Aeródromo de Rozas

O aeródromo de Rozas é un aeródromo situado no lugar de Rozas, na parroquia de Mondriz en Castro de Rei, a oito quilómetros[1] do centro da cidade de Lugo. Foi inaugurado o 4 de xuño de 1943, sendo o aeroporto central de Galicia ata a construción do aeroporto da Lavacolla. Actualmente non ten uso comercial. No aeródromo celébrase anualmente a "A Volta Aérea a Galicia".

Coordenadas: 43°6′43″N 7°27′39″O / 43.11194, -7.46083

Aeródromo de Rozas

MBB 223 Flamingo Rozas

IATA: ningúnICAO: LERO
Sumario
Tipo Privado
Propietario Ministerio de Defensa
Operador Real Aeroclub de Lugo
Cidade/Illa Lugo, Galicia
Localización Mondriz, Castro de Rei
Elevación (msnm) 443 metros / 1 453 pés
Coordenadas 43°6′43″N 7°27′39″O / 43.11194, -7.46083
Web aerolugo.com
Pista(s)
Dirección Longo Superficie
metros pés
04/22 1 200 3 937 asfalto

Historia

Foi construído pola Luftwaffe alemá durante a segunda guerra mundial[2] con motivo de proporcionar un mantemento rápido das antenas do Radiofaro do sistema Consol de Arneiro. O aeródromo estaba constituído por tres hangares de considerables dimensións, que ademais dispoñían de barracóns auxiliares.

Unha vez finalizada a contenda, o aeródromo de Rozas foi recoñecido como un lugar excepcional para a creación dun aeroporto de maiores dimensións, e chegou a ser base aérea durante algún tempo no que había unha guarnición considerable até que, no ano 1953, decídese desmantelalo. O primeiro hangar desmóntase e é trasladado a Palma en 1958, e outro deles á base aérea de Cuatro Vientos (Madrid) en 1959, o mesmo pretendían co terceiro e último pero, ante esta crítica situación constituíuse de maneira urxente e da man do por aquel entón alcalde de Lugo Ramiro Rueda Fernández, o Real Aero Club de Lugo, co fin de evitar a desaparición total das instalacións.

Durante os anos 2008 e 2009 fixéronse importantes investimentos no aeródromo de Rozas por parte da Cámara de Comercio de Lugo,[3] como o peche perimetral da pista e a reforma da terminal pretendendo converter a Rozas nun aeroporto de carga que tamén dispoña de voos a Madrid e a Barcelona. A pista do aeródromo é de 1200×45m, pista de tamaño semellante ás que dispoñen aeroportos como o de Sligo (Irlanda) ou o de Santos Dumont (Brasil), suficiente para avións de até 50-70 prazas turbohélices.

No ano 1949 o aeródromo de Rozas foi o aeroporto central de Galicia, esta situación mantívose durante dous anos, mentres se levaba a cabo a construción do aeroporto de Santiago de Compostela.

A Compañía Iberia usou esta pista durante dous anos.[2]

Notas

  1. Centros de Vo a Vela: Rozas
  2. 2,0 2,1 O aeródromo de Rozas
  3. "El aeródromo lucense de Rozas quiere reemprender el vuelo", artigo en El Correo Gallego, 3 de novembro de 2008 (en castelán).

Véxase tamén

Outros artigos

Ligazóns externas

Aeroportos de Galicia

Esta é unha lista de aeroportos en Galicia, clasificados por localización.

Lugo

Lugo é unha cidade e concello de Galicia, capital da provincia de Lugo e da comarca homónima. Fundada no ano 25 a.C. por Paulo Fabio Máximo, é unha cidade de orixe romana e a máis antiga de Galicia. Construída nas proximidades dun castro, na época romana recibiu o nome de Lucus Augusti. Son testemuña dos seus primeiros anos de historia os numerosos restos romanos, moitos deles conservados no Museo Provincial, e sobre todo a Muralla Romana, única no mundo que conserva todo o seu perímetro e declarada Patrimonio da Humanidade no ano 2000.

Ao longo da súa historia ocorreron tanto épocas de abandono como importantes momentos na historia do país, dende a xuntanza no ano 842 dun grande exército galego para conquistar Oviedo e entronizar a Ramiro I como primeiro rei da dinastía galega, ata o pronunciamento do Coronel Miguel Solís, que daría comezo á Revolución Galega de 1846.

Xeograficamente, a cidade atópase situada nun outeiro, nas terras do Alto Miño, e circundada polo propio río Miño, ademais doutros máis pequenos como o Mera. O concello, incluído na Reserva da Biosfera "Terras do Miño", é o segundo máis extenso de Galicia, e no que no ano 2014 habitaban 98.560 persoas, o que supón que sexa o cuarto de Galicia en poboación despois de Vigo, A Coruña e Ourense.

O xentilicio dos habitantes é lucense ou tamén lugués. Lugo é unha cidade comercial e de servizos, cun campus universitario especializado en Ciencias Agrarias (Veterinaria, Montes...). Destacan tamén as populosas festas realizadas na cidade como o Arde Lucus, que relembra o pasado romano e castrexo da cidade, e o San Froilán, que cada ano atrae á cidade do 4 ao 12 de outubro a máis dun millón de visitantes.

Mondriz, Castro de Rei

Santiago de Mondriz é unha parroquia que se localiza no concello de Castro de Rei. Segundo o IGE en 2014 tiña 94 habitantes (46 homes e 48 mulleres), seis menos ca en 2004 (54 mulleres e 46 homes) e dez menos ca en 1999. Ten sete entidades de poboación

Nesta parroquia están situados os edificios do aeródromo de Rozas.

Provincia de Lugo

Lugo é unha das catro provincias de Galicia creadas por Javier de Burgos en 1833. É a meirande provincia galega e a de menor poboación relativa.

Limita ó norte co mar Cantábrico, ó oeste coa provincia da Coruña e a de Pontevedra, ó sur coa provincia de Ourense e ó leste co Principado de Asturias e a provincia de León, pertencente a Castela e León. A súa capital e a cidade máis poboada é Lugo, sendo a segunda cidade en poboación Monforte de Lemos, seguida de Viveiro, Vilalba, Sarria, Ribadeo, Foz, Burela e Chantada.

Aínda que é a maior das provincias galegas, é a terceira en número de habitantes, con 339 386 habitantes en 2015, tras A Coruña e Pontevedra.

Torres de Arneiro

As chamadas Torres de Arneiro foron montadas en Arneiro e Momán, no concello lucense de Cospeito, comarca da Terra Chá, tras finalizar a guerra civil española. Trouxéronas desmontadas por pezas en camións desde Alemaña en 1942 xa que o material foi fabricado por C. Lorenz AG.

Federación
Campos de voo
Aeroliñas comerciais
operando en Galicia
Accidentes
Eventos anuais

Outras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.