Peixe sabre

Trichiurus lepturus é unha especie de peixe teleósteo da orde dos perciformes, suborde dos escombroideos, que é o tipo da familia dos triquiúridos e da subfamilia dos triquiurinos,[1] que son coñecidos vulgarmente como sabres,[2] ou peixes sabre.[3]

Trichiurus lepturus
Sabre común
Trichiurus lepturus Pakistan 2

Clasificación científica
Reino: Animalia
Filo: Chordata
Clase: Actinopterygii
Orde: Perciformes
Suborde: Scombroidei
Familia: Trichiuridae
Subfamilia: Trichiurinae
Xénero: Trichiurus
Especie: T. lepturus
Nome binomial
Trichiurus lepturus
Linnaeus, 1758

Características

Esta especie, coñecida vulgarmente como sabre común,[4] é un peixe bento-peláxico, anfídromo que pode habitar en augas mariñas e salobres,[5] de corpo longo e delgado.

Os sabres poden chegar a ter 2 m de lonxitude; dos pescados, o que máis peso tivo foi de 5 kg e o de máis tempo tiña 15 anos.[Cómpre referencia]

Hábitat e distribución

Vive en augas tropicais e temperadas, pouco profundas, de 0 a 589 m de profundidade, usualmente entre os 100 e os 350 m,[6] de todos os mares do mundo, entgre os 49° N e os 54° S, e entre os 114° W e os 180° E.[7]

Costumes

Sobe para comer durante o día para, apañar crustáceos planctónicos (cando son pequenos, pasando logo a pequenos peixes, e logo xa a outros peixes máis grandes e cangrexos) e retornando ao leito do mar pola noite.[Cómpre referencia]

Taxonomía

Descrición

A esdpecie foi descrita polo naturalista sueco Carl von Linné (en latín Carolus Linnaeus), na 10ª edición do seu Systema Naturae per regna tria naturae, secundum classes, ordines, genera, species, cum characteribus, differentiis, synonymis, locis. Editio decima, reformata. Laurentius Salvius: Holmiae. ii, (Ler en liña).[1]

Etimoloxía

O epíteto específico, lepturus, Linneo tirouno da raíz do termo do grego antigo λεπτός leptós, "pelado", "limpo", "delgado", "fraco", e o sufixo grego -ουρος -ouros (derivado do grego antigo οὐρά ourá, "cola").[8] Literalmente: "de cola delgada".

Nota: para a etimoloxía do nome xenérico, ver Trichiurus.

Sinónimos

Ademais do nome que lle impuxo Linneo, e que é o actualmente válido, ao longo do tempo a especie foi coñecida polos sinónimos seguintes:[1]

  • Clupea haumela Forsskål, 1775
  • Trichiuris haumela (Forsskål, 1775) (incorrecto gramaticalmente)
  • Trichiurus argenteus Shaw, 1803
  • Trichiurus coxii Ramsay & Ogilby, 1887
  • Trichiurus haumela (Forsskål, 1775)
  • Trichiurus japanicus Temminck & Schlegel, 1844 (incorrecto gramaticalmente)
  • Trichiurus japonicus Temminck & Schlegel, 1844
  • Trichiurus lajor Bleeker, 1854
  • Trichiurus lepturus japonicus Temminck & Schlegel, 1844
  • Trichiurus malabaricus Day, 1865
  • Trichiurus nitens Garman, 1899
  • Trichurus lepturus Linnaeus, 1758 (incorrecto gramaticalmente)
  • Trichyurus lepturus Linnaeus, 1758 (incorrecto gramaticalmente)

Galería de imaxes

Trichiurus lepturus Pakistan 2

Exemplar capturado en Paquistán

Fish4504 - Flickr - NOAA Photo Library

Espécime disecado, capturado no golfo de México

Hairtail head

Cabezas, coa boca pechada, nun mercado de Pelabuhanratu, Xava

Largehead hairtail

Cabeza dun exemplar vivo, coa boca aberta

Trichiurus lepturus head SI

Boca aberta

Ikan layur Pelabuhan Ratu

Exemplares á venda no Pelabuhan Ratu Fish Market, Sukabumi, Xava

Trichiurus lepturus FishMarketInTokyo

Exemplares á venda nun mercado de Tokyo

KOCIS Trip to Jeju Island and Seoul (6278755261)

Preparados para comer, nun restaurante da illa de Jeju, Corea do Sur

Notas

  1. 1,0 1,1 1,2 Trichiurus lepturus Linnaeus, 1758 no WoRMS,
  2. sabre 2 ANIMAL/ICT1 Peixe, que pertence aos xéneros Ruvettus, Trichiurus, Nesiarchus, que se caracteriza por presentar o corpo comprimido e fino. No Dicionario de galego, Vigo, Ir Indo, 2004, ISB N 84-7680.504-7.
  3. Lepidopus caudatus (Euphrasen, 1788), e Trichurus lepturus Linnaeus, 1758, en: Rodríguez Villanueva et al. (1994), pp. 224-227.
  4. sabre 2 ANIMAL/ICT2 sabre común [Trichurus lepturus] Peixe, da familia dos triquiúridos, que presenta corpo serpentiforme, de cor prateada e un queixo prominente, en que destacan apéndices dérmicos na punta das mandíbulas. No Dicionario de galego, Vigo, Ir Indo, 2004, ISB N 84-7680.504-7.
  5. Riede, K. (2004): Global register of migratory species - from global to regional scales. Final Report of the R&D-Projekt 808 05 081. Bonn, Germany: Federal Agency for Nature Conservation.
  6. Muus, B. J. & J. G. Nielsen (1999): Sea fish. Scandinavian Fishing Year Book. Denmark: Hedehusene.
  7. Froese, Rainer & Pauly, Daniel, eds. (2015): Trichiurus lepturus Linnaeus, 1758 en FishBase. (Versión 2015).
  8. lepturus en www.scotcat.com

Véxase tamén

Bibliografía

  • Burton, Maurice & Robert Burton (1984): Encyclopedia of Fish. Saint Louis, EE.UU.: BPC Publishing. ISBN 0-7064-0393-2.
  • Nelson, Joseph S. (2006): Fishes of the World. New York: John Wiley & Sons, Inc. ISBN 0-471-25031-7.
  • Rodríguez Villanueva, Xosé Luís e Xavier Vázquez Álvarez (1992): Peixes do mar de Galicia (II). Peixes óseos: xeneralidades, clasificación e orde perciformes. Vigo: Xerais. ISBN 84-7507-793-5, pp. 224–229.

Outros artigos

Ligazóns externas

Lepidopodinos

A dos lepidopodinos (Lepidopodinae) é unha subfamilia de peixes teleósteos da orde dos perciformes, suborde dos escombroideos, unha das tres nas que se subdivide a familia dos triquiúridos.Os peixes desta subfamilia son longos, delgados e xeralmente de cores azulada ou prateada. Reduciron considerablemente as aletas pelvianas e a caudal (que ás veces están ausentes), o que lles dá un aspecto similar a unha anguía. Son depredadores, e a súa boca é grande e está armada con dentes longos e afiados.As especies da subfamilia, algunhas de interese pesqueiro, son coñecidas vulgarmente como sabres, ou peixes sabre.

Río Miño

O Miño (en portugués: Minho) é o río máis longo de Galicia, cunha lonxitude de 307,5 km . Pasa polas cidades de Lugo e Ourense e polas vilas de Rábade, Portomarín, Ribadavia, Melgaço, Monção, Tui e Valença do Minho.

Outras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.