Confucio

Confucio (Chinese:孔子; pinyin: Kǒng zǐ; Wade-Giles: K'ung-tzu, o Chinese: 孔夫子; pinyin: Kǒng Fūzǐ; Wade-Giles: K'ung-fu-tzu; c. 551 aEC - 479 aEC) esseva scholastico e philosopho chinese, notabile pro le creation del systema philosophic chinese nominate in su honor, confucianismo. Nascite in le Dynastia Zhou, il esseva un politico in le provincia de Lu al nord-est de China.

Le principios de Confucio habeva base in le traditiones classic chinese. Il appoiava loyalitate al familia, le veneration del ancestres, e le submission al veteres per le juvene - e, traditionalmente, al homines per su sposas. Il recommendava le familia como le forma de governamento ideal. Il promoveva, etiam, reciprocitate - id es, le idea que on non debe facer a alteres lo que on non vole facite a se mesme.

In le Analectos, un collection de quotationes attribuite a ille, on le nomina simplemente le maestro.

Confucio
Confucius Tang Dynasty
Sexo mascule
Nascentia 551 BC (Qufu)
Decesso 479 BC (Lu)
Religion Confucianismo
Identificatores
ISNI 0000 0001 2143 0614
VIAF 89664672

Ligamines externe

Confucianismo

Le Confucianismo (儒家; pinyin: Rújiā) es un complexe systema de credentias ethic, moral, philosophic, politic e social que lauda le moralitate e le correcte actiones, create del lectiones del philosopho Confucio e altere philosophos del era. Le confucianismo habeva un indelibile effecto al cultura de Asia. Le mores basic del Confucianismo dice que le education es importante pro le disveloppamento moral del persona pro que le stato pote esser governate per virtutes moral, e non leges coercitive.

Honestitate

Le honestitate o honestate es un qualitate human que consiste in comportar se e exprimer se con coherentia e sinceritate, e de accordo con le valores del veritate e del justitia. In su senso plus evidente, on pote comprender le honestitate como le simple respecto al veritate in relation con le mundo, le factos e le personas; in altere sensos, le honestitate etiam implica le relation inter le subjecto e le alteres, e del subjecto ipse.

Post que le intentiones se refere strictemente al justitia e illo se refere al conceptos de "honestitate" e "dishonestitate", il existe un confusion multo extendite in respecto al ver senso del termino. Assi, a vices nos es inconsciente del grado de honestitate o dishonestitate de nostre actos: le auto-fraude face que nos perde le perspectiva sur le honestitate del proprie actos, obviante a tote le visiones que potera alterar nostre decision.

In le philosophia occidental, esseva Socrates qui dedicava major effortio al analyse del significato del honestitate. Plus tarde, iste concepto restava includite in le recerca de principios ethic general que justificarea le comportamento moral, como le Imperativo categoric de Kant o le theoria del consenso de Jürgen Habermas.

Humanismo

Le humanismo es un philosophia del vita e vision del mundo non-religiose. Le humanismo pone central le dignitate del humano in le vision del mundo e le ration in le philosophia del vita. In le practica, le humanismo es totevia un fonte de inspiration e pro credentes in deo(s) e pro non-credentes.

Le humanismo moderne cresceva durante le Renascentia. Le ration esseva jam importante in le antiquitate grec, e es continuate in le humanismo moderne.

Importante philosophos humanistic del antiquitate include Socrates in Grecia e Confucio in China.

Laozi

Laozi (chinese 老子, etiam scribite Lao Tsu, Lao Tse, Lao Zi, Laotze, et cetera) es un personalitate major in le philosophia chinese qui scribeva le classico taoista Dao De Jing (道德經), e es recognoscite como le fundator del taoismo. Totevia, le existentia historic de Laozi non es certe. Secundo le tradition chinese, ille viveva in le 6e seculo a.C., le era de Ver e Autumno, sed multe eruditos moderne considera le 4e seculo a.C., le eras de Cento scholas de pensar e Civitates Bellante, plus probabile.

Secundo le tradition taoista, Confucio interdum studeva con Laozi, e apprendeva multo. In le taoismo religiose, Laozi es venerate como un immortal, appellate Tàishàng Lǎojūn (太上老君).

Normalisation linguistic

Iste articulo es super le campo del normalisation e politica linguistic. Vide Lingua construite pro detalios super le creation de linguas planificate o artificial.Le normalisation o planification linguistic es un effortio deliberate pro influentiar le comportamento de alteres concernente le acquisition, structura, o allocation functional de un lingua. Isto implica typicamente le disveloppamento de objectivos e strategias pro cambiar le modo in que un lingua es usate. Al nivello governamental, le normalisation linguistic assume le forma de politica linguistic. Multe nationes ha corpores de regulation linguistic con le responsabilitate specific del formulation e implementation de politicas de normalisation linguistic.

Sagessa

Le sagessa significa le saper e le virtute de un esser. Illo characterisa un persona qui es in harmonia con illo ipse e con le alteres, con su corpore e su passiones (virtutes de continentia e de justitia), qui ha cultivate su facultates mental, in harmonia con su actos e su parolas.

In su acception popular, le sagessa es attribuite al persona qui prende decisiones rational, mesmo si illos differe de su interesses interime. On qualifica le infantes sage qui son obediente e discrete.

Tabu in nominar

Le Tabu in nominar esseva le prohibition chinese de dicer o scriber nomines (specificamente, le characteres) de imperatores o ancestres.

Taoismo

Le taoismo (secundo le systema de transcription Wade-Giles, in chinese 道教 pinyin : dào jiào. Un adoption plus moderne es daoismo) es como le confucianismo e un religion e un philosophia, e con le confucianismo e le buddhismo es un del tres philosophias traditional de China.

In contrasto con le confucianismo, le taoismo es fortemente anti-authoritari. Su message es de libertate e spontaneitate del individuo; le autoritate, si illo debe exister, sia discrete, face si pauco que possibile, que le populo crede a omne que facte es ipse faceva.

Le origine historic del taoismo non es certe. Saepe, Laozi, un contemporaneo de Confucio, es vidite como su fundator; un altere autor e pensator importante es Zhuangzi. Le religion organisate del taoismo era fundate durante le dynastia Han, quando illo era organisate secundo le modello del buddhismo ma con su proprie doctrinas. Le religion vulgar chinese, con su myriades de [[Deo|deos], immortales, spectros e spiritos, es sovente connectite al taoismo.

Zhu Xi

Zhu Xi esseva un scholastico neoconfucian in le Dynastia Song, qui deveniva le plus influential rationalista in China. Su contributiones al philosophia chinese includeva su assignante significantia special al Analectos de Confucio, le Mencius, le Grande Apprendition, e le Doctrino del Medie; iste gruppo es nominate le Quatre Libros, e es considerate le fundation basic al confucianismo. Su synthese del conceptos fundamental confucian, e su emphase in le investigation de cosas (gewu), formava le base pro bureaucracia e governamento in China pro 700 annos.

Il es considerate un del Dece-Duo Philosophos, qui es venerate in manieras similar al veneration de sanctos.

In altere linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.