CG-4.1

A CG-4.1 ou Corredor do Morrazo é unha vía de alta capacidade dependente da Xunta de Galicia. Vertebra a cara sur da península do Morrazo desde a AP-9 até a súa conexión coa PO-315 mediante unha prolongación denominada VG-4.6. Desde 2016 están a se acometer obras de desdobramento para converter esta infraestrutura nunha autoestrada.[1]

CG-4.1
Corredor do Morrazo
Cg41
TipoloxíaVía de Alta Capacidade
RedeRede de estradas de Galicia
Dimensións
Lonxitude15 km
Localización
Inicio AP-9   N-554  Ponte de Rande  PO-551  Vilaboa
Fin VG-4.6  Bueu
Circulación
Velocidade máxima100 km/h

Historia e características

Inferno (II)
Lume nas proximidades do CG-4.1

O Corredor do Morrazo foi posto en servizo en decembro de 2005[2] e a súa apertura serviu para mellorar a comunicación dos concellos da comarca que daban á Ría de Vigo, que até entón só dispuñan dunha saturada PO-551.

As obras comezadas en 2016 para o seu desdobramento teñen ocasionado o corte desta vía, obrigando aos vehículos a volver usar temporalmente a vella PO-551.[3]

Asemade, o feito de que se proxectara este corredor no lugar onde se encontra o castro de Montealegre, obrigou a unha corrección no proxecto de desdobramento, dado que a a largura da nova plataforma afectaría de xeito irreversíbel ao xacemento arqueolóxico.[4] Estes traballos para salvar o castro provocarán un novo peche, estimado en sete meses, desta vía de alta capacidade unha vez remate a temporada estival.[5]

Unha vez rematen as obras, a nova autoestrada pasará a ser denominada como AG-46.[6] Desde 2007 tamén se baralla a posibilidade de unir este corredor co que circunvala o centro urbano de Marín.[7]

Notas

  1. Radio Vigo (2016-03-29). "Empiezan las obras para el desdoblamiento del corredor do Morrazo". Cadena SER (en castelán). Consultado o 2017-08-07.
  2. Javier Pastoriza - Faro de Vigo (16.07.2015). "La "jaula" del Corredor: el mismo tiempo para llegar de las playas a Vigo por las colas que en ir a Oporto". Consultado o 2017-08-07.
  3. "O Morrazo queda sen corredor á espera da autovía dez anos despois de que lle sucedese o mesmo ao Salnés - Praza Pública". Praza Pública. Consultado o 2017-08-07.
  4. "El castro que cambió la autovía". Atlántico (en castelán). Consultado o 2017-08-07.
  5. Viéitez, Oskar. "O corredor do Morrazo pechará sete meses para salvar o castro de Montealegre". Pontevedra Viva. Consultado o 2017-08-07.
  6. Cristina G. e Fran G. - Faro de Vigo (23.03.2017). "Hasta 17 empresas optan a ejecutar el tercer subtramo del desdoblamiento del corredor". Consultado o 2017-08-07.
  7. Marcos Gago (2007-09-13). "Estudian unir la vía rápida de Marín con el corredor de Cangas". La Voz de Galicia (en castelán). Consultado o 2017-08-07.
AC-100

A AC-100 é unha estrada da rede secundaria, de 7 km de distancia. Une as localidades coruñesas do Porto do Barqueiro e O Porto de Bares, ambas as dúas no concello de Mañón.

AC-400

A AC-400 é unha estrada da rede secundaria de Galicia, que une as localidades coruñesas de Sigrás (Cambre) e Muros, ao longo de 41 quilómetros.

Atravesa os concellos de Cambre, Arteixo, A Laracha, Culleredo, Cerceda, Tordoia, Santa Comba, Mazaricos e Muros.

Un dos seus atractivos é a panorámica sobre a ría de Muros e Noia que se pode ver no lugar do Pino de Val (Mazaricos).

AC-542

A AC-542 é unha estrada pertencente á rede primaria básica da Xunta de Galicia. Une as localidades coruñesas de Betanzos e O Mesón do Vento (Ardemil, Ordes), logo de 22 quilómetros.

AC-550

A AC-550 é unha estrada pertencente á rede primaria básica da Xunta de Galicia. Une as localidades coruñesas de Cee e Ribeira, logo de 107 quilómetros. Foi creada en 1986 logo da fragmentación da C-550, que percorría a costa galega das Rías Baixas.

AC-552

A AC-552 é unha estrada pertencente á rede primaria básica da Xunta de Galicia. Une as localidades coruñesas da Coruña e Cee, logo de 91 quilómetros.

AG-46

A AG-46 ou Autovía do Morrazo é unha vía de alta capacidade, en construción desde 2015, dependente da Xunta de Galicia. A obra é consecuencia do desdobramento do CG-4.1 por mor da súa elevada sinistralidade e tráfico, especialmente en temporada estival. Está previsto que os primeiros tramos entren en servizo en 2018.

LU-109

A LU-109 é unha estrada da rede secundaria, ramal da LU-546, correspondente á antiga C-546 ao seu paso por Ribas Altas (Lugo) antes da construción da actual circunvalación.

LU-546

A LU-652 é unha estrada da rede primaria básica galega que une Nadela (N-VI), no concello de Lugo, e Monforte de Lemos (LU-664).

LU-642

A LU-642 é unha estrada da rede secundaria que une a LU-546 no Oural (Sarria) con Ferrería do Incio.

LU-643

A LU-643 é unha estrada da rede secundaria que une a LU-652 en Bóveda coa LU-644 en Laiosa (O Incio).

LU-652

A LU-652 é unha estrada da rede primaria complementaria galega que une Bóveda (LU-546) e o barrio da Estación da Pobra do Brollón (LU-933).

LU-903

A LU-903 (antiga LU-601) é unha estrada da rede secundaria que une Monforte de Lemos, na provincia de Lugo, con Castro Caldelas, na provincia de Ourense, onde recibe a denominación de OU-903.

LU-933

A LU-933 é unha estrada da rede secundaria que une Monforte de Lemos, na provincia de Lugo, coa Rúa, na provincia de Ourense, onde recibe a denominación de OU-933.

É un tramo da antiga estrada C-533 A Gudiña-Lalín. Discorre en paralelo á N-120.

N-554

A N-554 é unha estrada nacional, que une a estrada N-550 ó seu paso por Vilaboa, con Domaio, Moaña, onde liga coa AP-9, a estrada PO-551, e o CG-4.1.

Adoptou esta denominación en 1988 logo da fragmentación da C-550, que percorría a costa galega das Rías Baixas. A nomenclatura desta vía, así como do resto das estradas nacionais de España, estableceuse no cuarto plan xeral de estradas de 1939-41 (Plan Peña). Foi reformada en 2009.

Mide 10 quilómetros, indo a maioría da estrada paralela á enseada de San Simón e á AP-9. Atravesa as aldeas do Toural, Acuña (parroquia de Vilaboa), Riomaior (Santa Cristina de Cobres), e Santradán (Cobres).

OU-540

A estrada OU-540 é unha vía que une a cidade de Ourense con Portugal. Esta estrada é a principal vía de comunicación coa cidade das Burgas para os 29.975 habitantes (2009) que residen nas comarcas da Terra de Celanova e a Baixa Limia, onde se atopan vilas como Celanova, Bande ou Lobios.

Orixinalmente formou parte da estrada nacional N-540.

PO-255

A PO-255 é unha estrada autonómica que une as poboacións de Ponte Caldelas e Petán (A Cañiza). É un tramo da antiga C-531 que unía Vilagarcía de Arousa con Xinzo de Limia.

PO-307

A PO-307 é unha estrada convencional que vai da parroquia de Deiro, no concello de Vilanova de Arousa, ata a Illa de Arousa, sendo a ponte que forma parte desta estrada a única que une a illa co continente. A Xunta de Galicia é a administración propietaria da estrada, formando parte da súa rede primaria complementaria.

VG-4.5

A VG-4.5 ou Vía de Alta Capacidade de Acceso a Cangas é unha vía para automóbiles dependente da Xunta de Galicia. Forma parte do Corredor do Morrazo, constituído polo CG-4.1 e a VG-4.6.

VG-4.6

A VG-4.6 ou Corredor do Morrazo (Alto da Portela - Menduíña) é unha vía para automóbiles dependente da Xunta de Galicia. Une o tronco principal do Corredor do Morrazo coa PO-315, que dá acceso ás parroquias máis occidentais de Bueu e Cangas, evitando deste xeito o paso polos centro urbanos das vilas.

O comezo da VG-4.6 marca o remate da futura AG-46, construída mediante o desdobramento da CG-4.1.

Vías de
alta capacidade
Estradas
convencionais

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.