Estación de Ourense - Empalme

A Estación de Ourense-Empalme é a principal estación de tren de Adif da cidade de Ourense, por diante de Ourense-San Francisco. Ten servizos de longa e media distancia operados por Renfe. En 2010, recibiu 321 772 pasaxeiros.[1]

Coordenadas: 42°21′02″N 07°52′22″O / 42.35056, -7.87278

Ourense-Empalme
Ourense 30-07-2008 06 estacion
SituaciónAvenida de Marín s/n
32001 Ourense
ServizosAseosServizos adaptadosAparcadoiroCafeteríaCarros portaequipaxesAlugamento de cochesVenda de Billetes
Liñas
Longa DistanciaAlvia, Intercity, Trenhotel
Media distanciaIntercity, Avant, MD, Rexional, Rexional Exprés

Situación ferroviaria

A estación atópase situada a 133 metros de altitude nos trazados das seguintes liñas férreas:

Ademais a estación integrarase dentro da liña de alta velocidade Olmedo-Zamora-Galicia que unirá Galicia coa Meseta e cuxo tramo Santiago-Ourense está operativo desde decembro de 2011.[3]

Historia

A chegada a Ourense do ferrocarril produciuse o 18 de xuño de 1881 coa apertura da liña Vigo-Ourense.[4] Unha máquina de vapor de tres eixos e sete vagóns novos foron os encargados de estrear a nova estación tras cinco horas de viaxe.[4] A Compañía do Ferrocarril de Medina a Zamora e de Ourense a Vigo (MZOV) constituída en 1880 foi a encargada das obras. O 1 de decembro de 1884 esta mesma compañía realizou a conexión con Monforte de Lemos. En 1928, os graves problemas económicos que sufrían as empresas que xestionaban as liñas férreas do oeste español levaron ao estado á nacionalización das mesmas e á súa agrupación na Compañía Nacional dos Ferrocarrís do Oeste.[5] En 1941, Oeste integraríase como o resto de compañías ferroviarias españolas en RENFE. Moito máis tardía foi a ligazón coa Meseta debido á gran complexidade das obras na provincia de Zamora. Por iso non foi ata o 1 de xullo de 1957 coa posta en marcha do tramo Ourense-Pobra de Seabra cando se puido completar a liña Zamora-A Coruña.[6]

Desde o 31 de decembro de 2004 Renfe Operadora explota a liña mentres que Adif é a titular das instalacións ferroviarias.

O 10 de decembro de 2011 inaugurouse o tramo Santiago de Compostela-Ourense como parte da futura liña de alta velocidade Olmedo-Zamora-Galicia.

A estación

Ourense 30-07-2008 16 334 talgo
Talgo en Ourense

A estación está situada na rúa Eulogio Gómez Franqueira s/n, na zona norte de Ourense, na ribeira norte do río Miño, a 1,5 km do centro da cidade.

O edificio para viaxeiros está composto por un pavillón central flanqueado por dous anexos laterais de dous pisos. A parte central incorpora unha ampla cristaleira. En xeral o conxunto mostra unhas liñas sobrías e funcionais.

Componse de tres plataformas, unha lateral e dous centrais ás que acceden cinco vías. O complexo ferroviario complétase con máis vías. Os cambios de plataforma realízanse grazas a un paso subterráneo.

Dispón de venda de billetes, punto de información, cafetería, librería e aseos. Todo o recinto está adaptado para as persoas con minusvalía. No exterior atópase un aparcadoiro, unha parada de taxi e outra de autobuses urbanos.

Servizos ferroviarios

Longa Distancia

Actualizados a 10 de xuño de 2016.

Tren Orixe Paradas intermedias Destino Observacións
Alvia Madrid-Chamartín Segovia-Guiomar · Medina del Campo · Zamora · Pobra de Seabra · A Gudiña · Ourense-Empalme · Santiago de Compostela A Coruña 1 tren diario por sentido
Alvia Madrid-Chamartín Segovia-Guiomar · Medina del Campo · Zamora · Pobra de Seabra · A Gudiña · Ourense-Empalme · Guillarei · Redondela · Vigo-Guixar Pontevedra 1 tren diario por sentido
Alvia Madrid-Chamartín Segovia-Guiomar · Medina del Campo · Zamora · Pobra de Seabra · A Gudiña · Ourense-Empalme · Monforte de Lemos · Sarria · Lugo · Guitiriz · Teixeiro · Curtis · Betanzos-Infesta · Betanzos-Cidade · Pontedeume Ferrol 2 trens diarios por sentido
Alvia Alacant-Terminal Villena AV · Albacete-Los Llanos · Cuenca-Fernando Zóbel · Madrid-Puerta de Atocha · Madrid-Chamartín · Segovia-Guiomar · Medina del Campo · Zamora · Pobra de Seabra · A Gudiña · Ourense-Empalme · Santiago de Compostela A Coruña 1 tren semanal por sentido
Alvia Alacant-Terminal Villena AV · Albacete-Los Llanos · Cuenca-Fernando Zóbel · Madrid-Puerta de Atocha · Madrid-Chamartín · Segovia-Guiomar · Medina del Campo · Zamora · Pobra de Seabra · A Gudiña · Ourense-Empalme · Guillarei · Redondela · Vigo-Guixar Pontevedra 1 tren semanal por sentido
Alvia Barcelona-Sants Camp de Tarragona · Lleida-Pirineus · Zaragoza-Delicias · Tudela de Navarra · Castejón de Ebro · Tafalla · Pamplona · Vitoria · Miranda de Ebro · Burgos-Rosa de Lima · Palencia · Sahagún · León · Astorga · Bembibre · Ponferrada · O Barco de Valdeorras · A Rúa-Petín · San Clodio-Quiroga · Monforte de Lemos · Ourense-Empalme · Santiago de Compostela A Coruña 4 trens semanais por sentido
Alvia Barcelona-Sants Camp de Tarragona · Lleida-Pirineus · Zaragoza-Delicias · Tudela de Navarra · Castejón de Ebro · Tafalla · Pamplona · Vitoria · Miranda de Ebro · Burgos-Rosa de Lima · Palencia · Sahagún · León · Astorga · Bembibre · Ponferrada · O Barco de Valdeorras · A Rúa-Petín · San Clodio-Quiroga · Monforte de Lemos · Ourense-Empalme · O Porriño · Redondela Vigo-Guixar 3 trens semanais por sentido
Intercity Hendaia Irún · Donostia · Zumarraga · Altsasu · Vitoria · Miranda de Ebro · Briviesca · Burgos-Rosa de Lima · Palencia · Sahagún · León · Astorga · Bembibre · Ponferrada · O Barco de Valdeorras · A Rúa-Petín · Monforte de Lemos · Ourense-Empalme · O Carballiño · Santiago de Compostela A Coruña 1 tren diario por sentido
Intercity Bilbao-Abando Laudio · Miranda de Ebro · Briviesca · Burgos-Rosa de Lima · Palencia · Sahagún · León · Astorga · Bembibre · Ponferrada · O Barco de Valdeorras · A Rúa-Petín · Monforte de Lemos · Ourense-Empalme · Guillarei · Redondela Vigo-Guixar 1 tren diario por sentido
Trenhotel Rías Galegas Madrid-Chamartín Ávila · Medina del Campo · Zamora · Pobra de Seabra · A Gudiña · Ourense-Empalme · O Carballiño · Santiago de Compostela A Coruña 1 tren diario por sentido
Trenhotel Rías Galegas Madrid-Chamartín Ávila · Medina del Campo · Zamora · Pobra de Seabra · A Gudiña · Ourense-Empalme · Ribadavia · Guillarei · O Porriño · Redondela · Vigo-Guixar Pontevedra 1 tren diario por sentido
Trenhotel Galicia Barcelona-Sants Camp de Tarragona · Lleida-Pirineus · Zaragoza-Delicias · Tudela de Navarra · Castejón de Ebro · Logroño · Miranda de Ebro · Burgos-Rosa de Lima · Palencia · León · Astorga · Ponferrada · O Barco de Valdeorras · A Rúa-Petín · San Clodio-Quiroga · Monforte de Lemos · Ourense-Empalme · Guillarei · O Porriño · Redondela Vigo-Guixar 1 tren diario por sentido

Media distancia

Actualizados a 10 de xuño de 2016.

Liña Trens Orixe/Destino <> Destino/Orixe
  Avant Terminal <> A Coruña
  Intercity Madrid-Chamartín <> Vigo-Guixar
2 Rexional Ourense-San Francisco <> Santiago de Compostela
4 MD Terminal <> A Coruña
Lugo
6 Rexional Exprés León
Ponferrada
<> Vigo-Guixar
6 MD
Rexional Exprés
Terminal <> Vigo-Guixar

Notas

  1. Anuario del ferrocarril 2011. Fundación de los Ferrocarriles Españoles y Vía Libre
  2. 2,0 2,1 Orense-Empalme (Est.) Euroferroviarios
  3. Arrinca a alta velocidade entre A Coruña, Santiago e Ourense La Región
  4. 4,0 4,1 Ourense celebra o 125 aniversario da chegada do tren pensando no AVE Faro de Vigo
  5. Medina del Campo a Zamora y Orense a Vigo - MZOV Arquivado 29 de marzo de 2016 en Wayback Machine. Spanishrailway
  6. Liña Zamora-Ourense Afzamorana

Véxase tamén

Ligazóns externas

Apeadoiro de Ourense-San Francisco

Ourense-San Francisco foi unha estación de tren, actualmente convertida en apeadoiro, de Adif situada no barrio de San Francisco da cidade de Ourense. É a segunda estación da cidade por detrás de Ourense-Empalme. Ten servizos de media distancia operados por Renfe.

As Burgas

As Burgas son uns mananciais de augas termais que se localizan na cidade de Ourense. Deles brotan unhas augas silicatadas, fluoradas, litínicas e hipertermais, a unha temperatura entre 64 e 68 °C cun caudal de 300 litros por minuto. Estas augas son aplicables a diferentes tipos de dermopatías.

Catedral de Ourense

A catedral de Ourense, baixo a advocación de san Martiño, é un templo católico situado na cidade de Ourense, sede da diocese do mesmo nome. É de estilo románico de transición con influencias cistercienses nalgúns aspectos arquitectónicos e mateanos no eido escultural, pero no que se realizaron numerosas modificacións posteriores.

O templo foi construído como unha fortaleza defensiva, como adoitaba facerse nos edificios relixiosos da época. Pódese comprobar esta concepción na estrutura das torres orixinais e nas ameas que coroaban os muros, das que aínda queda algunha mostra se ben a maioría foron eliminadas durante as reformas posteriores.

Foi declarada Monumento Nacional o 3 de xuño de 1931 e recibe os honores de basílica desde 1867, por Breve Pontificio do papa Pío IX asinado o 30 de xuño dese ano . Está rexistrada como Ben de Interese Cultural co código RI-51-0000771.

Cemiterio de San Francisco de Ourense

O Cemiterio de San Francisco é un dos tres camposantos da cidade de Ourense, xunto co de Santiago das Caldas (do antigo concello de Canedo) e o de Santa Mariña. No ano 2000 foi declarado Ben de Interese Cultural con categoría de monumento.

Igrexa da Santísima Trindade de Ourense

A igrexa da Santísima Trindade de Ourense é un templo parroquial de estilo gótico, construído entre os séculos XII e XVI.

Lista de estacións de tren de Galicia

Esta é unha lista das estacións e apeadoiros de tren de Adif de Galicia xunto cos seus respectivos emprazamentos.

Museo Arqueolóxico Provincial de Ourense

O Museo Arqueolóxico Provincial de Ourense é un dos museos provinciais máis importantes da Península Ibérica, tanto polos seus fondos como polo propio edificio que ocupa. Localízase no antigo Pazo Episcopal no centro da cidade de Ourense ao carón da Casa Consistorial e a Igrexa de Santa María Nai, na Praza Maior (Rúa Bispo Carrascosa, 1, Ourense).

Museo Catedralicio de Ourense

O Museo Catedralicio de Ourense, situado no interior da Catedral, contén unha completa mostra de arte sacra. A súa orixe hai que atrasala ata 1944 cando se decidiu acometer as obras necesarias que permitisen a exhibición das pezas que conservaba a Catedral. As obras foron levadas a cabo polos arquitectos Luis Menéndez Pidal e Francisco Pons Sorolla, sendo inaugurado en 1954.

O Museo está situado no ángulo formado pola nave maior e o brazo sur do transepto e ocupa as dependencias que se construíron do inacabado claustro gótico (a Claustra Nova). Accédese desde a nave da Epístola, a través dunha porta con arco conopial cara á nave e románica cara o interior; esta segunda mostra no seu tímpano un Agnus Dei con dous anxos turiferarios . Así, as dúas salas do Museo posúen unha serie moi interesante de capiteis e ménsulas con escenas de caza, animais mitolóxicos, figuras humanas e motivos vexetais. En 1992 foi reestruturado e ampliado, e existe o proxecto dunha nova ampliación que ocuparía a anexa capela de San Xoán, a antiga escola da Catedral e un patio para expoñer as obras epigráficas.

Ourense

Ourense é unha cidade e concello de Galicia, capital da provincia de Ourense e da súa comarca homónima. É a terceira cidade máis poboada de Galicia despois de Vigo e A Coruña. Segundo o IGE, en 2016 a poboación foi de 105.893 habitantes (107.597 en 2012).

Está atravesada polos ríos Miño, Barbaña e Lonia. É coñecida como A cidade das Burgas debido á sona das súas famosas fontes de augas termais (a auga sae a 60-68 °C). Tamén se lle coñece como Auria.

Destacan como monumentos a catedral de Ourense (século XII) co seu Pórtico do Paraíso e o Santo Cristo, a ponte Maior, o claustro de San Francisco, a igrexa da Trindade e a de San Domingo, e o conxunto da súa zona vella, en proceso de recuperación.

Cidade termal por excelencia, ademais das Burgas hai augas termais no balneario da Chavasqueira (de inspiración xaponesa), O Tinteiro, Muíño da Veiga e Outariz. Están moi próximos á capital os centros balnearios da Arnoia, Baños de Molgas, Laias e O Carballiño.

Ourense (homónimos)

Ourense pode referirse a:

Ourense, un concello da provincia de Ourense, Galicia.

Comarca de Ourense, unha comarca da provincia de Ourense, Galicia.

Provincia de Ourense, unha provincia de Galicia.

Deputación de Ourense, o órgano institucional propio da provincia de Ourense.

Diocese de Ourense, unha sede territorial galega da Igrexa Católica sufragánea da arquidiocese de Santiago de Compostela.

Museo Arqueolóxico Provincial de Ourense, un dos museos provinciais máis importantes da Península Ibérica, localizado en Ourense.

Catedral de Ourense, un templo católico situado na cidade de Ourense, sede da diocese de Ourense.

Club Deportivo Ourense, un equipo de fútbol da cidade galega de Ourense(Desaparecido).

Club Deportivo Ourense B, un equipo de fútbol filial do Club Deportivo Ourense(Desaparecido).

Ourense Fútbol Sala, un equipo de fútbol sala da cidade galega de Ourense.

Ourense Rugby Club, un equipo de rugby da cidade de Ourense.

Club Ourense Baloncesto, un equipo de baloncesto da cidade de Ourense.

Club Waterpolo Pabellón Ourense, un equipo de wáter-polo da cidade de Ourense.

Estación de Ourense - Empalme, a estación de tren de ADIF máis importante da cidade de Ourense.

Ourense Club de Fútbol, un equipo da cidade de Ourense.

Unión Deportiva Ourense, outro equipo da cidade de Ourense.

Pazo Provincial dos Deportes Paco Paz

O Pazo Provincial dos Deportes Paco Paz é un recinto polideportivo e multiúsos da cidade de Ourense, en Galicia, inaugurado no ano 1988. O pavillón ten unha superficie de parqué homologada para a práctica de baloncesto, fútbol sala ou balonmán entre outros deportes. As bancadas do recinto teñen capacidade para acoller máis de 5.000 persoas en localidades de asento. Situado nun complexo deportivo composto por campos de fútbol, pistas de tenis, piscinas e un circuíto de automodelismo, o seu funcionamento depende da Deputación Provincial de Ourense.

Foi deseñado para cumprir dous obxectivos:

O primeiro deles, poder acoller acontecementos deportivos de alto nivel, para o cal, ademais de ter a pista homologada, está equipado con cabinas e salas de prensa, sala VIP e un pavillón auxiliar.

O segundo, poder acoller espectáculos culturais, como poden ser concertos musicais, actuacións, actividades recreativas etc.O Club Ourense Baloncesto xoga os seus encontros como local neste pavillón, do mesmo xeito que o Ourense Fútbol Sala. Isto significa que o Pazo dos Deportes Paco Paz acolleu nas décadas de 1990 e 2000 máis de 150 encontros da Liga ACB durante as 10 tempadas que o COB militou na elite do baloncesto español, e tamén máis de 150 encontros da LNFS durante as 9 tempadas que o Ourense FS militou na máxima categoría do fútbol sala de España.

Pazo de Velle

O Pazo de Velle levántase no centro dun enclave situado á beira do río Miño, no concello de Ourense. Actualmente está catalogado como Ben de Interese Cultural.

Trátase dunha construción pacega do século XVI. O edificio ten unha torre de planta cadrada e estruturada en 3 plantas anexas. Conta tamén cunha pequena capela, hórreo e pombal. Antigamente foi coñecida como a casa do "Pacio".

Atópase a escasos 3 km da cidade de Ourense. Na actualidade é propiedade privada e consérvase en bo estado.

Pazo provincial de Ourense

O Pazo provincial de Ourense é un edificio histórico desa cidade, que na actualidade acolle a sede da Deputación de Ourense.

Ponte Maior de Ourense

A ponte Maior de Ourense, tamén coñecida como ponte Romana ou ponte Vella, é un viaduto sobre o río Miño situado na cidade de Ourense.

Ponte do Milenio

A ponte do Milenio, tamén coñecida como ponte da Gaivota pola súa forma, é a quinta ponte da cidade de Ourense e está situada entre a ponte Maior e a ponte da Nacional 525 (Benavente-Santiago). Ten un deseño interesante e destacado por unha pasarela que a envolve a modo de anel que se deforma para elevarse por encima e baixar polos laterais. Por este anel, pódese camiñar até 20 m de altura por riba da ponte cunha traxectoria de 100 chanzos. A lonxitude do vano central é de 110 m cunha pendente de 2.57% e un radio de 320 m.

Santiago das Caldas, Ourense

Santiago das Caldas é unha parroquia do concello de Ourense. Hoxe é unha parroquia totalmente urbana, situada á marxe dereita do río Miño. Ten uns 20.000 habitantes.

Lugares de interese de Ourense
Lugares senlleiros
Museos
Artes escénicas e da imaxe
Outros lugares
Sistema ferroviario galego
Empresas
Liñas
e
paradas
Servizos

Outras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.