Subotica

Subotica (serbisko-cyrilisce Суботица, madźarsce Szabadka, němsce do 1918 Maria-Theresiopel) je město a přisłušaca wulkogmejna we Wojwodinje na sewjeru Serbiskeje. Z nimale 100.000 wobydlerjemi je Subotica druhe najwjetše město Wojwodiny, pjate najwjetše cyłeje Serbiskeje a kulturne srjedźišćo Madźarow a Chorwatow w Serbiskej. Město je zarjadniske sydło wobwoda Severna Bačka a je někak dźesać kilometrow zdalene wot madźarskeje hranicy.

Subotica steješe wot 1542 do 1686 pod osmaniskim knjejstwom a słušeše potom hač do lěta 1918 k Rakusko-Wuherskej.

W lěće 2011 běchu 33 % wobydlerstwa Madźarojo, 30 % Južni Serbja, 9 % Chorwaća a dalše 9 % Bunjewacy.

Subotica Town Hall View 2
Wuhlad wot radnicoweje wěže přez Suboticu
Subotica
swójske mjeno Суботица, Szabadka
Subotica na karće Serbiskeje
Subotica
Wopon
wopon
Zakładne daty
stat Chorhoj Serbiskeje Serbiska
awtonomna prowinca Chorhoj Wojwodiny Wojwodina
wobwod Severna Bačka
wysokosć 109 metrow n.m.hł.
přestrjeń 290 km²
wobydlerstwo 105.681
hustosć zasydlenja 364,4 wob./km²
póstowe čisło 24000
předwólba (+381) 024
awtowa značka SU
webstrona http://www.subotica.rs/
Politika
měšćanosta Bogdan Laban

Wotkaz

Serbiska

Serbiska (južnoserbsce Србија / Srbija) je republika w srjedźišću Balkanskeje połkupy. Hłowne město je Běłohród (Beograd). Jako samostatny stat je nastała 5. junija 2006 po rozpadźe statneho zwjazka Serbiska a Čorna Hora, naslědnika Juhosłowjanskeje. Čornohórčenjo běchu so ze snadnej wjetšinu za wustup ze zhromadneho stata rozsudźili.

Serbiska mjezuje z Madźarskej na sewjeru, Rumunskej na sewjerowuchodźe, Bołharskej na juhowuchodźe, ze Sewjernej Makedonskej, Kosowom a Čornej Horu na juhu, a z Bosniskej-Hercegowinu a Chorwatskej na zapadźe. Najwažniše rěki kraja su Dunaj, Sawa, Drina a Morava.

Serbiska prowinca Kosowo wozjewi w lěće 2008 swoju njewotwisnosć, štož so pak hač dotal ze serbiskeje strony njepřipóznaje. Dalša awtonomna prowinca je Wojwodina na sewjeru Serbiskeje.

Sobota

Sobota (wot židowskeho sabata) je po modernym ličenju šesty dźeń tydźenja, a posledni po židowsko-křesćansko-muslimskej protyce. Wón je zdobom prěni kónctydźenski dźeń. W židowstwje je sobota (sabat, šabat) swjaty dźeń, tak zo so na tutym dnju njedźěła.

W druhich rěčach

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.