Remo (deporte)

Coñécese como remo[1][2] o conxunto de disciplinas deportivas que consisten na propulsión dunha embarcación por medio da forza muscular dun ou varios remeiros[3], que poden empregar un ou dous remos, sempre usados como pancas, cun punto de fixación á embarcación. O remo distínguese do piragüismo en que neste último o deportista vai colocado de fronte ó movemento porque non fai panca co remo para avanzar, mentres que nas disciplinas de remo o deportista vai sempre sentado de costas ó sentido do movemento.

Nunha embarcación de remo, tódolos elementos están fixados ó corpo da embarcación, incluídos os propios remos (unidos por unha articulación), menos o banco no que se senta o remeiro. Este banco pode ser fixo ou móbil, de tal xeito que hai dúas categorías principais dentro do deporte do remo: o remo de banco fixo, e o remo de banco móbil. A diferenza principal entre unha e outra categoría é que no remo de banco fixo, o esforzo se realiza nos brazos e nas costas, mentres que no remo de banco móbil, este deslízase sobre unhas rodas pequenas de xeito que o esforzo se realiza nos brazos, nas costas e tamén nas pernas. Os remo de banco móbil practícase sobre augas tranquilas.

Hai certas modalidades de remo que son olímpicas, en categoría masculina dende 1900, e en categoría feminina dende 1976. Distínguese pois o remo olímpico, con 14 modalidades (todas elas de banco móbil); do remo non olímpico, con máis modalidades, incluídas tódalas de banco fixo.

En Galicia ten moita tradición a disputa de competicións en banco fixo, principalmente en traiñeiras[4] e bateis[5]. Os clubs de remo máis salientables participan cada ano na Liga Galega de Traiñeiras, dende a cal pódese ascender á máxima categoría cantábrica, a Liga ACT.

A nivel internacional, existen probas tan senlleiras como a Regata Oxford-Cambridge (The Boat Race), que se leva disputando dende 1829 en augas do Támese entre estudantes das universidades de Oxford e Cambridge.

Véxase tamén

Outros artigos

Ligazóns externas

  1. "remo". DRAG. Consultado o 24/10/2018.
  2. "remo". TERGAL. Arquivado dende o orixinal o 24/10/2018. Consultado o 24/10/2018.
  3. "remeiro". TERGAL. Arquivado dende o orixinal o 24/10/2018. Consultado o 24/10/2018.
  4. "traiñeira". TERGAL. Arquivado dende o orixinal o 24/10/2018. Consultado o 24/10/2018.
  5. "batel". TERGAL. Arquivado dende o orixinal o 24/10/2018. Consultado o 24/10/2018.
Canoa (deporte)

A canoa é un deporte ou actividade recreativa que implica vogar unha canoa cun só remo. Nalgunhas partes de Europa, a canoa como deporte refírese ao piragüismo e ao kayak ao mesmo tempo, cunha canoa denominada Canoa aberta. Algunhas persoas lles chaman "Canoas canadenses" mais Canadá non foi o único país que inventou "A Canoa".

Un modo antigo de transporte, a canoa moderna foi estabelecida no século XIX. En 1924, asociacións de canoa desde Austria, Alemaña, Dinamarca e Suecia fundaron a Internationalen Representation for Kanusport, precursora da Internacional Canoe Federation. A canoa pasou a ser parte dos Xogos Olímpicos no verán de 1936. A forma principal de deporte competitivo era canoa sprint. Entre outras están canoa polo, canoa en augas bravas, canoa maratón, ICF canoa maratón, e playboating. Unha forma de actividade recreativa de canoa é canoa cámping.

Existen diversas asociacions de canoa en América, Canadá, Reino Unido, Escocia, e Gales.

Outras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.