Hotel Universal

O Hotel Universal é un inmoble de estilo ecléctico construído en 1888 polo arquitecto vigués Jenaro de la Fuente Domínguez. O edificio albergou o Hotel Universal, un dos hoteis máis coñecidos da cidade de Vigo durante moitos anos. No ano 2004 foi rehabilitado pola cadea hoteleira AC Hoteles e reconvertido nun hotel de catro estrelas.

Coordenadas: 42°14′24″N 8°43′29″O / 42.24000, -8.72472

Hotel AC Palacio Universal, Vigo, 2016
Hotel Universal.

Historia

A construción do Hotel foi encargada ao arquitecto Jenaro de la Fuente Domínguez, autor dalgúns dos edificios máis senlleiros da cidade. Xunto ao Hotel Continental converteuse na primeira parada dos numerosos viaxeiros que chegaban en barco á cidade. Formaban un belo conxunto edificatorio en primeira liña de mar, xunto ao mercado da Laxe e os edificios de Montero Ríos, que foi esnaquizado a mediados dos 60 co derribo do Hotel Continental e o mercado da Laxe.

O edificio albergou o Hotel Universal, un dos hoteis máis coñecidos da cidade durante moitos anos. Durante quince anos levou o rótulo de Hotel e Restaurante Universal, para despois pasar a chamarse só Hotel Universal. O hotel foi centro de reunión da alta burguesía e da clase intelectual e política da cidade.

A mediados dos anos 80 o hotel pechou as súas portas e o edificio converteuse nun lugar decadente en cuxa cafetería era frecuente ver a prostitutas e travestís. Ata chegou a albergar un salón recreativo.

Trala súa pechadura houbo varios pretendentes que quixeron facerse coa privilexiada edificación. Dende a Autoridade Portuaria, pasando por un casino chegando ata os intereses hoteleiros.

Os seus donos eran os irmáns e empresarios ourensáns Ramón e Alonso. Ambos os dous pedían 600 millóns de pesetas pola venda do inmoble, o que fixo que sempre se botase para atrás a lista de pretendentes, xa que ademais de pagar pola propiedade do edificio había que acatar as condicións urbanísticas de conservación impostas polo Concello.

A cadea hoteleira AC Hoteles fíxose co edificio cun proxecto baseado no alugueiro do mesmo en réxime de concesión durante 20 anos para abrir un hotel de catro estrelas con servizos de luxo cun orzamento de sete millóns de euros e unha oferta dunhas 50 habitacións.

O inmoble

Mata Hari 1906
Mata Hari hospedouse no hotel.

O edificio, de estilo ecléctico, está composto por tres andares e baixo. Presenta un eixe de simetría central e consta de tres fachadas: a principal á rúa Cánovas del Castillo, e as laterais ás rúas García Olloqui e Carral.

En 1889 a Corporación Municipal decidiu declarar praza pública o espazo situado fronte a fachada principal.

Construíuse en dúas fases, xa que nun principio, o hotel ocupaba a metade da superficie actual. Ata que en 1904 Benito Gómez decidiu reproducir o deseño de Jenaro de la Fuente e espallar a fachada principal e construír outra no lateral da rúa García Olloqui co mesmo esquema construtivo e mantendo a unidade. As fachadas presentan unha sucesión rítmica de vans con alternancia de balcóns individuais e corridos que remarcan a horizontalidade do inmoble. A fachada a Cánovas del Castillo está realizada en cantería de granito. As outras dúas fachadas laterais están realizadas tamén con granito e muros de cachotería para alixeira-lo edificio.

Na súa terraza instalouse un pequeno xardín arborado con grandes palmeiras no que na tempada de verán o hotel organizaba festas acompañadas dalgunhas das mellores orquestras da época.

Co paso dos anos o edificio foise degradando. O seu pequeno xardín arborado desapareceu para dar paso a un gris espazo aberto cuberto por unha pérgola metálica.

Como a catalogación do edificio como ben a conservar limitaba a súa superficie, os responsables do proxecto solicitaron permiso para construír un baixo cuberta.

O 10 de outubro de 2004 a Xerencia de Urbanismo e o goberno vigués aprobaron a licenza de obras para que a cadea hoteleira AC iniciase o proxecto de derribo do interior do inmoble, mantendo a fachada e reconstruíndo a escaleira. O Concello permitiu ademais a construción dun baixo cuberta, acadando superficie total construída de 2.800 metros cadrados.

Véxase tamén

Ligazóns externas

Arquivo Pacheco

O Arquivo Fotográfico Pacheco é unha colección fotográfica recompilada na súa maior parte por Jaime de Sousa Guedes Pacheco entre 1915 e 1981, e que está instalada na Casa das Artes de Vigo.

Campo de Fútbol Municipal Baltasar Pujales

O Campo de Fútbol Municipal Baltasar Pujales é un estadio de fútbol de propiedade municipal, situado en Bouzas, Vigo. Serve de localía ao Club Rápido de Bouzas. O estadio inaugurouse en marzo de 2001.

O seu terreo de xogo é de céspede artificial. A súa capacidade total rolda os 1.500 espectadores, aínda que só posúe unha bancada con capacidade para 600 persoas. O complexo deportivo conta con catro vestiarios, un local para oficinas, dous aseos para uso público e un equipo de calefacción que garante unha permanente subministración de auga quente, ademais dun peche perimetral de todo o campo. Tamén incorpora un local para servizo de cafetaría.

Leva o nome de Baltasar Pujales, quen foi presidente do Rápido de Bouzas durante máis de 30 anos, e que foi o presidente na data de inauguración do estadio. Anteriormente á construción deste campo de fútbol, o Rápido de Bouzas xogaba no campo de fútbol das Gaivotas, un campo de terra que ocupou a área onde agora se ergue o pavillón polideportivo, anexo ao campo actual.

Campo do Vao

O Campo do Vao é un campo de fútbol da parroquia de Coruxo, Vigo, situado preto da praia do mesmo nome. Serve de feudo local do Coruxo Fútbol Club e ten unha capacidade de 1.500 espectadores.

Casa Galega da Cultura

A Casa Galega da Cultura é un espazo multidisciplinar localizado en Vigo que acolle a realización de actividades artísticas e literarias, ao tempo que conta cun fondo bibliográfico e museográfico sobre Galicia.

Casa Pereira de Castro

A Casa de Pereira de Castro é un edificio situado na Praza da Constitución, na Cidade Vella de Vigo. Monumento Histórico-Artístico dende 1946, é un dos poucos exemplos de barroco civil que existen na vila.

Centro Arqueolóxico de Salinae

O Centro Arqueolóxico Salinae (Vigo) é a primeira salina romana de evaporación solar que foi conservada e musealizada do Imperio Romano. É un centro dependente do Museo do Mar de Galicia e da Xunta de Galicia.

Complexo Deportivo das Travesas

O Complexo Deportivo das Travesas é un recinto polideportivo situado na parroquia viguesa de Freixeiro, construído en 1968 e con capacidade para 3.500 persoas.

Serve de feudo ao Real Club Celta Indepo de baloncesto e máis ao Octavio Pilotes Posada de balonmán.

Edificio Bonín

O Edificio Bonín, ou Casa Bonín, é un monumental inmoble de planta baixa e tres andares, situado na rúa Areal, esquina rúa Oporto, de Vigo. Foi proxectado no ano 1909 polo arquitecto galego Jenaro de la Fuente Domínguez (1851-1922).

Estadio Municipal de Barreiro

O Estadio Municipal de Barreiro é un estadio de fútbol situado na parroquia de Lavadores de Vigo. É propiedade do concello de Vigo.

É utilizado como feudo local polo Celta de Vigo B, que xoga na Segunda B. Ten capacidade para 4.500 espectadores. É utilizado tamén polo Gran Peña Fútbol Club.

Festival Aéreo de Vigo

O Festival Aéreo de Vigo foi un festival celebrado dende 2004 ata 2012 na cidade de Vigo. Tiña lugar nun domingo da segunda quincena dos meses de xullo.

Igrexa de Santiago de Vigo

A igrexa de Santiago de Vigo é unha igrexa decimonónica que se atopa na cidade de Vigo.

Illa de Toralla

Toralla é unha pequena illa situada na costa sur da ría de Vigo, a uns 200 metros da praia do Vao. Pertence ao concello de Vigo. Segundo o IGE, en 2013 tiña 142 habitantes (76 homes e 66 mulleres).

Jenaro de la Fuente Domínguez

Non confundir con Jenaro de la Fuente Álvarez (1891-1963), o fillo.Jenaro de la Fuente Domínguez, nado en Valladolid o 19 de setembro de 1851 e finado en Vigo o 21 de agosto de 1922, foi un arquitecto de facto e militar español que desenvolveu a súa actividade en Vigo.

Monte da Guía

O monte da Guía é unha elevación situada na parroquia de Teis, no concello de Vigo, a uns 100 metros sobre o nivel do mar, a carón da ría de Vigo. É un dos parques maiores da cidade.

Desde o alto do promontorio hai unha vista bastante completa da cidade de Vigo, así como da ría, das illas Cíes, e da cara sur da península do Morrazo e da ponte de Rande. Antigamente, as mulleres dos pescadores subían a este monte para facer fogueiras e así poder orientar os seus maridos de regreso ao peirao.

Está coroada por unha pequena ermida erixida en honra da Nosa Señora das Neves: Nosa Señora da Guía, obra do arquitecto Manuel Gómez Román.

Ata o ano 2000 estivo situada na súa ladeira máis protexida, cara ao mar, a Escola de Transmisións da Armada, localización militar que tivo importante relevancia na Segunda Guerra Mundial, ó ser usada como lugar de aprovisionamento por submarinos alemáns, o que se evidencia nalgunha película bélica. Naquela época fíxose un túnel baixo o monte para que o tren chegase ás instalacións militares para levar provisións. Tempo despois, ó ser innecesario o transporte ferroviario, o túnel foi usado como almacén militar.

Na súa aba, hai pequenas praias como a da Lagoa ou a da Punta, e un paseo a través dunha senda botánica sinalada. Conta cunha carballeira e distintas especies ornamentais de interese, nas que destacan ademais dos carballos, os piñeiros.

O monte da Guía está conectado co centro da cidade a través do autobús urbano (liña 17).

Policlínico Cíes

O Policlínico Cíes foi un pequeno hospital de titularidade pública situado en Vigo. Facía parte do Complexo Hospitalario Universitario de Vigo. Pechou en 2015.

Foi construído en 1967 segundo deseño de Xosé Bar Boo, cun deseño circular, no seu día moi innovador. No ano 2006, engadíuselle un anexo nun estilo completamente distinto.

É un edificio de seis plantas que estaba adicado a consultas externas de atención especializada e mais a cirurxía de ciclo rápido, é dicir, que normalmente non require hospitalización.

Real Club Náutico de Vigo

O Real Club Náutico de Vigo é un club náutico da cidade de Vigo. O seu club de remo compite actualmente na Liga Galega de Traiñeiras, competición que gañou no 2008.

Sede da Deputación de Pontevedra en Vigo

A sede da Deputación de Pontevedra en Vigo é un edificio do século XXI situado na cidade de Vigo.

Trofeo Memorial Quinocho

O Trofeo Memorial Quinocho é un torneo futbolístico de verán de carácter amigábel que se disputa anualmente no Estadio Municipal de Balaídos e que é organizado polo Celta de Vigo. Está dedicado ao antigo xerente do equipo, Joaquín Fernández Santomé 'Quinocho', asasinado tras un atraco á sede do club.Comezou a disputarse no ano 1995 e, desde entón, tan só deixou de celebrarse en 2006 e 2016 por mor do mal estado do céspede e obras, respectivamente, en Balaídos.

World Fishing Exhibition

A World Fishing Exhibition (Exposición Mundial da Pesca) é unha feira empresarial do sector pesqueiro que se celebra cada seis anos na cidade de Vigo.

De interese en Vigo
Inmobles
Arte e cultura
Deporte e instalacións
Natureza
Outros artigos
Eventos

Outras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.