Lingua hebree

Hebreo (in Hebreo עִבְרִית o עברית, ‘Ivrit) es un lingua semitic del familia african-asiatic parlate per plus de septe million personas in Israel et in communitates judee in tote le mundo. In Israel, illo es le linguage "de facto" del stato et le gente, como illo es anque un del duo linguages official cum le lingua arabe, et illo es parlate per le majoritate del population.

Le nucleo del Tanakh (le Biblia hebree) es scripte in hebreo classic.

Le lingua hebree moderne es basate de lingua hebree classic, sed es in un gran parte un lingua construite, proque ante le seculo 19 e 20, esseva solmente un lingua liturgical, no un lingua vivante ante le resurection.

Lingua hebree
Nomine native: עברית, עברית חדשה‎
Temple Scroll
Personas: 5 353 950, 3 950 000, 4 380 000
Scriptura: Alphabeto hebree
Phylogenese:
Statuto official
Regulate per: Academy of the Hebrew Language
Codices de position
ISO 639-1 he
ISO 639-2 heb
ISO 639-3 heb
Glottolog hebr1246
Linguasphere 12-AAB-a
IETF ID he
Wikimedia ID he
Idioma hebreo
categoria principal: Categoria:Hebree

Vide etiam

Zuckermann, Ghil'ad (2003). Language Contact and Lexical Enrichment in Israeli Hebrew. Palgrave Macmillan. ISBN 9781403917232.

Abraham Joshua Heschel

Abraham Joshua Heschel (11 de januario 1907 - 23 de decembre 1972) era un rabbi, philosopho, e activista pro derectos civil e contra la Guerra de Vietnam. Ille era un professor a Jewish Theological Seminary e scriptor cuje libros include The Sabbath (Le Sabbato) e The Prophets (Le Prophetas). Su filia es le rabbi e scriptor feminista Susannah Heschel.

Alphabeto hebree

Le alphabeto hebree es le alphabeto usate in hebreo, in aramaico talmudic, e in altere linguas e dialectos parlate per communitates judee como yiddish e ladino.

Eliezer Ben-Yehuda

Eliezer Ben‑Yehuda (hebreo אליעזר בן־יהודה; IPA eli'ʕezeʁ ben jehu'da; 7 de januario 1858 – 16 decembre 1922) era un judeo nate in Lithuania, un lexicographo de hebreo e redactor de un jornal. Ille era le spirito guidante del reviver de hebreo in le era moderne.

Eliyahu Dobkin

Photo: Dobkin e su sposa (ambes sedente) parla con David Ben-Gurion (stante)

Eliyahu Dobkin (hebreo: אליהו דובקין‎, 31 de decembre 1898 – 26 de octobre 1976) era un leader del movimento zionista-socialista, un signator del Declaration de Independentia Israeli e un fundator del Museo de Israel. Ille era active alsi in le Agentia Judee pro Israel e le Organisation Zionista Mundial.

Eliyahu Dobkin ha nascite in Babruysk in le Imperio Russe (hodie in Bielorussia) in un familia zionista-religiose. Su patre, Yosef, travaliava in le industrias de ligno e de bancar, e era un membro del movimento Mizrahi. Dobkin era educate in un kheder e gymnasio e depost studiava in Kharkiv (hodie in Ukraina), ubi ille ha fundate le movimento zionista scholar HaHaver in 1914. In 1917 ille ha affiliate se con le movimento HeHalutz fundate in le mesme anno per Joseph Trumpeldor.

Post le Prime Guerra Mundial le familia ha fugite del bolshevicos e stabilite se in Bialystok in Polonia. In 1921 ille era elegite secretario general del movimento mundial HeHalutz, cuje quartiero general era in Varsovia. Illac ille ha incontrate Simcha Blass, qui depost ha sposate se con le soror de Dobkin, Yehudit.

Le 6 de junio 1932 Dobkin ha immigrate a Palestina Mandatori con su sposa e filia e ha stabilite se in Tel Aviv. Le mesme anno ille ha devenite un membro del syndicato Histadrut. Inter 1933 e 1968 ille era un membro del Committee Zionista del Travaliatores. In 1936 ille ha affiliate se conde le Agentia Judee, e era le chef de su departamento de immigration durante le Secunde Guerra Mundial con le responsibilitate de salvar judeos europee e adjuta le immigration judee illegal a Palestina Mandatori. Ille ha devenite un membro de su executivo in 1946.

Quando Israel ha declarate su independentia le 14 de maio 1948, Dobkin era un del signatores designate. Quamquam, al tempore ille era trappate in le assedio de Jerusalem, e ha addite su signatura depost. In le mesme anno ille ha devenite le chef de Keren Hayesod, un position ille habeva usque 1961. In 1951 ille alsi ha devenite le chef de HeHalutz, serviente usque 1968.

Un collector de arte, Dobkin era le chef del Museo Bezalel e depost ha fundate le Museo de Israel, sedente in su directorio usque su morte.

Evangelio secundo Mattheo

Le Evangelio secundo Mattheo es un libro del Nove Testamento super le vita, morte e resurrection de Jesus Christo. Illo esseva scripte circa 80 p.C. in le lingua hebree, secundo le expertos. Illo ha multo in commun con le Evangelio secundo Marco e le Evangelio secundo Luca. E forsan grande parte del information esseva copiate ab le Evangelio secundo Marco. Le organisation del libro non ha tanto in mente le chronologia del eventos in le vita de Christo ma le presentation de su inseniamentos al discipulos. Le autor voleva presentar iste inseniamentos e dar responsa al questiones in re le vita de Jesus e como isto compliva le prophetias del Vetere Testamento.

Ghil'ad Zuckermann

Ghil'ad Zuckermann (gi-LAD TSOO-kerman) (1 de junio 1971 —) (D.Phil. Universitate Oxonian, Ph.D. Universitate Cantabrigian) nascite in Israel e naturalisate australiano, es un linguista.

Gottfried Wilhelm von Leibniz

Gottfried Wilhelm von Leibniz (1 de julio, 1646 - 14 de novembre, 1716) esseva un philosopho, mathematico, jurista e politico german nascite in Leipzig in 1646. Durante su infantia, su education se completava, quasi exclusivamente, gratias al lectura del biblioteca paterna. Al 12 annos, parlava latin e comprendeva greco. Su primera formation official, la recepteva per Nikolai-Schule, Leipzig, donde sentiva gran interes per le logica aristotelica de influentia scholastica.

Philosopho e mathematico german. Nascite a Leipzig

Educate a Leipzig, Jena, e Atdorf (graduate in 1666).

In servicio del archiepiscopo elector de Mainz (1667-1676) , ille passava quatro annos 1672-1676 in Paris e visitava London 1673, ubi ille incontrava se con multe academicos.

Ille discoperiva le nove notationes de calculo, publicate in 1684 ante de Newton e isto causava multe debattos e controversias.

Ille esseva al servicio del duche de Brunswick como bibliothecario (1676-1716).

Ille scribeva Systema Theologicum, in le qual ille essayava trovar punctos in commun inter le theologia catholic roman e le protestante.

Ille passava le ultime 30 annos de su vita in le studio de philosophia e theologia, mathematica, scientia natural, historia, lege, politica e linguistica, e varie altere scientias.

Ille scribeva un libro de themas theologic titulate Theodice (1710), in discussion del problema del mal e le defensa del optimismo, le qual esseva ridiculisate per Voltaire in su Candide.

Ille anque componeva un multitate de essayos philosophic e scientific.

Hannah Szenes

Hannah Szenes (1921-44) esseva un poetessa e partisana judee de Hungaria.

Durante le Secunde Guerra Mundial, plus de 30 000 judeos ab Palestina, un territorio que tunc habeva essite sub administration britannic desde 1918, serviva de soldatos voluntari in le armea britannic. Illes luctava in plure campanias militar in varie paises circum le Mediterraneo. Alcunos etiam participava in operationes clandestin in locos sub occupation german.

In 1943 Britannia establiva un minute corpore special pro operationes in Balkan insimul bandas de partisanos indigente. 32 de su soldatos iva durante 1943-44 per para-cadite a alcun destinationes illac e participava in multe attaccos intrepide, primarimente in Yugoslavia e Slovachia. Plures del soldatos era captivate e septe era fusilate como spiones.

Un de illes era Hannah Szenes (pronunciation ”sénesh”), nascite 1921 in Hungaria. Su familia possedeva multe talentos artistic e illa deveniva un poetessa. Illa quitava Hungaria in 1939 e iva a Palestina pro studios agricultural. Illac illa scribeva alcun breve poemas magnific in hebreo, p.ex. ”Halikha leQesarya” (”Promenada a Caesarea”).

In le primavera de 1944 Hannah Szenes serviva in un truppa de para-cadistas qui volava a Yugoslavia pro operationes con le partisanos de Tito. Illac, in le campania, illa scribeva le quatro lineas del poema ”Ashrei haGafrur” e dava su parve papiro a un companiero. In junio illa entrava clandestinmente a in Hungaria, durante le apice del deportationes del judeos hungare per le germanos al campos de extermination, e tosto illa era captivate. Post plure menses de tortura illa era fusilate in un prision hungare le 7 de novembre 1944.

In 1950 le restos mortal de Hannah Szenes era transferite a Israel e interrate in Jerusalem.

Israel

Israel es un stato independente in le Oriente Medie, officialmente de character judee. Su pretensiones territorial, e mesmo su existentia legitime, son contestate per plure altere paises. In judaismo le nomine "Israel" ha un altere significantia: illo es usate pro le "populo de Israel," i.e. le judeos.

James Madison

James Madison esseva presidente del Statos Unite de America.

Judaismo

Le judaismo es un religion monotheista del qual deriva le Christianismo e le Islamismo. In 2006, existeva circa 14 million adherentes in le mundo.

Judeo

Judeo es un termino con due significationes, le une es persona que professa le fide del judaismo, o de nascite (per haber un matre judee) o de conversion al judaismo. Le altere es como designation etnic e cultural pro personas de descendentia judee, mesmo si illes personalmente no mantene le fide.

Su condition de minoritate disperse (Diaspora) les ha convertite in victimas del discrimination (antisemitismo).

Grande personages ha essite judeos, como per exemplo Hannah Arendt, Isaac Asimov, Michael Bloomberg, Marc Chagall, Noam Chomsky, Albert Einstein, Gabriel da Costa Fiuza (Uriel Acosta), Sigmund Freud, Allen Ginsberg, Emma Goldman, Rabbi Abraham Joshua Heschel, Rabbi Hillel, Abbot (Abbie) Hoffman, Rabbi Jesus de Nazareth, Allen Konigsberg (Woody Allen), Judith Malina, Groucho Marx e su fratres, Karl Marx, Marilyn Monroe, Rabbi Moshe ben Maimon (Rambam o Maimonides), Philo de Alexandria, Harold Pinter, Natalie Portman, Daniel Radcliffe, Borge Rosenbaum (Victor Borge), Oliver Sacks, Edward Sapir, Paul Simon, Baruch (Benedict) Spinoza, Elizabeth Taylor, Leon Trotsky, Robert Zimmerman (Bob Dylan), Mark Zuckerberg, etc.

Latino contemporanee

Con le denominationes latino contemporanee, latino recente, vel etiam latino vivente, on describe le utilisation actual, oral e scripte, sequente le patrono grammatical e le pronunciation del latino classic.

Ben que le precursores propagava le reutilisation de latino como lingua auxiliar jam depost le fin del seculo XIX, le prime initiativas concrete intendite a reintegrar le latino vivente, in un maniera organisate e per structuras permanente, surgeva in Francia ab 1952, post le publication del articulo titulate "Latino o Babel" per le professor Jean Capelle, ex-director del Universitate de Nantes.

Ab le congresso international sequente, in 1956 (Congrès International pour le Latin vivant, o Congresso International pro Latino Vivente), le utilisation del latino habeva essite supportate per organisationes academic e private, anque in le Statos Unite. Iste initiativas esseva intensificate del decade del annos '80, in parte gratias al generalisation del internet.

Libro de Mormon

Le Libro de Mormon es un recompilation de scriptos que le Ecclesia de Jesus Christo del Sanctos del Ultime Dies considera inspirate per Deo al par del Biblia.

Ludwik Lejzer Zamenhof

Ludovico Lazaro Zamenhof (o Ludwik Lejzer (Łazarz) Zamenhof), (15 de decembre 1859, Białystok - 14 de april 1917, Varsovia) es le creator del lingua auxiliar international Esperanto.

Zamenhof cresceva in le citate de Białystok (que presentemente es in le territorio de Polonia, sed in ille tempore era sub le annexion russe), ubi on parlava multe linguas differente e il habeva difficultates de comprehension inter le diverse culturas. Isto le motivava a cercar un solution al problema, e con le passo del annos esseva disveloppate Esperanto, in un processo longe e laboriose.

Zamenhof continuava su effortios malgrado le apparition de Volapük in 1879, resultato del travalio de un altere interlinguista, Johann Martin Schleyer, in le projecto de crear un lingua international. Zamenhof considerava le Volapük, ma le problemas que ille habeva con iste lingua le motivava a continuar con su proprie planos. Finalmente, in 1887 e con le adjuta economic de su patre-affin, ille poteva publicar un brochure in le qual ille exponeva le principios de su lingvo internacia, sub le pseudonymo Dr. Esperanto (parola que deveniva le nomine de su creation).

Zamenhof moriva in Varsovia in 1917. Su tres filios esseva assassinate per le nazis durante le Secunde Guerra Mundial, proque le familia Zamenhof esseva judee.

Maria Gaetana Agnesi

María Gaetana Agnesi (Milan, 16 de maio 1718 - Milan, 9 de januario 1799) se distingueva con grande precocitate como polyglotta e polemista illustrate. Illa es memorate super toto como mathematica, etiam illa se qualifica como linguista, in philosophia, e plus rarmente in theologia.

In 1748 illa publicava Instituzioni analitiche ad uso della gioventu italiana, que esseva le prime libro de texto que tractava conjunctemente le calculo differential e le calculo integral, explicante nonobstante su naturalessa de problemas inverse. Traducite al anglese e francese, le Instituzioni habeva grande impacto in le inseniamento, ergo harmonisava in un discurso unic materiales disperse e heterogenee de mathematicos anterior, monstrante pro le prime vice in sequentia logic et didactic desde le algebra usque le equationes differential.

Inter 1750 e 1752 illa occupava le cathedra de Mathematica in le Universitate de Bolonia, securmente de forma honorific. Durante le quaranta e septe annos sequente, illa dedicava su vita e proprietate al caritate e al cura del pauperes, usque illa incontrava le morte in le mesme hospicio que illa habeva dirigite.

Su nomine se trova a vices in le indices del libros de geometria analytic e de calculos, sempre associate con le curva appellate indebitemente, e jam sin possibilitate de emenda, "maga" de Agnesi; le duo substantivos es incerte: Agnesi non discoperiva ille curva, ni lo pretendeva, e le nomine de "maga" certo lo ascribe al hasardo de un mal traduction al anglese, reproducite in interlingua. Sed super toto, recordar la solo per iste curva, un exemplo plus de su monumental tractato, non la face justitia.

Pro le historia del mathematicas, Agnesi es importante per su influentia in le propagation del calculo. Illa es etiam un del personas plus citate in le reflexiones super le papiro historic del feminas in le mathematica. Le Instituzioni Analitiche (Institiones Analytic) preserva su opera e la considera un autoritate feminin antique.

Miguel Servet

Miguel Servet (etiam cognoscite como Miguel de Serveto e Michael Servetus) (1511 - 1553) esseva un homine remarcabile de studio e perspicacias scientific in le campo del medicina. Su interesses includeva multe scientias, astronomia e metereologia, geographia, jurisprudentia, theologia e le studio del Biblia, mathematica, anatomia e medicina. Il se ha dicite de ille que: "Servet esseva in poter intellectual indubitabilemente le equal al homine plus grandiose de su seculo", e que: "Ille remane un del plus grande mentes in le historia human, uno qui contribueva al cultura universal".

Rashi

Rashi es le acronymo in hebreo de רבי שלמה יצחקי (Rabbi Shlomo Yitzhaki), un rabbi e commentator super le scripturas judee qui ha nate e morte in Troyes, Francia (22 de februario 1040 -

13 de julio 1105).

Il es pretendite que su patre era descendite del rege biblic David. Rashi es considerate como le optime e plus grande commentator del Torah e Talmud; un del plus grande poskim, un experto in le lingua hebree e un del plus grande sagios del populo judee.

In altere linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.