Natasha Vázquez Ruiz

Natasha Vázquez Ruiz, nada en Moscova o 30 de abril de 1967[1] é unha xornalista e cineasta cubana de orixe galega.[2]

Ten dirixido e producido diversos documentais, a maioría relacionados coa emigración galega a Cuba, cos que gañou numerosos premios, entre eles a Medalla Castelao.

Natasha Vázquez Ruiz
Nacemento30 de abril de 1967
 Moscova
NacionalidadeCuba
Alma máterInstituto Estatal de Relacións Internacionais de Moscova
Ocupacióndirectora de cine e xornalista
PremiosMedalla Castelao

Traxectoria

Graduouse en Xornalismo Internacional no Instituto Estatal de Relacións Internacionais de Moscova en 1989 e traballou como xornalista en diversos medios de comunicación cubanos e internacionais como Radio Metropolitana e CHTV, da Habana, Televisión Cubana ou Sputnik.[3]

En 1998 dirixiu xunto a Rigoberto Senarega, o documental Caballero de la Habana, centrado na figura de José María López Lledín, alcumado El caballero de París. A partir do ano 2000 dirixiu para Televisión Cubana varios documentais como Repartiendo el corazón, que repasa a traxectoria de Frank País; La bella Otero, sobre a vida da Bela Otero; Y es bello vivir, sobre a esclerose múltiple; ou Madre del Alma, que afonda na relación de José Martí con súa nai.

En 2004 dirixiu con Ernesto Daranas Los últimos gaiteiros de La Habana, un documental sobre Eduardo Lorenzo, gaiteiro galego-cubano, e sobre a súa volta a Galicia. A ese documental seguíronlle outros dous sobre emigrantes galegos en Cuba, Fillas de Galicia (2005)[4] e Gallegos: oficio de emigrantes (2008), ambos con guión de Ernesto Daranas. Tamén en 2008 produciu o documental Peregrinos, de Daranas.[5] Polos seus documentais sobre emigrantes de Galicia, Natasha, Ernesto Daranas e Rigoberto Senarega, recibiron conxuntamente a Medalla Castelao no ano 2005, as últimas presididas por Manuel Fraga.[6][7]

En 2016 presentou o documental A Illa dos Galegos, como parte do proxecto Son galego, Son cubano, no que Roi Casal lle puxo música ás letras de Xosé Neira Vilas, e que contou tamén coa colaboración de outros artistas como Pablo Milanés ou Laritza Bacallao.[8][9]

Véxase tamén

Ligazóns externas

Notas

  1. "Natasha Vázquez en Cubacine". www.cubacine.cult.cu (en castelán). Consultado o 28 de agosto de 2019.
  2. "Entrevista a Natasha Vázquez e Ernesto Daranas sobre a rodaxe de 'Los últimos gaiteiros de la Habana' e a súa relación con Eduardo Lorenzo". CRTVG. Consultado o 28 de agosto de 2019.
  3. "Artigos de Natasha Vázquez en Sputnik". www.mundo.sputniknews.com (en castelán). Consultado o 28 de agosto de 2019.
  4. "Documentalismo para recuperar e difundir a memoria dun país". La Voz de Galicia. 14 de novembro de 2005. Consultado o 28 de agosto de 2019.
  5. Peregrinos (Youtube).
  6. "Manuel Fraga subliña o fervente amor a Galicia manifestado polos galardoados coa Medalla Castelao". 28 de xuño de 2005. Consultado o 28 de agosto de 2019.
  7. "Fraga entrega as súas últimas Medallas Castelao". Vieiros (xornal). 28 de xuño de 2005. Consultado o 28 de agosto de 2019.
  8. "Músico gallego Roi Casal presentará nuevo disco en Cuba junto a Pablo Milanés". La Vanguardia (en castelán). 25 de maio de 2016. Consultado o 28 de agosto de 2019.
  9. "Román Rodríguez destaca que el disco 'Son galego, son cubano' narra la emigración "a través de una de las figuras que mejor la conoció: Neira Vilas"" (en castelán). 16 de xuño de 2016. Consultado o 28 de agosto de 2019.
Galardoados coa Medalla Castelao
1984
1985
1986
1987
1988
1989
1990
1991
1992
1993
1994
1995
1996
1997
1998
1999
2000
2001
2002
2003
2004
2005
2006
2007
2008
2009
2010
2011
2012
2013
2014
2015
2016
2017
2018
2019

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.