Catecismo do labrego

O Catecismo do labrego (1889)[1] foi unha obra en prosa escrita por Valentín Lamas Carvajal, en colaboración con Arturo Vázquez Núñez,[2] e publicado baixo o pseudónimo de "Frei Marcos da Portela".

Catecismo do labrego

Características

Comezou a súa publicarse en 1888, en "O Tío Marcos d'a Portela" e levaba por título "Catecismo do Gallego". O ano seguinte, 1889, editouse de xeito independente en "El Eco de Orense" co título de "Catecismo da doutrina labrega composto por R. P. M. Fr. Marcos da Portela, Doutor en Teoloxía Campestre".[3] Tivo un elevado número de edicións e acadou un enorme éxito popular.[4]

Parodiando o Catecismo de la doctrina cristiana, do padre Gaspar Astete que era, daquela, a obra que se empregaba na catequese en Galicia,[5] un labrego responde ás preguntas que se lle fan e arremete contra o alcalde, o secretario, o cacique e as míseras condicións de vida do mundo rural denunciando a dura vida á que estaban sometidos por culpa do asoballamento destes representantes do poder estatal. Por outra banda, e a diferenza de Manuel Curros Enríquez, non critica a Igrexa.[3]

Traducións

  • Foi traducido ao castelán en 1969 por Carlos Martines e Gabriel Aresti co título de Catecismo de la doctrina labriega e publicado en Editorial Kriselu.[6] Existe tamén unha edición bilingüe de Xesús Alonso Montero publicada en 1990 pola Gran Enciclopedia Gallega co título de Catecismo del campesino.[7]
  • Ao éuscaro en 1969 por Gabriel Aresti co título de Nekazarien Dotrina.[8]
  • Ao portugués en 2004 por Luís Nogueira co título de Catecismo do labrego publicado por Mareantes Editora.[9]

Notas

  1. Carballo Calero 1981, p. 404.
  2. Pérez Placer, Heraclio (1896). Castro, Eugénio de; Silva Gayo, Manuel, eds. "Cuentistas gallegos". Arte: revista internacional (Coimbra) I: 17–20.
  3. 3,0 3,1 Carballo Calero 1981, p. 411.
  4. Fernández del Riego, Francisco, ed. (1957). Escolma de poesía galega. Vol. III (O século XIX). Galaxia. p. 119.
  5. Longhini, Nora (2008). Neira Vilas, os anos da Arxentina, 1949-1961: textos recuperados. Col. Memoria. Vigo: Galaxia. p. 135. ISBN 978-84-9865-060-0.
  6. "Catecismo de la doctrina labriega". bibliotraducion.uvigo.es. Consultado o 2019-07-22.
  7. "Catecismo del campesino". bibliotraducion.uvigo.es. Consultado o 2019-07-22.
  8. "Nekazarien Dotrina". bibliotraducion.uvigo.es. Consultado o 2019-07-22.
  9. "Catecismo do labrego". bibliotraducion.uvigo.es. Consultado o 2019-07-22.

Véxase tamén

Bibliografía

Outros artigos

A Gaita Gallega (revista)

A Gaita Gallega, subtitulada Repinica muiñeiras, alboradas e fandangos unha vez ó mes, foi unha publicación mensual galega, fundada por Manuel Lugrís Freire e Ramón Armada Teixeiro, editada na Habana dende o 5 de santiago de 1885 ata o 18 de decembro de 1887. Reapareceu o 20 de santiago de 1889 ata decembro dese mesmo ano como suplemento de El Eco de Galicia, revista dirixida por Waldo Álvarez Insua.

A Terriña

A Terriña foi un semanario editado na Habana entre 1908 e 1909.

Biblioteca 114

A Biblioteca 114 é un produto editorial formado por unha colección de 114 libros, tanto reedicións coma primeiras edicións, de autores galegos consagrados, en lingua galega e castelá, da Editorial Compostela-El Correo Gallego.

Biblioteca Galega 120

A Biblioteca Galega 120 é unha colección de reedicións de 120 libros de autores galegos en lingua galega, distribuída por La Voz de Galicia, da que se venderon máis de catro millóns e medio de exemplares. Na iniciativa colaboraron Edicións Xerais de Galicia, a Editorial Galaxia, Espiral Maior, Edicións Laiovento, Ediciones SM, Ir Indo, Sotelo Blanco Edicións e Ediciós do Castro.

Carlos Paulo Martínez Pereiro

Carlos Paulo Martínez Pereiro, nado en Mera (Oleiros) o 1 de xullo de 1955, é un escritor e crítico literario galego.

Edicións Castrelos

Edicións Castrelos foi unha editorial galega fundada en 1964 e radicada en Vigo. A Editorial Galaxia mercouna en 1979.

El Barcalés

El Barcalés foi un periódico aparecido no Seilán (A Baña) entre 1911 e 1912.

El Centinela (Chantada)

El Centinela foi un semanario editado en Chantada entre 1912 e 1914.

El Heraldo Gallego (Montevideo)

El Heraldo Gallego foi un xornal editado en Montevideo en 1889.

Gabriel Aresti

Gabriel Aresti Segurola, nado en Bilbao o 14 de outubro de 1933 e finado na mesma cidade o 5 de xuño de 1975, foi un escritor vasco en lingua éuscara que renovou e modernizou a poesía vasca.

Galicia Solidaria

Galicia Solidaria foi un semanario editado na Coruña entre 1907 e 1908.

La Tierra (Pontevedra)

La Tierra foi un periódico publicado en Pontevedra en 1913.

Literatura galega do período intersecular

A literatura galega do período intersecular refírese á creación literaria producida durante o ocaso do século XIX e os albores do XX.

Manuel Ferreiro Fernández

Manuel Ferreiro Fernández, nado en Saavedra (Begonte) en 1955, é un lingüista e escritor galego.

O Tio Marcos d'a Portela

O Tio Marcos d'a Portela, foi unha publicación aparecida por vez primeira en 1876, sendo daquela editada en Ourense por Valentín Lamas Carvajal. Foi a primeira publicación periódica monolingüe en lingua galega.

Prosa

A prosa na escritura é o uso da linguaxe que se opón ao verso. As palabras agrúpanse sen seguir as leis da métrica, senón que imitan o fluír do discurso oral. É a maneira máis natural de escribir, por iso ademais da literatura, aparece nos medios de comunicación, avisos, leis e outros documentos. Trátase carácter máis próximo á fala, sendo o derradeiro estilo literario en aparecer, posto que os primeiros escritos literarios empregaban o verso xustamente para marcar o carácter artístico e facilitar a memorización.

Tradicionalmente, a narrativa asóciase á prosa, pero pode haber poemas narrativos e textos en prosa de carácter non narrativo, como o ensaio, a descrición etc. por tanto é incorrecto considerar a prosa como un gran xénero literario.

Uxío Carré Aldao

Uxío Carré Aldao, coñecido no seu tempo como Eugenio Carré Aldao, nado na Coruña o 5 de novembro de 1859 e finado na mesma cidade o 18 de decembro de 1932, foi un escritor en linguas castelá e galega, editor e libreiro galego, membro fundador da Real Academia Galega da que foi secretario de 1905 a 1906 e de novo, durante dez anos, de 1909 a 1919. Sucedeu a Andrés Martínez Salazar como Cronista oficial da Coruña.

Valentín Lamas Carvajal

Valentín Lamas Carvajal, nado en Ourense o 1 de novembro de 1849 e finado na mesma cidade o 4 de setembro de 1906, foi un autor e xornalista galego. No ano 1972 dedicóuselle o Día das Letras Galegas. Entre outros feitos, Lamas realizou dúas iniciativas importantes en relación co xornalismo e coa literatura en lingua galega, contando ambas con moi boa acollida: fundar o primeiro semanario en lingua galega, titulado O Tio Marcos d'a Portela, e publicar o Catecismo do labrego.

Xosé María Dobarro

Xosé María Dobarro Paz, nado en Ferrol o 7 de outubro de 1950, é profesor e escritor, investigador da literatura galega.

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.