Auro


Auro (del latin aurum) es un elemento chimic metallic. In le tabella periodic del elementos, illo ha le symbolo atomic Au e le numero atomic 79. Auro pur es un metallo que ha un color jalne brillante e un lustro traditionalmente considerate nobile; pro isto, auro es etiam le nomine del color de auro. Traditionalmente, le auro es considerate un del minerales plus costose.

Auro ha plure characteristicas physic notabile. Illo non oxyda. (Illo sol reage con ulle composito chimic, ma illo pote reager con chloro e aqua regia.) Illo es le metallo le plus ductile e malleabile. Auro es le minus reactive elemento chimic (foras del gases nobile). Illo alliga facilemente. Illo pote esser extrahite e processate con facilitates basic, que faceva le auro un del prime elementos chimic a esser identificate. Finalmente, le biologia human solo rarmente reage allergicamente con auro. Gratias a iste characteristicas, le auro ha un historia notabile in moneta, electronica, medica, e (naturalmente) in joieles.

Gratias a su historia longe, le auro ha plure significantias symbolic. Auro es un symbolo de poter e de qualitate. Le cerca de auro ha e initiate expeditiones e causate guerras. Auro esseva le objectivo del alchimia, e le "febres auree" creava citates e nationes.

Goldkey logo removed
Un pecia de auro pur.
PlatinoAuroMercurio
Apparentia
Gold-crystals
jalne metallic
Proprietates atomic
Nomine, symbolo, numero Auro, Au, 79
Serie chimic metallo de transition
Gruppo, periodo, bloco 11, 6, d
Configuration electronic [Xe] 6s1 4f14 5d10
Electronegativitate 2,54
Proprietates physic
Stato solido
Massa molar 196,966569(4) g·mol-1
Densitate 19,30 g·cm-3
Densitate liquide al p.f. 17,31 g·cm-3
Puncto de fusion 1337,33 K, 1064,18 °C, 1947.52 °F
Puncto de ebullition 3129 K, 2856 °C, 5173 °F
Calor de fusion 12,55 kJ·mol-1
Calor de vaporisation 324 kJ·mol-1
Calor specific 25,418 J·mol-1·K-1
Resistivitate electric (20 °C) 22,14 nΩ·m
Conductivitate thermal 318 W·m-1·K-1
Expansion thermal (25 °C) 14,2 µm·m-1·K-1
Velocitate de sono (t.a.) 2030 m·s−1
Valores in unitates SI e in le conditiones normal del material (25 °C, 100 kPa) si non indica al contrario.
Auro-169

Auro-169 es un isotopo.

Auro-172

Auro-172 es un isotopo.

Auro-178

Auro-178 es un isotopo.

Auro-187

Auro-187 es un isotopo.

Auro-196

Auro-196 es un isotopo.

Auro-197

Auro-197 es un isotopo.

Bulla de Auro

Le Bulla de Auro (germano: Goldene Bulle; latino: Bulla Aurea) esseva un lege fundamental del Sacre Imperio Roman del Nation Germanic, nominate post le cassa auree in que le sigillo attachate al documento esseva placiate, signate per le imperator Carolo IV in januario de 1356 durante le Dieta de Nuremberg e revidite al Dieta de Metz in novembre del mesme anno.

Certification de venditas discographic

Un certification de venditas discographic es le systema de precios usate per un pais pro venditas music.

Quasi tote paises habe un typo de certification de venditas, frequentemente per uso de categorias del certification de RIAA (tal como de auro, de platino e de diamante). Le numero de venditas le qual un album require ante que illo obtene un precio es differente in omne pais, dependente super le population del pais. In alcun certificationes de venditas, il haberea differente precios pro le typo de registration de musica vendite, tal como albumes, singulos, o videos.

Cosmologia

Le cosmologia es le branca del astrophysica que studia le origine, historia, structura e dynamica del Universo. Cosmologistas studia como le Universo se originava, le ration per que le galaxias se localisa ubi nos vide los hodie, e le futuro distante del Universo.

Iste es un epocha de auro pro cosmologia. Iste son excitative momentos pro le cosmologistas. Nove telescopios, missiones spatial e experimentos genera datos a un rata tremende e nove experimentos appare in linea quasi quotidianmente. Le initial parte del seculo XXI promitte esser un periodo de tempore stupende pro le astrophysicos. E sperantiosemente, nos incontrara responsas pro alicun del grande questiones del cosmologia.

Espania

Le Regno de Espania es un stato soveran con monarchia parlamentari. Illo occupa sex septimos del Peninsula Iberic e es parte integrante del Union Europee (UE), con altere vinti-septe statos soveran de Europa. Le territorio espaniol contine anque duo archipelagos, le Baleares in le Mediterraneo, e le Canarias in le Atlantico, e anque duo enclaves in le nord del continente african, le citates autonome de Ceuta e Melilla, e le exclave de Llivia in le Pyreneos francese.

Su territorio peninsular ha frontieras terrestre con Francia e con le Principato de Andorra al nord, con Portugal al west e con le colonia britannic de Gibraltar al sud. Su territorios african ha frontieras terrestre e maritime con Marocco.

De plus, Espania ha altere districtos e possessiones minor non continental, como le insulas Chafarinas, le Peñón de Vélez de le Gomera e le insulas del Peñón de Alhucemas, totes ante le costa de Marocco, e reclama le soveranitate del insula Perejil, actualmente disputate con Marocco. Le insula de Alborán, le insulas Columbretes e un serie de insulas e insulettas ante su costas completa su territorios.

Espania mantene etiam su revindication pro le soveranitate del colonia britannic de Gibraltar, durante que certe parve circulos politic in Portugal non recognosce le soveranitate espaniol super le urbe Olivenza. A su vice Marocco reclama como sue le territorios de Ceuta e Melilla, unic territorios del Union Europee in le continente african, sin considerar le regiones ultraperipheric.

Ghana

Le Republica de Ghana es un pais in Africa Occidental. Illo ha frontieras con le Costa de Ebore al west, Burkina Faso al nord, Togo al est, e le oceano Atlantic al sud. In tempores precolonial illo esseva habitate per plure regnos ancian, includente un regno interior que esseva un parte del confederation Ashanti e varie statos Fante sur le costa. Le commercio con statos european florava post contacto con le portugeses in le 15me seculo, e le britannos establiva un colonia del corona, le Costa del Auro, in 1874. Le Ghana deveniva independente in 1957. Accra es le capital e le plus grande citate. Le population del pais in 2005 esseva 21 029 853. Illo esseva le prime pais african nigre a obtener le independentia de un regime colonial.

A su independentia del Regno Unite, le nomine Ghana esseva eligite pro le nove nation—un referentia al imperio de Ghana de previe seculos. Iste nomine es symbolic, proque le imperio de Ghana esseva situate al nord e al west del Ghana de hodie. Le nomine esseva adoptate como referentia al descendentes del Imperio qui migrava al sud-est e nunc habita in Ghana.

Hymno national

Le hymno national es un composition musical patriotic in general, con ligamines de historia, traditiones e lucta pro le existentia del populo, recognoscite per le governamento del nation como le canto official national, o de un convention in uso del populo.

Jano

Jano es le deo roman qui patronisava le comenciamentos de omne interprisa. Ille recipeva sacrificios ante omne altere deo. Le imagines de Jano monstra su capite con duo facies, como un porta. Jano portava un clave, symbolisante su poter super le entrata al celos.Su culto esserea multo antique, remontante al epocha de Romulo. Le rege Numa Pompilio ha appellate le mense januario in honor de Jano e dedicate le passage famose que esseva aperite in tempores de guerra ma clause durante le pace.Con Saturno, Jano ha inaugurate le Etate de Auro italic e initiate le culto del altere deos in Italia. On invocava Jano e Jupiter (in iste ordine) al comenciamento de cata interprisa. Totevia, le primordialitate de Jano non indicava que su poter esseva superior a cello de altere deos.

Jano presideva super le comenciamento de cata anno e cata die, e prestres le coleva cata alba. Le 1 de januario – le die le plus sacrate a Jano – on evitava attentivemente querelar o maledicer, portava habitos festive, dava presentes le un al altere, e interprendeva un parte de su actiones intendite pro le anno a venir.Le poeta Ovidio affirma que Jano es le mesme deo que Chaos, primo del deos primordial de Hesiodo. On identificava Jano anque con le deo Sol o Apolline (θυραῖς).On offereva a Jano tortas appellate janual, hordeo, incenso e vino.

Niger

Le Niger [ni-jér] es un pais in Africa occidental que include partes del Sahel e del Sahara. Illo avicina Nigeria (un altere pais a non confunder con le Niger), Benin, Burkina Faso, Mali, Algeria, Libya e Tchad. Le pais, que tira su nomine del fluvio Niger, es un terra de contacto inter le Africa sub-saharan e le Africa del Nord. Su population multiethnic parla circa octo «linguas national»; verso le medietate parla hausa, secute per parlatores del zarma, tuareg, fulfulde e kanuri. Le majoritate es de confession musulman. Le population cresce rapidemente (2,92% pro anno) e es relativemente juvene; le rata de fecunditate de feminas nigerien (7,46 infantes pro femina) es un del plus alte del mundo. Le Niger es pauc urbanisate; 83% del populo vive in milieux rural. Un ancian colonia francese, le Niger ha le francese como lingua official. Depois independentia in 1960, le pais es un republica pauc stabile; il ha essite colpos de stato in 1974, 1996, 1999, 2009 e 2010. Le Niger es organisate in 35 departamentos, aggruppate in 7 regiones plus le communitate urban del capital national, Niamey.

Malgrado del ricchessas de su territorio, le majoritate del population es multo paupere. Le Niger es al grado de 167 inter 169 paises secundo le Indice de Disveloppamento Human (IDH). Le plus importante ressources natural del Niger son auro, ferro, carbon, uranium e petroleo. Le pais contine duo sitos del patrimonio mundial del UNESCO: un parte del Parco national del W del Niger (le altere partes son in Benin e Burkina Faso) in ration de su ecosystema fluvial; e le Reservas natural del Aïr e del Ténéré, situate in le Sahara e designate como un sito in periculo depois 1992.

Paises Basse

Le Paises Basse o Nederlandia (o etiam Nederland, calco del nomine original) es un stato membro de Union Europee que se trova in Europa Occidental. Illo es le plus grande pais constitutive del Regno del Paises Basse e su capital es Amsterdam. Nonobstante, le sede del governamento es in Le Haga. Le pais confina con le Mar del Nord al nord e west, con Belgica al sud e sudwest e con Germania in tote le parte oriental. Le Paises Basse es sovente appellate Hollanda, le qual de facto es solmente un parte del pais. Le lingua nederlandese es le lingua national, ma in Frisia le lingua frison es in uso official a nivello regional.

Platino

Platino es un elemento chimic de symbolo Pt e numero atomic 78.

Saturno (deo)

Saturno es un deo agrari del mythologia roman. Le romanos le identificava con le Cronos grec, sed lor attributos non esseva le mesmo. Tacito identificava Saturno anque con le deo supreme del judeos. Le deo Ba'al Hammon, adorate per le carthaginesos, esseva cognoscite al romanos como le Saturno african.

Le poeta latin Ennio ha modificate le mytho grec de maniera que Saturno non habeva devorate su progenie, al contrario de Hesiodo. Plus tosto, su sposa Ops habeva filiate un serie de geminos – Juno e Jupiter, Glauca e Pluton – e celate le masculos, que solmente esseva in periculo. Saturno e Ops esseva posteriormente imprisionate per lor fratre Titan, e debeva attender le guerra de Jupiter attinger lor liberation. Jupiter ha restituite Saturno super le throno del celo, sed iste ha comenciate a conspirar contra ille, e Jupiter le ha deponite. Saturno ha devenite le patre del centauro sapiente Chiron per Philyra.

Depost su subversion, Saturno se ha refugiate in Italia, secundo altere poetas latin. Hic ille incontra a Jano (deo de comenciamentos, Chaos in grec), con qui ille initiava le Etate de auro. Omne homines esseva equal, e un abundantia de benes esseva disponibile a omnes in commun. Saturno ha etiam inseniate al italianos le arte de cultivar le terra. Ille ha in Latio ingenerate su ultime filio, Pico, patre de Fauno e ancestre del reges de Latio. Saturno se ha occultate; pro commemorar su regno, Jano ha erigite un templo in su honor e comenciate le celebration de Saturnales.Saturno presideva super le planeta Saturno e le die del sabbato.

Seculo 17

Le seculo 17 o le seculo XVII es un seculo passate, in accordo con le calendario gregorian. Illo comenciava le 1 de januario 1601, e finiva le 31 de decembre 1700. In le uso popular, iste periodo extende del 1 de januario 1600 a 31 de decembre 1699. Le seculo indurava un minimo climatic verso 1650 in le Hemispherio Nord, con consequentias sever pro agricultura.

In Asia del Est, le seculo es marcate per le consolidation del poter static central e clausura exterior. Desde 1618, le dynastia Ming es menaciate per un rebellion manchu e mongol sub Nurhachi, cuje hereditor Shunzhi compliva le conquesta del China in 1644, establiente le forte dynastia Qing. Shunzhi prosequeva un politica limitante le commercio e navigation chinese verso le exterior. China suffreva anque un collapso demographic, perdente 30% de su population. In Japon, le seculo 17 coincide al comenciamento del «epocha de Edo», a saper le periodo del assendentia del shogunes Tokugawa (desde 1600), marcate per un autarkia commercial, diplomatic e cultural (sakoku) e un feudalismo rigide.

Post le morte de Akbar, India viveva le apogeo continuate del Imperio Mughal con le imperatores Jahangir, Shah Jahan e Aurangzeb. Le mughales patronisava le cultura indo-persan e islamic. Lor imperio esseva prospere, con centros urban floriente; lor nautas frequentava le costas swahili e chinese.

In Europa, le seculo es marcate per le grande disruptiones del Guerra de Trenta Annos (1618-1648), que affligeva le quasi-totalitate de statos europee salvo Anglaterra e Russia. Le guerra causava un importante depopulation e le fin del Sacre Imperio Roman como poter major. Anglaterra, Scotia e Irlanda superviveva tres grande transformationes politic: le constitution de un republica sub Oliver Cromwell, le restoration del monarchia sub Carolo II, e le «Gloriose» Revolution de 1688. Isto fixeva definitivemente le character del stato como un systema mixte (parlamentari e monarchic) in qual protestantismo esseva dominante. Al mesme epocha, absolutismo deveniva le doctrina politic dominante trans le continento europee, e notabilemente in Francia ubi le poter royal se consolidava post le guerra civil del Fronde. Le «rege-sol» Louis XIV incarnava le plus alte disveloppamento del absolutismo; de plus, ille expulseva le protestantes ab Francia e persequeva le judeos post le revocation del Edicto de Nantes in 1685. In Europa del est, le seculo 17 marcava le etate de auro del Republica del Duo Nationes (Polonia e Lituania) e le continuation del ascendentia ottoman, directe notabilemente per le Grande Vesires del familia Köprülü. Sub Gustavo Adolpho, Svedia rivalisava a Russia pro le suprematia in le region del Mar Baltic. Le Paises Basse se imponeva como un poter commercial e naval del prime ordine, displaciante le portugeses in le Indias.

Colonisation europee del Americas cresceva, con le establimento de nove colonias per le fanceses, angleses, nederlandeses e svedeses. Nove Francia e Sancte Dominico deveniva centros de influentia e ricchessa francese, durante que le Dece-Tres Colonias anglese attingeva rapidemente un grande peso demographic. Altere colonias como Barbados, Jamaica, le Guyanas e Pernambuco debeva lor importantia al industrias de sucro que se implantava la. Le Compania anglese del Indias Oriental, fundate in 1600, establiva factorias a character ambe mercantil e militar in India, includente Surat, Madras, Bombay e Calcutta. Altere poteres europee establiva lor proprie Companias del Indias Oriental pro avantiar lor interesses. Typic de iste epocha de mercantilismo es le exploitation massive de minas latinoamerican como illo a argento de Potosí (in Mexico); le influxo massive de argento e auro american causava seriose inflation in Europa. Le importation de sclavos african in America (super toto in Brasil) deveniva enorme, e con illo le resistantia sclave. Sclavos escappate establiva statos a parte (quilombos), de qual le plus grande, Palmares, durava de 1605 usque 1694.

In Africa, regnos indigena continuava a emerger malgrado le tensiones provocate per le trato de sclavos e incursiones europee. Le mameluccos de Egypto reganiava lor poter al carga del Imperio Ottoman. Importante regnos del epocha includeva Marocco, Dahomey, Buganda, Lunda, Rwanda, Maravi e Butua/Rozvi. Le grande Imperio Songhai del Sahel dissolveva in plure statos. Post le Battalia de Mbwila (1665), le regno de Kongo, disfacte per le portugeses e lor alliatos african, se rumpeva in plure politias hostil que se batteva pro prener captivos a vender como sclavos.

Uzbekistan

Uzbekistan es un pais situate in Asia Central. Su capital es Tashkent.

In altere linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.