Tanakh

She ennym 'syn Ewaghys ta cur sheese er canoin y Vible Ewnagh eh yn Tanakh (Ewnish: תַּנַ"ךְ‎, goll er fockley magh myr [taˈnaχ] ny [təˈnax]). T'eh goll er enney myr y Teks Masoretagh ny yn Miqra chammah. She acronym t'ayn as eh çheet magh ass ny kied lettyryn Ewagh jeh rheynnyn tradishoonagh y Teks Masoretagh: y Torah ("Yn Ynsagh" ny Queig Lioar Voses), Nevi'im ("Ny Faihderyn") as Ketuvim ("Ny Screeunyn") — ny TaNaKh. She ennym elley t'ayn na "Miqra" (מקרא) ta çheet er "ny ta goll er lhaih". Va lioaryn y Tanakh lhiass-chreelit marish tradishoon beill fo'n ennym y Torah Beill.

Entire Tanakh scroll set
Ym-haglym scrollaghyn y Tanakh
Yn Ewaghys

She craueeaght, fallsoonys as aght bea ny h-Ewnyn eh yn Ewaghys (veih Iudaismus y Ladjyn, Ioudaïsmos y Ghreagish, as, fy yerrey, veih יהודה Yehudah, "Judah" yn Ewnish; Ewnish: יהדות Yahadut, troyn er lheh ny h-Ewnyn). She craueeaght un-jeeagh as y bun echey 'sy Vible Ewagh (ny yn Tanakh) lesh ronseeyn ayns teksyn ny s'lhea, lheid as y Talmud eh yn Ewaghys. T'eh coontit ec Ewnyn crauee myr dreagh y vooinjerys conaantagh va bunnit ec Jee lesh Cloan Israel. Ta'n Ewaghys Rabbinagh jeean-loayrt dy ren Jee taishbyney ny leighyn as ny h-annaghyn da Moses er Sliau Sinai ayns cummey yn Torah Screeuit as Loayrit. Ren possanyn eigsoylagh, lheid as ny Sadduceeyn as ny h-Ewnyn Greagagh car eash y Nah Hiamble, ny Karaiteyn as ny Sabbateeyn car y vean-eash, as possanyn mastey ny gleashaghtyn aachummey noa-emshyragh, ceau ourys er y jeean-loayrtys shen. Ta gleashaghtyn libraalagh 'sy traa t'ain, lheid as possanyn 'syn Ewaghys Sheelnaueagh, as ad coontit myr possanyn neu-yeeagh.

Ta'n Ewaghys ny shinney na 3,000 bleeaney d'eash as shennaghys gyn brishey echey. Mastey ard-chraueeaghtyn y theihll, ta'n Ewaghys coontit myr fer jeh ny craueeaghtyn un-jeeagh shinney. Va'n enmys "Ewnyn" currit er ny Hebrewnyn / Israeliteyn ayns ny lioaryn jeianagh jeh'n Tanakh, lheid as ayns Lioar Esther as yn enmys shen currit ayns ynnyd yn enmys "Cloan Israel". Ren teksyn, tradishoonyn as scansh yn Ewaghys cur dy mooar er ny craueeaghtyn Abrahamagh elley, goaill stiagh y Chreestiaght, yn Islam as y credjue Baha'i.

Ayns çhengaghyn elley

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.