Estación da Coruña-Término

A estación da Coruña-Término (denominación oficial)[1], máis coñecida como a estación do Norte[2], foi unha estación de RENFE na cidade da Coruña até o ano 1964, cando un lume arrasou o predio de viaxeiros e todos os servizos pasaron a se concentrar na estación de San Cristovo.

Coordenadas: 43°21′15.7″N 8°24′15.7″O / 43.354361, -8.404361

A Coruña-Término
(clausurada)
A Coruña, desde Plaza del Tebeo, El Corte Ingles - panoramio
Terreos que ocupaban as instalacións da estación do Norte.
SituaciónRúa Fernández Latorre
A Coruña
Intermodalidade
Outrostranvía

Historia

En 1858 a raíña Isabel II colocou a primeira pedra do que había ser a cabeceira da liña A Coruña - Palencia.[3] Estaba situada no barrio da Gaiteira, na ribeira do río Monelos; provisionalmente foi construído en 1874 un predio de madeira para dar servizo aos viaxeiros con orixe e destino Lugo[4], no que sería a segunda liña férrea de Galiza, logo da Santiago - Carril.

A terminal de pasaxeiros definitiva foi inaugurada en setembro de 1883 polo rei de España Afonso XII[5] e estivo operada pola Compañía de los Caminos de Hierro del Norte de España até a súa nacionalización por parte do Estado español en 1941, de aí que se coñecera popularmente como a "estación do Norte"[2].

Coa conclusión das obras en 1957 da liña Zamora - A Coruña, que establecía unha conexión máis rápida desta última con Madrid[6] e a posta en servizo da vía que uniría as liñas de Zamora e León grazas a un túnel baixo Eirís en 1958[1], comezou o declive da estación do Norte en favor de San Cristovo.

En xaneiro de 1964 un lume arrasou co predio de viaxeiros e parte das instalacións, producindo o peche da estación[7]. En 1975, abandonadas xa as instalacións desde había anos, foi construída en parte dos terreos a actual estación de autobuses.[8]

Notas

  1. 1,0 1,1 Rodri García (2015-04-15). "San Cristóbal, 80 años más tarde". La Voz de Galicia (en castelán). Consultado o 2018-10-15.
  2. 2,0 2,1 Fernando Estévez Gago (2012-04-01). "Días de juegos en la Estación del Norte". La Opinión A Coruña (en castelán). Consultado o 2018-10-15.
  3. "ESTACIÓN DO NORTE - Pantasmas de Oza". Pantasmas de Oza. 2017-01-14. Consultado o 2018-10-15.
  4. Carmaño, Jose María Fernandez. La Coruña vista desde sus libros de actas (en castelán). Editorial Visión Libros. ISBN 9788498210880.
  5. Carlos Fernández (2003-06-21). "Un coloso en llamas". La Voz de Galicia (en castelán). Arquivado dende o orixinal o 15 de outubro de 2018. Consultado o 2018-10-15.
  6. Gil, Francisco J. "La línea ferroviaria entre Ourense y Zamora cumple 60 años". La Región (en castelán). Consultado o 2018-10-15.
  7. "La Estación del Norte, en 1964". La Voz de Galicia (en castelán). 2002-11-02. Consultado o 2018-10-15.
  8. Xosé R. Novoa (2015-04-14). "La estación de San Cristóbal cumple 80 años". La Voz de Galicia (en castelán). Consultado o 2018-10-15.

Véxase tamén

Artigos relacionados

Estación da Coruña-San Diego

A Coruña–San Diego é unha estación de ferrocarril da cidade da Coruña, dedicada exclusivamente ao tráfico de mercadorías, que dá servizo ao porto. Entrou en servizo en 1967.

As súas principais actividades son ou foron a exportación de peixe, madeiras, ferro, cinc, carbón e contedores procedentes do porto. Existe outra estación na cidade, a de San Cristovo, dedicada exclusivamente ao tráfico de viaxeiros.

En 2014 foi suprimida a liña regular de contedores e o PXOUM prevé a desafectación destes terreos para o tráfico ferroviario unha vez se poña en servizo unha nova terminal que se ha construír no Porto Exterior.

Estación do Norte

Estación do Norte pode referirse a:

Estación da Coruña-Término (desaparecida)

Estación de Betanzos-Infesta

Estación de Bilbao Abando-Indalecio Prieto

Estación de Valladolid - Campo Grande

Estación de Oviedo

Estación de Donostia - San Sebastián

Sistema ferroviario galego
Empresas
Liñas
e
paradas
Servizos

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.