Monarchia

Un monarchia es un systema de governamento in le qual le capite del stato es un sol individuo, le monarcha (greco: μονάρχης), qui es distincte e plus elevate del alteres (su «subjectos»). In contrasto al situation in republicas, le poter e functiones de iste non retorna periodicamente al populo pro esser delegate a un altere, ma passa de monarcha a monarcha per un principio de succession. On symbolisa sovente le position special del monarcha per su corona, su throno, su sceptro e altere emblemas de iste genere; dunque, on pote parlar de un «succession al corona» o «al throno». Iste transition es normalmente hereditari, ma il existe anque monarchias elective, tanto presente como passate (como Malaysia o le Sacre Imperio Roman). Le poteres del monarcha pote esser absolute (un tal regime es appellate un monarchia absolute, como le Arabia Saudita actual) o limitate per un lege basic o per costume (in qual caso on ha affaire a un monarchia constitutional, como le Svedia actual). In ambe casos, le rolo del monarcha in le governamento pote esser plus o minus large; un monarcha es a veces vermente capite e del governamento e del stato, ma a altere veces su governamento es formate per un altere (denominate secundo le caso prime ministro, vesir, cancellero, shogun...). Quando le constitution garanti que le governamento sia independente e responsabile ante le populo, un monarchia pote ben esser plenmente democratic; unes considera mesmo systemas como le monarchia constitutional de Australia, pro exemplo, como «republicas coronate».

Un monarcha heredita frequentemente le throno de plure statos al mesme vece; in iste caso, on dice que tal statos son in union personal. Il existe pro exemplo un union personal inter le Regno Unite e Canada e le altere regnos del Commonwealth. In tal casos, le monarcha es sovente representate per un delegato special: un vicerege, governator general, dey, etc. Durante le eventual pupillage, infirmitate o dementia de un monarcha, su functiones pote esser complite per un regente.

Il ha plure denominationes o grados de monarchia, secundo le titulo del monarcha (exemplos extante son date in parentheses):

Henry VIII with Charles Quint and Pope Leon X circa 1520
Depiction de tres monarchas: le papa Leon X, le imperator Carolo V e le rege Henrico VIII de Anglaterra. Leon X se reclamava vicario de Christo; Henrico VIII vadeva assumer le titulo de «capite supreme» del Ecclesia de Anglaterra. Tanto Carolo V como Henrico VIII regnava «per le gratia de Deo».

Il ha sovente un relation particular inter monarchia e religion. In multe monarchias, monarchas considerava que illes regnava «per le gratia de Deo» (un stilo usate ancora per le reges e reginas de Grande Britannia e Irlanda del Nord, qui son in mesme tempore governatores supreme del Ecclesia de Anglaterra). Le imperatores japonese tracia lor origines al dea solar Amaterasu, esseva un vece considerate como divin, e son ancora le plus alte autoritate in Shintoismo. Plure dynastias islamic ha reclamate le califato, un stato de preeminentia particular como successores a Mahomet e chef de omne musulmanes. In le Occidente, plure monarchias son directe per representantes del Ecclesia Catholic: illos include hodie le Stato del Citate Vatican (dominio del Papa), le Co-principato de Andorra, e le Soveran Militar Ordine Hospitaler de Sancte Johannes de Jerusalem, de Rhodos e de Malta; e statos de iste typo esseva multo plus commun in Medievo. Usque le principato de Gratiano (seculo 4), le imperatores roman esseva in mesme tempore pontifices maxime, e dunque le prestres le plus importante de Roma.

Jacques-Louis David, The Coronation of Napoleon edit
Le coronation de Napoleon I, acto symbolic per qual iste deveniva un monarcha (imperator del franceses).
Portrait of the Qianlong Emperor in Court Dress
Portrait del imperator Qianlong, qui regnava «per le gratia del celos» como imperator chinese durante sex decennios (1735-1796).

Situation actual del monarchias

Il sole insister se in le idea de que le mantenimento del monarchia in le actualitate obedi a su rolo como symbolo del unitate national fronte al division territorial e su poter arbitral fronte al distincte partitos politic. Quando es le caso que le regime politic es democratic, recognoscente se le soveranitate popular, le monarcha passa a ser le figura in le que se incarna le cargo de Chef de Stato de forma perpetue e hereditari, cum lo que su rolo es fundamentalmente symbolic e representative.

Iste definition es lo que il se sole identificar cum le monarchias europee, inter les que son le monarchias parlamentari del Regno Unite, Espania, Norvega, Svedia, Danmark, le Paises Basse, Belgica e Luxemburgo. Il existe tamben tres microstatos cum monarchia (Liechtenstein, Monaco e Andorra) e un monarchia elective theocratic (Citate del Vaticano). Inter le paises arabe le monarchias have distincte grados de apertura al representation popular, major in Marocco o Jordania e multo restringite in Arabia Saudita o le emiratos del Golfo Persic (Kuwait, Bahrain, Qatar, Emiratos Arabe Unite e Oman), Malaysia (cum monarchia rotatori inter le differente sultanes) e Brunei; excepte le duo primes, tote illos paises que pote qualificar se de "petrostatos", e multe veces supernominates como plutocratias. Bhutan es le unic monarchia del Subcontinente Hindu post le recente abolition del monarchia in Nepal (2008). Japon (comparabile al monarchias europee), Thailandia e Cambodja son le restante monarchias de Extreme Oriente. In alcun parve statos african (Lesotho e Swaziland, annidate in le Republica Sudafrican) il se seque mantenente monarchias traditional.

Un rolo special in le relationes international es lo que compli le monarchia britannic, que mantene un vinculo personal cum le Commonwealth, de varies de cuje statos membros continua essente le chef de stato titular malgrado que illes son statos independente. Le rolo del rege de Espania in le Communitate Iberoamerican de Nationes e le periodic reuniones denominate Conferentia Iberoamerican non es comparabile, pois in rango protocollar ille es equivalente al altere chefs de stato.

Un characteristica del monarchias europee (a veces considerate como un actualization o recerca de legitimation popular) ha essite le incorporation de plebeios al familias real, e le continuate presentia in le medios de communication de massas, includente le scandalos proprie del pressa rose. Altere ha essite le reconsideration del rolo del femina in le monarchia, a fin de equar la cum le viro in le succession, reforma que le monarchias nordic ha initiate. In Espania il se ha arrivate a consultar al Consilio de Stato le convenientia de alterar le linea de succession al throno regulate per le Constitution de 1978.

Vide etiam

Antiquitate

Le etate antique, epocha antique o antiquitate es le periodo del historia inter le nascentia del scriptura e le cadita del imperio roman in 476, que marca le initio del Medievo. Illo es, dunque, le prime periodo propriemente historic.

Le disveloppamento variava multissimo in function del region studiate, ma a grande tractos pote characterisar se como le epocha del specialisation social, del nascentia del majoritate de scientias e artes actual e de un enorme expansion demographic que apportava a crear grande imperios. Il debe non oblidar que in le mesme datas un populo pote viver totevia in le prehistoria (o protohistoria) e altere pote haber evolvite multo.

Le regime politic plus abundante es le monarchia. Surge le commercio generalmente, con le apparition del moneta e del grande routes de intercambio.

Le Antiquitate contine duo epochas:

Oriente Antique, con le apogeo del prime civilisationes al Oriente Extreme (China, India) e al Oriente Proxime (Mesopotamia, Egypto).

Antiquitate Classic, con le predominantia del Grecia Antique e Roma.

Arabia Saudita

Arabia Saudita (official in arabe: Al-Mamlaka al-‘Arabîya al-Su‘ûdîya) es un pais in le Oriente Medie. Illo es un monarchia dictatorial exercite nominalmente per le rege Fahd bin Abdul Aziz as-Saud cuje fortuna personal se estima in plus de 20 000 milliones de dollars american. Le pais comprende le regiones traditional de Nejd (cuna del dynastia saudita regnante), Hejaz (ubi es situate le sacre citates islamic de Mecca e Medina), al-Ahsa/Bahrain (majoritarimente shiita) e Jizan, ‘Asir e Najran (juxta Yemen). Arabia Saudita es governate secundo le interpretation wahabita del lege islamic. Illo possede un abundantia de petroleo, cuje exportation es fundamental a su economia.

Danmark

Le Regno de Danmark es un pais in Scandinavia, al nord de Europa, con frontiera al Mar Baltic e le Mar del Nord. Illo consiste de un peninsula (Jutlandia, in danese: Jylland) e 405 insulas nominate (del quales le 79 es habitate) al nord de Germania e al sud-est de Svedia.

Danmark es un stato membro del Union Europee desde 1972.

Danmark forma parte de Scandinavia e illo solo ha frontiera terrestre con Germania, desde 1999 illo es unite per strata e ferrovia con Svedia, per le ponte de Øresund. Le territorio danese es componite per le peninsula de Jutlandia e per 407 insulas ex le quales 79 es habitate (2009). Danmark conta con 7.314 km de costas, e illo es totalmente circumferite per le Mar del Nord e le Mar Baltic, excepte Jutlandia, que lo uni al continente europee. Le principal insulas danese son Selandia, Fionia, Vendsyssel-Thy, Lolland e Bornholm, le plus lontan ab le archipelago danese. Iste position ha date a Danmark, historicamente, le controlo super le accesso al mar Baltic.

Le bandiera official es Dannebrog, inter le bandieras le plus vetere in le mundo.

Danmark es un monarchia constitutional desde 1849, data in le qual esseva abolite le monarchia absolute que habeva regite le pais desde 1660, e illo deveniva monarchia parlamentari in 1901. In terminos de permanentia, le monarchia danese pote considerar se le plus antique del mundo, habente existite durante al minus un millennio. Danmark forma parte del Union Europee, sed illo non utilisa le euro. Quando le pais se adhereva al Communitate Europee (CEE, hodie le Union Europee) in 1973 illo lo faceva sin le Insulas Feroe, durante que Groenlandia optava pro separar se del CEE in 1985. Danmark etiam deveniva un membro fundator del OTAN in 1949, terminante con le traditional politica de neutralitate que illo habeva sustenite usque iste momento.

Con un natura povre de ressources geologic, Danmark susteneva su economia per le activitate agricole, gratias a su fermas, le pisca e le industria naval. In le ultime seculo, le daneses ha date un impulso al industrialisation de lor pais e ha favorite le establimento de un stato de benesser garantiente le accesso a servicios public desde que in 1933 se firmava le accordo de Kanslergade. Danmark esseva occupate per le Germania nazista durante le Secunde Guerra Mundial.

Espania

Le Regno de Espania es un stato soveran con monarchia parlamentari. Illo occupa sex septimos del Peninsula Iberic e es parte integrante del Union Europee (UE), con altere vinti-septe statos soveran de Europa. Le territorio espaniol contine anque duo archipelagos, le Baleares in le Mediterraneo, e le Canarias in le Atlantico, e anque duo enclaves in le nord del continente african, le citates autonome de Ceuta e Melilla, e le exclave de Llivia in le Pyreneos francese.

Su territorio peninsular ha frontieras terrestre con Francia e con le Principato de Andorra al nord, con Portugal al west e con le colonia britannic de Gibraltar al sud. Su territorios african ha frontieras terrestre e maritime con Marocco.

De plus, Espania ha altere districtos e possessiones minor non continental, como le insulas Chafarinas, le Peñón de Vélez de le Gomera e le insulas del Peñón de Alhucemas, totes ante le costa de Marocco, e reclama le soveranitate del insula Perejil, actualmente disputate con Marocco. Le insula de Alborán, le insulas Columbretes e un serie de insulas e insulettas ante su costas completa su territorios.

Espania mantene etiam su revindication pro le soveranitate del colonia britannic de Gibraltar, durante que certe parve circulos politic in Portugal non recognosce le soveranitate espaniol super le urbe Olivenza. A su vice Marocco reclama como sue le territorios de Ceuta e Melilla, unic territorios del Union Europee in le continente african, sin considerar le regiones ultraperipheric.

Groenlandia

Groenlandia (danese: Grønland, le Pais Verde; groenlandese: Kalaallit Nunaat, le pais del homines) es un parte autonome del regno de Danmark. Groenlandia non es parte del Union Europee.

Groenlandia contine le insula Groenlandia.

Usque le 5 de junio 1953 Groenlandia esseva un colonia danese. Al cambio del constitution danese de iste die le insula obteneva stato como un region danese. Post un referendum in 1978 Groenlandia obteneva autonomia de parte del 1 de maio 1979. Le autonomia esseva extendite le 21 de junio 2009 al majoritate de areas, excepte le politica de affaires estranier e de securitate.

Groenlandia ha essite habitate durante al minus 4.500 annos per populos arctic. Le vikinges occupava le inhabitate parte del sud de Groenlandia in le initio del annos 900. In le annos 1200 le inuites arrivava a la, e le colonias del vikinges dispareva in le fin del annos 1400. In le initio del annos 1700 Scandinavia e Groenlandia reestabliva le contacto, e Danmark establiva su soveranitate del insula.

Le capite statal de Groenlandia es regina Margrethe II de Danmark. Illa appuncta un ombudsman del regno como substituto del governamento danese e le monarchia. Le parlamento groenlandese se appella Landstinget (in danese, in groenlandese: Inatsisartut) e ha 31 membros, eligite pro quatro annos. Le parlamento es situate in le capital Nuuk.

Italia

Italia (officialmente Republica Italiana) es un pais del sud de Europa, membro del Union Europee.

Su territorio consiste principalmente de un peninsula (Peninsula Italic, transversate per le catena del Apenninos) e de duo grande insulas in le Mar Mediterranee: Sicilia e Sardinia. Le nord es circumferite per le Alpes. Geographicamente, Italia es constituite per tres partes: un continental, un peninsular e un insular. Italia ha frontieras con Francia, Switza, Austria e Slovenia. Le statos independente de San Marino e Citate del Vaticano es enclaves intra le territorio italian. Italia es membro del G8 o gruppo del octo nationes plus industrialisate del mundo. Situate in le corde del antique Imperio Roman, le pais es plen de thesauros que constitue le historia e le bases del civilisation occidental. Su capital es Roma, supernominate le citate eterne.

Lingua: italiano.

Kuwait

Le stato de Kuwait [ku-wá-it] (دولة الكويت, Dawlat al-Kuwayt) es un parve monarchia in le costa del Golfo Persic. Illo ha frontieras con Irak al nord e Arabia Saudi al sud.

Capital: Kuwait (citate)

Madrid

Madrid esse le capital de Espania, e de su proprie communitate autonomic, le Communitate de Madrid. Esse le citate plus populate e plus grande in le nation. In le union europee, esse le tertie plus populate (post que London e Berlin), le tertie plus grande (post que Paris e London), e le quarte plus ric (post que London, Paris, e Moscova).

Madrid esse le capital constitutional de Espania. Esse le sito del sedes del governamento, incluse le Cortes Generales e le Palacio Real de Madrid.

Madrid esseva construite sur le sito de un forte (more) appellate Magerit, le sito esseva ellegite como capital e sede del monarchia espaniol per Felipe II in 1561, reimplaciante a Toledo. Il ha duo vices in que Madrid non esseva le capital. De 1601 usque a 1606, le capital passava temporalmente al citate de Valladolid; in le Guerra Civil Espaniol, le governamento se saliva prime a Valencia e secunde a Barcelona.

Monarchia constitutional

Le monarchia constitutional es un systema, ubi le poter del monarcha es limitate per un constitution. In le majoritate de monarchias constitutional actual, le rolo del monarcha es essentialmente symbolic e non diminue le character democratic del stato; nonobstante, in le passato multe constitutiones garantiva un rolo multo importante al monarcha (pro exemplo celles del duo Imperios Francese, del Imperio German, del Regno del Paises Basse, etc.).

Per opposition al monarchia absolute, le scientia politic distingue inter monarchia constitutional e monarchia parlamentari. In le monarchias constitutional, le rege conserva le poter soveran o ben lo comparti cum le populo al que el concede un serie de derectos per un carta conferite o constitution. In cambio, in le monarchias parlamentari le soveranitate reside, in su practic totalitate, in le voluntate popular, essente le monarcha un figura essentialmente symbolic. Ben que le actual monarchias constitutional son in lor majoritate representative de systemas democratic (monarchias constitutional democratic), historicamente illo non semper ha essite assi. Multes del monarchias ha coexistite cum constitutiones fascista (o in le practica fascista) como in Italia (desde 1861, un monarchia constitutional regite per le Statuto albertin de 1848, mais que a partir de 1922 conviveva cum le regime dictatorial de Benito Mussolini) o Japon (le constitution japonese de 1889 attribueva ample poteres militar e politic al imperator), o cum dictaturas de Governamento militar como in Thailandia, in 2007.

Le monarchia constitutional esseva un passo intermedie o evolvite ante le apparition del prime republicas moderne como Statos Unite e Francia specialmente in le seculo XIX. Il se pretendeva passar de monarchias absolute, maxime representantes del Antique Regime, a monarchias parlamentari cum un poter limitate.

Monarchia roman

Le monarchia roman (in latino Regnum Romanum) era le prime forma politic de governamento de la citate-stato de Roma, ab le momento de su fundation le 21 de april 753 aEC. Usque le fin del monarchia in le anno 509 aEC, quando esseva expellite le ultime rege Tarchinio le Superbo, instaurante se le Republica Roman.

Le origines del monarchia es imprecise, ma pare que era le prime forma de governamento del citate, un dato que sembla confirmar le archeologia e le linguistica. Le mythologia roman relationa le origine de Roma e del institution monarchic al heroe troian Eneas, qui navigava verso le Mediterraneo occidental fugiente del destruction de su citate usque arrivar a Italia. Ibe fundava le citate de Lavinio, e postea, su filio Ascanio fundarea Alba Longa, de cuje familia regal descenderea le geminos Romulo e Remo, le fundatores de Roma.

Nepal

Nepal es un pais in Asia del Sud, situate inter China (Tibet) e India. Le population es majoritarimente hindu, con forte influentias buddhista. Le Buddha nasceva in le actual Nepal. Usque 2008, Nepal esseva un regno ubi le hinduismo esseva le religion official. Post un serie de scandalos royal, crises politic e un insurrection maoista, le monarchia esseva abolite in 2008 e Nepal deveniva un republica federal e laic.

Le topographia de Nepal varia de Everest e le Himalaya al junglas humide del planos basse. Le majoritate del populo es agrari. Es particularmente importante le cultura de the, ris, mais, frumento, canna de sucro e jute.

Rege

Rege es le titulo monarchic le plus alte sub imperator, e indica le capite (mascule) de un monarchia. Le equivalente feminin se appella regina.

Historicamente se dava in alcun tribos e populos le titulo rege al autoritate maxime. In le initio le rege esseva sovente eligite, sed le titulo deveniva tosto hereditari. Non omne monarchas se appella reges o reginas: in Monaco e Liechtenstein le capite del stato es un prince e in Luxemburgo un granduce.

Le reges habeva originalmente como corona super lor cascos un banda auree con decorationes foliacee.

Le rege, essente le persona altissime del pais, non es parte del nobilitate sed es superior a illo.

Republica

Un republica es un forma de governamento non monarchic; pois que su dirigentes non heredita lor poter, illes debe esser electe per un electorato plus o minus inclusive.

Le republicas del mundo comprende un magne diversitate de systemas e principios politic. Quasi universal es le presentia de un parlamento, congresso o assemblea. Iste pote esser de importantia largemente symbolic, como in le Republica Popular de China, o ben crucial al direction del stato, como in le Republica de Irlanda. Le plus alte poter executive es normalmente in le manos de un sol individuo (ben que le Republica Roman esseva directe per duo consules, un tradition perpetuate in San Marino per le duo capitanos regente). Le capite del governamento es genericamente appellate un «prime ministro» si es responsabile ante un parlamento, de que representa le majoritate, o un «presidente» si tene un mandato independente. (Naturalmente, iste titulatura varia de pais in pais: le prime ministro de Germania es appellate le Cancellero, celle de Italia le Presidente del Concilio de Ministros, etc.) Il ha equalmente systemas mixte o semi-presidential. In Francia, pro exemplo, le presidente determina le large orientation politic, que le prime ministro tenta de actualisar in detalio. In paises como le Africa del Sud, le presidente es le capite ambe del stato e del governamento, ma su mandato depende del confidentia del parlamento, toto como un prime ministro. In republicas parlamentari como Germania, India o Turchia, ubi existe anque un prime ministro, le presidente non es capite del governamento, ma del stato; assi, compli functiones diplomatic e ceremonial sin influentiar le direction quotidian politic del pais.

On associa sovente republicanismo con democratia. Republicanismo moderne data del experimentationes politic del seculo 18, a saper le Revolutiones francese e american, que associava le republicanismo a un theoria politic de soveranitate popular, equalitate ante le lege, constitutionalismo, le rolo del stato como garantor del derectos fundamental e libertates civil del citatanos, etc. Nonobstante, tal association de republicanismo con democratia liberal non ha jammais essite universal. Ante le revolutiones atlantic, il habeva plure republicas medieval, como Switza, Venetia, Genua o San Marino, de character plus o minus aristocratic. Republicas pote verger verso le oligarchia (pro exemplo, le Republica Roman in Antiquitate esseva un systema mixte, ma su plus alte dirigentes esseva essentialmente nobile), verso un monarchia elective (le capite del stato de Samoa, O le Ao o le Malo, es traditionalmente un membro del quatro familias regal) o mesmo verso un monarchia hereditari (le princes de Orange-Nassau dominava le poter executive in le Republica Nederlandese). Un republica pote restringer su suffragio con le resultato de eliminar su character democratic o representative, como le Africa del Sud del epocha de apartheid. Hodie, le majoritate de dictaturas es de forma republican (exemplos include Uzbekistan, Birmania, Bielorussia, Libya, Egypto e Sudan). Al fin, tote le statos a partito unic actual (le Republica Popular de China, le Corea del Nord, Cuba, Laos, Syria, Turkmenistan, e Vietnam) son republicas.

Republica Roman

Le Republica Roman (latino: Res Publica, Rei Publicae; litt. le re public, le cosa del populo) esseva le periodo del civilisation roman que habeva un forma republican de governamento. Illo comenciava in 509 aEC cum le subversion del monarchia roman, que esseva reimplaciate per duo capites conjuncte, le Consules, eligite pro servir un anno de mandato per, e sempre consultante cum, un assemblea de Patricios dicte Senato.

Durante le prime duo seculos de su existentia le Republica conquireva tote le peninsula italian. Durante le sequente seculos illo conquireva anque Africa del Nord, le Peninsula Iberic, Grecia, Gallia e un parte significante del Mediterraneo oriental.

Un serie de guerras civil poneva fin al historia del Res Publica, in conducer al formation del Imperio Roman in 27 aEC.

Revolution francese

Le Revolution francese (1789-1799) esseva un epocha de grande cambios politic e social in le historia de Francia et Europa in toto, durante que le governamental structura francese, ante un absolute monarchia con privilegios feudal pro le aristocratia e clericos catholic, suffreva cambio radical a formas fundate super ideales de democratia, civitate, e derectos inalienabile. Iste cambios esseva accompaniate per tumulto multo violente, inclusivemente per executiones in massa e repression durante le Regno del Terror, e guerra que inveloppava qualque altere europee potentia major.

Le motto de Francia durante le Revolution esseva "Liberté, Égalité, Fraternité" (Libertate, Equalitate, Fraternitate).

Roma antique

Roma antique (in latino: Rōma), o Civilisation roman, desgina omne characteristicas differente de un organisation assimilabile a un Stato, surgite del expansion del citate de Roma, que in su epocha de apogeo, arrivava a extender se desde Grande Britannia usque le deserto del Sahara e desde le peninsula Iberic al fluvio Euphrates. In principio, tras su fundation (753 aEC) Roma esseva un monarchia etrusce. Plus tarde (509 aEC) esseva un republica latin e in 27 aEC convertiva se in imperio. Le periode de plus grande splendor es cognoscite como pax romana, pro le relative stato de harmonia que prevaleva in le regiones que esseva sub le dominio roman; un periode de ordine e prosperitate que cognosceva le Imperio sub le dinastia del Antoninos (96-192) e etiam sub le Severos (193-235). Ille civilisation es un elemento decisive del developpamento de occidente e, plus tarde, anque de Oriente.

Svedia

Svedia (plus official le Regno de Svedia) es un pais in Scandinavia in Europa que se limita con Norvegia in le west e le nord e Finlandia in le est. Illo ha alsi un frontiera maritime con Danmark in le sud-west. Svedia ha costas al Mar Baltic in le est e le sud e al Skagerrak (un parte del Mar del Nord) in le west. Svedia ha 9 milliones de habitantes. Su capital es Stockholm. Altere grande citates es Göteborg, Malmö e Uppsala.

Svedia es un monarchia democratic. Illo ha 21 contatos (län) qui es subdividite in 290 municipalitates (kommuner).

Desde le 1 de julio 2009 le lingua svedese es lingua official in Svedia. Desde le anno 2000 il ha existite cinque linguas minoritari official: romani chib, meänkieli, sami, yiddish e finnese.

Thailanda

Le Regno de Thailanda (thai: ราชอาณาจักรไทย) es un nation independente del region central de sud-est asia. Su bordos terrestre habe Laos e Myanmar al nord, Laos e Cambodgia al est, le Golfo de Thailanda e Malaysia al sud, e le Mar Andaman e Myanmar al est; su bordos maritime include Vietnam e le Golfo de Thailanda al sud-est e Indonesia e India in le Mar Andaman al sud-west.

Le capital e citate plus grande de Thailanda es Bangkok, su nomine occidental; in le lingua Thai, su nomine proprie significa "Citate de Angelos". Il etiam es le centro del poter politic, negotios, industria, e cultura.

Thailanda es le cinquanta-prime plus grande pais in le mundo in termines de area total, con un area de superfacie de cerca 513000 km2 (198000 millias quadrate, approximatemente le grandor de Espania), e le vintesime plus populose con cera 63 milliones. Cerca 75 % del population es ethnicamente thai, 14 % es chinese, e 3 % es malay Le resto es de gruppos mino como le mon, khmer, e varie tribos. Le lingua official del nation es Thai.

Thailanda es un nation multo devote al buddhismo. Le religion national es Theravada buddhismo, que es practicate per plus que 95 % del gente Thai. Le culturas e traditiones in Thailanda es notabilemente influentiate per le culturas de India, China, e nationes occidental.

Thailanda es un monarchia constitutional cuje rege es Rege Rama X, le decime regno del Dynastia Chakri. Le regno ha regnate pro plus que un medie de un seculo, que le face un del plus longemente regnate regnos de Thailand, e le plus longemente regnante monarcha in le mundo hodie. Le regno es recognoscite como le Capite del Stato, le Capite del Foritas Armee, e le Defenditor del Fide. Thailanda es le sol nation in sud-est Asia que nunquam ha essite regnate per un poter europee.

Tonga

Tonga (pronunciate /toŋa/ in tongano) es un regno independente in le Oceano Pacific del sud, comprenente 170 insulas in tres archipelagos. Le medietate del population habita le insula de Tongatapu, ubi se situa le capital, Nukuʻalofa.

Tonga esseva un vice un protectorato britannic (1900-1970), ma su institutiones e monarchia son ben plus ancian. Illo es le unic regno polynesian habente survivite al colonialismo (a contrastar Hawaiʻi, Nove Zelanda, Tahiti...). Depost le seculo 10 e usque le seculo 15, Tonga esseva le centro del Imperio Tuʻi Tonga, qui dominava tote le region sud-pacific. James Cook visitava le insulas in 1773 e 1777 e los nominava le «Insulas Amic» (Friendly Islands) in ration de su hospitabile reception. Le dynastia actual se fondava in 1845. Le prime rege, Tāufaʻāhau, stabliva le nove ordine: ille dedicava Tonga al christianismo in 1839, promulgava le prime constitution in 1875 (quando illo adoptava le nomine e titulo «rege Jiaoji Tupou I»), aboliva servage, fixava Nukuʻalofa como le capital, etc. Durante le protectorato britannic, le plus alte representante del poter britannic esseva un consule; on laxava affaires interne al tonganos. Depost le independentia de Tonga in 1970, pressiones in favor de reformas democratic del systema politic cresce. Le rege actual, Siaosi Tupou V (r. 2006– ) ha consentite in 2008 al transformation del pais in un monarchia constitutional democratic. On attende nove electiones in 2010 pro crystallisar iste processo.

Le lingua tongan es practicate per 98% del tonganos e es un lingua official, ben que le anglese (equalmente official) sia dominante in le medias scripte e uso governamental.

Le grande majoritate del tonganos es christian, de confession methodista (37%), mormon (17%), catholic (16%) o altere (27%, essentialmente protestante). Tote iste tres denominationes se stabliva in Tonga in le seculo 19. Post christianismo, le communitate bahai (1%) constitue le plus grand religion. Secundo le Ecclesia de Jesus Christo del Sanctos del Ultime Dies (ecclesia mormon), Tonga ha le proportion de mormones le plus elevate de tote le paises del mundo.

Le sport national de Tonga es rugby a 15. Su equipa national es assatis forte, e multe tonganos ha jocate rugby professional in altere paises (Jonah Lomu, Toutai Kefu, Willy Ofahengaue Isitolo Maka e George Smith, inter alteres). Jocatores de rugby tongan performa un dansa martial polynesian, le sipi tau (equivalente al haka neo-zelandese), ante tote lor matches international. Le equipa tongan de rugby a 13 ha equalmente cognite un certe successo. In 2006, Tonga ha ganiate le Cuppa del Mundo de hitball (un nove sport del annos 2000) e tunc le derecto de organisar le proxime Cuppa del Mundo, que habeva loco in 2008.

Kava es un biberage popular in Tonga; illo es un sedativo legier e non alcoholic. A Tongapatu, on bibe kava normalmente le mercuridi e sabbato; durante que on lo consumma, on canta cantos de amor o ben de hymnos e a vices reguarda matches de rugby.

In altere linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.