Commercio

Le commercio esse le activitate economic de comprar e vender benes e servicios. Le commerciante normalmente compra quantitates grande de un mercantia pro vender lo in minor quantitates. Le commercio in detalio es illo que compra in grosso ab distributores (o directemente de productores) e lo vende al consumitor final.

Commercio
Centre commercial angoulême
Wojciech Gerson - Gdańsk in the XVII century
Gdańsk

Vide etiam

Africa del Sud

Le Africa del Sud es un republica situate al puncto meridional de Africa. Illo adjace a Namibia, Botswana, e Zimbabwe al nord, e a Mozambique e Swaziland al nord-est. Lesotho es un enclave. Illo posseda 2 798 km de costas al bordo del Oceanos Indian e Atlantic.Le Africa del Sud es ben cognite pro su diversitate cultural e linguistic. Dece-un linguas official son recognite in le constitution, de que duo son de origine europee (a saper le anglese e afrikaans, ramificationes germanic del familia indo-europee) e le nove alteres son de origine african (del branca bantu del familia nigero-congolese). Le anglese joca un rolo preponderante in le vita public e commercial del pais, ben que sia solmente le sexte lingua parlate a domo (post le linguas zulu, xhosa, afrikaans, pedi e tswana) secundo le censo de 2001. Le grande majoritate del population (79,5%) es african «nigre», divise inter plure gruppos ethnic, de qui le zulus e xhosas son le plus populose. Le Africa del Sud contine le communitates le plus grande de personas europee («blanc», 9,2% del population sudafrican), mesticie («colorate», 8,8%) e asiatic (primarimente indian, 2,6%) in Africa.

Circa le quarte parte del population es

desempleate e survive con minus de 1,25 $ american pro jorno. Nonobstante, su economia es un del plus grande del Africa. Le ricchessas del pais son distribute multo inequalmente. Le polos urban de Cape Town, Port Elizabeth, Durban e Johannesburg/Pretoria es assatis avantiate economicamente, ma altere regiones stagna in pauperitate relative. Le Africa del Sud es le octave pais exportator del vino le plus importante del mundo. Le sector turistic cresce e es ja importante, gratias al grande beltate natural del pais, su infrastructuras relativemente disveloppate e su interesse cultural.

Le Africa del Sud es un republica democratic e constitutional de que le capite del stato (le Parlamento) depende del majoritate del parlamento. Illo es un membro fundator del Union African e possede le economia le plus magne de tote le membros. Es anque un membro fundator del ONU e del NEPAD e un membro del Commonwealth de Nationes, le Systemo del Tractato Antarctic, le Gruppo de 77, le Zono de Pace e Cooperation del Atlantico Sud, le Union Doaner de Africa Austral, le Organisation Mundial del Commercio, le Fundo Monetari International e le G20. Le Africa del Sud es le pais le plus populose del mundo habente legalisate le maritage homosexual trans su territorio integre.

Le sports le plus popular del Africa del Sud son football, rugby a 15 e cricket. Le Cuppas del Mundo de tote iste sports ha habite loco in le Africa del Sud: cello de rugby in 1995, cello de cricket in 2003, e cello de football in 2010. Le equipa national de rugby a 15 del Africa del Sud ganiava le Cuppa del Mundo in 2007, e disputa cata anno le tornamento del Tri Nations con Australia e Nove Zelanda.

Amsterdam

Amsterdam es le capital e le plus large citate de Paises Basse, locate in le provincia de Hollanda del Nord in le west del pais. Le citate, que habeva un population de circa 1 million (inclusive le suburbios) le 1 de januario 2008, comprehende le parte del nord del Randstad, le sexte plus large area metropolitan in Europa, con un population de circa 6,7 milliones.

Su nomine se deriva de Amstel dam, indicative del origine del citate: un dica (dam) in le fluvio Amstel ubi le Placia del Dam es hodie. Establite como un village de pisca in le seculo 20 tarde, Amsterdam deveniva un del plus importante portos in le mundo in le Era auree nederlandese, gratias a su disveloppamentos innovative in commercio. In celle tempore, le citate esseva le centro principe de financias e diamantes.. In le seculo 19 e 20, le citate cresceva e plure nove vicinitates e suburbios esseva create.

Le citate es le capital financiari e cultural de Paises Basse. Plure institutiones nederlandese ha su centros illac, como septe del 500 firmas le plus grande. Le Bursa de Amsterdam, parte de Euronext, es locate in le centro del citate. Le attractiones touristic de Amsterdam include le Canales de Amsterdam, le Rijksmuseum (Museo National), le Museo de van Gogh, le Casa de Anne Frank; iste attractiones attrahe 4,2 milliones de touristas per anno.

Antiquitate

Le etate antique, epocha antique o antiquitate es le periodo del historia inter le nascentia del scriptura e le cadita del imperio roman in 476, que marca le initio del Medievo. Illo es, dunque, le prime periodo propriemente historic.

Le disveloppamento variava multissimo in function del region studiate, ma a grande tractos pote characterisar se como le epocha del specialisation social, del nascentia del majoritate de scientias e artes actual e de un enorme expansion demographic que apportava a crear grande imperios. Il debe non oblidar que in le mesme datas un populo pote viver totevia in le prehistoria (o protohistoria) e altere pote haber evolvite multo.

Le regime politic plus abundante es le monarchia. Surge le commercio generalmente, con le apparition del moneta e del grande routes de intercambio.

Le Antiquitate contine duo epochas:

Oriente Antique, con le apogeo del prime civilisationes al Oriente Extreme (China, India) e al Oriente Proxime (Mesopotamia, Egypto).

Antiquitate Classic, con le predominantia del Grecia Antique e Roma.

Brasil

Brasil (nomine official Republica Federative de Brasil) es un republica federative formate per le union de 26 statos e per le Districto Federal. Le pais ha 5.565 municipalitates, 200.000.000 habitantes e un area de 8.511.965 km², equivalente a 47% del territorio sudamerican. Illo es le major pais de America del Sud.

Egypto

Le Republica Arabe de Egypto es le pais le plus populose in Africa Septentrional. Le major parte de su population habita proxime al fluvio Nilo.

Le historia del civilisation in Egypto es effectivemente le plus ancian del mundo, con le unic exception de Mesopotamia.

Egypto tene un enorme importantia strategic in le commercio international depois le construction del Canal de Suez.

Illo es un del statos le plus influente del Liga Arabe. Su decision de prosequer le pace con Israel creava un precedente nove inter le statos arabe, sequite posteriormente per Jordania e alteres.

Empleo

Empleo es un contracto formate inter duo partes, un es le empleator e le altre le empleato. Un empleato es un persona que labora pro empleator.

Espania

Le Regno de Espania es un stato soveran con monarchia parlamentari. Illo occupa sex septimos del Peninsula Iberic e es parte integrante del Union Europee (UE), con altere vinti-septe statos soveran de Europa. Le territorio espaniol contine anque duo archipelagos, le Baleares in le Mediterraneo, e le Canarias in le Atlantico, e anque duo enclaves in le nord del continente african, le citates autonome de Ceuta e Melilla, e le exclave de Llivia in le Pyreneos francese.

Su territorio peninsular ha frontieras terrestre con Francia e con le Principato de Andorra al nord, con Portugal al west e con le colonia britannic de Gibraltar al sud. Su territorios african ha frontieras terrestre e maritime con Marocco.

De plus, Espania ha altere districtos e possessiones minor non continental, como le insulas Chafarinas, le Peñón de Vélez de le Gomera e le insulas del Peñón de Alhucemas, totes ante le costa de Marocco, e reclama le soveranitate del insula Perejil, actualmente disputate con Marocco. Le insula de Alborán, le insulas Columbretes e un serie de insulas e insulettas ante su costas completa su territorios.

Espania mantene etiam su revindication pro le soveranitate del colonia britannic de Gibraltar, durante que certe parve circulos politic in Portugal non recognosce le soveranitate espaniol super le urbe Olivenza. A su vice Marocco reclama como sue le territorios de Ceuta e Melilla, unic territorios del Union Europee in le continente african, sin considerar le regiones ultraperipheric.

Ghana

Le Republica de Ghana es un pais in Africa Occidental. Illo ha frontieras con le Costa de Ebore al west, Burkina Faso al nord, Togo al est, e le oceano Atlantic al sud. In tempores precolonial illo esseva habitate per plure regnos ancian, includente un regno interior que esseva un parte del confederation Ashanti e varie statos Fante sur le costa. Le commercio con statos european florava post contacto con le portugeses in le 15me seculo, e le britannos establiva un colonia del corona, le Costa del Auro, in 1874. Le Ghana deveniva independente in 1957. Accra es le capital e le plus grande citate. Le population del pais in 2005 esseva 21 029 853. Illo esseva le prime pais african nigre a obtener le independentia de un regime colonial.

A su independentia del Regno Unite, le nomine Ghana esseva eligite pro le nove nation—un referentia al imperio de Ghana de previe seculos. Iste nomine es symbolic, proque le imperio de Ghana esseva situate al nord e al west del Ghana de hodie. Le nomine esseva adoptate como referentia al descendentes del Imperio qui migrava al sud-est e nunc habita in Ghana.

Libano

Le Libano (officialmente, le Republica libanese) es un pais del Medie Oriente. Su capital es Beirut. Su valuta es le libra libanese. Le lingua official es arabe, ma in general personas educate son fluente in francese alsi. Le Libano ha frontieras con Israel e Syria e, al occidente, le Mar Mediterranee.

Madagascar

Madagascar es un magne insula e republica independente in le Oceano Indian, separate del continente african per le Canal de Mozambique. Su vicinos de ultramar include le Comores, Mauritio e le Reunion. Le citate capital es Antananarivo.

Le lingua practicate per le population autochtone, le malgache, es de origine austronesian. Le ancestres del malgaches habeva arrivate in Madagascar approximativemente inter le annos 200 e 500 de nostre era, probabilemente ex Borneo o Sulawesi. Populos bantu arrivava postea, e le insula esseva anque frequentate per nautas arabe a partir del seculo 7. Le commercio passava per Madagascar inter Africa e le Route del Seta. Gratias a iste ricchesa commercial, plure forte regnos malgache nasceva. Verso 1824, le regno merina habeva conquerite quasi tote le insula, constituente un Regno de Madagascar que durava usque un invasion colonial francese in 1895. Governate per le regime de Vichy, Madagascar esseva liberate per le Britannos in 1942 e rendite al Francia Libere. A un violente rebellion anticolonial in 1947 succedeva reformas constitutional in 1956 e un transition pacific verso independentia in 1960. Le historia politic del Madagascar independente ha essite in general pauc stabile. Post le resignation fortiate del presidente Marc Ravalomanana e le auto-proclamation de Andry Rajoelina como «presidente del transition» in 2009, le Union African ha suspense le membratura de Madagascar; le Union Europee non ha recognite le nove governamento. Durante un referendum concernente le introduction de un nove constitution, un gruppo de alte officieros ha tentate un colpe de stato le 17 de novembre 2010; iste tentativo esseva reprimite e le referendum esseva approbate.

Plus grande que Francia, Madagascar es quarte insula le plus grande del mundo. Le interior es multo montaniose. Le longa del costa del est il ha silva humide, durante que le plateaux descendente verso le west es plus tosto aride. Le economia malgache resta largement agrari; ris es un producto alimentari essential, ma vanilla es un producto a exportar particularmente importante. Altere productos significante include caffe, canna de sucro, clavos, cacao, cassava, arachides, bananas, faves e bestial. Paupertate, mal sanitate, e analphabetismo son grande problemas.

Il ha un proportion multo importante de endemismo inter le fauna e flora de Madagascar. Le infraordine de lemures, le fossa (Cryptoprocta ferox), tres familias aviar e sex species de baobabes son notabile habitantes endemic del insula.

Verso le medietate del population practica religion traditional, in qual veneration de ancestres es de prime placia. Un ceremonia importante es le famadihana, quando populationes merina e betsileo exhuma lor relativos defuncte, dansa con lor restos, e los reinhuma in nove drappos. Iste ceremonia es anque practicate per christianos, qui constitue vero 45% del population. Circa 12% del population es de confession musulman.

Rugby a 15 es le sport le plus popular in Madagascar. In ration del paupertate del pais, il ha nulle competition professional, ma matches amateur al nivello national pote attraher usque 30 000 spectatores e es ben commentate in le medias. Football es anque un sport popular.

Mercurio (deo)

In mythologia roman, Mercurio esseva le deo del commercio e del pace. Ille protegeva viagiantes, mercantes, e robatores. Post morte, Mercurio conduceva le anima al altere mundo. In multe mythos, ille esseva le messagero del deos (super toto de su patre Jupiter). Ille formava un liaison con Venere, qui deveniva matre de su filio Hermaphrodito e forsan de alteres. Su mythologia es generalmente illo del Hermes grec.

Secundo Julio Cesare, Mercurio esseva chef del deos in Gallia. Un importante templo esseva dedicate a ille al Puy-de-Dôme in le moderne Auvergne. Le Celtas ha syncretisate su nomine con plures ex lor lingua, per exemplo Mercurio Visucio e Mercurio Cissonio (apud le Rheno), Mercurio Gebrinio (in Germania Inferior), e alteres. Sovente le Mercurio gallic esseva accompaniate per le dea Rosmerta; ista es forsan su conjuge indigena o un aspecto gallic de Maia.

Le Germanos sembla haber identificate lor deo Woden/Odin con Mercurio.

Moscova

Moscova (Москва in russo) es le capital de Russia. Moscova es anque le citate le plus grande in Europa, habente 10 milliones habitantes.

Moscova es nominate secundo le riviera que penetra le citate. Le prime vice que Moscova es nominate es in le chronica Ipatievskaja in 1147, ubi le duc de Suzdal invita le duc de Seversk a visitar le in Moscova. In le medievo Moscova esseva jam un loco popular pro facer commercio. Le anno 1156 es vidite como le del fundation del citate. Le edificio conservate le plus vetule del citate es le ecclesia de petra construite in le 14te seculo, que se appella Spas na boru.

In le 15te seculo, le ducato de Moscova surgeva al hegemonia inter le statos de Russia, e assi deveniva le capital de Russia unite, dirigite per le tsares. Illo se permaneva ab le annos 1400 usque al initio del annos 1700, ubi le tsar Petro le Grande lo cambiava a Sancte Petroburgo, construite super territorio conquirite ab Svedia un pauc antea. Durante le guerra contra Napoleon in 1812, Moscova suffreva grande damnos. Post le revolution de octobre, le nove regime bolchevista cambiava in martio 1918 le capital a Moscova. Le stato de Moscova como capital esseva ratificate in le constitution del Union Sovietic in decembre 1922. Durante le Secunde Guerra Mundial, le truppas german tentava conquirer le citate, ma sin successo.

Numero

Un numero es un entitate abstracte que representa un quantitate o un mesura; per altere parolas: numero es un concepto le qual es applicate in le vita quotidian, in economia, negotios, commercio, scientia, technica, … pro communicar statos, cambios, conversiones, valores, precios, quantitate, ordine, rango, grandor, longitude, altor, datos, terminos temporal, le hora (de horologio), positiones, locos, distantias, areas, volumines …. Le plen signification del concepto numero se developpa solmente in connexion con le concepto operation, per exemplo como le addition, subtraction, multiplication, division, potentiation, comparation etc. de duo o plure numeros.

Il son (per axiomas) definite diverse insimules essential del numeros:numeros prime/primari, P, como per exemplo 2, 3, 5, 7, 11, 13, 17, 19, 23, 29, 31, …

numeros natural, N, como per exemplo 1, 2, 3, 4, 5, 6, …; (concepto naive de contar)

numeros (natural) par, como per exemplo 2, 4, 6, 8, …

numeros (natural) impar, como per exemplo 1, 3, 5, 7, …

numeros integre, Z, como per exemplo -4, -3, -2, -1, 0, 1, 2, 3, 4, …

numeros positive, como per exemplo 3, 7, 122, …

numeros negative, como per exemplo -3, -7, -120, …

numeros rational, Q, como per exemplo 1/2, 0,33, 2,0, -3,1, …

numeros real, R

numeros irrational, como per exemplo radice(2), π, e, …

numeros algebric, como per exemplo non rational solutiones ex equationes algebric (polynomie), como per exemplo radice(2), …

numeros transcendente, T, como per exemplo π=3,14…, e=2,7…, …

numeros complexe, C, como per exemplo 1+i, 1+i*radice(3), …

numeros imaginari, I, como per exemplo i, 2*i, … (i es le unitate imaginari con i^2=-1)Un altere aspecto de classification es:numero cardinal

numero ordinal

Organisation Mundial del Commercio

Le Organisation Mundial del Commercio es un organisation pro le commercio.

Paises Basse

Le Paises Basse o Nederlandia (o etiam Nederland, calco del nomine original) es un stato membro de Union Europee que se trova in Europa Occidental. Illo es le plus grande pais constitutive del Regno del Paises Basse e su capital es Amsterdam. Nonobstante, le sede del governamento es in Le Haga. Le pais confina con le Mar del Nord al nord e west, con Belgica al sud e sudwest e con Germania in tote le parte oriental. Le Paises Basse es sovente appellate Hollanda, le qual de facto es solmente un parte del pais. Le lingua nederlandese es le lingua national, ma in Frisia le lingua frison es in uso official a nivello regional.

Russia

Le Federation Russe o Russia es le plus grande pais del mundo; illo se extende inter Europa e Asia. Russia ha frontieras con Norvegia, Finlandia, Estonia, Lettonia, Bielorussia, Lituania, Polonia, Ukraina, Georgia, Azerbaidzhan, Kazakhstan, China, Mongolia, Corea del Nord e Japon. Le pais ha accesso al Oceano Arctic, Oceano Pacific del Nord, e anque a mares interior como le Mar Baltic, Mar Nigre e Mar Caspie. Su area es 17 098 246 км² e ha un population de 143 548 98 (2013) habitantes. Le lingua official es le russo e le capital es Moscova.

Russia es un stato successor del Union Sovietic.

Seculo 16

Le seculo 16 o le seculo XVI es un seculo passate, in accordo con le calendario julian e calendario gregorian. Illo comenciava le 1 de januario 1501, e finiva le 31 de decembre 1600. In le uso popular, iste periodo extende del 1 de januario 1500 a 31 de decembre 1599.

In Europa, un del evenimentos central del seculo esseva le Reforma protestante assi ben como le guerras que suscitava e le reaction catholic in le Contra-reforma.

Espania e Portugal emergeva in iste seculo como poteres mundial. Espania se inricchiva per le conquestas violente de Mexico e Peru, con lor enorme ressources in auro e argento, e extendeva su imperio sur un grande parte del Americas. Portugal dominava le commercio oceanic inter Occidente e Oriente, establiente un serie de portos fortificate le longe del costas de Africa, India, le Indias Oriental e Brasil. In mesme tempore, le regnos de Anglaterra e Francia comenciava a centralisar se e a affirmar se como poteres europee.

Le Imperio Ottoman attingeva le zenit de su influentia e brilliantia cultural sub Solimano le Magnific (turco: Kanuni Sultan Süleyman). Sub le dynastia safavide, Iran elaborava un distincte identitate persan e shiita. In India, le Imperio Mughal reimplaciava le Sultanato de Delhi como le poter dominante India del Nord. Le dynastia Ming continuava lor perido de governo stabile in China.

Per le «excambio columbian», diverse benes e costumes american, europee, african e asiatic se introduceva in nove paises. Le Occidente comenciava a appreciar tabaco, the, caffe, patatas, tomates, mais, gallinas de India, cucurbitas e altere productos «exotic». America recipeva cavallos, bestial, porcos domestic, frumento, cibollas, ris, canna de sucro, citros, mangos, bananas e productos in ferro e aciero. Manioca e pimentos chili se extendeva in paises tropical del Vetule Mundo. Multe maladias infectiose se excambiava anque, con distastrose consequentias demographic in le Americas. Variola, varicella, febre jalne, febre scarlatin e multe altere maladias introducte occideva grande numeros de indigenas american sin immunitate natural. Syphilis es un maladia american introducte in le Vetule Mundo.

Terra

Le Terra es le tertie planeta a partir del Sol. Le terra es le plus grande del planetas terrestre in le systema solar in diametro, massa e densitate. Illo se appella etiam le Mundo.

In le Terra vive milliones de species, includente humanos, e le planeta es le sol location cognoscite in le universo ubi existe vita. Le evidentia scientific indica que le planeta se formava ante 4,54 milliardos de annos, e que le vita appareva in su superficie durante su prime milliardo de annos. Postea, le biosphera del Terra ha considerabilemente alterate le atmosphera e altere conditiones abiotic in le planeta, permittente le proliferation de organismos aerobic e le formation del strato de ozono le qual, con le campo magnetic del Terra, bloca le radiation damnose, permittente le existentia del vita extramarin.Le crusta terrestre se divide in plure segmentos rigide, o placas tectonic, le quales se displacia gradualmente per le superficie durante periodos de multe milliones de annos. Circa 71% del superficie se coperi con oceanos de aqua salin, e le resto consiste de continentes e insulas; le aqua liquide, necessari pro tote le vita cognoscite, non ha essite discoperite in le superficie de alcun altere planeta. Le interior del Terra remane active, con un spisse strato de mantello, un nucleo exterior liquide que genera un campo magnetic, e un nucleo interior solide de ferro.

Le Terra reage reciprocamente con altere objectos in le spatio, includente le Sol e le Luna. Al presente, le Terra orbita le Sol approximativemente un vice pro cata 366,26 vices que illo rota circa su axe. Iste periodo de tempore es un anno sideral, equalante 365,26 dies solar. Le axe de rotation del Terra se inclina 23.4° ab le perpendicular verso su plano orbital, producente variationes saisonal in le superficie del planeta con un periodo de un anno tropic (365.24 dies solar). Le sol cognoscite satellite natural del Terra, le Luna, le qual comenciava a orbitar lo ante circa 4,53 milliardos de annos, provide le mareas del oceanos, stabilisa le inclination axial e gradualmente decelera le rotation del planeta. Un bombardamento de cometas durante le historia initial del planeta jocava un rolo in le formation del oceanos. Plus tarde, impactos de asteroides causava considerabile cambios in le ambiente del superficie.

Ambe le ressources mineral del planeta, etiam le productos del biosphera, contribue ressources que esse usate pro appoiar un population global human. Le inhabitantes esse gruppate a cerca 200 statos indepente e soveran, que reage per diplomatia, commercio e action militar. Le culturas de humanitate ha create plure differente opinions del planeta, como anthropomorphication como un dietate, un credentia in un terra platte, e un persepctivo moderne del mundo como un environmento integrate que require guardation.

Uruguay

Uruguay es un parve pais latinoamerican situate al bordo del Río de la Plata inter Brasil e Argentina. Uruguay es essentialmente de lingua espaniol, ma in le nord on parla dialectos mixte hispano-portugese. Le medietate del population habita in le capital, Montevideo. Le plen nomine del stato, Republica Oriental del Uruguay, es debite a su situation al ripa oriental del Río Uruguay, que se effunde in le Río de la Plata.

Illo es hodie un republica democratic. Le presidente es tanto capite del stato como capite del governamento. Uruguay es un del statos latinoamerican plus disveloppate, minus corrupte e plus progressive.

In altere linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.