Arde Lucus

O Arde Lucus (tamén escrito como Arde Lvcvs) é unha festa celebrada en Lugo a finais do mes de xuño que revive o pasado romano e castrexo da cidade amurallada e que xurdiu para conmemorar a declaración da Muralla coma Patrimonio da Humanidade no ano 2000.[1] Chegou a xuntar nas súas dúas últimas edicións preto dun millón de participantes. En 2017 foi declarada Festa de Interese Turístico Nacional.

Dende abril de 2011 é Festa de Interese Turístico Galego. A edición de 2013 celebrouse os días 14, 23 e 16 de xuño e ofreceu como novidade principal a participación de Arsdimicandi, un grupo de especialistas gladiadores procedentes de Bérgamo que participaron en series de televisión como Roma. A moeda oficial desta edición foi o Ás.

Arde Lucus
Ofreda ó deus Vulcano
Ofreda ó deus Vulcano
Datos da festa
Nome oficialArde Lvcvs
Tipohistórico
Datafinais do mes de xuño
ConcelloLugo
OrganizadorConcello de Lugo
Participantes
  • Cohors III Lucensium
  • Terra Copora
  • Lugdunum
  • Civitas Lucensis
  • Tír na nÓg
  • Caetra Lucensium.
  • Motivodeclaración da Muralla coma Patrimonio da Humanidade no ano 2000[1]
    Significadorevive o pasado romano e castrexo da cidade de Lugo
    Costumestenta evocar a antiga Lucus Augusti do século III
    Relacionada conMuralla de Lugo
    RecoñecementosFesta de Interese Turístico Galego (2011)
    Páxina webSitio web oficial
    Forte romano
    Forte romano na Praza Maior.

    Historia

    Véxase tamén: Historia de Lugo.

    Esta festa que, tenta evocar a antiga Lucus Augusti do século III, comezouse a celebrar no ano 2000,[2][3][4] medrando ano tras ano o número de persoas caracterizadas coas vestimentas típicas da época e visitantes, chegando no ano 2009 aos 460.000 participantes e deixando uns ingresos na cidade duns 10 millóns de euros.

    Cómpre destacar que ademais o concello conta coa colaboración de diversas asociacións para a celebración e ambientación do festexo, encargándose elas mesmas de moitas das actividades, como Cohors III Lucensium, Terra Copora, Lugdunum, Civitas Lucensis, Tír na nÓg ou Caetra Lucensium.

    En 2012 as novidades foron a creación dun senado romano, as xornadas gastronómicas Ars Magirica, ciclos de conferencias a cargo de historiadores e arqueólogos, venda de produtos oficiais como fibelas, vasos ou alfinetes ou a posibilidade de acuñar de moedas no propio campamento, ese ano o sestercio. Pola súa banda, a ONCE anunciou á posta a venda dun cupón especial ilustrado coa imaxe oficial do Arde Lucus, coa aguia sobre o lume, e co texto: «Arde Lucus. Lucus Augusti renacerá de novo».

    Actividades

    Posto con productos típicos (2)
    Posto do Macellum.
    Desfile polas rúas da cidade (Praza Maior)
    Desfile polas rúas da cidade.

    As actividades mesturan o pasado romano da cidade, que tamén "abre as portas" á celebración dos ritos celtas dentro das murallas.

    • Macellum

    Un mercado artesanal onde se ofrecen produtos típicos típicos da época, ademais de espectáculos de maxia, malabares e música. É o principal punto de reunión dentro da festa, con diversos desfiles e espectáculos. Sitúase na Praza Maior.

    • Castra

    Son unha serie de campamentos que teñen que montar os propios participantes, xa sexan grupos de particulares ou asociacións, onde os residentes no mesmo deben de morar ataviados coas vestimentas e obxectos típicos da época. Na súa última edición os campamentos foron situados no Carril das Estantigas, no interior da muralla. Ademais cada campamento pode realizar as súas propias actividades, sempre abertas ao público en xeral. Sinalar que os campamentos poden ser tanto romanos coma galaicos.

    • Circus

    O circo romano ten lugar no Parque de Rosalía de Castro, onde se celebran actividades rememorando aos antigos circos romanos, con pelexas de gladiadores, carreiras de cuadrigas e outros espectáculos romanos.

    • Vodas celtas e romanas

    Nesta actividade as parellas pódense casar polo antigo rito celta, unión amorosa que durará até o seguinte ano, onde os namorados poden decidir se renovan ou non os seus votos (concretamente é a muller a que decide se quere renovar a unión). Se o casamento se renova durante sete anos seguidos a unión pasa a ser definitiva. Coma proba da celebración, os noivos reciben un certificado de casamento. A voda romana é máis "definitiva".

    • Teatro

    En numerosos puntos da cidade pódense atopar obras de teatro de todo tipo, dende comedias a os clásicos dramas, nas que moitas veces os viandantes pasan a formas parte da propia obra.

    • Queima da muralla

    Nesta actividade recréase o asedio a unha cidade romana, mais pese ao seu nome celébrase no xa mencionado Parque de Rosalía e non na muralla da cidade, contando coa participación de tódalas asociacións e múltiples voluntarios.

    • Comilonum

    É un gran banquete ao aire libre, onde as mesas son colocadas ao redor da muralla romana. Na edición de 2009 foi substituído pola Tabernae, un comedor localizado na praza da Soidade.

    • Outras actividades

    Ademais das anteriores destacan outras moitas actividades como as bacanais, a colocación de sentinelas nas portas da muralla, batallas entre galaicos (celtas) e romanos, espectáculos de maxia, desfiles coas caracterizacións, xogos romanos, pelexas de gladiadores, diferentes actividades para divulgar as tradicións galaicas (celtas) e romanas, cabalgatas, venda de escravos, vodas romanas, instrución militar romana en latín polas rúas da cidade, diferentes exhibicións ou os diferentes concertos.

    Asociacións

    As asociacións que colaboran na realización da festa son:[5]

    • Caetra Lucensium. Asociación que recrea o mundo romano en Lucus Augusti do xeito máis fiel posible.
    • Civitas Lucensis. O seu obxectivo é introducir aos nenos na historia de Lugo, tentando amosar a convivencia en harmonía entre as culturas castrexa e romana.
    • Cohors III Lucensium. Dispón de socios por distintas localidades que reproducen a vida romana no país, así como dos diferentes pobos da diocese de Lucus Augusti.
    • Cohors Lvcensium Praetoria. Fundada en 2013, está inspirada na Garda Pretoriana.
    • Lucus Equites. Asociación fundada en 2011, adicada principalmente aos romanos, procura recrear a historia e divulgar os coñecementos históricos da época.
    • Lugdunum. Asociación adicada principalmente a recrear a vida dos celtas.
    • Senatus Lucus Augusti. Fundada en 2012, adicanse a recrear teatralmente a un Senado local.
    • Terra Copora. Adoita representar a comuñón entre as culturas romana e castrexa, tentando facer unha achega sobre o seu día a día.
    • Tír na nÓg. O nome provén do irlandés a Terra dos Mozos, unha illa lendaria onde vivían seres como os Tuatha Dé Danann. Organiza diversas actividades de animación e obradoiros, así como recreación histórica.
    • Trebas Galaicas. Asociación fundada en 2011, para a edición de 2012 construíron o Castro do Medulio.

    Galería de imaxes

    Artigo principal: Galería de imaxes de Arde Lucus.
    Postos na Praza Maior (4)
    Postos na Praza Maior (3)
    Xogos para nenos (Campamento Romano)
    Postos na Praza Maior (2)
    Postos na Praza Maior
    Desfile polas rúas da cidade (Praza Maior) (2)
    Desfile con cabalos
    Desfile polas rúas da cidade (Rúa Nova)
    Detalle Forte romano
    Forte romano (2)
    Postos na Praza Maior (5)
    Roman festival of Arde Lucus, Lugo
    Campamento Romano (Carril das Estantigas) (3)

    Notas

    1. 1,0 1,1 Arde Lucus MMVIII
    2. Páxina "Casa de Galicia-Turismo"
    3. "O Arde Lucus deixa uns ingresos de 10 millóns". Arquivado dende o orixinal o 05 de outubro de 2011. Consultado o 30 de xuño de 2009.
    4. Acaba un Arde Lucus no que máis de 460.000 persoas botáronse á rúa en tres días Arquivado 01 de xullo de 2010 en Wayback Machine., nova en El Progreso o 27 de xuño de 2010.
    5. "Asociacións". Arquivado dende o orixinal o 08 de xuño de 2013. Consultado o 14 de xuño de 2013.

    Véxase tamén

    Ligazóns externas

    Asociación Cultural Cultura do País

    Asociación Cultural Cultura do País, con base en Lugo, ten por obxecto a promoción da cultura propia de Galiza desde unha perspectiva autocentrada, desde a recuperación das tradicións populares até a posta en valor de feitos históricos, personaxes, celebracións e acontecementos da cultura galega, tendo coma principal bandeira a defensa da lingua galega coma elemento simbólico e crucial na conformación da cultura da Galiza.

    Festas de interese turístico de Galicia

    A seguinte é unha lista de festas de interese turístico de Galicia. Trátase dunha denominación honorífica outorgada a festexos ou acontecementos que se celebran en Galicia e que ofrecen interese real desde o punto de vista turístico. A declaración de Festas de Interese Turístico Galego é un nomeamento outorgado polo Consello da Xunta de Galicia a través dunha proposta por parte da Consellería de Economía e Industria.

    As Festas de Interese Turístico Nacional e de Interese Turístico Internacional, son declaradas pola Secretaría de Estado de Turismo, dependente do Ministerio de Industria.

    Galería de imaxes de Arde Lucus

    O Arde Lucus, tamén escrito como Arde Lvcvs, é unha festa celebrada en Lugo a finais do mes de xuño que revive o pasado romano e castrexo.

    Galería de imaxes de Galicia

    Galería de imaxes de Galicia.

    Galería de imaxes de Lugo

    Galería de imaxes do concello de Lugo na provincia de Lugo.

    Galería de imaxes de festas de Galicia

    Galería de imaxes de festas de Galicia.

    Historia de Lugo

    Lugo, o asentamento urbano máis antigo de Galicia, érguese sobre o antigo emprazamento dun castro galaico. Arredor do ano 25 a. C, Caius Antistus Vetus, legado de Octavio Augusto na Tarraconense ao mando das tropas romanas que loitaban nas Guerras Cántabras, establece preto deste castro un campamento militar. Posteriormente, en nome do emperador, Paulo Fabio Máximo funda "Lucus Augusti" sobre este campamento. A partir do ano 50 asístese á expansión da cidade co asentamento de galaicos dos castros próximos. Posteriormente a cidade convértese nun importante núcleo urbano, representativo da cultura e do modo de vida romano.

    Dende a chegada dos suevos a Galicia alternáronse na cidade ciclos de decadencia e rexurdimento. No ano 585 o Reino de Galicia pasa a mans visigodas, perdendo Lugo a súa condición de sé metropolitana por mor da fin da división de Galicia en dúas provincias. Iníciase así un período de decadencia que se vería acentuado pola invasión musulmá de principios do século VIII.

    Entre os séculos XI e XIII, coma outras cidades do Camiño Xacobeo, foi protagonista duna serie de revoltas populares contra o poder feudal. En Lugo esta rebelión sería contra o bispo, quen compartía a súa potestas co Cabido. A comezos do século XIII, os burgueses de Lugo comezaron a desafiar, coma nunca antes fixeran, esta potestade xurisdicional.A principios do século XVI, a pesar de ser nomeada capital do Reino de Galicia por Carlos I, Lugo iniciou un longo declive. Esta etapa prolongouse até finais do século XVII, mentres que Santiago de Compostela cobraba protagonismo. No século XVIII comeza un novo ascenso económico e cultural da cidade, converténdose na gran capital agraria de Galicia. As feiras de San Froilán cobran unha extraordinaria importancia económica, abastecendo de gando cabalar e mular a León e Castela; importancia que se reforzou coa chegada do ferrocarril en 1875 e que fixo de Lugo o maior mercado gandeiro de vacún de toda a península.

    Lugo

    Lugo é unha cidade e concello de Galicia, capital da provincia de Lugo e da comarca homónima. Fundada no ano 25 a.C. por Paulo Fabio Máximo, é unha cidade de orixe romana e a máis antiga de Galicia. Construída nas proximidades dun castro, na época romana recibiu o nome de Lucus Augusti. Son testemuña dos seus primeiros anos de historia os numerosos restos romanos, moitos deles conservados no Museo Provincial, e sobre todo a Muralla Romana, única no mundo que conserva todo o seu perímetro e declarada Patrimonio da Humanidade no ano 2000.

    Ao longo da súa historia ocorreron tanto épocas de abandono como importantes momentos na historia do país, dende a xuntanza no ano 842 dun grande exército galego para conquistar Oviedo e entronizar a Ramiro I como primeiro rei da dinastía galega, ata o pronunciamento do Coronel Miguel Solís, que daría comezo á Revolución Galega de 1846.

    Xeograficamente, a cidade atópase situada nun outeiro, nas terras do Alto Miño, e circundada polo propio río Miño, ademais doutros máis pequenos como o Mera. O concello, incluído na Reserva da Biosfera "Terras do Miño", é o segundo máis extenso de Galicia, e no que no ano 2014 habitaban 98.560 persoas, o que supón que sexa o cuarto de Galicia en poboación despois de Vigo, A Coruña e Ourense.

    O xentilicio dos habitantes é lucense ou tamén lugués. Lugo é unha cidade comercial e de servizos, cun campus universitario especializado en Ciencias Agrarias (Veterinaria, Montes...). Destacan tamén as populosas festas realizadas na cidade como o Arde Lucus, que relembra o pasado romano e castrexo da cidade, e o San Froilán, que cada ano atrae á cidade do 4 ao 12 de outubro a máis dun millón de visitantes.

    Monumentos
    Museos
    Espazos públicos
    Festas

    Outras linguas

    This page is based on a Wikipedia article written by authors (here).
    Text is available under the CC BY-SA 3.0 license; additional terms may apply.
    Images, videos and audio are available under their respective licenses.