Creneash

Ta Creneash (Baarle: Cregneash) ny valley beg fadaneagh ta soit er Cronk Meayll ayns jiass Vannin, faggys da Purt Çhiarn as Purt le Moirrey. Ta enney share er y valley beg myr boayl ruggyree Ned Maddrell, boayl va ram Gaelgeyryn goit stiagh ayns y traa v'ayn. Jiu, ta ard-eaillaghyn Manninagh ayn dagh blein as t'eh ny "thie tashtey beaghey" son cultoor Ellan Vannin. Va ram bwaaneyn as thieyn tradishoonagh freilt as cosnit as t'ad foast ry-akin 'sy valley beg.

Cregneash HarryKellysCottage
Bwaane Harry Kelly ayns Creneash

]

Creneash
Cregneash
—  Balley beg  —
Reayrt er Creneash lesh Mooir Vannin 'sy chooylrey
Reayrt er Creneash lesh Mooir Vannin 'sy chooylrey
Creneash er caslys-çheerey

Creneash
Soiaghey Chreneash er caslys-çheerey Vannin
Co-ordnaidyn: 54°04′09″N 04°46′09″W / 54.06917°N 4.76917°WCo-ordnaidyn: 54°04′09″N 04°46′09″W / 54.06917°N 4.76917°W
Çheer Flag of the Isle of Man.svg Mannin
Sheadin Rosien
Skeerey Skeerey Rosien

Co-heiyderyssyn y Chiare as Feed

Rosien
Cryss hraa GMT (UTC+0)
 - Sourey (TTSL) BST (UTC+1)
Coad postagh IM9
Coad(yn) çhellvane 01624
Cronk Meayll

Ta Cronk Meayll (Baarle: Mull Hill) ny chronk injil ayns Vannin, çheumooie jeh Creneash. Ta carn shamyragh soit er mullagh y chronk.

Edward Faragher

By Vanninagh, Ghaelgeyr, screeudeyr, vard as hagleyder beeal-arrish Edward Faragher (1831 – 1908), as sleih cur er Ned Beg Hom Ruy (ny Neddy Beg Hom Ruy). Rug eh ayns 1831 ayns Creneash, as cheau eh y chooid smoo jeh’n vea echey aynjee.

Ghow eh beggan ynsagh ec scoill oikanagh ayns Purt le Moirrey, as daa vlein ec scoill skeerey Skylley Chreest Rosien, ny smoo na daa veeiley ass Creneash. Cha row monney Baarle ec y valley ec y traa shen, as cha dod agh e voir hene loayrt rish sleih joarree. Va’n ayr echey ny schoillar braew, as v’eh cliaghtey screeu son ooilley sleih Chreneash. Va mooinjer mooar dy liooar echey, goaill stiagh 12 phaitçhey, as er y fa shoh, v’eh er goll da’n aarkey ec eash veg. V’eh geeastaghey ayns baatey e ayr rish shiaght bleeantyn, as erreish da shen, hie eh dys Lerphoyll dy ve ny yeantagh tashtanyn. V’eh gobbraghey marish Bretnee, as cha ren eh gynsaghey agh beggan Baarle. Eisht haink eh erash da Creneash mysh 1870, as v’eh geeastaghey breckyn marrey rish Kione Sailley as Nerin Heear rish 25 bleeantyn.

Mysh 26 bleeaney dy eash, ghow Faragher toshiaght freayll ny daanyn echey. ‘Sy vlein 1880 haink eh dy ve ny obbaltagh, as rish y feed bleeaney lurg shen, t’ad gra dy ren eh co-hoieaghey mysh thousane arraneyn noo, as ymmodee fir elley. Hie kuse jeu er ny soilshaghey magh ayns Mona’s Herald ny The Cork Eagle, agh ta enney share er son Skeealyn Aesop (Doolish, 1901). Ta’n lioar shoh ny çhaglym dy chuse jeh’n 131 skeealyn çhyndaait echey rish kiare meeghyn, chammah as kuse dy ny daanyn echey, bea-skeeal beg liorish Charles Roeder, as noteyn mychione bea ayns shenn Chreneash.

Erreish da baase e ven, ren yn inneen treoghit ec Ned freayll thie er-e-hon, agh fy yerrey ren ish, as yn daa ghuilley eck garraghey magh dys yn Chanadey. Myr shen, ‘sy vlein 1907, tammylt beg roish my hooar eh baase, ren Ned garraghey yn thie echey dys Alfreton, ayns Derbyshire, Sostyn, dy chummal marish e vac, William.

Erreish da geddyn baase, ren Charles Roeder, carrey veen da, gra:

Ren Ned Beg faagail tasht jeh daanyn, skeealyn as cooinaghtyn jeh Creneash as Mannin. Ec y cooinaghtyn keead blein e vaase, dooyrt Meoir Shennaghys Sheshoil y Museum, Yvonne Cresswell:

Ta’n shenn thie echey ry-akin ayns Creneash foast, myr ayrn jeh'n Thie Tashtee Theayagh Ashoonagh.

Finn Mac Cooil

Ayns feayn-skeealleydaght Vannin, she fouwr Yernagh eh Finn Mac Cooil ny Finn Mac Cooill (Yernish: Fionn mac Cumhaill). Ta bun echey ayns feayn-skeealleydaght ny h-Erin myr fer caggee as shelgeyr, as toshiagh ny Fianna.

Va laue mooar ec Finn ayns çheer-oaylleeaght Vannin. Chroo eh yn Ellan hene, liorish goaill croaglagh dy halloo ass Nerin er son eshyn y cheau ec fouwr elley. Hie eh shaghey as huitt eh stiagh 'sy cheayn. Ren ushtey y towl y lhieeney, as t'ad cur Logh Nay urree jiu.

She far-ennym eh Finn ny Fionn (dy ghra myr shen, "fynn"). Va'n feer ennym er Deimne ([dʲeβ̃nʲi], "shickyrys"), as ta skeealyn gra dy ghow eh y far-ennym tra vanee e 'olt roish yn traa.

Mannin

She Croghane-Crooin hene-reiltagh Goaldagh Mannin, as ish ny lhie eddyr Nerin as yn Vretyn Vooar ayns mean Vooir Vannin. She Çhairn Vannin yn ennym t'ad cur da'n chione-çheerey, as eshyn yn peiagh cheddin ta cummal crooin yn Reeriaght Unnaneysit. Er yn oyr shoh, ta Fo-Chiannoort ayn, myr ynnydagh oikoil Hiarn Vannin. She Doolish yn preeu-valley, as ta'n Punt Manninagh ymmydit myr yn argid-cadjin oikoil. Kyndagh rish e shennaghys, cultoor as çhengey, tadyr gra dy nee nane jeh ny h-ashoonyn Celtiagh t'ayn.

Va sleih cummal ayns Mannin roish y vlein 6500 RC, as haink cultoor Gaelgagh ayns yn 5oo lhing BNJ as veih shen haink Gaelg Vanninagh. Voish mysh BNJ 850, haink Mannin dy ve ny sheshaght Gaelgagh-Loghlynagh, kyndagh rish Loghlynee garraghey dys yn Ellan. Lurg lhing jeh reiltys neuchinjagh, eddyr reeaghyn Nalbin as Hostyn, haink Mannin dy ve fo çhiarnys Chrooin Hostyn ayns 1765 liorish yn Slattys Aa-Ghreim.

Purt Çhiarn

Ta Purt Çhiarn (shenn enmyn ny enmyn elley: Purt Erin, Purt Sheearan, Purt Yiarn, Purt Chasherick; Baarle: Port Erin) ny balley beg ayns jiass Vannin faggys da Purt le Moirrey. Rere coontae-pobble ny bleeaney 2001 va 3,369 deiney cummal 'sy valley beg. Ta'n balley beg soit er baie begnagh thallooinit. Ta Kione Vradda soit da'n twoaie lesh Lieh-innys ny Meayll da'n jiass. Çheu yiass veih Purt Çhiarn as veih Purt le Moirrey, ta ny raaidyn roie gour y jiass gys y chlaghan Creneash raad ren Ned Maddrell cummal as raad ta thie tashtee fo'n aer freillt ec Thie Tashtee Vannin as y Treisht Ashoonagh. Balley beg turryssagh t'ayn jiu, agh ayns ny shenn laaghyn v'eh ny valley beg eeastee. Va enney mooar er y valley beg ec drogh hraghtalee as ren ad ymmyd jeh'n vaie choadit t'ayn. Ayns ny laaghyn noa-emshyragh haink rah er y valley er oyr ny shellooderyn mwyllin veih Lancashire.

Rolley buill ayns Mannin

Shoh rolley buill ayns Mannin. Ayns bishaght lesh Ellan Vannin hene, ta Reiltys Ellan Vannin reirey tree ellanyn beggey ta ry laue: y Cholloo, Ellan Noo Perick, as Ellan Noo Mael. Ta kiare buill er yn ellan as staydys baljagh oc, daa slyst as tree baljyn beggey oikoil, myrane lesh shiartanse dy valjyn beggey elley. Ta'n Ellan rheynnit magh ayns shey sheadinyn, as shiaght skeeraghyn jeig.

Shennaghys Vannin

Ta Ellan Vannin ny voayl da cummaltys deiney veih jerrey yn Eash Rioee Yerrinagh ny smoo na 10,000 bleeantyn er-dy-henney. Haink ram soiagheryn as traghtalee gys yn ellan harrish ny bleeantyn. Ny yei coloinaghys yn ellan lesh sleih ass Nerin 'sy chied villey bleeaney, haink y Chreestiaght gys yn ellan as ny yei shen va'n ellan currit da soiaghyn liorish ny Loghlynee ass Norlynn. Ny yei ard-çhiarnys fo stiurey Norlynn myr cooid jeh Reeriaght Vannin as ny h-Ellanyn, haink er Mannin dy ve ny shellooders ny crooinyn Albinagh as Sostynagh.

Veih'n vlein 1866, va Mannin ny Croghane-Crooin as ta hene-reiltys deynlagh eck.

Skeerey Rosien

Ta Skeerey Rosien (Baarle: Rushen), ny Skyll Chreest Rosien (Baarle: Kirk Christ Rushen) ny skeerey 'sy çheadin Rosien er coose jiass Vannin. Ta'n skeerey ny h-ard eeasteyragh as eirinagh. Ta'n skeerey nane jeh tree skeeraghyn 'sy çheadin lesh yn ennym cheddin. She Skeerey Chairbre as Skeerey Malew y daa skeerey elley. Ta'n skeerey 24.6 km² er eaghtyr as ta 1,591 cummaltee aynjee rere coontey-pobble ny bleeaney 2006 (goaill magh Purt le Moirrey as Purt Çhiarn). T'ee sheeyney veih Halley'n Traie eddyr lieh-vollagh eddyr Balley Chashtal as Purt le Moirrey gys ny h-eayninyn çheu heear jeh Cronk ny Arrey Laa. T'ee rheynnit ayns daa ayrn. Ta'n preeu-ayrn soit da'n twoaie as da'n shiar hwoaie veih Purt le Moirrey as Purt Çhiarn. Ta'n ayrn s'loo soit da'n jiass as da'n sheear yiass veih ny baljyn beggey shen as t'ee goaill stiagh y claghan Creneash as yn ellaneen y Cholloo myrane lesh y daa chreg Famman Kitterland as Carrick ny Colloo.

Yn Cholloo

She ellan beg ta soit magh veih coose sheear yiass Vannin ee yn Cholloo (Baarle: Calf of Man). T'ee scarrit rish Mannin lesh y cheyllys coon, yn Cheyllys. Ta daa ghooiney cummal er yn ellan. She ass y fockle Loghlinagh kalfr yn fockle calf.

Buill ayns Mannin
Baljyn Balley Chashtal · Doolish · Purt ny h-Inshey · Rhumsaa
Baljyn beggey Andreas · Balley Noa · Balley ny Croshey · Balley ny Loghey · Balley Keeill Eoin · Balley Keeill Vaayl · Balley Sallagh · Braaid, y · Camys y Ree · Colby · Creneash · Delbee · Forsdal · Glion Muigh · Glion Vian · Kione Droghad · Laksaa · Mwyllin Doo Aah · Purt Çhiarn · Purt le Moirrey · Purt Soderick · Sulby
Sheadinyn Garff · Glion Faba · Inver Ayre · Maayl · Medall · Rosien
Skeeraghyn Andreas · Balley ny Loghey · Braddan · Breeshey · Cairbre · Carmane · Connaghyn · Creest ny h-Ayrey · Jorby · Lonan · Maayl · Maghal · Malew · Marooney · Perick · Rosien · Stondane

Ayns çhengaghyn elley

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.