Kde domov můj?

Kde domov můj? (do checo: Onde esta o meu lar?) é o himno nacional da República Checa. Tamén o foi de Checoslovaquia, a cal formaba a primeira parte do himno checoslovaco, xunto co himno eslovaco que formaba a segunda parte.

A música foi feita polo compositor František Škroup e a letra escrita por Josef Kajetán Tyl como parte da comedia Fidlovačka aneb Žádný hněv a žádná rvačka. Foi escoitada por primeira vez no Stavovské divadlo de Praga o 21 de decembro de 1834.

Aínda que orixinalmente foi máis longa, só se tomaron as dúas primeiras estrofas, sendo o resto esquecido. A súa letra describe poeticamente as belezas da paisaxe checa coas súas fragas, regatos e xardíns en flor. Segundo a letra a paisaxe parece un paraíso terreal. Polo seu carácter emotivo, o himno nacional checo difire dos acordes marciais da maioría dos himnos nacionais.

Kde domov můj?
En galego: Onde está o meu lar?
Skroup-Anthem
Himno deRepública Checa República Checa
LetraJosef Kajetán Tyl
MúsicaFrantišek Škroup
Adoptado1992
Mostra da música
Kde domov můj (Instrumental)

Letra

Orixinal en checo

Kde domov můj, kde domov můj?
Voda hučí po lučinách,
bory šumí po skalinách,
v sadě skví se jara květ,
zemský ráj to na pohled,
A to je ta krásná země,
země česká, domov můj,
země česká, domov můj.
Kde domov můj kde domov můj?
V kraji znáš-li bohumilém
duše útlé v těle čilém
mysl jasnou vznik a zdar
a tu sílu vzdoru zmar
to je Čechů slavné plémě
mezi Čechy domov můj
mezi Čechy domov můj!

Tradución ao galego

Onde está o meu lar, onde está o meu lar?
A agua rumorea nas pradeiras,
nos piñeirais murmuran polas ladeiras,
na horta brilla a flor primaveral,
como deleite do paraíso terreal,
esa é preciosa terra,
terra checa, meu lar,
terra checa, meu lar.
Onde está o meu lar, onde está o meu lar?
Se, na terra celestial, que xunta
de grácil alma nun corpo vivaz
claro pensamento, a orixe e prosperidade
e a forza malia as derrotas
son os checos, célebre estirpe.
Entre os checos está o meu lar!
Entre os checos está o meu lar!

Véxase tamén

Ligazóns externas

Checoslovaquia

Checoslovaquia (en checo e eslovaco: Československo ou Česko-Slovensko) foi un estado fundado trala fin da Primeira Guerra Mundial e a desmembración do Imperio Austrohúngaro, do cal formaba parte o Reino de Bohemia, no Tratado de Versalles. Durou dende 1919 ata 1993, e comprendía ás actuais República Checa e Eslovaquia. En 1938, Chequia pasou a fomar parte do Terceiro Reich co nome de Bohemia e Eslovaquia continuou a ser independente cun goberno pro-nazi.

República Checa

A República Checa (en checo: Česká republika), tamén coñecida como Chequia (en checo: Česko) é un país de centro de Europa, limitado ao norte por Polonia, ao leste por Eslovaquia, ao sur por Austria e ao noroeste por Alemaña. Xunto con Polonia, Eslovaquia e Hungría, integra o Grupo Visegrád. Está formada polas rexións históricas de Bohemia, Moravia e Silesia. Bohemia, ocupa a parte occidental do país, está rodeada de montes baixos e forma unha cunca regada polos ríos Labe (Elba) e Vltava (Moldava). Moravia, ocupa parte oriental, está regada polo río Morava. Silesia, situada ao norte de Moravia, fai fronteira con Polonia.

O Estado Checo, ou as terras da Coroa de Bohemia, como era coñecido até 1918, formouse a finais do século IX. Despois da Batalla de Mohács en 1526, o Reino de Bohemia foi integrado na monarquía dos Habsburgo xunto con Austria e Hungría. A república independente de Checoslovaquia formouse en 1918, tralo colapso do Imperio Austrohúngaro trala Primeira Guerra Mundial. Despois de que no Pacto de Múnic (asinado pola Alemaña nazi, Francia, Reino Unido e Italia) se estabelecese unilateralmente a incorporación de Checoslovaquia á Alemaña, e por gratitude pola consecuente liberación da maior parte da República polo Exército Vermello, o Partido Comunista obtivo maioría relativa (38 %) nas eleccións de 1946.

Dous anos despois, en 1948, Checoslovaquia converteríase nunha ditadura por mor dun golpe de estado. En 1968 a crecente insatisfacción culminou cunha tentativa de reformar o réxime. Os acontecementos, coñecidos como a Primavera de Praga de 1968, terminou coa invasión por parte dos exércitos dos países do Pacto de Varsovia (coa excepción de Romanía); as tropas permaneceron no país até a Revolución de Veludo de 1989 cando o réxime se derrubou. O 1 de xaneiro de 1993, Checoslovaquia dividiuse pacificamente en dous estados, a República Checa e Eslovaquia. O 1 de maio de 2004 pasou a formar parte da Unión Europea.

Hoxe a República Checa é unha democracia representativa pluripartidista. O presidente Václav Klaus é o actual xefe de Estado, sendo Petr Nečas o Primeiro Ministro e Xefe de Goberno. O Parlamento ten dúas cámaras: a Cámara de Deputados e o Senado. Dende a súa creación a República Checa fixo reformas económicas como as privatizacións rápidas. O crecemento do seu Produto Interior Bruto (PIB) situouse en torno ao 6 % até o estalido da recente crise económica mundial. O país foi o primeiro membro da antiga COMECON en acadar o status de país desenvolvido segundo o Banco Mundial. O seu Índice de Desenvolvemento Humano (2010) sitúa a Chequia como unha nación cun "desenvolvemento humano moi alto".

República Socialista Checoslovaca

A República Socialista Checoslovaca foi o nome oficial de Checoslovaquia entre 1960 a finais de 1989, pouco despois da Revolución de Veludo), era un estado satélite da Unión Soviética que formaba parte do Bloque do leste.Tras o Golpe de estado de 1948, que supuxo a toma do poder polo Partido Comunista de Checoslovaquia co apoio da URSS, o país declarouse unha república popular logo que a Constitución do Nove de Maio entrara en vigor. O nome tradicional Československá republika (República Checoslovaca) mudouse o 11 de xullo de 1960 que a Constitución de Checoslovaquia de 1960 se tornara oficial, como un símbolo da "vitoria final do socialismo" no país, e permaneceu así ata a Revolución de Veludo. O país era membro do Pacto de Varsovia e do Consello de Axuda Mutua Económica

Himnos nacionais de Europa
Estados soberanos
Territorios,
dependencias
e outras áreas
Entidades políticas
desaparecidas
Unión Europea
e Consello de Europa

Outras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.