Punta Langosteira

Punta Langosteira é un promontorio localizado no concello de Arteixo a 7 km da cidade da Coruña e limítrofe co polígono de Sabón que formaba unha costa esgrevia, contaba cun pequeno desembarcadoiro no suroeste. É o lugar elixido para situar o Porto Exterior da Coruña que se está a construír e que está previsto rematar en 2012.

Na zona do monte onde se está a construír o Porto Exterior da Coruña existía un castro costeiro chamado Cociñadoiro[3]. Foi escavado antes da súa destrución. Alí atopouse un castro que era empregado como fundición e diversos achados que están a ser estudados. Os resultados da escavación están pendentes de ser feitos públicos. A autoridade portuaria da Coruña comprometeuse a expoñer no lugar o atopado nun museo ou centro de interpretación cando as obras rematen.

En xuño de 2012 a Autoridade Portuaria e o Concello de Arteixo escolleron o parque de Monticaño como o lugar onde se exporían os achados do Castro de Cociñadoiro alí construirase o centro de interpretación de Langosteira.[4]

Coordenadas: 43°21′22″N 08°29′36″O / 43.35611, -8.49333

Porto da Coruña
Punta Langosteira dende O Monte de San Pedro, Visma, A Coruña, Galicia (Spain)
Localización
PaísGalicia Galicia
CidadeArteixo
Detalles
Dirixido porAutoridade Portuaria da Coruña
PropietarioPortos do Estado
TipoMarítimo
Tamaño250 hectáreas[1]
Embarcadoiros900 metros (22-24 metros de calado)
PresidenteEnrique Losada Rodriguez
Estatísticas
Tonelaxe800 000 toneladas, en 2015[2]
Volume de contedores(Sen carga)
Tráfico de pasaxeiros(Sen servizo)
Principais importaciónsgraneis
Tráfico ferroviario(Sen conexión, en proxecto)
www.puertocoruna.com

Historia

Pastoriza, Arteixo Galiza 09
A refinería de petróleo de Repsol, no Polígono Industrial da Grela-Bens (A Coruña). Vista dende Pastoriza.

En 1964 foi inaugurada a refinaría de Repsol na Coruña, entre os vales de Bens e Nostián, o porto da Coruña pasou a ser un porto petroleiro. Para a descarga dos petroleiros e carga dos produtos refinados construíuse un oleoduto que cruza a cidade. A Coruña é a única cidade de Europa con máis de 50.000 habitantes pola que pasa un oleoduto. Esta situación dunha terminal petroleira na ría do Burgo supón un grave risco para a cidade e a navegación na zona.

O Prestige foi un buque que sufría unha avaría que facía necesario un porto refuxio onde transvasar a carga e facer as reparacións que evitasen os riscos ou a perda do buque. Entón buscouse un emprazamento para este novo porto e aproveitar para afastar o tráfico petroleiro da cidade da Coruña e da súa canle de entrada a porto. O emprazamento elixido foi punta Langosteira. O custo de obra sería pagado ao 40% pola CE, o 30% por Fomento e o restante 30% pola autoridade portuaria da Coruña. Sería un proxecto no que a liberación de superficie no porto permitiría a venda de terreos que serían recualificados para un uso urbanístico.

As obras en punta Langosteira iniciáronse en 2005[5].

O primeiro buque en empregar punta Langosteira como porto foi o Blue Marlin durante as operacións de carga do HMAS Canberra en 2012.

As actividades de estiba portuaria comezaron en setembro de 2012 ca carga do buque Hammonia Korsika con 35.000 toneladas de clínker[6] e outro cargueiro con pezas metálicas fabricadas por Horta Coslada en Sabón[7].

Accidentes na construción

Punta Langosteira agosto 2012
Porto Exterior da Coruña visto dende punta Langosteira.

Dende os inicios das obras en punta Langosteira en 2005 morreron cinco traballadores[8].

En novembro de 2010, 200 metros de dique foron esnaquizados por ondas de ata 17 metros[9].

En 2012 a Fiscalía solicitou dous anos e dez meses de prisión para cada un dos nove procesados como responsables dun accidente mortal dun traballador o 19 de xullo de 2005[10].

A obra do porto exterior está a ser feita pola UTE (Unión Temporal de Empresas) Langosteira formada por DRAGADOS, SATO, FPS e COPASA.

Operadores

Dende a súa inauguración o porto exterior foise ocupando dando servizo a diversos operadores e para cargas.

  • Pérez Torres
  • Galigrain[11]
  • Bombeos y Transportes Carral
  • Terminales Marítimos de Galicia (TMGA)[12]
  • Beijing 3E, concesión caducada[13]
  • Pemex (sen actividade)
  • Repsol (en proxecto)
  • Deep Water Oil Transhipment Hub[14] (en trámite)

Galería de imaxes

HMAS Canberra on Blue Marin in Punta Langosteira port

Primeiro buque en punta Langosteira (Blue Marlin cargando o HMAS Canberra) Arteixo.

HMAS Canberra first sail Ferrol Arteixo Spain

HMAS Canberra rumbo a punta Langosteira.

Notas

  1. Losada dice que los operadores se pelean por el puerto exterior lavozdegalicia.es
  2. Los operadores han invertido 30 millones en Langosteira lavozdegalicia.es
  3. "O drama (histórico) do Porto Exterior da Coruña", artigo de Manuel Gago Mariño no blog Capítulo 0, 3 de novembro de 2010.
  4. "Centro de interpretación de Punta Langosteira" Arquivado 20 de xuño de 2012 en Wayback Machine., La Voz de Galicia (en castelán).
  5. El puerto de los mil millones de euros. El País (en castelán).
  6. Cargan el primer mercante que partirá de punta Langosteira La Voz de Galicia.
  7. Los pontones para Senegal comienzan a llegar a Langosteira La Voz de Galicia.
  8. Cinco vidas en seis años[Ligazón morta] elidealgallego.com (en castelán).
  9. El oleaje daña 200 metros del dique principal de Langosteira La Opinión
  10. Nueve procesados por un accidente mortal en las obras del puerto exterior La Opinión (en castelán).
  11. Galigrain amplía sus instalaciones en el puerto exterior de La Coruña
  12. Los primeros ingresos de punta Langosteira
  13. http://elprogreso.galiciae.com/noticia/140514/la-lluvia-de-millones-china-llegara-langosteira-en-tres-anos elprogreso.galiciae.com
  14. El octavo usuario de Langosteira laopinioncoruna.es
A Coruña

A Coruña é unha cidade e concello no noroeste de Galicia e bañada polo océano Atlántico, nas Rías Altas. É a capital da provincia da Coruña e a cabeza da súa comarca, que ademais do seu propio concello inclúe os de Abegondo, Arteixo, Bergondo, Cambre, Carral, Culleredo, Oleiros e Sada. O concello da Coruña ten 244.850 habitantes (2018); é o segundo municipio con maior poboación de Galicia e o máis densamente poboado, con 6472,38 hab/km².

A Coruña é sede do Tribunal Superior de Xustiza de Galicia, da Delegación do Goberno en Galicia, da Real Academia Galega, do Arquivo do Reino de Galicia e da Forza Loxística Operativa. Dende 1563 foi sede da Real Audiencia de Galicia (permanentemente dende 1612) e foi capital de Rexión Militar ata a súa desaparición en 2002.A cidade érguese sobre un promontorio na entrada dunha ría nun amplo golfo, o Portus Magnus Artabrorum dos xeógrafos clásicos. O centro da zona urbana espállase sobre unha península unida a terra firme por un estreito istmo, no que presenta dúas fachadas marítimas distintas: a portuaria (cara á ría da Coruña), de augas tranquilas, e outra de mar aberto, cara á enseada do Orzán, onde se atopan as praias urbanas de Riazor e o Orzán.

Unha das características máis notables que identifican A Coruña constitúena as múltiples e variadas galerías ou miradoiros que presentan nas súas fachadas numerosas casas do século XIX, que deron á Coruña o sobrenome de Cidade de Cristal, sen esquecer as súas numerosas praias, así como o contorno rural, que ofrece múltiples posibilidades de lecer.

Arteixo

Arteixo é un concello costeiro da comarca da Coruña. A súa superficie é de 95,9 km². Segundo o IGE en 2015 tiña 30.950 habitantes (15.471 homes e 15.479 mulleres) (En 2012 30.725, 30.255 no 2010, 27.713 no 2007, 26.739 no 2006, 26.272 no 2005, 25.295 no 2004). O seu xentilicio (véxase no Galizionario) é «arteixán».

A súa economía é principalmente industrial. Conta con varios polígonos, coa sede corporativa do grupo téxtil Inditex e a refinería de Repsol. En Punta Langosteira construíuse o Porto Exterior da Coruña.

Cabo (xeografía)

En xeografía, un cabo é un accidente xeográfico formado por unha masa de terra que se proxecta deica o interior do mar; recibe este nome cando a súa influencia sobre o fluxo das correntes costeiras é grande, provocando dificultades para a navegación. Algúns cabos débenlle a súa sona por ser a característica a máis salientable, como o cabo de Fornos. Tamén se poden denominar como "puntas" aqueles cabos de pequenas dimensións ou con extremos moi agudos.

En España destacan o Cabo Fisterra, a Punta de Tarifa e o de Estaca de Bares, entre outros.

A navegación realizada entre cabos sen a perda do contacto visual coa costa denominase cabotaxe.

Castro do Cociñadoiro

O Castro de Cociñadoiro estaba situado na Punta de Muros/Punta Langosteira. No ano 2004 o inicio do proxectado Porto Exterior da Coruña poñía en perigo o castro xa ameazado de destrución pola acción erosiva do océano.

Na declaración de Impacto Ambiental, no ano 2001, o Ministerio de Medio Ambiente xa o citaba. Co inicio das obras de construción do porto iniciouse unha actuación de urxencia. Escavouse o castro na súa totalidade a principios do ano 2005. Nesas escavacións pechadas e sen información do que se estaba a atopar apareceron 23.000 obxectos dos que só foron inventariados 9.687 que están nun almacén da autoridade portuaria da Coruña á espera da publicación dos achados.

Segundo o arqueólogo Ramón Boga, Cociñadoiro era o castro máis antigo da provincia da Coruña, é da Idade de Ferro en Galiza.

Caza de baleas

A caza de baleas (tamén chamada ás veces pesca de baleas) consiste na obtención de recursos a partir de cetáceos, principalmente misticetos. O termo "balea" en sentido amplo e popularmente emprégase para referirse a calquera cetáceo de gran tamaño, incluso a odontocetos como o cachalote e mesmo ás veces a candorca, pero cómpre recordar que, en sentido estrito, resérvase aos misticetos non pertencentes ao xénero Balaenoptera (os rorcuais) e, moi especialmente, aos integrantes da familia dos balénidos.

Os primeiros rexistros desta actividade remóntanse polo menos ao 3000 a.C. Varias comunidades costeiras desde hai moito tempo cazaron e recolleron baleas varadas para a súa subsistencia. A caza industrial das baleas comezou no século XVII. A principios do século XX o uso da tecnoloxía e o aumento da demanda de recursos superaron o límite de sustentabilidade das poboacións de baleas, causando un drástico descenso destas. Na década de 1930 matábanse máis de 50.000 baleas ao ano.En 1986 a Comisión Baleeira Internacional (CBI) prohibiu a caza comercial de baleas co fin de permitir que as poboacións de cetáceos puideran recuperarse. Porén, permíteselle a certas comunidades continuar coa cacería de subsistencia, como parte da súa cultura. Por outra parte, o artigo VIII da Convención que regulamenta a caza de baleas permite a cacería con fins científicos.

Caza de baleas en Galicia

A caza de baleas en Galicia debeu comezar, como nas outras costas atlánticas europeas e do Pacífico, en tempos inmemoriais, na máis remota antigüidade. Os primeiros rexistros desta actividade remóntanse polo menos ao ano 3 000 a.C. Durante moito tempo xa se pensara que esta caza era de orixe prehistórica, aínda que sen ningunha proba real até que recentemente varias pinturas rupestres en Francia e España foron recoñecidas como representando escenas deste tipo de caza.

En Galicia non se conta con documentos históricos relacionados coa caza de cetáceos até o século XIII, pero é razoábel pensar que xa se practicaba varios séculos antes. A dicir de Valdés Hansen, as baleas, especialmente a balea franca, foi unha especie máis de pesca para os mariñeiros galegos. Durante sete séculos, Galicia foi un país de baleeiros, e dos que fan historia. A caza e comercialiación de cetáceos para o seu uso na fabricación de produtos importantes, desde o aceite que alimentaba a iluminación anterior á chegada da electricidade, até as barbas requiridas para pezas de vestir de luxo en Cataluña ou as baleas de paraugas e parasois, ate a comercialización da carne e de produtos usados en farmacia e cosmética, tivo grande incidencia no desenvolvemento urbano de toda Galicia. Non só lle deu proxección exterior e renome mundial, senón que tamén contribuiu ao crecemento económico e poboacional de toda a súa franxa atlántica, e mesmo hai portos galegos que naceron da actividade baeeira, como o de Burela (Lugo) ou o de Suevos (Punta Langosteira).Inicialmente limitábase á captura de animais na costa, pero co paso dos séculos, a técnica de caza comezou a mellorar, usándose pequenas embarcacións en mar aberto para asustaren aos cetáceos con ruído e levalos á costa. Esta forma de cacería usábase para capturar especies de cetáceos relativamente pequenas, como caldeiróns, belugas, narvais e toniñas.

Galería de imaxes de Arteixo

Galería de imaxes do concello de Arteixo na provincia da Coruña.

Pemex

Pemex (Petróleos Mexicanos) é unha empresa mexicana estatal adicada á explotación, extracción, refino e venda de produtos petrolíferos. Pemex á a maior empresa de México e a segunda máis grande de América despois da brasileira Petrobras.

Polígono industrial de Vío

O polígono industrial de Vío é unha zona industrial e loxística duns 680 000 metros cadrados situada no lugar de Vío, no concello da Coruña. Non ten actividade de ningún tipo.

Porto da Coruña

O porto da Coruña, matrícula das embarcacións CO, é un porto galego situado tralo dique de abrigo da cidade da Coruña, bañada polo océano Atlántico. É un dos motores económicos da comarca, con seis quilómetros de peiraos e preto dun millón de metros cadrados de superficie marítima e terrestre. Está integrado na provincia marítima da Coruña.

O porto da Coruña conta cun sector acondicionado para desembarcar graneis sólidos (carbón, coque) e contedores. No ano 2007 movéronse 13.842.964 toneladas de mercadorías no porto, o que supón un incremento total do 3,68 % respecto ao 2006, o que o converte no gran porto de mercadorías de Galicia e un de referencia no norte da Península Ibérica, seguido de preto por Ferrol-San Cibrao (10.228.000 toneladas).

Praia de Alba

A praia de Alba ou praia de Sabón está situada no concello de Arteixo, en pleno polígono de Sabón. Ao seu carón estase a construír o porto exterior da Coruña en Punta Langosteira.

A praia pecha o polígono de Sabón cara ao océano. Nos seus extremos desemboca o río Arteixo e o encoro de Rosadoiro xunto ao cal está a Central térmica de Sabón. A praia ten paseo peonil e para bicicletas, aparcadoiro e servizo de vixilancia en verán.

Refinería da Coruña

Refinería da Coruña é unha empresa galega de refinado de petróleo, inaugurada na Coruña o 11 de setembro de 1964. Está situada nos vales de Bens e Nostián entre os concellos de Arteixo e A Coruña, e actualmente é propiedade de Repsol, con sede en Madrid. Ten unha capacidade de refinado de 120.000 barrís/día e unha extensión dunhas 150 ha.

Outras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.