Zona especial de conservación As Catedrais

Véxase tamén: Praia de Augas Santas.

Coordenadas: 42°N 8°O / 42., -8.

As Catedrais
Praia das catedrais 34
Marco Legal
Figura de Protección: ZEC
Ano de constitución:
Superficie: ha. (% de área mariña)
Lexislación: LIC o 29 de decembro de 2004, ZEC o 27 de marzo de 2004 e 31 de marzo de 2014.
Datos de interese
País: Galicia Galicia
Provincias: Lugo
Concellos: Ribadeo
Ríos:
Picos
Direccións de interese:
Teléfonos:
MapaAsCatedrais
Mapa de extensión do lugar de importancia comunitaria das Catedrais

As Catedrais é un espazo natural declarado zona especial de conservación (ZEC), coa praia das Catedrais declarado como monumento natural e que forma parte da reserva da biosfera do Río Eo, Oscos e Terras de Burón.[1][2] Atópase na costa setentrional de Galicia, entre a praia de San Miguel de Reinante (ao oeste) e a praia de Olga (ao leste) entre Barreiros e Ribadeo.

Xeografía

A extensión da zona especial de conservación (ZEC) esténdese polas praias de San Miguel de Reinante, Augas Santas, Esteiro, As Illas, Os Castros, Areosa e Olga. Ten unha altitude media de 15 metros.

Hábitat e flora

A vexetación é a típica dos cantís e rochedos de costas expostas ao mar. Hai dunas móbiles embrionarias, dunas móbiles de litoral con feos (Ammophila arenaria) tamén chamadas dunas brancas, dunas costeiras fixas con vexetación herbácea (dunas grises), uceiras húmidas atlánticas de zonas mornas de Erica ciliaris e Erica tetralix, uceiras secas atlánticas costeiras de Erica vagans e bosques aluviais de amieiros e freixos. Os pasteiros salinos e o mato con formas de almofadas son as formacións máis comúns. Entre estes últimos están as torgueiras e toxeiras nas que destaca a presenza de Erica vagans, especie que en Galicia está restrita a algúns puntos do seu extremo setentrional.

Fauna

As praias acollen algunhas especies de aves limícolas nos meses invernais, e pódese observar a presenza da píllara pequena (Charadrius dubius) e virapedras (Arenaria interpres), mazaricos rabipintos (Limosa lapponica) e varias especies de pilros, coma o pilro tridáctilo e o pilro cinsento (Calidris maritima). Son relativamente frecuentes, tamén no inverno, as aves mariñas, entre as que podemos observar, ademais de gaivotas e corvos mariños, carráns (Sterna spp.), mascatos comúns (Sula bassana) e, incluso individuos illados de Mobella ártica e pequenas bandadas de patos mariños ou de parrulos pentumeiros comúns (Melanitta nigra).

Lexislación

O espazo foi considerado e delimitado como lugar de importancia comunitaria en 2001 e foi declarado como zona de especial protección en 2003 na Rede Natura 2000. O Monumento Natural da Praia das Catedrais acolle a esa praia e é de 29 ha.

Galería

DSCN0673

Vista dalgúns dos arcos desta zona

Playa de las Catedrales 02

Vista dunha das zonas da Praia de Augas Santas.

Playa de Las Catedrales07

Vista dunha das zonas da Praia de Augas Santas.

Punta a Lapela 14VI2015 04

Punta a Lapela (Rinlo)

A Lagoa de Rinlo 24I2015

Paisaxe de Rinlo

Notas

  1. Consellería de Medio Ambiente e Ordenación do Territorio, Xunta de Galicia. (eds.). "As Catedrais".
  2. Consellería de Medio Ambiente e Ordenación do Territorio, Xunta de Galicia. (eds.). "Monumento Natural: A Praia das Catedrais.".
Praia de Augas Santas

A praia de Augas Santas, coñecida de xeito turístico por praia das Catedrais, é un areal situado na parroquia da Devesa, no concello de Ribadeo. Na actualidade é citada de xeito repetido entre as máis bonitas do mundo.

Espazos protexidos de Galicia
Parque Nacional:
Parque Natural:
Monumento Natural:
Rede Natura 2000:
Zona húmida protexida:
Reserva da Biosfera:
Outros:

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.