Edificio Simeón

O edificio Simeón tamén chamado Almacenes Simeón, é un inmoble de estilo Modernista de comezos do século XX situado no centro da cidade de Vigo, Galicia. O edificio constitúe un dos mellores exemplos deste estilo arquitectónico na cidade olívica.

Edificio Simeón
Edificio Simeon, Vigo
Fachada principal do edificio Simeón, na Porta do Sol de Vigo
Edificio
EstiloModernista
LocalizaciónPorta do Sol coa rúa Doutor Cadaval e a calella da II República, Vigo (Galiza)
Coordenadas42°14′16″N 8°43′30″O / 42.237652, -8.725048Coordenadas: 42°14′16″N 8°43′30″O / 42.237652, -8.725048
Construción
Inicio1906
Construción1907
Remate1911
Dimensións
Plantas7 (planta baixa, entresollado, 3 andares, ático abufardado e faiado).
Equipo
Arquitecto(s)Irmáns Benito Gómez Román e Manuel Gómez Román

Historia

O inmoble naceu como proxecto para os Almacenes de Simeón García, encargado a Benito Gómez Román en 1906 sendo solicitada a licenza de construción en 1907.

O proxecto do edificio tiña a intención de aloxar no seu baixo a casa comercial Viúda e Hijos de Simeón García, e vivendas no resto do edificio con entrada nas fachadas laterais.

Pouco despois de aceptar o proxecto, o arquitecto caeu enfermo, polo que a responsabilidade de levar a cabo o proxecto caeu nas mans de Manuel Gómez Román, irmán de Benito. Xa que este non tiña o título de arquitecto a sinatura do proxecto sería a do seu irmán Benito.

Os traballos de construción do inmoble duraron catro anos, sendo rematadas as obras en 1911, ano no que o inmoble inaugurouse.

O edificio foi portada da revista estadounidense Time.

O inmoble

O edificio ten catro andares dos cales o derradeiro é un faiado. A planta baixa, empregada como baixo comercial, ten un carácter suntuoso e monumental cunha excelente cantería en granito.

A fachada principal presenta unha composición ecléctica de carácter francés organizada a través dun corpo central acabado cunha cúpula. Como curiosidade destaca o galo esculpido na parte alta da fachada central do inmoble, influencia quizais da cultura francesa omnipresente no edificio.[1]

Nela atópase a entrada ao centro comercial a través dun fermoso soportal; é a que presenta unha maior profusión decorativa, sobre todo nos balcóns avultados no remate do corpo central, cun arco de medio punto peraltado e onde destaca o emprego do ferro con formas curvilíneas que lembran ao estilo Art Nouveau. As fachadas laterais presentan tamén unha composición ecléctica cunha alternancia de vans.

A decoración, elaborada en granito, é de estilo modernista cunha variada representación de flora e fauna. Os elementos decorativos sitúanse sobre todo nos sobredinteis, claves, ménsulas, remates das pilastras, balcóns etc. Cabe destacar o tratamento do rostro dunha muller cun pano na cabeza que aparece enmarcado na decoración vexetal, na clave do van central inferior; o remate das pilastras, no que aparecen pombas e formas vexetais; e as gárgolas de formas monstruosas. Segundo a tradición popular, a cara da anciá do pano esculpida na clave do lintel, é a nai do arquitecto e foi esculpida por el mesmo.[2]

Galería de imaxes

Edificio Simeon Vigo

Edificio Simeón co Sereo.

Simeon pola noite

Simeón á noite.

Edificio Simeón

O Simeón co Sereo.

Notas

  1. Arquitectura e urbanismo de Vigo: Edificio Simeón 1906-1911
  2. Edificio Simeón en Turgalicia.es

Véxase tamén

Outros artigos

Arquivo Pacheco

O Arquivo Fotográfico Pacheco é unha colección fotográfica recompilada na súa maior parte por Jaime de Sousa Guedes Pacheco entre 1915 e 1981, e que está instalada na Casa das Artes de Vigo.

Campo de Fútbol Municipal Baltasar Pujales

O Campo de Fútbol Municipal Baltasar Pujales é un estadio de fútbol de propiedade municipal, situado en Bouzas, Vigo. Serve de localía ao Club Rápido de Bouzas. O estadio inaugurouse en marzo de 2001.

O seu terreo de xogo é de céspede artificial. A súa capacidade total rolda os 1.500 espectadores, aínda que só posúe unha bancada con capacidade para 600 persoas. O complexo deportivo conta con catro vestiarios, un local para oficinas, dous aseos para uso público e un equipo de calefacción que garante unha permanente subministración de auga quente, ademais dun peche perimetral de todo o campo. Tamén incorpora un local para servizo de cafetaría.

Leva o nome de Baltasar Pujales, quen foi presidente do Rápido de Bouzas durante máis de 30 anos, e que foi o presidente na data de inauguración do estadio. Anteriormente á construción deste campo de fútbol, o Rápido de Bouzas xogaba no campo de fútbol das Gaivotas, un campo de terra que ocupou a área onde agora se ergue o pavillón polideportivo, anexo ao campo actual.

Campo do Vao

O Campo do Vao é un campo de fútbol da parroquia de Coruxo, Vigo, situado preto da praia do mesmo nome. Serve de feudo local do Coruxo Fútbol Club e ten unha capacidade de 1.500 espectadores.

Casa Galega da Cultura

A Casa Galega da Cultura é un espazo multidisciplinar localizado en Vigo que acolle a realización de actividades artísticas e literarias, ao tempo que conta cun fondo bibliográfico e museográfico sobre Galicia.

Casa Mülder

A casa Mülder é unha construción de 1907 situada no cruzamento das rúas Monteros Ríos con Pablo Morillo, en Vigo. Trátase do mellor exemplo de arquitectura modernista existente na cidade, que ten un rico patrimonio arquitectónico neste estilo.

Casa de Correos e Telégrafos de Vigo

A Casa de Correos é un edificio histórico situado na Praza de Compostela, na esquina coa rúa da Reconquista, 2, no centro da cidade de Vigo. Dende a súa construción foi a sede principal da compañía estatal de correos e telégrafos.

Centro Arqueolóxico de Salinae

O Centro Arqueolóxico Salinae (Vigo) é a primeira salina romana de evaporación solar que foi conservada e musealizada do Imperio Romano. É un centro dependente do Museo do Mar de Galicia e da Xunta de Galicia.

Complexo Deportivo das Travesas

O Complexo Deportivo das Travesas é un recinto polideportivo situado na parroquia viguesa de Freixeiro, construído en 1968 e con capacidade para 3.500 persoas.

Serve de feudo ao Real Club Celta Indepo de baloncesto e máis ao Octavio Pilotes Posada de balonmán.

Edificio El Moderno

O Edificio El Moderno é unha construción civil da cidade de Vigo, situada na número 1 da rúa Policarpo Sanz, facendo esquina coa rúa de Carral. É un dos edificios históricos máis significativos da cidade.

Estadio Municipal de Barreiro

O Estadio Municipal de Barreiro é un estadio de fútbol situado na parroquia de Lavadores de Vigo. É propiedade do concello de Vigo.

É utilizado como feudo local polo Celta de Vigo B, que xoga na Segunda B. Ten capacidade para 4.500 espectadores. É utilizado tamén polo Gran Peña Fútbol Club.

Festival Aéreo de Vigo

O Festival Aéreo de Vigo foi un festival celebrado dende 2004 ata 2012 na cidade de Vigo. Tiña lugar nun domingo da segunda quincena dos meses de xullo.

Igrexa de Santiago de Vigo

A igrexa de Santiago de Vigo é unha igrexa decimonónica que se atopa na cidade de Vigo.

Manuel Gómez Román

Manuel Gómez Román, nado en Vigo o 24 de xullo de 1875 e finado na mesma cidade o 11 de novembro de 1964, foi un arquitecto galego.

Modernismo

Modernismo é o termo co que se designa a unha corrente de renovación artística e literaria desenvolvida a finais do século XIX e principios do XX. Segundo os distintos países, recibiu diversas denominacións: Art Nouveau (En Bélxica e Francia), Sezession (en Austria), Jugendstil (Alemaña), Liberty (Inglaterra) e Floreale (en Italia). En catalán, modernisme ou Estilo modernista.

Monte da Guía

O monte da Guía é unha elevación situada na parroquia de Teis, no concello de Vigo, a uns 100 metros sobre o nivel do mar, a carón da ría de Vigo. É un dos parques maiores da cidade.

Desde o alto do promontorio hai unha vista bastante completa da cidade de Vigo, así como da ría, das illas Cíes, e da cara sur da península do Morrazo e da ponte de Rande. Antigamente, as mulleres dos pescadores subían a este monte para facer fogueiras e así poder orientar os seus maridos de regreso ao peirao.

Está coroada por unha pequena ermida erixida en honra da Nosa Señora das Neves: Nosa Señora da Guía, obra do arquitecto Manuel Gómez Román.

Ata o ano 2000 estivo situada na súa ladeira máis protexida, cara ao mar, a Escola de Transmisións da Armada, localización militar que tivo importante relevancia na Segunda Guerra Mundial, ó ser usada como lugar de aprovisionamento por submarinos alemáns, o que se evidencia nalgunha película bélica. Naquela época fíxose un túnel baixo o monte para que o tren chegase ás instalacións militares para levar provisións. Tempo despois, ó ser innecesario o transporte ferroviario, o túnel foi usado como almacén militar.

Na súa aba, hai pequenas praias como a da Lagoa ou a da Punta, e un paseo a través dunha senda botánica sinalada. Conta cunha carballeira e distintas especies ornamentais de interese, nas que destacan ademais dos carballos, os piñeiros.

O monte da Guía está conectado co centro da cidade a través do autobús urbano (liña 17).

O Sereo

O Sereo (coñecido as máis das veces coma O Sireno) é unha escultura realizada polo escultor cambadés Francisco Leiro que se atopa no centro da Porta do Sol, no centro da cidade de Vigo, fronte ao Edificio Simeón. O nome que o autor lle puxo a obra é Home Peixe..

Policlínico Cíes

O Policlínico Cíes foi un pequeno hospital de titularidade pública situado en Vigo. Facía parte do Complexo Hospitalario Universitario de Vigo. Pechou en 2015.

Foi construído en 1967 segundo deseño de Xosé Bar Boo, cun deseño circular, no seu día moi innovador. No ano 2006, engadíuselle un anexo nun estilo completamente distinto.

É un edificio de seis plantas que estaba adicado a consultas externas de atención especializada e mais a cirurxía de ciclo rápido, é dicir, que normalmente non require hospitalización.

Real Club Náutico de Vigo

O Real Club Náutico de Vigo é un club náutico da cidade de Vigo. O seu club de remo compite actualmente na Liga Galega de Traiñeiras, competición que gañou no 2008.

World Fishing Exhibition

A World Fishing Exhibition (Exposición Mundial da Pesca) é unha feira empresarial do sector pesqueiro que se celebra cada seis anos na cidade de Vigo.

De interese en Vigo
Inmobles
Arte e cultura
Deporte e instalacións
Natureza
Outros artigos
Eventos

Outras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.