia on include etiam le insulas Cíes, le insula de Ons, Cortegada, Arousa, le insulas Sisargas e le de Sálvora e Vionta. Le citate capital de Gallecia es Santiago de Compostela e le population del pais attingeva 2.730.337 in 2001. Gallecia se divide in quatro provincias (A Coruña, Lugo, Ourense e Pontevedra) e le citates le plus grande es Vigo e A Coruña.

Secundo su statuto de autonomia, adoptate in 1981, Gallecia se defini como nationalitate historic, termino recognoscite con le de region in le constitution espaniol de 1978. Assi, como Catalonia e le Pais Basc, Gallecia possede lingua e cultura proprie. Su particularitate cultural e historica lo defini como un nation integrate in le Regno de Espania. Le governamento autonome gallecian ha tunc large competentias e es eligite per le Parlamento de Gallecia.

Grecia antique

Le Grecia antique, le Grecia classic o le civilisation hellenic son le nomines con que se cognosce le periodo del historia grec, durante un millennio usque le morte de Alexandro Magne, evenimento que marcava le comenciamento del periodo hellenistic. Le Grecia antique es considerate per le historicos como le fundamento del cultura occidental. Le cultura grec teneva un influentia potente in le Imperio Roman, e in general super tote le cultura occidental, super le qual ha influite e continua influente, super toto in le lingua, le politica, le systemas educative, le philosophia, le scientia, le arte e le architectura del mundo moderne, stimulante le Renascentia del Europa Occidental e le neoclassicismo in le seculos XVIII e XIX in Europa e America.

Le Grecia antique o Hellade es un termino usate pro referer se al mundo de linguage grec del antiquitate. Se refere non solmente al peninsula geographic del Grecia moderne, ma anque a omne le areas del cultura grec que esseva colonisate per le grecos.

Cypro e le insulas del Mar Egee, le costa de Anatolia, Sicilia e le sud de Italia (region cognoscite alora como le Grecia Magne), de plus de diverse domiciliamentos e colonias in le actual statos de Albania, Bulgaria, Egypto, Francia meridional, Libya, le costa mediterranee del Peninsula Iberic e Ukraina (le peninsula de Crimea). Anque ibi se include le Imperio perse de alora, depost le conquestas de Alexandro Magne.

Iberia (disambiguation)

Le peninsula iberic

Iberia Airlines, le compania de aviation in Espania

Un provincia del Imperio roman, correspondente al territorio in le peninsula iberic. Vide Iberia roman

Le Iberia Transcaucasian del est del pais de Georgia ab le seculo IV aEC

Influentia del lingua arabic in le espaniol

Le influentia del arabe in le lingua espaniola ha essite multo significative, specialmente in le nivello lexical, pro le larga presentia arabo-phona in "Hispania" e le peninsula iberic inter le annos 711 et 1609 (data in le qual occurreva le expulsion del moriscos). Le influentia arabo-phona era plus grande in le Sud et le Est del territorio, anque cognoscite como al-Ándalus, le actual Andalusia, con le establimento del Emirate de Cordova, pois le Califato de Cordova et le Regos Taifa.

Le resultato de isto es multo toponymos, substantivos et nomines proprie, et in pauc casos, anque verbos, adjectivos et adverbios, et solmente un preposition: Ojalá (Que deo vole o si deo vole); isto monstra que le influentia era importante et extense, ma non attingeva cambiar le structura romanic del lingua.

Lugo (Espania)

Lugo es un citate espaniol situate al nord-west del Peninsula Iberic, in le Communitate Autonome de Gallecia. Le population del citate es 97 635 habitantes (2010). Esseva declarate Patrimonio Commun del Humanitate per UNESCO in 2000.

Navarra

Navarra (in basco Nafarroa) es un communitate foral espaniol locate in le nord del peninsula iberic. Limita al nord con le departimento francese de Pyreneos Atlantic, al est e al sud-est con Aragon (provincias de Huesca e Zaragoza), al sud con Le Rioja e al west con le Pais Basc (provincias de Alava e Gipuzcoa). Le municipalitate de Petilla de Aragón constitue un exclave circumferite totalmente per territorio zaragozan. Illo es le territorio correspondente al Alte Navarra del Renascentia —le Basse Navarra forma parte de Francia—.

Illo es composite per 272 municipalitates e ha un population de 636 142 habitantes (2015), del que approximativemente un tertio habita in le capital, Pamplona (196 166 habitantes), e plus del medietate in le area metropolitan del mesme citate (328 511 habitantes).

Portugal

Portugal esse un stato de Europa sud-occidental que se extende sur le litoral atlantic del Peninsula Iberic, con bordos al nord e al est con Espania. Portugal esse le pais le plus al west in Europa continental. Portugal esse nominate pro su citate le secunde plus grande, Porto, cuje nomine latin esseva Portus Cale.

In le seculos 15 e 16, Portugal esseva un poter mundial economic e cultural; le Imperio Portugese, le prime imperio europee, se extendeva a includer Brasil, le Indias Oriental, Macao, Angola, Mozambique, Capo Verde, Guinea-Bissau, São Tomé e Príncipe, Timor Oriental, e partes de altere paises moderne. Hodie, ben que su grandor physic ha contrahite, il ja habe un economia forte, un qualitate de vita alte, e un cultura pacific e globalisate.

Principato de Asturias

Le Principato de Asturias (espaniol: Principado de Asturias, asturiano: Principáu d'Asturies) es un communitate autonome espaniol situate al nord del peninsula iberic.

Pyreneos

Le Pyreneos (les Pyrénées, in francese; los Pirineos, in espaniol; els Pirineus, in catalano) es un catena de montanias site al nord del peninsula iberic, inter Espania, Francia e Andorra. On extende a longe de 415 km ab le Mediterraneo usque le Mar Cantabrico. In su parte central ha un amplitude de circa 150 km.

In le parte nord, in Francia, passa pro le regiones de Aquitaine, Midi-Pyrénées e Roussillon (Pyreneos Oriental). In le parte sud, in Espania, passa pro Comunidad Foral de Navarra, Aragón, e Catalonia. Le parve stato de Andorra es ubicate justemente in medio del catena montaniose, inter Espania (Catalonia) e Francia (Pyreneos Oriental).

Iste montanias ha summitates de plus de 3.000 m. super le nivello del mar, como le Aneto (3.404 m.), le Posets (3.375 m.), le Monte Perdido (3.355 m.) e le Vignemale (3.298 m.); parve glacieros, lacos e un grande quantitate de valles. Su paisages de montanias es tanto belle como le typic paisages de Canada...

Republica Roman

Le Republica Roman (latino: Res Publica, Rei Publicae; litt. le re public, le cosa del populo) esseva le periodo del civilisation roman que habeva un forma republican de governamento. Illo comenciava in 509 aEC cum le subversion del monarchia roman, que esseva reimplaciate per duo capites conjuncte, le Consules, eligite pro servir un anno de mandato per, e sempre consultante cum, un assemblea de Patricios dicte Senato.

Durante le prime duo seculos de su existentia le Republica conquireva tote le peninsula italian. Durante le sequente seculos illo conquireva anque Africa del Nord, le Peninsula Iberic, Grecia, Gallia e un parte significante del Mediterraneo oriental.

Un serie de guerras civil poneva fin al historia del Res Publica, in conducer al formation del Imperio Roman in 27 aEC.

Sevilla

Sevilla es un citate espaniol situate al sud-west del Peninsula Iberic, in le Communitate Autonome de Andalusia.

Villarrobledo

Villarrobledo es un citate espaniol, del provincia de Albacete, situate al sud-west del peninsula iberic, in le communitate autonome de Castilla-La Mancha.

In altere linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.