Genesis

Le Genesis es le prime libro del Pentateucho (prime parte del Torah e del Biblia), anque appellate le Prime Libro de Moses. Illo es le prime libro in le Biblia e assi del Vetere Testamento e contine i.a. le narration super le creation del mundo e del prime homines, Adam e Eva. Genesis anque narra super le arco de Noe, le Turre de Babel, le tres patriarchas: Abraham, Isaac e Jacobo, e super le prehistoria del populo israelita.

Genesis
Lucas Cranach d. Ä. 001
, succedite per: Exodo

Etymologia

Le etymologia del nomine Genesis es de greco Γένεσις "nascimento, creation, origine" e de hebreo תּוֹלֵדוֹת "generation".

Abraham

Abraham (o Abram; אַבְרָהָם; ابراهيم‎) esse un homine del Oriente proxime (Mesopotamia) qui esse un persona alte in plure religiones (in particular, Judaismo, Christianismo, e Islam). Secundo le version mythologic in le Torah, Abraham nasceva in Ur del Chaldeos in le secunde millennio EC, e videva 175 annos. Le Deo Jehovah proposava un pacto con ille: Abraham recognoscerea Jehovah como su unic deo, le offerante su filio como sacrificio, e Deo darea a Abraham progenie innumerabile e le terra de Canaan. Abraham accepteva, e esse ora recognoscite como un fondator del monotheismo; Deo faceva equalmente gratia al filio de Abraham (Isaac, secundo le Biblia; sia Isaac sia Ismael, secundo le Koran).A veces, Judaismo, Christianism, e Islam esse nominate "religiones Abrahamic" gratias al rolo que Abraham habe in le libros sancte de iste religiones.

Agnosticismo

Le terminos agnosticismo e agnostic esseva cuneate per Thomas Henry Huxley in 1869 pro describer le vision philosophic e theologic que le veritate del existentia o inexistentia de Deo, immortalitate, e cosas affin es inherentemente incognoscibile. Personas pote haber cognoscentia scientific o real del phenomenos, mais quando uno tracta de lo que jace detra le phenomenos, il non pote haber evidentia que autorisa qualcunque persona a negar o affirmar qualcunque cosa.

Le agnosticismo es le position de creder que le cognoscentia del existentia o non existentia de Deo es impossibile. Illo es alicun vices comprendite como un medie termino inter theismo e atheismo. Comprendite in iste modo, agnosticismo es scepticismo super tote le cosas theologic. Le agnostico affirma que le human cognoscentia es limitate al mundo natural, que le mente es incapabile de cognoscer circa del supernatural. Comprendite in iste modo, un agnostico pote etiam esser un theista o un atheista. Le prime es appelate un "fideista", i.e. qui crede in Deo purmente on fide. Le secunde es de tempore a tempore accusate per theistas de haber fide in le non-existentia de Deo, sed le accusation es absurd e le expression simplemente non incontra rationes.

Appendicitis

Le Appendicitis es un inflammation del appendice. Quando le inflammation deveni acute le appendice pote esser plenate de pus e si le infection augmenta le appendice pote devenir gangrenose e rumper se. Le Appendicitis pote esser causate per un infection bacterial o per le obstruction de sanguine al appendice a causa de un particula de excremento indurate que deveni trappate in le passage del appendice. Le ruptura del appendice pote ducer a peritonitis. Le melior tractamento cognoscite hodie pro le appendicitis es un appendectomia, le excission del appendice inflammate.

Elohista

E o le Elohista (del hebreu אלוהים, elohim, que signufica "Deo" o plus literalmente "deos") es le nomine date al autor de uno del fontes scripte del Torah. Se characterisa per le uso prevalente del nomine elohim pro significa Deo. Aliquando ille usa alsi le nomine Yahweh, ma solmente a partir de Exodo 3:14.

Le "fonte elohista" comencia con Genesis 15; illo describe le epocha del patriarchas e de Moses, omittente le preludio del historia del origines, e illo perveni usque al conquesta del "terra promittite" de Canaan (i.e. Palestina). Probabilmente illo termina con Deuteronomio 34. Le Elohista es characterisate per influxos de ideas prophetic, que suggere un datation elohistic verosimilante al origine del 8e seculo aEC.

Le nomines del altere tres fontes del Torah e lor abbreviationes son:

le Yahwista (J, del German "Jahweh")le Sacerdotal (P, pro "Prestre")le Deuteronomista (D)

Exodo

Exodo (anque appellate le Secunde Libro de Moses) es le secunde libro in le Biblia. In illo, Deo demanda Moses a ducer su populo, le israelitas, ex Egypto. Le pharaon in Egypto non vole lassar le populo viagiar, ma post que Deo lassava un serie de plagas colpar Egypto (le dece plagas de Egypto), Moses poteva ducer su populo e salvar lo del armea del pharaon al miraculo del Mar Rubie, ubi ille separa le mar, assi que le populo pote escappar. Pois Deo se manifesta pro Moses al monte Sinai e le dona le Dece Commandamentos.

Exodo es parte del Pentateucho, le cinque libros de Moses, per le quales comencia le Vetere Testamento.

Heptateucho

Le Heptateucho es le prime septe libros del biblia judee, le Tanakh. Illo include le cinque libros del Torah e le prime duo libros del Prophetas.

Le septe libros del Heptateucho son:

Genesis

Exodo

Levitico

Numeros

Deuteronomio

Josue

Judices

Historia del lingua francese

Le francese es un lingua romanic, isto es, un lingua nascite del latino. Illo es parlate in Francia, Belgica, Luxemburgo, Switza e in altere 51 paises, principalmente in Africa, que era parte del imperio colonial francese e anque le Republica Democratic del Congo, antique le Congo Belge, e in Rwanda e Burundi, le altere ex-colonias belge african.

Nascite del evolution del latin vulgar verso le gallo-romanic in le corso del prime millennio del era christian, le francese, lingua regal, se converte in lingua juridic e administrative con le ordinantia de Villers-Cotterêts in 1539. Par la suite le francese, sempre circum le nudo parisian, se diffundera in Francia, in Europa e per le mundo. Se seque un larga reforma del lingua promovite per les academicos, por regularisar la e reintroducer parolas latin. Le francese classic del seculos XVI e XVII se converte in le francese moderne del seculo XVIII, lingua vehicular de Europa. Con le colonisation, le francese extende se in America del Nord in le seculo XVIII, in Africa in le XIX lo que la converte in un lingua mundial. Nonobstante le francese perdeva in influentia in le secunde medietate del seculo XX in favor del anglese.

Claude Hegège distingue tres periodos de rayonnement del francese; le periodo del Medievo que se extende del fin del seculo XI al principio del XIV, le periodo que se extende ab le principio del regno de Louis XIV usque le fin del seculo XVIII e le periodo del fin seculo XIX usque principios del seculo XX.

Le termino "langue d'oïl" in certe casos, pote esser un synonymo de francese.

Le lingua francese ha istee particularitate, que su developpamento era in parte le opera de gruppos de intellectuales, como le Pleiade, o de institutiones, como le Academia Francese. Illa es un lingua dicite "academic". Nonobstante, le uso mantene su derectos e numerose es qui "malaxèrent" iste lingua vive, "au premier rang desquels Molière : on parle d’ailleurs de la « langue de Molière »."

Ante le proliferation de imprestos lexical de le anglese, le governamento francese prendeva mesuras por proteger le integritate del lingua. Assi, le 7 de januario 1972, promulga le decreto nº 72-9 relative al inricchimento, del lingua francese, previdente le creation de commissiones ministerial de terminologia por le inricchimento del vocabulario francese. Le lege Toubon de 1994 procede del mesme preoccupation. Su decreto de application de 1996 creava un dispositivo coordinate de inricchimento del lingua francese.

In Quebec, le Officina quebecquese del lingua francese se occupa de regulamentar le uso del lingua francese, protegite per le lege 101 de Quebec. Le officina propone in Internet su grande dictionario terminologic.

Hydrogeno

Hydrogeno es un elemento chimic de symbolo H e numero atomic 1. A temperatura ambiente illo es un gas diatomic inflammabile, incolor e inodor. Hydrogeno es le elemento chimic le plus legier e le plus abundante del Universo. Illo forma parte de un multitude de substantias, como per exemplo aqua e compositos organic. Le nucleo del isotopo plus abundante es formate per un unic proton. In plus il existe duo altere isotopos: deuterium (que ha un neutron) e tritium (con duo neutrones).

In laboratorio se obtene per le reaction de acidos con metallos como zinc e industrialmente per le electrolyse de aqua. Hydrogeno se emplea in le production de ammoniaco, e recentemente pro le provision de energia in pilas de combustibile.

Israel

Israel es un stato independente in le Oriente Medie, officialmente de character judee. Su pretensiones territorial, e mesmo su existentia legitime, son contestate per plure altere paises. In judaismo le nomine "Israel" ha un altere significantia: illo es usate pro le "populo de Israel," i.e. le judeos.

Judaismo

Le judaismo es un religion monotheista del qual deriva le Christianismo e le Islamismo. In 2006, existeva circa 14 million adherentes in le mundo.

Metallo

In chimia, un metallo (grec: Metallon) es un elemento chimic que perde rapidemente electrones pro formar iones positive (cationes) e ha ligamines metallic inter atomos de metallo.

Michael Jackson

Michael Joseph Jackson, (Gary (Indiana), 29 de augusto 1958 – Los Angeles, California, 25 de junio 2009) esseva un cantator e dansator statounitese. Cognoscite como le Rege de Pop, ille esseva un del artistas musical le plus succedite del seculo 20. Gratias a su contributiones al musica, al dansa, e al moda, e etiam a su vita personal public e controverse, Jackson esseva un figura prominente in le cultura popular statounitese durante quatro decennios.

Michelangelo

Michelangelo di Lodovico Buonarroti Simoni (6 de martio 1475 - 18 de februario 1564), usualmente cognoscite brevemente como Michaelangelo, esseva un pictor, sculptor, architecto, poeta e ingeniero del Renascentia. Despecto de su pauc essayos facer altere que le artes, su versatilitate in le habilitates que il apprendeva esseva de un magnitude tam grande que il esse frequentemente considerate le archetypo del homine del Rensacentia, como un altere italiano qui esseva su rival, Leonardo da Vinci.

Le obras de Michelangelo in cata campo in su vita longe esseva prodige; cuando le volumine alte de correspondentia, schizzos e diarios de il que ja existe esse date conto, il esse le plus documentate artista del seculo 16. Duo de su obras ben cognoscite, le Pietà e le David, esseva sculptate ante su trentesime anno. Despecto de su opinion basse del pictura, Michaelangelo etiam creava duo del obras plus influente de fresco in le historia de arte occidental: le scenas de Genesis per le tecto e Le Judicio Ultime per le muro del Chapela Sistine in Roma. Plus tarde in su vita il designava le domo del Basilica de Sancte Peter in le mesme citate e revolutionisava le architectura classic con su usage del ordine gigantesc de pilastros.

In un demonstration del vita unic de Michelangelo, il esseva le prime artista occidental cuje biographia eseva publicate quando il ja esseva vivente. Duo biographias esseva publicate re il in su vita. Un de iste biographias, per Giorgio Vasari, proponeva que il esseva le pinnaculo de tote le complimento artistic ab le initio del renascentia, un puncto de vista que esseva credite pro seculos per historianos del arte. In su vita, il etiam esseva nominate Il Divino. Un de iste qualitates divin le plus laudate per su contemporaneos esseva su "terribilità" (le senso de grandor), e esseva le essayos de artistas que le sequeva a imitar su stilo passionate e multo personal que causava le proxime movimento in arte occidental post del Renascentia alte, Mannerismo.

Psychologia

Le psychologia [psi-ko-lo-gí-a] es le studio del mente (psyche) human e su functiones, e le scientia que tracta del comportamento human et animal.

Scriptor Sacerdotal

Le Scriptor Sacerdotal o P (un abbreviation pro le scriptor "del prestres") es le nomine date a un del quatro fontes scripte del Torah e a su autores, qui probabilemente era un schola de sacerdotes). P se concerne con punctos de lege e ritual sacerdotal. P es le fonte primari pro Levitico ma alsi include sectiones de Genesis, includente le principio usque Genesis 2:4b.

Le nomines del altere tres fontes del Torah e lor abbreviationes son:

le Yahwista (J, del German "Jahweh")le Elohista (E)le Deuteronomista (D)

Theoria del brecha

Theoria del brecha (A. "Gap Theory").

Hypothese que il ha un brecha chronologic inter Genesis 1:2 e 1:3 durante le qual occurreva le evolution geologic o, alternativemente, un periodo in le qual viveva un racia de homines sin anima.

Torah

Le Torah ([to-rà], transliteration del hebreo תורה‬, que pote significar "instruction," "doctrina," o "lege") es le plus importante del scripturas judee, le prime cinque libros del Tanakh (le biblia judee). Illo es alsi appellate le "pentateucho" (ab le greco he pentateuchòs biblòs, le libro in cinque partes) .

In judaismo le Torah es traditionalmente considerate un revelation de Deo. Per extension illo veni a significar le totalitate del lege de Deo, un exemplar divin del universo create.

In servicios communal judee (in un synagoga, pro exemplo) le portion septimanal del Torah es legite publicamente usante un Sefer Torah (hebreo: "Torah-Rolo"), que es scripte per mano in un roll de pergamena. De facto, le edificio del synagoga (dispare a un ecclesia christian) non es sacrate ni considerate plus sancte que altere locos: il es le Sefer Torah que es la cosa le plus sacrate e importante.

Le texto del Torah como illo existe hodie era redirigite in le medie del prime millennia aEC de quatro fontes scripte, que era date nomines (e abbreviationes) per eruditos del seculo 19 EC: Le Elohista (E), le Yahwista o Jahwista (J), le Deuteronomista (D), e le Scriptor Sacerdotal o Scriptor del Prestres (P).

Le cinque libros del Torah son:

Genesis,ExodoLeviticoNumerosDeuteronomio.

Turre de Babel

Le Turre de Babel (anque appellate: le turre de Babylon) es describite in le Biblia (Genesis) in le Vetere Testamento (Prime Libro de Moses, capitulo 11, versos 1-9). Le turre esseva un symbolo de diffidentia e manco de respecto a Deo. Le Biblia scribe, que le successores de Noe comenciava construer un turre in Shinar(?:es:)-plana de Babylonia (en:) (de:). Illes voleva construer un turre tanto alte, que illo poterea attinger le celo. Pro stoppar le projecto Deo misceva lor linguas, assi que illes non se comprendeva plus. Continuante lor labor, illes non esseva capabile finir le projecto a causa de problemas lingual. Post isto esseres human mundialmente parla in multe linguas inequal sur le superficie del Terra.

Le mytho probabilemente habeva duo objectivos: monstrar al homines, que on non pote disrespectar Deo(s), e facer clar, proque le homines parla linguas differente.

Vetere Testamento

Le Vetere Testamento o le Ancian Testamento es le appellation usate per christianos pro referer al Tanakh, le collection de scripturas judee que alsi constitue le prime parte del Biblia christian. Illo contine 46 libros, comenciante con le libro del Genesis. Illos usualmente se classifica in le categorias legal, historic, poetic e prophetic. Tote ille libros esseva scribite ante le nascentia de Jesus Christo. Le texto del Vetule Testamento usate per le christianos primordial esseva le Septuaginta, un traduction grec que esseva amplemente considerate autorisate per le judeos in le prime seculo.

Le Vetule Testamento christian, sin le libros deuterocanonic, corresponde al Scripturas Judaic (Tanach) in uso hodie per judeos, excepte que ambe versiones ha un ordination legiermente differente de libros, durante que le judeos alexandrin, ethiope e egyptie, accepta le Septuaginta como inspirate. Le christianos denomina iste gruppo de libros "Vetule Testamento", a causa de un credentia (inseniate in le Epistola al hebreos) que il ha un nove pacto o testamento inter Deo e le humanitate, post le advento de Jesus. Le judeos mesme non accepta le Nove Testamento o le characterisation del Tanach como le Vetule Testamento (ben que multe judeos accepta Jesus como un figura historic). Il ha alcun controversia inter eruditos protestante super le question de si le Nove Testamento se applica al populo judee, mais il ha multe pauc controversia super su applicabilitate al gentiles. Similarmente, le grado in que le Vetule Testamento e su leges se applica al christianos es un puncto controverse.

Le texto del Nove Testamento totevia contine multe referentias al Vetule Testamento, specialmente in relation al realisation de prophetias concernente le Messia promittite, que le christianos crede esser Jesus Christo. In le vision theologic christian, iste expectation, le realisation presente e le realisation eschatologic del regno divin e eterne sub le autoritate de Christo es le filo que se extende trans ambe Testamentos.

Le judeos alexandrin recognosceva le Septuaginta como inspirate.

Libros del Biblia
Divisiones principal
Manuscriptos

In altere linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.