Pyrenejska połkupa

Pyrenejska połkupa (tež Iberiska połkupa)[1] je wulka połkupa na juhozapadźe Europy, najzapadniša z třoch wulkich juhoeuropskich połkupow – Pyrenejskeje, Apenninskeje a Balkanskeje. Ma přestrjeń wot něhdźe 580.000 km² a je tuž po Skandinawiskej połkupje druha najwjetša połkupa Europy.

Pyrenejska połkupa mjezuje na wuchodźe ze Srjedźnym morjom a na zapadźe z Atlantiskim oceanom. Z Europu je wona na sewjerowuchodźe zwjazana, hdźež tworja Pyreneje jeju hranicu. Na juhu Pyrenejskeje połkupy leži Gibraltarski přeliw, kotryž wotdźěluje Europu wot Afriki. Najwažniše rěki su Tajo, Duero a Ebro.

Na Pyrenejskej połkupje leža Španiska, Portugalska, Andorra, mały dźěl Francoskeje a tež Gibraltar, kotryž je zamórski teritorij Zjednoćeneho kralestwa.

Iberian map europe
Pyrenejska połkupa na mapje Europy

Nóžki

  1. Serbski institut: Datowa banka geografiskich eksonymow na serbski-institut.de
Apenninska połkupa

Appeninska połkupa (italsce Penisola Appenninica) je europska połkupa w Srjedźnym morju, jedna z tři najwjetšich južnych europskich połkupow (druhej dwě stej Balkanska połkupa na wuchodźe a Pyrenejska połkupa na zapadźe).

Na połkupje leži tři staty: Italska, San Marino a Vatikan. Połkupa mjezuja na wuchodźe z Jadranskim morjom, na juhu z Ioniskim morjom a na zapadźe z Tyrrenskim morjom.

W druhich rěčach

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.