AC-14

A AC-14 ou Autovía de acceso á Coruña, é unha autovía urbana da cidade da Coruña. Cunha lonxitude de preto de 10 quilómetros conecta a autovía A-6 á altura da parroquia de Sésamo[1] en Culleredo coa avenida de Enrique Salgado Torres na zona das Lonzas, na Coruña.

A finalidade da súa construción foi a de descargar de tráfico a entrada e saída da cidade pola Avenida Alfonso Molina, proporcionando xunto coa autoestrada V-1.4 (tamén chamada Ronda do Deportivo da Coruña) a posibilidade de acceder e saír da cidade a través doutras avenidas. A dous quilómetros do seu fin en Lonzas, a AC-14 bifúrcase coa Ronda do Deportivo da Coruña coa que se pode entrar na cidade pola rúa Manuel Murguía ou pola Avenida de Arteixo. A AC-14 tamén ofrece a posibilidade de chegar á Avenida Alfonso Molina (AC-11) a través da súa última saída cara á Ronda de San Cristovo ou AC-10.

A autovía AC-14 permite ademais acceder ao aeroporto xa que conta no treito Ledoño-A Zapateira cun ramal de case 3 quilómetros, denominado AC-14AL que conduce directamente á terminal do Aeroporto de Alvedro, e permite posteriormente conectar coa estrada nacional N-550[2].

AC-14
Autovía de acceso á Coruña
Viadutos AC-14 no Polígono de Pocomaco A Coruña
Vista dos viadutos da AC-14 e da V-1.4 na súa bifurcación en Mesoiro, á altura do polígono Pocomaco.
TipoloxíaAutovía
RedeRede de estradas do Estado
LonxitudeAC-14 e AC-14AL suman 13 km
Localización
InicioSésamo  A-6 
FinAs Lonzas, A Coruña
(Avenida de Enrique Salgado Torres)

Construción e inauguración

O proxecto de construción da AC-14 ten a súa orixe nun acordo subscrito no ano 2000 entre os que daquela eran alcalde da Coruña Francisco Vázquez e Conselleiro de Ordenación do Territorio e Obras Públicas Xosé Cuíña[3]. Habitualmente a obra foi coñecida no seu conxunto polo nome de Terceira Ronda, e finalmente se materializou na construción por parte do Ministerio de Fomento dunha autovía (AC-14) de acceso á cidade dende a A-6 até Lonzas, xunto coa construción por parte da Xunta de Galicia doutra autovía de circunvalación entre a AC-14 e a rotonda do Pavo Real, no cruzamento da Ronda de Outeiro e a rúa Manuel Murguía.

A primeira pedra dos dous treitos que conforman a AC-14 foi posta no ano 2006, sendo alcalde da Coruña Javier Losada[3]. O primeiro treito inaugurado foi o que vai dende a A-6 ata A Zapateira, que se puxo en servizo en abril do ano 2011[2]. Daquela agardábase que estivese totalmente operativa a finais de 2013[4], máis finalmente o tramo Lonzas-A Zapateira foi inaugurado en marzo de 2015[3], a falta de rematar un par de conexións, e sendo alcalde Carlos Negreira. O custo total conxunto da AC-14 e a V-1.4 foi de máis de 250 millóns de euros[3].

Conexións da AC-14

Tramos "Lonzas - A Zapateira" e "A Zapateira - Ledoño"

Número de Saída Nome de Saída, Túnel ou Viaduto Estrada que liga
Spain traffic signal s1.svg 0 Catro Camiños Avenida Salgado Torres
Spain traffic signal s1.png Viaduto As Lonzas, 445m
Sinnbild Autobahnausfahrt.svg 1 Avenida Alfonso Molina
Polígono de Agrela
AC-10
Spain traffic signal s1.png Viaduto Pocomaco, 430m
Sinnbild Autobahnausfahrt.svg 2
(en sentido Ledoño)
Mesoiro
Feáns
Polígono Pocomaco
Campus de Elviña
DP-0512
Sinnbild Autobahnausfahrt.svg 2A
(en sentido A Coruña)
Mesoiro
Feáns
Pocomaco
Campus Elviña
DP-0512
Spain traffic signal s1.png Viaduto Mesoiro, 105m
Sinnbild Autobahnausfahrt.svg 2B
(en sentido A Coruña)
Riazor
Paseo marítimo
A Grela-Bens
V-1.4
Sinnbild Autobahnausfahrt.svg 3 A Zapateira
Campus A Zapateira
Vilaboa
DP-3006
Spain traffic signal s5.svg Spain traffic signal r301-100.svg Túnel Rias Altas 1, 200m
Spain traffic signal s5.svg Spain traffic signal r301-100.svg Túnel Rias Altas 2, 300m
Spain traffic signal s1.png Viaduto Rego de Castro, 200m
Spain traffic signal s5.svg Spain traffic signal r301-100.svg Túnel da Zapateira, 54m
Spain traffic signal s1.png Viaduto Rego de Trabe, 100m
Sinnbild Autobahnausfahrt.svg 7 Pictograms-nps-airport.svg Aeroporto de Alvedro AC-14AL
DP-0510
DP-3109
Spain traffic signal s5.svg Spain traffic signal r301-90.svg A Garrocha, 140m
Spain traffic signal s2.png Spain traffic signal p4.svg Spain traffic signal r301-80.svg Lugo
Madrid
Santiago
Ledoño
Arteixo
Carballo
A-6
AC-523
DP-3109

Notas

  1. Descarga de información xeográfica Instituto de Estudos do Territorio, Xunta de Galicia. Consultado o 17/08/2015.
  2. 2,0 2,1 Entra en servicio el tramo entre A Zapateira y Ledoño de la tercera ronda de A Coruña www.lavozdegalicia.es, 14/04/2011 (en castelán).
  3. 3,0 3,1 3,2 3,3 La tercera ronda abre a la circulación casi completa 15 años después de ser concebida www.laopinioncoruna.es, 15/03/2015 (en castelán).
  4. O alcalde da Coruña espera que a Terceira Rolda estea completamente operativa o último trimestre de 2013.

Véxase tamén

Outros artigos

AC-10

A AC-10 é unha estrada nacional urbana da cidade da Coruña. Ten unha lonxitude duns 1,670 km dos que os 840 primeiros metros son de vía convencional e os 830 restantes multicarril. Conecta o porto da Coruña coa AC-11 e coa AC-12.

Unha parte da vía recibe o nome de Rolda de Camilo José Cela.

Avenida de Enrique Salgado Torres

A Avenida de Enrique Salgado Torres é un dos principais accesos á Coruña. Dende 1971 leva o nome de Enrique Salgado Torres, antigo director xeral de Vivenda do Ministerio de Vivenda de España nos anos 60, principal impulsor desta vía e dos barrios que a rodean.

Orixinariamente púxose en servizo como vía de alta capacidade para conectar o porto da Coruña e a N-VI co florecente polígono industrial A Grela - Bens e a AC-552. O seu firme caracterízase por ser de placas de formigón, habitual nese tipo de vías construídas por esa época.Coa posta en servizo da AC-10 a Avenida de Salgado Torres foi perdendo tráfico, especialmente pesado, até que en 2015 abriu o enlace da avenida coa AC-14 que a converteu nunha vía de entrada á cidade.O 15 de xuño de 2016 púxose en funcionamento unha rotonda entre o túnel e a conexión coa AC-14 que permite liberdade de xiros para os vehículos con orixe ou destino a 2ª fase do polígono de Elviña e a estación de tren de San Cristovo.

Monte da Zapateira

A Zapateira é un monte de 236 metros de altitude, no límite dos concellos da Coruña, Culleredo e Arteixo.

N-525

A N-525 é unha estrada nacional que comeza en Benavente e remata en Santiago de Compostela, atravesando no seu percorrido poboacións como Pobra de Seabra, Verín, Xinzo de Limia, Ourense e Lalín entre outras.

N-536

A N-536 é unha estrada nacional que vai desde Ponferrada até Arcos (Vilamartín de Valdeorras). A nomenclatura actual desta vía, así como do resto das estradas nacionais de España, estableceuse no cuarto plan xeral de estradas de 1939-41 (Plan Peña).

N-540

A N-540 é unha estrada nacional, que vai de Lugo a Ourense. A nomenclatura actual desta vía, así como do resto das estradas nacionais de España, estableceuse no cuarto plan xeral de estradas de 1939-41 (Plan Peña).

N-541

A N-541 é unha estrada nacional que vai desde Ourense ata Pontevedra. A nomenclatura actual desta vía, así como do resto das estradas nacionais de España, estableceuse no cuarto plan xeral de estradas de 1939-41 (Plan Peña).

N-542

A N-542 é unha estrada nacional multicarril de lonxitude inferior a un quilómetro que serve para aumentar a capacidade da N-120 na altura do barrio do Pino, en Ourense.

N-544

A N-544 é unha estrada nacional convencional que conecta a N-525 coa N-120, circunvalando a cidade de Ourense polo leste. Ten 1,81 km de lonxitude e caracterízase polo viaduto que salva o río Miño á altura do encoro de Velle.

N-555

A N-555 é unha estrada nacional que vai desde Redondela até o aeroporto de Peinador.

N-559

A N-559 ou Conexión A-52 / N-120 é unha estrada nacional convencional que conecta a A-52 coa N-120 no limiar entre as comarcas do Condado e a da Paradanta. Atravesa os concellos das Neves, A Cañiza, Mondariz e Covelo, cun percorrido de 5,61 quilómetros.

N-640

A N-640 é unha estrada nacional, que nace na N-634 para atravesar Galicia ao longo de 228 km, desde Castropol (Asturias) até Vilagarcía de Arousa. A nomenclatura desta vía, así como do resto das estradas nacionais de España, estableceuse no cuarto plan xeral de estradas de 1939-41 (Plan Peña).

Pasa pola Pontenova, Meira, Lugo, Monterroso, Agolada, Lalín, Silleda, A Estrada, Cuntis e Caldas de Reis. Comparte parte do seu camiño coa estrada N-540 (entre Lugo e Guntín) e coa N-525 (entre Lalín e Chapa).

Á súa entrada en Galicia ten lugar o inicio da N-642. Asemade, en Santiso de Abres, volve entrar en Asturias.

N-642

A estrada nacional N-642 é unha vía de 50 km que vai desde Ribadeo até San Cibrao (Lieiro).

N-655

A N-655 ou Acceso ao porto exterior de Ferrol é unha estrada nacional que conecta a FE-12, da Rede de estradas do Estado, co porto exterior de Ferrol, ademais doutras vías intermedias como a AC-116 e a AG-64.

N-VI

A N-VI, coñecida tamén como Estrada da Coruña, é unha estrada radial española que une as cidades de Madrid e A Coruña, pasando por San Rafael, Tordesillas, Benavente, Astorga, Ponferrada e Lugo, entre outras.

A nomenclatura actual desta vía, así como do resto das estradas nacionais de España, estableceuse no cuarto plan xeral de estradas de 1940 (Plan Peña). A N-VI foi desdobrada en autovía A-6 desde o seu nacemento en Moncloa ata Collado Villalba, e no tramo entre Adanero e Benavente. No tramo entre Guadarrama e Adanero o seu itinerario é o alternativo á autoestrada de peaxe AP-6 polo Porto dos Leóns e a localidade segoviana de San Rafael. Tampouco foi desdobrada no tramo entre Benavente e Nadela. Foi desdobrada entre as localidades de Nadela e Lugo pasando a denominarse LU-11, e entre Lugo e o fin do seu límite municipal, ademais de desde San Pedro de Nós á Coruña onde pasa a denominarse AC-12.

No ano 2012 estreouse a película N-VI, do director compostelán Pela del Álamo.

OU-11

A OU-11 ou Autovía centro de Ourense é unha vía interurbana con dobre carril de máis de 4 km de lonxitude que conecta a A-52 co barrio do Couto, o centro de Ourense e a N-120 e a súa futura autovía, a A-76. Axuda a desconxestionar as entradas á cidade desde a A-52, xa que Ourense unicamente dispuña de dous accesos: ao sur, por San Cibrao das Viñas, que requiría un percorrido de 6 km por estrada nacional; e un acceso norte, que tamén se atopaba a máis de 6 quilómetros do centro da cidade; e crea un viario que une os dous extremos da autovía periférica de Ourense, a OU-30, formada pola A-52, A-76 e A-56. Este acceso arrinca desde o seminario maior e descende mediante un complexo viaduto de case 2 quilómetros ata enlazar nunha glorieta co acceso a Ourense, continuado polo antiga trazado da N-120 (Vigo-Logroño) ata chegar á pasarela de circunvalación, onde se une á A-76 no tramo que esta forma parte da circunvalación.

Ronda do Real Club Deportivo de La Coruña

A Ronda do Real Club Deportivo de La Coruña é o nome co que o Concello da Coruña bautizou a vía de alta capacidade dependente da Xunta de Galicia V-1.4 (V-14 segundo a sinalización viaria do Ministerio de Fomento), que constitúe a terceira ronda da cidade. A V-1.4 é na práctica unha autoestrada de circunvalación que une a zona de Riazor coa AC-14, construída simultaneamente polo Ministerio de Fomento como parte do proxecto da terceira ronda.

A Ronda do Real Club Deportivo de La Coruña sae da rotonda do Pavo Real, na confluencia da Rúa de Manuel Murguía coa Ronda de Outeiro, atravesa os lugares de San Pedro de Visma, Penamoa, o polígono da Agrela, pasa ao carón do centro comercial Marineda City e desemboca na AC-14 á altura de Mesoiro, xunto a Pocomaco tras pasar polo lugar das Rañas. Posteriormente a AC-14 pasa pola Zapateira, e intérnase no concello de Culleredo permitindo a conexión co aeroporto de Alvedro e coa autoestrada A-6.

O tramo de tres quilómetros que une Manuel Murguía co polígono da Agrela foi inaugurado oficialmente o 27 de decembro de 2011, mentres que a súa continuación que conecta coa AC-14 inaugurouse o 14 de marzo de 2015 ao mesmo tempo que se completaban as obras nesta última.

SC-20

A SC-20 é unha estrada multicarril que circunvala polo leste a cidade de Santiago de Compostela. Discorre en paralelo á AP-9 e foi a antiga N-550. No trascurso da súa vida foi mellorada, como no túnel do Hórreo.

V-18

O Viario 18 ou Conexión da autovía AC-14 coa autoestrada de peaxe AP-9, é unha vía de alta capacidade en proxecto que suporía unha alternativa para desconxestionar o tráfico existente entre a AC-11 e a AP-9.

España Rede de Estradas do Estado en Galicia Galicia
Rede interurbana
Rede urbana

Outras linguas

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.