Crêpe

Unha crêpe[1] é un tipo de masa moi delgada, normalmente feita de fariña de trigo (farine de froment). Malia que as crêpes están a miúdo asociadas coa Bretaña, unha rexión no noroeste de Francia, o seu consumo é xeneralizado en Francia, Bélxica, o Canadá, e moitas partes de Europa, norte de África, e América do Sur. As crêpes sérvense cunha gran variedade de recheos, dende o máis sinxelo con só azucre até.

Crêpe
Crepes dsc07085
Crêpes amoreadas.
NomeCrêpe
TipoDoce
Lugar de orixeFlag of France.svg Francia
IngredientesOvos, leite e fariña.

Historia

As crêpes son orixinarias da rexión de Bretaña, no oeste de Francia, onde se chaman krampouezh. No presente é un prato consumido a diario en todo o país, especialmente no Chandeleur[2] ou Día da Candeloria, como parte da tradición local (adoitan servirse acompañados de sidra). Nesta rexión francesa distínguense dous pratos semellantes: as crêpes elaboradas con trigo duro xeralmente reservadas ós doces e as galettes elaboradas con trigo mouro, en xeral reservadas a recheos salgados. Este tipo de trigo escuro fue traído a Europa dende a China e o seu paso por Europa Oriental deu orixe a unha comida semellante, os blinis.

En Europa Central, chámanse palačinka (República Checa, Serbia, Croacia), palatschinken (Austria), palachinca (Bulgaria) ou palacsinta (Hungría), termos todos derivados do latín placenta. Segundo os estudos realizados, a orixe deste prato atópase na época do Imperio Romano, e as nacións que xurdiron nas súas antigas provincias eventualmente continuaron preparándoo a través dos séculos. Na maioría das rexións alemás é pfannkuchen e en neerlandés pannenkoeken (que provén de unir as verbas ‘tixola’ e ‘torta’).

En Galicia e Asturias son, tradicionalmente, típicas do entroido. En Galicia chámanse filloas, e en Asturias fayuelos ou frixuelos.

Notas

  1. VV. AA. (2012) Dicionario de alimentación e restauración, Santiago de Compostela, Termigal. Xunta de Galicia. Real Academia Galega
  2. "Comment faire des crêpes ? | Pourquoi Comment : Les réponses à vos questions !". www.pourquoicomment.fr. Arquivado dende o orixinal o 07 de xuño de 2017. Consultado o 11 de xaneiro de 2016.

Véxase tamén

Outros artigos

Acento circunflexo

O acento circunflexo é un signo diacrítico consistente nun pequeno ángulo co vértice arriba colocado sobre unha vogal ou unha consoante. O seu nome procede do latín circumflexus (dobrado en torno de), tradución do grego perispomene (περισπωμένη).

O acento circunflexo non se utiliza na norma oficial do galego, mais si na norma reintegracionista.

Filloa

A filloa é un produto gastronómico típico da sobremesa en Galicia coñecido tamén nalgunhas zonas como freixó ou marrucho .

É prato propio do entroido ou ben da época da mata do porco (San Martiño). Aquí a tradición acentúase na zona norte da provincia de Lugo e nalgunhas zonas da provincia de Ourense, pero polo xeral (no entroido) faise en moitas zonas de Galicia.

Tortilla francesa

A tortilla francesa ou omelette é un prato elaborado con ovo batido e cociñado con manteiga ou aceite de oliva (depende da zona) nunha tixola. En realidade trátase dunha tortilla de ovo que se serve como acompañamento ou entrante. A forma que adquire durante o seu cociñado é semellante á dunha folla redonda. A versatilidade deste prato é tan grande que existen innumerables variacións.

Outras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.