Ponte de Bermaña

A ponte de Bermaña, no centro de Caldas, é unha ponte de orixe romana (62 a. C. - 409 d. C.) sobre a que se fixeron reformas en época de medieval (século XVI). Cruza o río Bermaña.

Está formada por tres arcos de medio punto, con dobre pendente, e posúe catro apartadoiros no peitoril: tres rectangulares e un cuarto triangular sobre o que se levantou posteriormente un cruceiro.

Forma parte do Camiño portugués da Ruta Xacobea.

Coordenadas: 42°36′21″N 08°38′42″O / 42.60583, -8.64500

Ponte de Bermaña
Caldas, ponte romana 01-04
Localización
RíoBermaña
ConcelloCaldas de Reis
Características
Construción62 a. C. - 409 d. C.
TipoRomana
MaterialPedra

Galería de imaxes

Caldas, ponte romana 01-01
Caldas, ponte romana 01-09

Detalle dun dos apartadoiros

Caldas, cruceiro ponte romana 01-01b

Cruceiro na ponte de Bermaña

Véxase tamén

Ligazóns externas

Caldas de Reis

Caldas de Reis é un concello da provincia de Pontevedra, pertencente á comarca de Caldas. Segundo o IGE no ano 2015 tiña 9.834 habitantes. O seu xentilicio (véxase no Galizionario) é caldense.

Peitoril

O peitoril ou antepeito, como elemento arquitectónico, é a parede que pecha a parte inferior dunha fiestra. Tamén adoita designar o parapeto ou muro, á altura do peito, que se coloca como protección en balcóns, terrazas, pozos, beiras das pontes etc. Sendo designada normalmente de varanda cando está formada por unha armazón de madeira, ferro, ou outro material Por extensión a repisa que forma o oco dunha ventá na parte inferior onde se apoian as persoas recibe os nomes de peitoril, antepeito ou soleira.

Ademais antepeito ou peitoril é o elemento de protección que se coloca nun lugar perigoso, normalmente por estar na beira dun desnivel, formando unha barreira que ofrece unha seguranza tanto psicolóxica como real.

Ponte

Neste artigo fálase da construción. Para outros significados, véxase Ponte (homónimos).

Unha ponte ( pronunciación ) é unha construción, normalmente artificial, que se precisa para salvar un accidente xeográfico, por exemplo un río ou un canón. Permiten, polo tanto, o paso sobre o obstáculo natural ou artificial, de persoas, automóbiles, trens, canalizacións ou condutos de auga (acuedutos).

O seu proxecto e o seu cálculo pertencen á enxeñaría, sendo numerosos os tipos de deseño que se aplicaron ao longo da historia, influídos polos materiais dispoñíbeis, as técnicas desenvolvidas e as consideracións económicas, entre outros factores.

Cando é construída sobre un curso de auga, o taboleiro é frecuentemente situado á altura calculada de xeito que posibilite o paso de embarcacións con seguridade baixo a súa estrutura. Cando é construída sobre un medio seco acostúmase chamar viaduto.

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.