Sanskriti

Sanskriti ek sabd hae jon ki log ke rahan sahan e baare me hae.Ye logo ke rahene ke tarike ko batata hai khaha vo rahete hai.

Abraham

Abraham (jiske pahile ke naam Abram rahaa), Bible ke ek character hae. Uske Yahudi ke baap maana jaawe hae kahe ki uu ii log ke ancestor hae. Abraham ke kahani Yahudi, Isai aur Islam dharam ke ek bhaag hae.

Abraham, Isaac ke baap aur Jacob ke aaja rahaa. Abraham ke Israelites, Ishmaelites aur Edomites ke founding father maana jaawe hae. Abraham, Terah ke tiisra larrka aur Nahor ke pota rahaa. Abraham ke barraa bhaiya rahin Nahor aur Haran.

Abraham 175 saal talak jiis, ("died in a good old age"), aur uske Machpelah gufaa me uske laakan Isaac aut Ishmael ke bagal me gaarraa gais rahaa.

Andrew Deoki

Andrew Indar Narayan Deoki (a.k.a. A. I.N. Deoki) (1917 - 1985), Fiji ke ek Hindustani wakiil rahaa jon ki aapan samaj ke dharam aur sanskriti, soccer, Legislative Council ke member ban ke, Senate ke member aur Attorney General ban ke yogdaan diis. Deoki, 1951 se 1953 talak aur 1955 se 1958 talak Fiji Indian Football Association ke President rahaa aur uu administrators me se ek rahaa jon ke Association ke naam me se “Indian” ke nikal ke ek multi cultural organisation banae ke prasthao rakkhis. 1956 me, Fiji ke Governor uske Fiji ke Legislative Council me nominate karis lekin uu 1959 aur 1963 ke election larr ke jiitis. 1963 ke election ke baad uske influence kamti hoe lagaa kaahe ki jaada Hindustani member A. D. Patel ke Federation Party ke support karat rahin. 1965 ke London Constitutional Conference me, Deoki ek compromise propose karis lekin aakhri me uu Federation ke saathe nawaa constitution ke virod me vote karis. Uu 1972 ke election me bhi kharra bhais lekin bahut kharaab se haar gais. 1979 me Ratu Mara, uske Senate me appoint kar ke Attorney General banais aur uu ii pad pe 1981 talak rahaa.

Calligraphy

Calligraphy likhe ke art form hae.

Dance

Dance uu chij ke bole hae jab log musical rhythm pe move hoe hae.

Dharam aur sanskriti

Fiji me duniya ke sab dharam hae aur jab se girmitya logan 1879 me Fiji aae ke suruu karin tab se aapan dharam aur sanktiti nai chorrin.

Christian 539,536

Anglican 6,313

Assembly of God 47,778

Catholic 76,433

Methodist 289,923

7th Day Adventist 32,308

Hindu 233,393

Sikh 2,577

Muslim 52,520

Other Religion 2,172

No Religion 7,073

Fashion

Fashion jaada kar ke log ke pahina gais kaprraa ke baare me rahe hae.

Fiji ke National Anthem

Template:Wikify

Fiji ke national anthem God Bless Fiji hae. Iske music ke 1911 me likha gae ek hymn Dwelling in Beulah Land be based hae. National Anthem ke Michael Francis Alexander Prescott likhis rahaa aur iske 1970 me independence ke baad se use karaa jawe hae.

Fiji me Arya Samaj

Arya Samaj pahila dharmik sanskitik aur skchha sanstha rahaa jiske Fiji ke Hindustani logan banae rahin. 1904 me iske suruwaat se, isme jawan, parrha likha Hindustani logan join hoe lagin. 20th century ke pahila tiin decades me Aya Samaj, Fij ke Hindustani logan ke khati ekke awaj rahaa aur ii suprise ke baat nai hae ki Fiji ke Legislative Council me ii time sab Hindustani member Arya Samji rahin. Abhi ke Arya Samaj Hindustani logan ke affect hoe waala issue pe awaj uthae hae aur Fiji ke dher school au college aur ek university ke manage kar hae.

Fiji me Isai

Fiji me Isai padhari log sab se pahile Tonga se aae rahin. Ii log Lau Group me aapan kaam karat rahin. Iske natija ii rahaa ki Tongan log Fiji ke internal affairs me intefere kare lagin. Baad me goraa padhri log bhi aain. Ii log ke aae se bhi Western des Fiji ke internal affairs me involved hoe gain.

2007 me Fiji ke 64.4% log Isia rahin. Sab denomination ke aakrraa niche hae

Fiji me Islam

Fiji ke population ke 7% log Islam majhab ke maane waale hae. Isme se jaada log Girmit me Fiji laaya gayaa rahin. Kuch Kaiviti log bhi Islam majhab ke maane hae. Jaada Muslim log Sunatiyaa hae. Kuch Muslim log Fiji ke parliament me alag seat bhi maangin hae.

Fiji me Sanatan Dharam

Fiji me Sanatani logan girmit me aae rahin aur abhi Hindustani logan me ii logan ke population sab se jaada hae. Satatan dharam Fiji me 1930s me organise kare ke suruu bhais. Sanatan Dharam Pratinidhi Sabha of Fiji ke 1959 ke ek dharmik santha jaise Fiji me register karaa gais rahaa. 1996 ke census me Fiji ke 193,927 log apne ke Sanati batae rahin.

Fiji me Sikh

Fiji ke Sikh logan jaada kae ke free immigrants ban ke aain rahaa. Kuch Sikh log indenture me bhi aae rahin, lekin plantation owners logan uu log ke nai mangat rahin kahe ke uu log bahut demand karat rahin. 1900 ke baad Sikh police ke Fiji lawa gais. Girmit ke baad Sikh logan apne se Fiji aae ke suruu karin

Lordi

Lordi ke ek rock band rahin. Uu logan Helsinki, finland ke rahin.

Moses

Moses, Bible me ek leader rahaa aur jewish religion ke ek khaas jan hae. Uske janam Egypt me bhais rahaa jab Egyptians log Israeli lig ke gulaam banae ke rakkha rahin. Uu baaad me Israelities logan ke "promised land" lae gais.

Saadi

Saadi dui jan ke ek hoe ke bola jaawe hae. Isme jaada kar ke ek admii aur ek aurat rahe hae.

Sadhu Kuppuswami

Sadhu Kuppuswami (1890 - 2 August 1856) Fiji ke ek Hindustani rahaa jon ki Fiji ke South Indian samaj ke aapan bhasa aur sanskriti pe ghamand kare ke barrhawa diis aur jiske Fiji me Sangam ke suruu kare me khaas haanth rahaa. Uu India se girmit me Fiji aais rahaa aur girmit kaate ke baad sadhu ban gais aur Swami Vivekananda, Ramana Maha Rishi, Ramalinja Swamigal aur Rama Krishna Paramhamsa ke chela ban gais. 1920 me uu Vashist Muni ke prabhao ke niche aais. Uske samaj ke kaam khatir uske "Sewak Ratnam" ke padwi dewa gais rahaa lekin uske jaada kar ke Sadhu Swami ke naam se jaana jaawat rahaa.

Theatre

Theatre uu jagha hae jahan pe play perform karaa jaawe hae.

Vashist Muni

Sadhu Vashist Muni ek Hindu parcharak rahaa jon ki India se Fiji, May 1920 me, aais rahaa. Uu Fiji ke Hindustani log ke batais ki uu log ke chaahi ki aapan dharam aur sanskriti pe ghamand kare. Fiji me dher jagha uu school banais aur Hindi ke sikchha ke barrhawa diis. Uske Fiji me naam barrha jab 1921 me uu Fiji ke Western District me kisan aur majduur ke harrtaal ke leader banis. Uu Fiji me ek saal se bhi kamti time talak rahis lekin admii log aur sarkar uske baare be bahut kuch nai jaanat rahin. Bola jae hae ke uu dher jagha ek dafe pahuch jaat rahaa. March 1921 me sarkar uske deport kar this, ii bol ke ki uu Mahatma Gandhi ke jaasus rahaa. Uske deport kare ke baad, Suva ke Government House, bijli gire ke kaaran, jar gais aur janata log me uske chamatkaar kare ke taagat me biswas aur barrhaa. Fiji e kuchh log uske Visnu ke avatar maanat rahin.

Duusra bhasa me

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.