1771

1771
instantia de: anno
precedite per: 1770 , succedite per: 1772
14 de augusto

Le 14 de augusto es le 226e die del anno in le Calendario Gregorian (le 227e in un anno bissextil), con 139 dies usque le termino del anno.

Cathedral St. Peter e St. Patern (Vannes)

Le Cathedral St. Peter e St. Patern de Vannes, Francia (lingua francese: Cathédrale Saint-Pierre-et-Saint-Patern de Vannes), communmente appellate le Cathedral de Vannes, esseva erigite in le loco del cathedral romanesque que existeva previemente. Le construction del edificio gothic se extende trans cinque seculos, del 15te a 19ne. Includente le tempore de existentia del turre de campana, illo habeva septe seculos de construction.

Christiansfeld

Christiansfeld es un urbe in le sud del peninsula danese Jutlandia con 2.880 habitantes (2015). Illo es situate in le Municipio de Kolding.

Christiansfelt esseva nominate secundo rege Christian VII e esseva fundate per le hernnhutes - le fraternitate - con Lorenz Prätorius in 1773, quando le rege introduceva libertate de pagar taxas pro 10 annos e in ultra un adjuta statal de 10 pro cento del summa de construer omne nove edificios. Le majoritate del casas in le urbe esseva erigite in 1773-1800.

Christian VII veniva con su equipa e su medico personal Johann Friedrich von Struensee a un viage europee in 1768 a Zeist in Nederland, que esseva construite per le fraternitate. Le herrnhutes esseva cognoscite pro lor laboriositate e facultates artisanal. Pro isto on les invitava, in le nomine del rege, a Jutlandia del Sud in 1771 in le spero que le urbe poteva facer le commercio e industria florescer.

Le edificios original in le centro del urbe es ben conservate e seque un stricte plano. Inter le attractiones es le sala ecclesial del fraternitate e le cemeterio Gudsageren, ubi homines e feminas es sepelite in cata latere del cemeterio sin altere ornamentation que petras simple.

Christiansfeld es anque famose pro su tortas de melle - un tradition que originava in 1783.

Christiansfeld esseva inscribite sur le lista del Hereditage Mundial de UNESCO in 2015.

Encyclopedia

Un encyclopedia ({s} [en-si-klo-pé-dia]) es un compendio de cognoscimento human.

Le termino veni ab le greco enkyklios paideia, que significa "in un circulo de instruction".

Le encyclopedias pote esser general, continente articulos super themas de tote le areas, o pote specialisar se in un campo in particular (per exemplo, un encyclopedia de scientia). Traditionalmente, le information es ordinate alphabeticamente per parolas que describe le themas. Un encyclopedia general traditional occupa approximatemente un metro de spatio in un mobile.

Multe scriptores in le Antiquitate (como Aristotele) tentava scriber comprehensivemente super tote le cognoscimento human. Nonobstante, John Harris es le persona qui frequentemente recipe le credito pro haber establite le formato ora familiar de encyclopedia in 1704 con su Lexicon technicum. Le venerabile Encyclopaedia Britannica habeva un initio modeste; de 1768 a 1771 se publicava tres volumines. Forsan le plus famose encyclopedia antique esseva le francese Encyclopédie, editate per Denis Diderot e completate in 1772.

Le encyclopedias, per lor structura de parolas e referentias cruciate, son extrememente appropriate pro translatar lor contento del formato de libro al formato de computator. Primo proque illo es bastante facile de explorar e trovar lo que on cerca, e tamben proque il es possibile includer sonos, videos e altere contento multimedia.

James Cook

James Cook (7 de novembre 1728 - 14 de februario 1779) esseva un explorator, navigator, e cartographo anglese, qui attingeva le grado de Capitano in le Royal Navy (flotta regal) del Regno Unite. Cook esseva famose como le cartographo que faceva mappas de Terra Nove, e como le explorator cuje viages in le Oceano Pacific le faceva le prime europeo que visitava le costa oriental del Australia e le Insulas Hawai, e ille esseva le prime explorator qui faceva un circumnavigation de Nove Zelanda.

Cook jungeva le marina mercante britannic como juvene e jungeva le Royal Navy in 1755. Ille prendeva parte del Guerra de Septe Annos, e postea ille faceva mappas del majoritate del entrata del fluvio de Sancte Laurentio durante del assedio de Quebec. Ille adjutava General Wolfe a facer su famose assalto furtive in le Planas de Abraham, e iste adjutava le juvene Cook esser notate per le admiralitate e le Royal Society. Iste notation esseva in un momento crucial in ambe su carriera e le direction de navigation naval britannic, e causava su commission in 1766 como locotenente del HM Bark Endeavour pro le prime de tres viages Pacific.

Cook faceva mappas de plure areas e recordava plure insulas e costas pro mappas europee pro le prime vice. Su complimentos pote esser attribuite a un combination de manovra bon, habilitates superior de nivellamento e cartographia, corage in explorar locationes periculose pro apprender le factos ver (per exemplo, cruciar multe vices le circulo Antarctic e explorar circum le Grande Barriera de Corallo), le capacitate de ducer in conditiones adverse, e harditessa in ambe facer su explorationes e exceder su mandatos.

Cook moriva in Hawai in un lucta contra le gente Hawaian durante su tertie viage in le Pacific, in 1779.

Leonhard Euler

Leonhard Euler (15 de april 1707 in Basel, Switza – 18 de septembre 1783 in Sancte Petroburgo) esseva un mathematico switze de grande creativitate. Ille ha studiate in Basel sub Johann Bernoulli e in 1727 deveniva professor de physica e plus tarde de mathematica in Sancte Petroburgo, Russia. In 1741 ille iva a Berlin como membro del Academia de Berlin. In 1766 ille retornava a St. Petroburgo. Ille contribueva a quasi tote le brancas del mathematica e su applicationes a problemas physic, mesmo post que ille deveniva totalmente cec in 1771. Ille etiam es le patre del terminologia moderne de mathematica. Ille es le prime qui representa function como . Ille contribueva con iste formula.

Multe conceptos familiar recipeva lor nomines in su textos, p.ex. le base logarithmic "".

Pusa

Pusa (nomine scientific) es un genere de phocas in le familia del phocides (Phocidae).

Le genere comprende tres species:

Phoca del Caspio (Pusa caspica)

Phoca anellate (Pusa hispida)

Phoca del Baikal (Pusa sibirica)Istos esseva antea classificate in le genere Phoca, del qual Pusa ha recentemente essite separate.

Walter Scott (1771)

Walter Scott esseva un homine.

In altere linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.