Castrosua

Carrocera Castrosua, S.A. é unha empresa galega construtora de carrozarías de autobuses, con sede Santiago de Compostela.

Castrosua
Castrosua vectorial
TipoSociedade Anónima
Fundación1948 O Carballiño, Ourense
LocalizaciónEstrada da Coruña, km 59,5 15890 Santiago de Compostela
FundadorJosé Castro Suárez
IndustriaAutobuses
ProdutosAutobuses
Páxina webcastrosua.com

Historia

Tralusa Nº 7
Scania N-270 UB 4x2 Castrosua City Versus.

Castrosua foi fundada en 1948 no Carballiño por José Castro Suárez. Nese mesmo ano a empresa mudouse a Vilagarcía de Arousa, a unha fábrica de 200 m² onde se construían carrocerías de madeira e chapa. Posteriormente abriu nas Carolinas (tamén en Vilagarcía) unha nave de 2.000 m², e anos despois outra en Santiago de Compostela de 2.500 m².

En 1965 fusionouse con Carrocerías Caride, fundándose Castro-Caride. Despois chegou a fusión con Obradors e Barro Chavín, fundándose Unicar. A empresa tiña factorías en Ourense, Vilagarcía de Arousa, Compostela, Manresa e Viveiro. En 1966, abandonada xa a madeira, chegou a un acordo coa empresa sueca Scania para a fabricación conxunta, encargándose a empresa sueca dos mecanismos e a galega da montaxe das carrocerías.

A crise do petróleo e diferentes conflitos no mercado nacional do autobús provocaron a disgregación de Unicar, establecéndose de novo Castrosua. Na década de 1980 era xa un dos principais produtores de autobuses interurbanos.

Posteriormente deixou de fabricar autobuses de liña, e en 1998 ampliou o grupo coa creación de tres sociedades máis, Castro Inversión y Desarrollo, Insular Carrocera de Las Palmas e Castro Carrocera (Carsa), que ten a súa planta de produción en Vilagarcía, unicamente dedicadas á produción e ao financiamento de autobuses urbanos. Porén, en 2006 recuperou a fabricación de autobuses de liña.

En 2008 a planta tiña máis de 600 traballadores, producía 450 autobuses urbanos ao ano e abranxía o 50% do mercado español dese tipo de vehículos.[1] O volume de negocio en 2003 era de 30 millóns de euros anuais, conforme fontes da propia empresa.[2]

Modelos actuais

A produción de Castrosua está destinada principalmente ao tráfico urbano (modelos CS-40 e City Versus) e suburbano (CS-40 Magnus), se ben a través da filial Carsa comeza a internarse no segmento do autocar coa carrocería Master 36.

CS-40 City II

Aparecido a finais da década de 1990 coma un reestyling do modelo CS-40 City, foi un dos maiores éxitos da compañía, pois ao ser carrozable sobre a práctica totalidade de chasis do mercado, puideron comercializarse infinidade de versións (piso baixo, low-entry etc) en múltiples lonxitudes comprendidas entre 10 e 18 metros, sendo a máis vendida a versión de 12 metros.

Deseñada para o servizo urbano, vendéronse tamén versións para tráfico suburbano e mesmo para servizos interurbanos de proximidades. Destaca a incorporación masiva desta carrocería aos primeiros 276 Iveco CityClass adquiridos pola EMT de Madrid, así como a un total de 36 unidades MAN NL/263 F, tamén do parque da EMT. Este modelo mantívose en catálogo até a aparición do modelo City Versus, unha nova versión da CS-40 pero cun deseño completamente novo.

Con todo, malia que foi descatalogada, a carrocería CS-40 City II seguiría sendo producida baixo licenza pola empresa Irizar, debido á crecente demanda do mercado marroquí.

City Versus

AUESA - Scania
Realizando a liña F de Elche.

O novo modelo urbano da carroceira substitúe ao veterano CS40 City, tanto no catálogo de Castrosua como no das súas filiais Carsa e Insucar. Estruturalmente é idéntica á CS-40 City II, se ben incorpora un novo deseño, ofrecendo ademais un interior renovado. Adaptado ao tráfico das grandes cidades, é carrozable en todos os chasis do mercado en lonxitudes entre 10 e 18 metros. Existen versións de gasóleo e Gas Natural Comprimido (GNC).

CS40 Magnus

Empresa Pereira Nº 97-7
Man 12.240HOCL-NL Carsa CS40 Magnus.

O CS40 Magnus deriva da versión City, e é estruturalmente idéntica a ela, se ben a parte frontal foi modificada para darlle un deseño máis aerodinámico, tendo un aspecto máis "de autocar" fronte ao testeiro practicamente plano dos autobuses urbanos. Trátase dunha carrocería destinada ao sector interurbano ou de proximidades, carrozable sobre todos os chasis do mercado (Scania, MAN, Volvo, Irisbus...) en lonxitudes entre 10 e 18 metros.

CS40 Magnus S

Autos Gonzalez 8709-BHT
Iveco EuroRider 29A Castrosua CS40 Magnus S.

Trátase da versión elevada do Magnus, adaptada para percorridos máis longos nos que se necesita máis comodidade.

Híbrido Tempus

Castrosua Tempus 001
Castrosua Tempus na FIAA 2008 en Madrid.

Castrosua presentou na edición 2008 da FIAA o autobús híbrido eléctrico Tempus[3][4], de 17 prazas sentadas (máis a da persoa que guía) e 40 de pé. É un híbrido enchufable de rango estendido (leva un xerador diésel a bordo para cando se acaban as baterías). Está incluído no proxecto Electrobús do Ministerio de Industria de España / IDAE[5].

Notas

  1. "Castrosúa carroza ya el 50 % de los autobuses urbanos de España", artigo en El Correo Gallego, 24 de febreiro de 2008 (en castelán).
  2. "Castrosúa, una carrocera con más de 60 años de experiencia" Arquivado 22 de xaneiro de 2004 en Wayback Machine., artigo en Globalsu, maio de 2003 (en castelán).
  3. "Carrocera Castrosua na FIAA 2008". Arquivado dende o orixinal o 29 de marzo de 2012. Consultado o 14 de xuño de 2010. (en castelán).
  4. Autobús Híbrido Tempus Arquivado 30 de setembro de 2014 en Wayback Machine. (en castelán).
  5. "El autobús híbrido 'Tempus' rueda desde hoy en pruebas por diversas líneas de la EMT", noticia en Europa Press (en castelán).

Véxase tamén

Ligazóns externas

As Orfas

O convento, igrexa e colexio das Orfas é un conxunto de edificios de estilo barroco situados en Santiago de Compostela.

Auditorio de Galicia

O Auditorio de Galicia é un edificio situado en Santiago de Compostela, deseñado por Julio Cano Lasso e Diego Cano Pintos. Inaugurouse o 20 de outubro de 1989.

Encadrado no Programa nacional de auditorios, a obra foi financiada polo Ministerio de Cultura, a Xunta de Galicia e o concello de Compostela, coa colaboración de entidades privadas.

Desde 1996 é a sede permanente da Real Filharmonía de Galicia.

Carballeira de San Lourenzo

A carballeira de San Lourenzo é unha carballeira compostelá cunha extensión de 8.000 metros cadrados. Está situada á beira do río Sarela, xusto ao pé do convento franciscano de San Lourenzo de Trasouto, que foi fundado no século XIII.

Por medio desta zona arborada transcorre o Camiño de Santiago, en dirección a Fisterra. No interior da carballeira hai dispostos unha fonte e dous cruceiros de interese.

Trátase dun lugar de reunión ao que Rosalía de Castro cantou na súa obra Follas Novas.

Casa da Conga

A casa da Conga é un edificio de principios do século XVIII sito na praza da Quintana de Santiago de Compostela.

Trátase dun edificio barroco construído para vivenda dos cóengos da catedral. As trazas iniciais débense a Domingo de Andrade, pero quen rematou a construción en 1730 foi Casas e Novoa. Está situada pechando a parte sur da praza da Quintana. Estrutúrase como un bloque de catro casas cun vistoso pórtico corrido que une as catro edificacións. É de estilo moi clasicista en contraste coa Casa da Parra situada na parte superior da praza. Na actualidade a casa da dereita é sede do Colexio de Arquitectos de Galicia e sala de exposicións. O resto está ocupado por comercios, restaurantes, bares e cafeterías.

Casa da Parra

A casa da Parra é un edificio de finais do século XVII situado na praza da Quintana de Santiago de Compostela. Foi deseñado por Domingo de Andrade

Casa do Cabido

A Casa do Cabido é un edificio situado na Praza de Praterías de Santiago de Compostela, construído no século XVIII e concibido para o embelecemento urbano con obxecto de adornar a praza.

Castriño de Conxo

O Castriño de Conxo é un sitio arqueolóxico composto por un castro prerromano (non estudado) e nel unha rocha cuxa superficie contén unhas serie de gravuras coñecidas como petróglifos. Atópase na parroquia de Conxo, no concello de Santiago de Compostela, provincia da Coruña, no lugar coñecido como A Volta do Castro.

Centro Comercial Compostela

O Centro Comercial Compostela é un edificio de tendas de El Corte Inglés, sito en Santiago de Compostela, na saída da cidade cara a Ourense. Inaugurado en 1998, foi o segundo centro comercial que se construíu na capital de Galicia.

Colexio de San Xerome

O Colexio de San Xerome, dito tamén Colexio de Artistas, é un edificio civil de Santiago de Compostela, sito no lado meridional da praza do Obradoiro, cerrándoa por ese lado.

El Correo Gallego

El Correo Gallego é un xornal galego que se edita en Santiago de Compostela. Fundouno José Mariano Abizanda na cidade de Ferrol en 1878.

Monte Pedroso

O monte Pedroso é un monte situado no concello de Santiago de Compostela, na parroquia de Santa María de Figueiras.

Dista tan só 3 km do casco urbano da capital galega. Accédese a el a través do Campo das Hortas e da Calzada do Carme de Abaixo. Está na marxe dereita do río Sarela e na zona consérvase unha ponte medieval. Dende o seu cumio (461 m) hai unha boa vista de Compostela e doutros montes pretos como o de Fontecova. No cumio atópanse as antenas e instalación dos reemisores de radio e televisión. Os seus bosques foron moi castigados na vaga de incendios do verán de 2006.

Da presenza humana no Pedroso desde tempos remotos dan testemuña os petróglifos preto do cumio.

Monte do Gozo

O monte do Gozo é unha elevación do terreo próxima á cidade de Santiago de Compostela, no lugar de San Marcos en Bando, chamada así polo sentimento de gozo que desperta nos peregrinos, xa que este monte é o primeiro punto dende o cal a xente que fai o Camiño de Santiago ve as torres da catedral.

Museo Pedagóxico de Galicia

O Museo Pedagóxico de Galicia (MUPEGA) é un centro dedicado á recuperación, coidado, estudo e mostra do legado pedagóxico de Galiza. Está situado en Santiago de Compostela.

Museo do Pobo Galego

O Museo do Pobo Galego abriu as súas primeiras salas no ano 1977 no antigo Convento de San Domingos de Bonaval, na cidade de Santiago de Compostela, no lugar coñecido comunmente como Porta do Camiño.

Pazo do Hórreo

O Pazo do Hórreo é un edificio de comezos do século XX situado na Rúa do Hórreo 63, na cidade capital galega de Santiago de Compostela, actual sede do Parlamento de Galicia.

Residencia oficial de Monte Pío

A residencia oficial de Monte Pío é o aloxamento do Presidente da Xunta de Galicia. Está situada nas Casas Novas (Vista Alegre, Santiago de Compostela).

Santiago Black Ravens

O Club Deportivo Black Ravens Fútbol Americano, tamén coñecido como Santiago Black Ravens (corvos negros de Santiago), é o equipo de fútbol americano de Santiago de Compostela.

Uro (automoción)

URO é unha compañía galega construtora de camións e vehículos militares con sede en Santiago de Compostela. A compañía matriz de Uro, UROVESA (URO Vehículos Especiales S.A.), naceu en 1981 da man de ex-empregados da marca galega IPV.

A empresa debe o seu nome ao uro, antigo touro europeo (bos taurus primigenius), especie da que proceden practicamente todas as razas domésticas de gando bovino actuais. Similar ao touro de lidia pero de maiores dimensións (ata 1.300 kg. de peso), o uro extinguiuse en 1627 en Polonia.

Área Central

Área Central é un complexo cívico comercial de Santiago de Compostela, sito no barrio de Fontiñas. Inaugurado o 20 de outubro de 1993, foi o primeiro centro comercial da capital de Galicia.

Artigos sobre a cidade de Santiago de Compostela
Edificios institucionais
Edificios relixiosos
Teatros
Museos
Outros edificios
Parques
Centros comerciais
Rueiro
Transporte
Medios de comunicación
Clubs deportivos
Recintos deportivos
Outros recintos
Centros de saúde
Empresas locais
Restos arqueolóxicos
Accidentes xeográficos
Educación
Outros
Industria do motor en España
Fabricantes de vehículos
Bicicletas e motos
Maquinaria
Compoñentes
Fábricas en España
Compañías pechadas

Outras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.