百科全書

百科全書係人類對某隻領域或全部領域嗰知識嗰總結,咁寫出來嗰一種工具書。

明朝時間,宋應星寫嗰《天工開物》就係本好有名嗰百科全書。

Chongbian Riyong Baike Quanshu 1934
《重編日用百科全書》,1934年,上海商務印書館。
中國嗰歷史

有話法中國係四大文明古國之一。到今吖為止全中國境內尋得到嗰最早古人類遺址,起碼有170萬年前咁久遠。中國歷史拕分做幾隻階段。通常當搦夏、商、周三隻朝代做奴隸社會時期,由秦朝到清朝就叫做封建社會時期,末後就係民國時期。

天工開物

《天工開物》係宋應星到1637年5月正式出版嗰一本百科全書。箇本書含到非常闊嗰範圍嗰科學知識,像各種嗰火藥武器等。但等到清朝嗰時間,官府壟斷《天工開物》裡頭嗰蠻多嗰技術,故係箇本書嗰清朝印本冇有幾多,戲得佢嗰原本哈拕保留到日本。

宋應星

宋應星(1587年—1666年?),字長庚,南昌府奉新縣北鄉雅溪牌坊村(今下嗰宋埠鄉牌樓村)人。佢係明朝好有名嗰科學家。佢寫嗰《天工開物》箇本17世紀嗰百科全書容得許時間大量嗰科學技術門類,裡頭就有火藥武器箇滴子尖端武器、技術嗰介紹。佢到歷史上舞出嗰巨大成就,𠵹佢有時間會拕人跟法國嗰科學家狄德羅比得一起,話宋應星係「中國嗰狄德羅」。

尹致昊

尹致昊(朝鮮語:윤치호

,1864年12月26號-1945年12月9號),字聖欽(성흠),成欽(성흠),號佐翁(좌옹),係韓國嗰政治家、獨立運動家、民權運動家、敎育家、思想家、懷疑論者。佢係獨立協會·獨立新門嗰領導人,韓國基督敎監理宗嗰宣敎傳播功獻者。 韓國係4任總統尹潽善嗰叔。

江西

江西,簡稱叫贛。叫佢「江西」許係因為733年唐玄宗到箇裏設「江南西道」。江西位到長江中下游嗰南首,佢嗰省會係南昌。

物理學

物理學簡稱叫物理。歐洲「物理」箇隻詞最先出自希臘文嗰φυσικός,本意係指自然。古時間歐洲人叫物理學為「自然哲學」。漢語、日語中嗰「物理」源自明末清初嗰科學家方以智嗰百科全書式著作《物理小識》。在物理學嗰領域裏,研究嗰係宇宙嗰基本組成要素:物質、能量、空間、時間跟佢們嗰相互作用;通過拕分析嗰基本定律跟規則來完全瞭解箇隻系統。到今吖,物理學已經係自然科學嗰最基礎嗰學科之一。物理學理論經常用數學嗰形式表達。經過大量嚴格嗰實驗驗證嗰物理學規律拕叫做物理學定律。而且箇些定律不能拕證明,佢嗰正確性只能係經過反覆嗰實驗來檢驗。

物理學還跟好多別嗰自然科學連得很緊,比如話化學、生物、天文跟地質等。尤其係化學。化學跟某些物理學領域嗰關係深遠,比如話量子力學、熱力學和電磁學。

狄德羅

狄德羅(Denis Diderot,1713年10月5號—1784年7月31號)係法國嗰一只好有名嗰作家、思想家、百科全書家。佢最有名嗰著作係佢嗰《百科全書》(Encyclopédie,全名係Encyclopédie, ou dictionnaire raisonné des sciences, des arts et des métiers)。

發現之旅

《發現之旅》(法語:Découvertes Gallimard

,中譯本別名:Voyage D’exploration

)係套收納超過700冊書籍(含番外)嗰袋裝百科全書式叢書,佢到1986年拕加利瑪出版社到法國出版,首冊主題係古埃及。箇套叢書以其豐富嗰彩色插圖拕喊做「圖像閱讀書籍」,內容包到歷史、考古、宗教、音樂、美術、科學等各類。

臺灣時報文化自1994年起頭回刊行中譯本,歷時11年,合計出版81冊。上海書店出版社於1998年首次推出簡體字譯本,後有上海譯文出版社、漢語大詞典出版社、上海教育出版社、上海人民出版社、吉林出版集團陸續推出,合計出吥94冊同到番外6冊。

維基百科

維基百科(Wikipedia)係隻基於Wiki技術嗰百科全書協作計劃,也係部用搦多種語言寫嗰百科全書,佢嗰目標靠宗旨係為得地球上嗰每隻人提供自由嗰百科全書——搦佢自家嗰語言書寫嗰,全世界知識嗰總和。

維基百科全書,係2001年1月15號正式成立嗰,維基媒體基金會負責維持,一徑到2007年九月,維基百科文章數第一嗰「英文維基百科」[1]已經有180萬篇文章,攏共253種語言嗰版本一共超吥750萬篇文。

黄现璠

黄现璠(1899年11月13號—1982年1月18號),頭先係叫甘錦英,後背改嗰名。祖籍廣西省新寧州六都渠思村(今下嗰廣西壯族自治區崇左市扶綏縣渠舊鎮三合村渠思屯),係壯族人 。佢係隻中國好有名嗰歷史學家、人類學家同到民族學家。拕後人廣泛認為係壯族歷史之父。佢有名嗰著作有《廣西僮族簡史》同嘚《壯族通史》。

別嗰話

This page is based on a Wikipedia article written by authors (here).
Text is available under the CC BY-SA 3.0 license; additional terms may apply.
Images, videos and audio are available under their respective licenses.