Ny h-Ellanyn Heear

Ta ny h-Ellanyn Heear (Gaelg Albinagh: Na h-Eileanan Siar, Baarle: Western Isles ny Outer Hebrides) ellanragh t'ayns y Keayn Sheear er y sheear twoaie jeh Nalbin. Ta ny h-ellanyn scarrit rish y çheer vooar lesh y cheayn veg, an Cuan Sgìth. V'eh Suðreyjar yn ennym va currit orroo tra dy vel ad fo stiurey Norlynn. Ayns 1266 rere Conaant Perth va'n ellanragh astreeaghit fo stiurey Nalbin.

Ny h-Ellanyn Heear
Na h-Eileanan Siar (gd)
The Western Isles (en)
Brattagh Cowrey cleinney
Boayl
center Caslys ta taishbyney Ny h-Ellanyn Heear
Staydraa
Ard-oik reiragh: Steornavaie
Balley smoo: Kirkwall
Earroo yn phobble (2008) 26 200
Rhenk pobble: 30-oo
Glooaght: 23/mi2 (9/km2)
Gaelgeyryn: 0.593% (92) ayns 1991[1]
Coadyn
ISO 3166-2: GB-ELS
ONS : 00RJ
Çheeroaylleeaght
Rhenk eaghtyr: 7-oo
Eaghtyr: 1 186 mi2 (3 071 km2)
% Ushtey: ?
Politickaght
Gurneil: Neuchrogheydagh
OPyn:
  • Angus MacNeil
OPAyn:
  • Alasdair Allan
Ynnyd-eggey:
www.cne-siar.gov.uk/

Ellanyn

Ta ny h-ard-ellanyn n'ellanragh. Lesh ny h-ellanyn beggey ta mygeayrt currit yn ennym yn Ellan Foddey ny an t-Eilean Fada orroo. T'ad Ellan Lioas as ny Harrey, Ooisht Hwoaie, Beinn na Faoghla, Ooisht Yiass as Barraie ard-ellanyn yn ellanragh.

Ellanyn cummaltit

Ellan Earroo yn phobble (kione-earroo 2001)
Ellan Lioas as ny Harrey 19,918
Ooisht Yiass 1,818
Ooisht Hwoaie 1,271
Beinn na Faoghla 1,219
Barraie 1,078
Sgalpaigh 322
Bearnaraigh 233
Griomasaigh 201
Beàrnaraidh 136
Eariskaie 133
Bhatarsaigh 94
Baile Sear 49
Griomasaigh, Beinn na Faoghla 19
Flodaigh 11
YN CLANE (2001) 26,502
Hebridesmap
Ny h-Ellanyn Sheear (Ny h-Ellanyn Sthie ayns buigh-yiarg)

Ellanyn neuchummaltit

T'ad ny h-ellanyn neuchummaltit na:

  • Barraie, Bearnaraigh Beag, Bhacsaidh, Bhàlaigh, Bhuia, Boraraigh
  • Calbhaigh, Campay, Ceileagraigh, Circeboist
  • Easiagh, Eilean Chaluim Chille, Eilean Chearstaidh, Eileanan Iasgaich, Eilean Iubhard, Eilean Mhealasta, Na h-Eileanan Mòra
  • Fiaraidh, Flodaigh, Flodaigh, Flodaigh Beag, Flodaigh Mòr, Fuaigh Beag, Fuaigh Mòr, Fùideigh, Fùidheigh
  • Gilsay, Gioghaigh, Groay
  • Lingay
  • Miùghlaigh
  • Opsay, Orasaigh, Orosay
  • Pabaigh, Pabaigh Mòr
  • Rònaigh
  • Sgarabhaigh, An Sgarp, Sgeotasaigh, Siolaigh, Sìphiort, Sòdhaigh Beag, Sòdhaigh Mòr, Stocainis, Stromay, Stuley, Sursay
  • Taghaigh, Tarasaigh, Thearnatraigh, Theiliseigh

Ta ellanyn beggey as possanyn ellan ayns y Keayn Sheear mygeayrt yn ard-ellanragh. Sheear ta Eilean Heisgeir, na h-Eileanan Flannach, Heertçh, as Rockall. Twoaie ta Rònaidh as Sula Sgeir.

Jeeagh neesht er

Kianglaghyn çheumooie

Imraaghyn

  1. Comunn na Gàidhlig. Census 2001 Scotland: Gaelic speakers by council area.
Aarheynnyn ny h-Albey

Ta ymmodee aarheynnyn ec Nalbin, bentyn rish ymmodee cooishyn.

Baie yn Chashtal

Ta Baie yn Chashtal (Gaelg Albinagh: Bàgh a' Chaisteil, Baarle: Castlebay) ny valley beg as ny balley smoo er Ellan Varraie ayns ny h-Ellanyn Heear, Nalbin. T'eh ny hoie er coose yiass yn ellan as t'eh jeeaghyn magh er baie 'sy Cheayn Sheear.

Baile a' Mhanaich

Ta Baile a' Mhanaich (Baarle: Balivanich) ny valley beg er yn ellan Beinn na Faoghla ayns ny h-Ellanyn Heear magh veih coose heear ny h-Albey. T'eh ny h-ard-valley da Beinn na Faoghla as ny h-ellanyn sniessey Ooist y Twoaie, Ooist y Jiass as ram ellaneenyn beggey elley. 'Sy vlein 2001 va 443 cummaltee 'sy valley. Ta'n ennym, ta çhyndaait myr "Balley'n Vaynee" çheet er mannishter va bunnit ayn 'sy çheyoo eash as ta tholtanyn Teampull Chaluim Chille ry-akin çheu yiass veih'n valley beg.

Ta oikyn ynnydagh jeh'n choonseil ardjynagh (Comhairle nan Eilean Siar) ry-gheddyn ayns Baile a' Mhanaich myrane lesh oik postagh, thie lheihys, bunscoill, as kuse ennagh dy happyn as oastanyn beggey.

Bearnaraigh Mòr

She ellan ayns ny h-Ellanyn Heear, Nalbin, ee Bearnaraigh Mòr (Baarle: Great Bernera), ny Bearnaraigh (Baarle: Bernera). T'ee ny 34-oo ellan smoo ayns Nalbin as ish 21 km² (8.1 mi ker) er eaghtyr.

Ta Bearnaraigh Mòr ny soie ayns Loch Ròg er coose heear hwoaie Ellan Lioas as t'ee kianglt r'ee liorish droghad raaidey. She Breacleit y balley smoo er yn ellan.

Beinn na Faoghla

Ta Beinn na Faoghla, ny Beinn nam Fadhla (Baarle: Benbecula) ny h-ellan ayns ny h-Ellanyn Heear 'sy Cheayn Sheear magh veih coose heear ny h-Albey. Rere Coontey-pobble ny Bleeaney 2001 va 1,249 cummaltee er yn ellan as va'n chooid smoo jeu nyn Gatolee Raueagh. T'ee ny cooid jeh'n ard ta fo-reirey ec Comhairle nan Eilean Siar ny Coonseil ny h-Ellanyn Sheear. She Baile a' Mhanaich preeu-valley yn ellan.

Breacleit

Ta Breacleit (Baarle: Breaclete) ny valley beg er Bearnaraigh Mòr ayns ny h-Ellanyn Heear, Nalbin. Ta thie tashtey, shapp veg, scoill, oik postagh, keeill, ynnyd theayagh lesh oastan beg, stashoon pedryl, stashoon aile, as shamyr choyrlee 'sy valley.

Dalabrog

Ta Dalabrog (Baarle: Daliburgh) ny valley beg ta soit tree meeillaghyn çheusthie veih Logh Baastyl as t'eh ny nah valley smoo rere earroo yn phobble ayns Ooisht y Jiass. T'ad ny caaghyn t'ayns y valley na oik postagh, ard-vargey Co-op, y Borrodale Hotel (thie oast lesh roshtynaght theayagh da'n eddyr-voggyl), as shapp Scottish Hydro Electric. Myrane lesh shen ta scoill, ynnyd theayagh, as daa cheeill (Keeill Chatoleagh Raueagh Noo Peddyr as Keeill Agglish ny h-Albey) ayn.

Ellan tidee

She ellan tidee ayn na stuggan ta kianglt rish y çheer vooar liorish taagher najooragh ny ellynagh ta anchoodit ec mooir-hraie as currit fo'n ushtey ec lane marrey. Er oyr y yindys mychione ellanyn tidee ta chooid vie jeu nyn muill ooashlee shendeeagh, lheid as Le Mont Saint-Michel 'sy Rank lesh y vannishter Venedictagh ayn. Dy mennick, ta doonyn ry-gheddyn er ellanyn tidee chammah er oyr ny niartaghey najooragh eu.

Flodaigh

Ta Flodaigh ny h-ellan tidee ny soie çheu hwoaie veih Beinn nam Fadhla as çheu yiass veih Griomasaigh ayns ny h-Ellanyn Heear, Nalbin. T'ee kianglt rish Beinn nam Fadhla rish taagher.

Ta'n ellan 1.45 km² er eaghtyr as 'sy vlein 2001 va 11 chummaltagh urree. Ta Coontey-pobble ny Bleeaney 2001 cur sheese yn ellan myr "Flodda" - ennym Baarlagh ta currit er yn ellan.

Griomasaigh

Ta Griomasaigh (Baarle: Grimsay) ny h-ellan tidee ayns ny h-Ellanyn Heear, Nalbin. T'ee ny h-ellan smoo ass ny tar-ellanyn ta gymmyrkey taagher yn Oitir Mhòr, arc queig meeilley er lhiurid as bayr un-raad er ta kiangley Ooist y Twoaie rish Beinn nam Fadhla trooid y chione heear jeh'n ellan. T'ad Bàgh Mòr as Ceallan ny baljyn beggey smoo as t'ad soit er y çheu hiar jeh'n ellan.

Heertçh

She ellanragh anerit eh Heertçh (Gaelg Albinagh: Hiort, Baarle: St Kilda). T'eh soit 64 km (40 mi) çheu heear heear hwoaie veih Ooisht y Twoaie 'sy Cheayn Sheear. T'eh goaill stiagh ny h-ellanyn smoo eearagh jeh Ellanyn Heear ny h-Albey. She Heertçh yn ellan smoo 'syn ellanragh, as she ayn ta ny h-eayninyn s'yrjey 'sy Reeriaght Unnaneysit. Ta tree ard-ellanyn elley 'syn ellanragh - Dùn, Soaigh, as Boraraigh. Ta ny h-ellanyn goll fo reirey ec Comhairle nan Eilean Siar.

Va deiney cummal er yn ellanragh er feie daa villey-bleeaney, agh cha row ny smoo na 180 deiney cummal er yn ellan traa erbee. Daag y pobble ym-lane yn ellanragh 'sy vlein 1930. Jiu, cha nel pobble beayn er yn ellan, faagail magh skimmee choadee, agh ta labreeyn freayltys, arryltee as oaylleeyn ceau tammylt ayn car y touree.

Ta'n ellanragh er fud goll fo shellooderys Urras Nàiseanta na h-Alba ("Treisht Ashoonagh ny h-Albey"). Haink er dy ve coontit myr fer jeh ny queig Buill Eiraghtagh Ghowanagh ayns Nalbin 'sy vlein 1986. Ta daa horçh jeh kirree lheah foast cummal er yn ellanragh - keyrrey Hoaigh, sorçh Noa-littagh, as keyrrey Voraraigh, sorçh jeh'n Eash Yiarn. She boayl sheelree da ram sorçhyn d'ushagyn marrey, goaill stiagh y gantyn hwoaie, y phibbin Atlantagh, as y foillan Albinagh. She fo-ghooieyn dooie Heertçh ad drean Heertçh as lugh faiyr Heertçh.

Inshyn Goal

She Inshyn Goal (Gaelg Albinagh: Na h-Innse Gall; Baarle: Hebrides) yn ennym ta currit er yn ellanragh mooar rheamyssagh ta ny hoie magh veih coose heear ny h-Albey. Ta daa phreeu-phossan ayn: Ny h-Ellanyn Heear as ny h-Ellanyn Sthie.

Logh ny Moddee

She balley reiragh Ooist y Twoaie eh Logh ny Moddee (Gaelg Albinagh: Loch nam Madadh, Baarle: Lochmaddy). Ta'n balley ny hoie er Ooist y Twoaie ayns ny h-Ellanyn Heear, Nalbin. T'eh soit ec kione branlaig as, er oyr y chroo dooghyssagh creggagh ayn, cha nel balley elley erbee er y choose hiar jeh'n ellan - foddey veih ny baljyn beggey ayns yn ayrn ny smoo pobbylagh ayns sheear Ooist y Twoaie.

Ooisht y Twoaie

Ta Ooist y Twoaie (Gaelg Albinagh: Uibhist a Tuath, Baarle: North Uist) ny h-ellan ayns ny h-Ellanyn Heear, Nalbin. T'ee ny jeihoo ellan smoo mastey ellanyn ny h-Albey as ny treeoo ellan jeig smoo mastey ny h-ellanyn ta cruinnlaghey yn Vretyn Vooar. T'ee 117 mi ker (303 km²) er eaghtyr, as t'ee beggan ny sloo na Ooist y Jiass. Ta Ooist y Twoaie kianglt liorish taagheryn rish Beinn nam Fadhla trooid Griomasaigh, rish Beàrnaraidh, as rish Baile Sear. Faagail magh y niar yiass, ta'n ellan rea er eaghtyr, as t'ee coodit lesh mestey curreeyn moaney, cruink injil, as loghanyn, lesh ny smoo na lieh-chooid jeh'n thalloo coodit lesh ushtey. Ta kuse ennagh jeh ny loghyn jeant seose jeh mestey ushtey oor as ushtey sailjey, as eh shen lhiggey da oayldyn cramp as neuchadjin. She Logh ny Moddee, purt eeasteyragh as ynnyd da thie tashtee, laare ellynyn, as shamyr ghorraghey, y balley smoo er yn ellan.

Reeriaght Unnaneysit

She çheer ayns sheear hwoaie ny h-Oarpey Reeriaght Unnaneysit ny Bretyn Mooar as Nerin Hwoaie (Baarle: United Kingdom of Great Britain and Northern Ireland) ny yn Reeriaght Unnaneysit, yn RU, yn Vretyn Vooar ny Çheer ny Goal ny keayrtyn. T'eh ny heer ellanagh ta goll reish y Vretyn Vooar, shiar hwoaie Nerin, as ram ellanyn beggey. Cha nel joarey thallooin ayns y Reeriaght Unnaneysit agh ayns Nerin Hwoaie liorish Pobblaght Nerin. Faagail magh y joarey shoh, ta'n RU caglit liorish y Cheayn Sheear, Mooir Hostyn, Mooir yn Eeaght, as Mooir Vannin. Ta'n ellan smoo, yn Vretyn Vooar, kianglt rish y Rank liorish Thiollane Vooir Eeaght.

Ta'n Reeriaght Unnaneysit ny steat unnaneagh as t'eh jeant seose jeh kiare çheeraghyn: Bretin, Nalbin, Nerin Hwoaie as Sostyn. T'eh reillit liorish corys ard-whaiylagh lesh soiaghey yn reiltys ayns y preeu-valley Lunnin, agh ta tree reiraghyn ashoonagh jeeveanit ayns Beeal Feirshtey, Cayr Deeth as Doon Edin, preeu-valjyn Nerin Hwoaie, Vretin, as ny h-Albey. Ta'n RU ny reeriaght vunraghtoil lesh Benrein Ealisaid II myr ben hoshee y steat. She Croghaneyn-Crooin Ellanyn Vooir Eeaght as Mannin as cha nel ad nyn gooid jeh'n RU, agh t'ad jannoo conastey lesh. Ta kiare thallooyn har mooir Goaldagh jeig ec yn RU, as t'ad nyn remladyn jeh'n Impiraght Ghoaldagh, yn impiraght smoo ayns shennaghys y theihill. Ta'n Venrein Ealisaid II foast ny ben hoshee er Co-unnaneys ny h-Ashoonyn as ny ben hoshee er dagh ream co-unnaneysagh.

Shennaghys Vannin

Ta Ellan Vannin ny voayl da cummaltys deiney veih jerrey yn Eash Rioee Yerrinagh ny smoo na 10,000 bleeantyn er-dy-henney. Haink ram soiagheryn as traghtalee gys yn ellan harrish ny bleeantyn. Ny yei coloinaghys yn ellan lesh sleih ass Nerin 'sy chied villey bleeaney, haink y Chreestiaght gys yn ellan as ny yei shen va'n ellan currit da soiaghyn liorish ny Loghlynee ass Norlynn. Ny yei ard-çhiarnys fo stiurey Norlynn myr cooid jeh Reeriaght Vannin as ny h-Ellanyn, haink er Mannin dy ve ny shellooders ny crooinyn Albinagh as Sostynagh.

Veih'n vlein 1866, va Mannin ny Croghane-Crooin as ta hene-reiltys deynlagh eck.

Steornavaie

Ta Steornavaie (Gaelg Albinagh: Steòrnabhagh, Baarle: Stornoway) ny valley as ny chochorp er Ellan Lioas ayns ny h-Ellanyn Heear, Nalbin.

Ta'n balley goaill stiagh 9,000 cummaltee ass ny 26,370 deiney ta cummal er feie ny h-Ellanyn Heear. Ta skeerey theayagh Steornavaie goaill stiagh baljyn beggey ennagh ry laue, as ta 12,000 cummaltee cummal ayn. Ta Steornavaie ny purt hrome-chooishagh as t'ee ny balley smoo scanshoil as ny balley reiragh jeh ny h-Ellanyn Heear. Ta kione-cherroo Chomhairle nan Eilean Siar ("Coonseil ny h-Ellanyn Heear") soit aynjee myrane lesh ram bunneeaghtyn ynsee, spoyrt as ym-ysseraght

Ardjyn coonseilagh ny h-Albey
Aberdon · Aberdon, Coontae · Agglish Vreck, Yn · Aonghas · Çheer ny Gaeil · Chlagh Manu, Coontae · Creeaghyn ny h-Albey · Dùn Breatainn Heear, Coontae · Dùn Breatainn Hiar, Coontae · Dùn Dèagh · Doon Edin · Dùn Phris as y Ghallioo · h-Ellanyn Heear, Ny · Feevey · Glaschu · Inver Ayre Hiar, Coontae · Inver Ayre Hwoaie, Coontae · Inver Ayre Yiass, Coontae · Inver Chleayee · Lodainn Heear · Lodainn Hiar · Lannraig Hwoaie · Lannraig Yiass · Mean Lodainn · Moireibh · Oirr ny Gaeil as Ellan Voaid · Orkaid, Yn · Peairt as Ceann Rois · Rinn Friù, Coontae · Rinn Friù Hiar, Coontae · Shetlynn · Strooley Flag of Scotland.svg

Ayns çhengaghyn elley

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.