青銅器時代

青銅時代係話人類開始曉得發明同到啷使用青銅嗰一隻時代。

史前時代
全新世 鐵器時代 原始史時期
  青銅時代晚期  
  青銅時代中期
  青銅時代初期
青銅時代
    紅銅時代    
  新石器時代 史前史
中石器時代
更新世     舊石器時代晚期  
    舊石器時代中期
    舊石器時代初期
  舊石器時代
石器時代
Collier de Penne
青銅器時代 - Muséum de Toulouse

別嗰條目

江西史嗰重要事一覽

江西史嗰重要事一覽係話江西嗰歷史上重要嗰事揸得佢俚發生早晏嗰順序排正嗰一隻列表。

江西嗰人口史

江西嗰人口史係話江西到公元2年嗰頭回人口普查起,一徑到今下嗰人口變化歷史。

江西嗰官制

江西嗰官制係話江西到近代以前嗰各級統治機關嗰歷史制度。

江西嗰新石器文化

江西嗰新石器文化係話江西到新石器時期(4000年到5000年前)嗰古代文化。箇時間嗰江西社會經濟開始飛快發展,人口大量增加,全贛形成非常多嗰居民聚落。而今攏共發現五六十隻新石器時期文化遺址,主要分佈到樟樹、萬年、修水、九江、南昌、進賢、鄱陽、武寧、萬載、雩都、宜豐、高安、奉新、臨川、景德鎮、萍鄉、永豐箇些地方,相對集中嗰哈係贛北地區。

江西嗰新石器文化出土哩大量嗰石器、骨器、蚌器、陶器、穀等,箇滴出土文物到全世界都係非常古早嗰。

江西嗰舊石器文化

江西嗰舊石器文化係話江西到舊石器時期嗰古代文化。而今,江西嗰舊石器文化(40萬~20萬年以前)大體表現都係南方典型嗰礫石石器工業傳統。江西嗰舊石器文化分得成「洞穴型」同到「平原型」兩種。

江西嗰首隻係樂平嗰湧山岩遺址,出土哩多塊舊石器時期嗰石頭。接到20世紀80年代又發現哩安義嗰龍津鎮遺址同到新喻嗰袁河遺址。箇兩隻遺址都出土哩蠻多嗰刮削器,石球,手斧等,咁就證明40萬到20萬年前舊石器時代嗰江西人嗰生活方式係以狩獵為主。萍鄉嗰竹園山遺址同到萬年嗰吊桶環遺址嗰下層嗰時代就蠻晏嘍,都係舊石器時代嗰晚期。末後,萬年吊桶環遺址嗰中層同到仙人洞遺址嗰下層就歸中石器時代嘍。

江西嗰行政規劃史

江西嗰行政規劃史係話由漢朝嗰豫章「十八縣」做起頭,到宋朝後嗰贛鄱「十三州(路、府)」最終定型,一徑到箇下嗰「11市(級)99縣(級)」,箇兩千喇年嗰時間裡頭江西嗰行政規劃嗰轉變更動。

江西嗰貨幣史

江西嗰貨幣史係話江西有史以來嗰流動貨幣鑄造、使用嗰歷史。

江西到漢代嗰豫章郡之前嗰史料記載少傷嘍。前後拕越、吳、楚管得嗰江西到上古時代應該用嗰係各國嗰貨幣。

江西嗰軍事史

江西嗰軍事史係話江西從古時間到今下嗰軍事歷史。

江西嗰鐵器文化

江西嗰鐵器文化係話江西到鐵器時期嗰古代文化。江西最晏到2500年前就進入哩鐵器時代,贛江嗰中下游都尋到哩蠻多箇隻時期嗰鐵器。箇時間嗰鐵器主要應用到農業當中,咁也就係話許時間江西農業高度發展。箇係因為鐵器嗰耐用性、硬度、鍛造方式、原料儲量都要優過銅器。

『鐵器形式』:

軍事兵器:劍、戟、刀、矛、匕首等

農業用具:钁、鍤、鋤、鐮、鏟等

生活用具:斧、錘、釡、燈、鑊、盆等

江西嗰青銅文化

江西嗰青銅文化係話江西到青銅時期(2000年到4000年前)嗰古代文化。箇隻時間嗰江西經濟文化已經發展得非常先進,佢俚到世界、到中國、到江南都係相當喫價嗰,故係咁江西就有「青銅王國」嗰話法。

眼下江西嗰青銅文化遺址攏共發現哩三百多隻地方,分布到全贛嗰四十多隻市縣,有代表性個就像瑞昌嗰銅嶺銅礦遺址、樟樹嗰吳城遺址、鷹潭嗰角山窯址、新淦嗰大洋洲遺址等等。

別嗰話

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.