European Union

European Union ( EU), Europe ke ek economic aur political union hae 27 des hae. Iske 1957 me European Economic Community (EEC) ke naam se suruukaraa gais rahaa. Ii union Europe bhar me khule se business kare mauka de hae aur huan ke log ke ek duusre ke des jaae pe koi rok nai hae. Solah des ek paisa (euro) ke kaam me laawe hae.

European Union
Flag of Europe

European Union ke official flag.
EU on a globe

European Union ke map.

Itihaas

1952 me coal aur steel ke trade khatir, Germany, France, Italy, Belgium, Netherlands, aur Luxembourg European Coal and Steel Community banais rahaa.

1957 me Rome me iske badal ke European Economic Community banain.

1992 ke Treaty of Maastricht European Union ke badal ke money, justice, and foreign affairs ke bhi ek karis. Schengen Agreement se EU ke 22 member des aapan border ek duusre se khol diin jisske log ek duusre ke des bina passport nai to identity card dekhawe ek duusre ke des jaawe sake. 10 nawaa des 2004 me aur dui aur 2007 me Eu join karin.

Member countries

European Union-CIA WFB Map
EU members ke map (2007)
Suruu kare waala des
1973 me join karin
1981 me join karis
1985 me chorris
1986 me join karis
1995 me join karin
2004 me join karin
2007 me join karin
2013 me join karis

Republic of Macedonia aur Turkey "candidate des hae", ii sab ke join kare ke baare me abhi salah hoe hae. Albania, Bosnia and Herzegovina, Montenegro aur Serbia bhi kuch din me join kare mangi

Dusra websites

Czechia

Czechia (Czech: Česko) ke official naam Czech Republic (Czech: Česká republika), central Europe ke ek des hae. Iske capital aur sab se barraa city Prague hae. Czechia ke abaadi lagbhag 10.4 million hae.

Czech Republic, purana Czechoslovakia ke ek hissa 1918 se 1992 talak rahaa. Czechoslovakia 1993 me, binaa koi larrai ke dui des (Czechia aur Slovakia) me 1993 me batgais.

Czechia, 1 May 2004 ke European Union ke member aur 12 March 1999 se NATO ke member banaa.

Czechia ke parrosi des hae Germany, Austria, Slovakia aur Poland.

Denmark

Denmark northern Europe ke ek des hae. 5,400,000 log hian pe rahe hae. Denmark me dher island hae lekin ekko pahaarr nai hae. Denmark, North Sea ke bagal me hae.

Denmark ke head of ststw ek Raja hae aue iske capital city, Copenhagen hae. Hian ke log ke "Dane" bolaa jaawe hae.

Denmark sab se chhota Scandinavian des hae. Iske parrosi des south me Germany, east me Sweden, north me Norway aur west me United Kingdom hae.

Estonia

Estonia, Northern Europe ke ek chhota des hai. Iske capital city Tallinn hai. Estonia ke parrosi des hai Sweden, Finland, Russia aurLatvia. Iske population 1,332,893 hai.

Estonia, 29 March 2004 ke North Atlantic Treaty Organization (NATO) ke member banaa. 1 May 2004 ke ii European Union join karis.

Estonia Baltic Sea ke east me hai.

Europe

Europe, Eurasia ke west me ek continent hae. Iske east me Asia jon ki Ural Mountains jon ki Russia me hae aur Bosporus, jon ki Turkey me hae aur south me Africa aur Mediterranean Sea hae. Europe ke west me Atlantic Ocean hae. Europe me 50 des hae aur isme se dher des European Union me hae.

Finland

Finland (Suomi Finnish me), Northern Europe ke ek des hae. Ii European Union ke member hae. Finland ek Nordic des hae. Finland ke west me Sweden, north me Norway, east me Russia, south me Estonia aur Gulf of Finland hae.

Finland ke capital city Helsinki hae.

France

France (French: France), jiske official naam French Republic (French: République française) hae, Europe ke ek des hae. Iske capital city Paris hae. France, European Union ke member hae. France ke iske monuments aur structures khatir jaise ki, Louvre, Eiffel Tower, Arc de Triomphe, Giverny, Versailles, aur Notre Dame hae. France ek des hae jiske régions aur départements me baata gais hae.

France, 17th century se one of the world's biggest powers hae. 18th aur 19th centuries me France, ek barraa colonial empire ke banais jon ki West Africa aur Southeast Asia me rahaa. France me sab se jaada tourist logan jaae hae aur hian pe har saal 82 million tourists jaawe hae. France, European Union ke suruu kare waala pahila des me se ek rahaa aur iske land area European Union me sab se jaada hae. France, United Nations ke bhi founding member hae aur ii G8 aur NATO ke bhi member hae. Ii United Nations Security Council ke paanch permanent members me se ek hae. France, ek nuclear power hae aur iske lake active warheads aur nuclear power plants hae.

France ke kuch baraa city hae: Paris, Lyon, Marseille, Lille, Toulouse, Bordeaux, Nice, Strasbourg, Nantes aur Rennes.

Germany

Federal Republic of Germany jiske Germany (German Bundesrepublik Deutschland aur Deutschland ke naam se bhi jaana jaae hae) Europe ke biich me ek des hae. International politics me ii ek khaas des hae. Germany ke north me North Sea, Baltic Sea, aur Denmark hae. Germany ke east me Poland aur Czechia hae. Germany ke south me Austria aur Switzerland hae. Germany ke west me France, Luxembourg, Belgium aur Netherlands hae. West Germany uu des me se ek rahaa jon ki European Union ke sruu karis rahaa.

Greece

Greece (Greek:Ελλάδα) (IPA:Ελλάς) (IPA:eˈlas), jiske official naam Hellenic Republic (Greek:Ελληνική Δημοκρατία IPA:eliniˈkʲi ðimokraˈtia), Southeastern Europe ke ek des hae. Iske capital city Athens hae.

Iske border north me Albania, Former Yugoslavian Republic of Macedonia aur Bulgaria se hae aur east me Turkey hae. Greece ke east aur south me Aegean Sea aur west Ionian Sea hae. Mediterranean Sea me Greece ke dher island hae.

Purana time pe Greece ek bahut dhani des raha. Greece me terah districts hae, aur 51 sections jiske prefectures bola jaae hae. Kuch Greek prefectures hae Achaea, Samos, Pella aur Xanthi.

1981 me Greece, European Union ke member banaa. Greece duuno World War I aur World War II me larris. Greece me Greek bhasa me baat karaa jaae hae

Hungary

Hungary, Central Europe ke ek des hae. Iske capital city Budapest hae. Hungary aapan parrosi des, Austria se khaali thora barraa hae aur iske abaadi 10 million hae. Au des jon ke iske border kare hae me hae: Slovakia, Ukraine, Romania, Serbia, Croatia aur Slovenia. Hungary ke official bhasa Hungarian hae. Ii 2004 me European Union ke member banaa.

Italy

Italy, western Europe ke ek des hae aur European Union ke member bhi hae. Iske official naam The Italian Republic hae. Italy ek democratic republic hae.

Italy, European Union ke suruu kare waala ek member rahaa. Italy, G8 ke member bhi hae, aur iske Gross Domestic Product dunia ke 7th sab se barraa hae. Iske president Giorgio Napolitano hae. 1861 se pahile ii chhota chhota city states me divided rahaa.

Lithuania

Lithuania, northern Europe ke ek des hae. on the eastern shore of the Baltic Sea. Lithuania European Union aur NATO ke member hae.

Abaadi 2,827,947 (2017).

Vilnius iske capital aur sab se barraa city hae.

Luxembourg

Luxembourg, Europe ke ek chhota des hae. Ii European Union ke pahila des me se ek hae. Iske abaadi 442,972 hae.

Poland

Poland (Polish bhasa: Polska) ke official naam Republic of Poland (Polish bhasa: Rzeczpospolita Polska) hae. Iske parrosi des west me Germany, south me Czechia aur Slovakia, east me Ukraine aur Belarus, aur north me Baltic Sea, Lithuania, aur Russia (Kaliningrad exclave). Iske paani ke border Denmark aur Sweden se Baltic Sea me hae. Poland ke puura land area 312,679 km2 (120,728 mi2) hae. Iske matlab hae ki Poland dunia ke 77th sab se barraa des hae 38.5 million ke abaadi se. TPoland ke log jaada kar ke kuch barraa city me rahe hae jaise ki capital, Warsaw (Polish bhasa: Warszawa), Łódź, Kraków, Katowice, Gdańsk aur Poznan.

Poland des ke naam pahila dafe 966 me sunaa gais rahaa. 1569 me, Poland, Lithuania ke saathe jorr ke Polish-Lithuanian Commonwealth banaa. Ii Commonwealth 1795 me tuut gais aur iske baad 123 talak poalnd ke log ke koi des nai rahaa. World War I ke baad Poland fir se independent bhaes lekin 1939 me iske Germany ayr Russia ke biich me baat dewa gais rahaa. World War II ke baad me ii ek communist des hoi ke Russia ke influence ke niche aais.

1989 me Poland communism ke chhorr diis aur ek liberal democracy ban gais. 2004 me Poland, European Union ke member an gais. Poland NATO, United Nations, aur World Trade Organization ke member bhi hae.

Portugal

Portugal south-west Europe ke ek des hai. Iske west aur south me Atlantic Ocean aur north aur east me Spain hai. Portugal ek chhotaa des hai.

Atlantic Ocean ke tiin island group, Azores Madeira Islands aur Savage Isles Portugal ke bhaag hai.

Slovakia

Slovakia (Slovak: Slovensko) ke official naam Slovak Republic (Slovak: Slovenská republika), central Europe ke ek des hae. Iske border southwest me Austria, south me Hungary, east me Ukraine, north me Poland, aur norhwest me Czechia hae. Iske capital city Bratislava hae. Slovakia, 200 se European Union ke member hae

Spain

Spain, Europe ke southwest me ek des hae. Ii Iberian Peninsula me Portugal aur Gibraltar ke bagal me hae. Iske north me France aur ek chhotaa des, Andorra hae.

Spain ke jaada log Spanish bhasa me bat kare hae, lekin des ke kuch jagah me duusra bhasa me baat karaa jaae hae jaise ki Catalan bhasa, Basque bhasa, aur Galician bhasa, Leonese bhasa, Aragonese, Aranese Occitan aur Portuguese bhasa. Spain ke jada log ke dharam, Roman Catholic hae.

1975 se Spain me ek Raja hae jiske palace capital , Madrid me hae.

Spain ke area five hundred thousand square kilometres hae aur ii iske France se chhota aur Sweden aur Germany se barraa kar de hae. Forty-three million log Spain me rahe hae.

Sweden

Sweden (Sverige Swedish bhasa me) ek Nordic des hae jon ki Europe ke uu hissa me hae jiske Scandinavia bola jaawe hae. Iske parrosi des Finland aur Norway hae. Sweden ek pul se Denmark se jurraa hae.

Sweden ke capital city Stockholm hae. Sweden ek constitutional monarchy haekahe ki iske ek raja, Carl XVI Gustaf hae.

Sweden ke abaadi lagbhag 9.3 million log hae.

Sweden ki koi official bhasha nahi hae lekin yaha ke jyada log Swedish (svenska) mai baat karte hae.. Sweden ki paanch (five) official minority languages, Finnish, Yiddish, Sami, Meänkieli aur Romani.

1995 me Sweden, European Union ka member banaa.

The Netherlands

Netherlands, Europeke ek des hae, jiske abaadi 16 million hae. Netherlands ke north aur west me North Sea hae, east meGermany aur south me Belgium hae. Netherlands, European Union ke suruu kare waala ek des hae. Netherlands me rahe waala log ke Dutch bolaa jaae hae. Netherlands ke bhasa ke bhi Dutch bhasa bolaa jaae hae.

United Kingdom

United Kingdom of Great Britain and Northern Ireland, jiske chota kar ke United Kingdom nai to UK bolaa jaawe hae, Europe ke northwest me ek des hae. Isme chaar des hae: England, Scotland, Wales aur Northern Ireland.

Iske abaadi 60 million hae. Jaada log English me baat kare hae lekin kuchh log native bhasaa me bhi baat kare hae, jaise ki Wales me Welsh, Cornwall me Cornish , Scotland me Scottish (Gaelic) aur Scots in , Northern Ireland me Irish aur Channel Islands me French. Hian pe immigrants logan ke aawe ke kaaran 270 aur bhasa bola jaawe hae, jaise ki Panjabi, Bengali, Urdu, Cantonese , Greek bhasa, Southwestern Caribbean Creole.UK ke national anthem God Save the Queen hae.

Duusra bhasa me

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.